دعوتِ اسلامی کے زیرِ اہتمام پچھلے دنوں حضرت سیدنا نور علی شاہ المعروف نوری شاہ علیہ الرحمہ کے سالانہ عرس کے موقع پر مزار شریف میں سیکھنے سکھانے کے حلقےکا انعقاد کیا گیا جس میں مدرس کورس کے اسلامی بھائی سمیت شعبہ مزاراتِ اولیاء کے ذمہ داران نے شرکت کی۔

اس حلقے میں مبلغِ دعوتِ اسلامی نے سنتوں بھرا بیان کرتے ہوئے وہاں موجود عاشقانِ رسول کی دینی و اخلاقی اعتبار سے تربیت کی اور انہیں دعوتِ اسلامی کے دینی کاموں میں بڑھ چڑھ کر حصہ لینے کا ذہن دیا۔

بعدازاں ذمہ دار اسلامی بھائیوں نے مزار شریف میں قراٰن خوانی کا اہتمام کیا اور مزار انتظامیہ سے ملاقات بھی کی جبکہ مبلغِ دعوتِ اسلامی نے دعا کروائی۔(رپورٹ:شہزاد احمد عطاری شعبہ مزارات اولیاء کراچی سٹی، کانٹینٹ:غیاث الدین عطاری)

دعوتِ اسلامی کے زیرِ اہتمام 21 اگست 2022ء بروز اتوار حضرت علامہ مولانا سیّد شاہ تراب الحق قادری رضوی علیہ الرحمہ کے چھٹے سالانہ عرس کے موقع پر مزار شریف میں فاتحہ خوانی کا انعقاد کیا گیا۔

تفصیلات کے مطابق اس عرس مبارک میں مدرس کورس، شعبہ مدرسۃ المدینہ بوائز کے طلبۂ کرام اور شعبہ مزاراتِ اولیاء کے ذمہ دار اسلامی بھائیوں نے شرکت کی۔

طلبۂ کرام نےدعوتِ اسلامی کے مختلف دینی کاموں میں شرکت کی اور مزار شریف میں قراٰن خوانی کا اہتمام کیا نیز مزار شریف پر حاضری بھی دی جبکہ مبلغِ دعوتِ اسلامی نے آخر میں دعا کروائی۔(رپورٹ:شہزاد احمد عطاری شعبہ مزارات اولیاء کراچی سٹی ، کانٹینٹ:غیاث الدین عطاری)

لوگوں کو دینِ اسلام کی تعلیمات سے آگاہ کرنے اور اُن کی دینی و اخلاقی تربیت کرنے کے ساتھ ساتھ دنیا بھر میں فلاحی کاموں میں حصہ لینے والی عاشقانِ رسول کی دینی تحریک دعوتِ اسلامی کے تحت حالیہ بارشوں کے سبب متأثرین کے درمیان کھانا تقسیم کیا گیا۔

تفصیلات کے مطابق پاکستان کے مختلف شہروں سانگھڑ ڈسٹرکٹ، ٹنڈو آدم، شہدادپور، کھپرو، ورکشاب اور سنجھورو میں ہونے والی حالیہ بارشوں کے سبب پریشان زدہ مسلمانوں کی امداد کے لئے ہزاروں افراد کے درمیان دعوتِ اسلامی کے ذمہ دار اسلامی بھائیوں نے گھر گھر جا کر کھانا تقسیم کیا جس پر لوگوں نے دعوتِ اسلامی کی اس کاوشوں کو سراہا اور دعوتِ اسلامی کے لئے اپنی نیک خواہشات کا اظہار کیا۔اس موقع پر ڈسٹرکٹ نگران سانگھڑ احمدرضا عطاری سمیت دیگر ذمہ دار اسلامی بھائی موجود تھے۔

آپ بھی اس کارِ خیر میں دعوتِ اسلامی کا ساتھ دیں اور پریشان حال مسلمانوں کی امداد کے لئے دعوتِ اسلامی کو ڈونیشن دے کر اپنی آخرت کے لئے ثواب کا ذخیرہ جمع کریں۔(رپورٹ:شعبہ ایف جی آر ایف، کانٹینٹ:غیاث الدین عطاری)

پاکستان کےشہر آزاد جمبو و کشمیر کی تحصیل عباس پور میں شعبہ روحانی علاج دعوتِ اسلامی کے تحت 3 دن پر مشتمل (21، 22 اور 22 اگست2022ء) روحانی علاج کورس کا انعقاد کیا گیا جس میں مختلف ذمہ دار اسلامی بھائیوں کی شرکت رہی۔

دورانِ کورس مبلغِ دعوتِ اسلامی محمد عثمان عطاری نے شرکا کی تربیت کرتے ہوئے تعویذات لکھنے کے حوالے سے اُن کی ذہن سازی کی نیز دم کرنے/کاٹ کرنے کا طریقہ اور اس کی چند ضروری احتیاطیں بیان کیں۔

اس کے علاوہ مبلغِ دعوتِ اسلامی نے کورس میں شریک اسلامی بھائیوں کو شعبے کے دینی کاموں کے متعلق نئی اپڈیٹس سے آگاہ کیا اور 12 دینی کاموں میں عملی طور پر حصہ لینے کا ذہن دیا۔(رپورٹ:سمیر علی آفس ذمہ دار ، کانٹینٹ:غیاث الدین عطاری)

رنگ و نسل میں بلا تفریق احیائے سنت اور دین اسلام کی تعلیمات کو عام کرنے والی عاشقان رسول کی دینی تحریک دعوتِ اسلامی کے زیرِ اہتمام پچھلے دنوں افریقی ملک گیمبیا میں ایک مقامی اسلامی بھائی کے گھر پر سیکھنے سکھانے کا حلقہ لگایا گیا۔

دورