01 اگست 2023ء   کو سابقہ سالوں کی طرح اس سال بھی دعوتِ اسلامی اپنے نعرہ ’’پودا لگانا ہے درخت بنانا ہے‘‘ کو پورا کرنے کے سلسلے میں مون سون 2023 ء کی شجرکاری مہم کا آغاز کرچکی ہے۔

دعوتِ اسلامی کے تحت اگست میں پورا ماہ شجرکاری منایا جائے گا جس میں مختلف مقامات پر پودے اور درخت لگائے جائیں گے۔ شعبہ ایف، جی آر ،ایف کے تحت 01 اگست 2023ء کو پلانٹیشن ڈے کے موقع پر وفاقی دارالحکومت اسلام آباد کے سیکٹر ایف نائن پارک میں رکن ِ شوریٰ حاجی وقار المدینہ عطاری نے شخصیات کے ہمراہ شجر کاری کی ۔

اس موقع پر پارک میں پلانٹیشن کیمپ بھی لگایا گیا جس میں شخصیات( چیئرمین کیپیٹل ڈویلپمنٹ اتھارٹی اسلام آباد ، کمشنر اسلام آباد نور الامین مینگل، سابق ایم پی اے سید ضیاءاللہ ، پولیس انتظامیہ چیئرمین سی ڈی اے لیبر یونین اظہار عباسی، چیئرمین سی ڈی اے،راجہ جبران علی، راجہ ہمائل، منیر احمد، ڈائریکٹر انوائرنمنٹ cda،ملک ایوب، تاجرپروفیسر احسان الحق،پروفیسر قاضی نبیل،پروفیسر ڈاکٹر اشفاق احمد سیاسی اور کاروباری شخصیت) سمیت مارگلہ تھانہ سے پولیس اہلکاروں اور جامعۃ المدینہ بوائز کے طلبہ و اساتذہ ٔ کرام نے شرکت کی۔

شخصیات نے امیر اہل سنت دامت برکاتہم العالیہ اور دعوت اسلامی کے اقدامات پر خراج تحسین پیش کرتے ہوئے اچھے خیالات کا اظہار کیا جبکہ رکنِ شوریٰ نے وہاں موجود افراد کو درختوں اور پودوں کے فوائد پر معلومات فراہم کیں۔ ( کانٹینٹ: رمضان رضا عطاری)

دعوتِ اسلامی کےزیرِ اہتمام سندھ  کے شہر موروں میں فیضانِ قرآن جامعۃ المدینہ گرلز کا سنگ بنیاد رکھاگیا ۔

اس موقع پر مرکزی مجلس شوریٰ کے رکن حاجی قاری محمد ایاز عطاری نے شعبہ خدام المساجد و المدارس سمیت دیگر اسلامی بھائیوں کے ہمرا ہ اس جگہ کا دورہ کیا اور جامعۃ المدینہ گرلز فیضان قرآن کی تعمیری کاموں کے لئے عمارت میں سنگِ بنیاد رکھا ۔

٭بعدازاں رکنِ شوریٰ نے شعبہ خدام المساجد و المدارس کے تحت موروں کے علاقے سبزی منڈی میں مسجد کے لئے خریدے گئے پلاٹ کا دورہ کیا اور وہاں سنگ بنیاد رکھا نیز امیر اہلِ سنت دامت برکاتہم العالیہ کے فرمان پر اس جگہ کا نام ’’ فیضانِ قرآن مسجد ‘‘رکھا۔ ( کانٹینٹ: رمضان رضا عطاری)

بڑی عمر کی اسلامی بہنوں کے لئے دعوتِ اسلامی نے شعبہ مدرسۃالمدینہ بالغات قائم کیا ہے جس کا مقصد پاکستان سمیت دیگر مختلف ممالک میں بڑی عمر کی اسلامی بہنوں کو صحیح تلفظ کےساتھ قراٰنِ پاک پڑھانا ہے۔

گزشتہ روز شعبہ مدرسۃالمدینہ بالغات دعوتِ اسلامی کے دینی کاموں کے حوالے سے کینیا کی ذمہ دار اسلامی بہنوں کا مدنی مشورہ ہوا جس میں مختلف اہم نکات پر تبادلۂ خیال کیا گیا۔

دعوتِ اسلامی کے زیرِ اہتمام اسلام آباد G-11 میں ڈویژن راولپنڈی کے تمام زون کی UC نگران تک کی اسلامی بہنوں کا مدنی مشورہ ہوا جس میں اسلامی بہنوں کے دینی کاموں میں درپیش مختلف مسائل اور اُن کے حل پر گفتگو کی گئی۔

معلومات کے مطابق نگرانِ عالمی مجلسِ مشاورت اسلامی بہن نے مختلف امور پر اسلامی بہنوں کی تربیت و رہنمائی کرتے ہوئے انہیں گناہوں سے بچنے، اخلاص کے ساتھ دعوتِ اسلامی کے دینی کام کرنے اور اپنے نگران کی اطاعت کرنے کا ذہن دیا۔

پاکستان کے دارالحکومت اسلام آباد میں واقع سیکٹر  I-8میں پچھلے دنوں دعوتِ اسلامی کے تحت پاکستان نگران کے سفرِ شیڈول اور کشمیر و اسلام آبادمیں ہونے والے دینی کاموں کے متعلق مدنی مشورہ ہوا جس میں نگرانِ پاکستان مجلسِ مشاورت، نگرانِ پنجاب اور نگرانِ اسلام آباد سٹی اسلامی بہنوں کی شرکت ہوئی۔

وفاقی دارالحکومت اسلام آباد کے زون 1 میں قائم دعوتِ اسلامی کے جامعۃالمدینہ گرلز میں اسلامی بہنوں کے ہفتہ وار سنتوں بھرے اجتماع کا انعقاد کیا گیا جس میں طالبات سمیت دیگر اسلامی بہنوں نے شرکت کی۔

اجتماع کا آغاز تلاوتِ کلامِ پاک اور نعت شریف سے ہوا جبکہ نگرانِ عالمی مجلسِ مشاورت اسلامی بہن نے ”ٹائم مینجمنٹ“ کے موضوع پر بیان کرتے ہوئے شرکا کو اپنے وقت کی قدر کرنے کا ذہن دیا۔

عاشقانِ رسول کی دینی تحریک دعوتِ اسلامی کے تحت گزشتہ روز مظفر آباد ، کشمیر کے علاقے خواجہ میں نگرانِ عالمی مجلسِ مشاورت اسلامی بہن نے دیگر مقامی ذمہ دار اسلامی بہنوں کے ہمراہ گھر گھر جاکر  خواتین کو نیکی کی دعوت پیش کی۔

معلومات کے مطابق نگرانِ عالمی مجلسِ مشاورت نے بالخصوص اُن خواتین پر انفرادی کوشش کی جو پہلے دعوتِ اسلامی کے سنتوں بھرے اجتماعات میں شرکت کرتی تھیں لیکن اب نہیں کرتیں۔

مظفر آباد، کشمیر کے علاقے خواجہ میں قائم مدرسۃالمدینہ گرلز میں دعوتِ اسلامی کے تحت محفلِ نعت کا اہتمام کیا گیا جس میں قرب و جوار کی اسلامی بہنوں سمیت ذمہ دار اسلامی بہنوں کی بھی شرکت رہی۔

تلاوتِ قراٰن اور نعتِ رسولِ مقبول صلی اللہ علیہ و سلم سے محفل کا آغاز کیا گیا جبکہ نگرانِ عالمی مجلسِ مشاورت اسلامی بہن نے آخرت کی تیاری کے متعلق شرکا اسلامی بہنوں کو مدنی پھول دیئے۔

1اگست 2023ءکو فیضان آن لائن اکیڈمی بوائز  کے تحت اسلام آباد میں شفٹ ناظمین کی ماہانہ میٹنگ منعقد ہوئی جس میں ملک بھر سے شفٹ ناظمین، برانچ ناظمین ،ڈویژن ذمہ داران اور اراکین مجلس نے شرکت کی۔

اس مدنی مشورے میں نگران مجلس فیضان آن لائن اکیڈمی بوائز مولانا یاسر عطاری مدنی اور نگران مجلس فیضان آن لائن اکیڈمی گرلزمولانا سید غلام الیاس عطاری مدنی نے شرکا سے شفٹ ناظمین کے سالانہ اجتماع کے مقام اور دنوں کے متعلق مشاورت کی نیز یوم ِدعوت اسلامی کی بھرپور تیاری ابھی سے شروع کرنے کے حوالے سے تربیت بھی کی۔(رپورٹ: محمد وقار یعقوب مدنی برانچ ناظم فیضان آن لائن اکیڈمی، کانٹینٹ:رمضان رضا عطاری) 

مظفر آباد، کشمیر میں قائم فیضانِ صحابیات میں دعوتِ اسلامی کے تحت ذمہ داران کا مدنی مشورہ ہوا جس میں جہلم ویلی اور اطراف کی اسلامی بہنوں نے شرکت کی۔

اس موقع پر دعوتِ اسلامی کی نگرانِ عالمی مجلسِ مشاورت اسلامی بہن نے اسلامی بہنوں کے درمیان مختلف ذمہ داریاں تقسیم کیں اور انہیں استقامت کے ساتھ دعوتِ اسلامی کے دینی کام کرنے کی ترغیب دلائی۔

دینِ اسلام کی تعلیمات عام کرنے والی عاشقانِ رسول کی دینی تحریک دعوت اسلامی  کے شعبہ فیضان آن لائن اکیڈمی گرلز کے زیرِ اہتمام اسلام آباد برانچ میں ماہانہ میٹنگ منعقد ہوئی جس میں شعبے کے اراکینِ مجلس نے شرکت کی ۔

نگران مجلس غلام الیاس عطاری مدنی نے فیضان آن لائن اکیڈمی گرلز ڈیپارٹمنٹ کے موجودہ مسائل اور ان کے حل پر گفتگو کی اور نظام کو مزید بہتر بنانے کے لئے نئے نکات سے آگاہ کرتے ہوئے اہداف دیئے ۔ (رپورٹ: محمد وقار یعقوب مدنی برانچ ناظم فیضان آن لائن اکیڈمی، کانٹینٹ:رمضان رضا عطاری)

دعوتِ اسلامی کے شعبہ مدنی چینل عام کریں کی جانب سے 30 جولائی 2023ء  کو مدنی مرکز فیضان مدینہ فیصل آباد میں ٹریننگ سیشن منعقد ہوا جس میں تقریباً 300 کے قریب عاشقان رسول نے شرکت کی۔

ٹریننگ سیشن میں نگران مجلس انجم رضا عطاری نے اسلامی بھائیوں کو دعوت اسلامی کی ڈیجیٹل سروسز کا تعارف کروایا اور ان کے استعمال کا طریقہ بتاتے ہوئے ان سے دینی فوائد حاصل کرنے کی ترغیب دلائی۔(رپورٹ :شعبہ مدنی چینل عام کریں، کانٹینٹ:رمضان رضا عطاری)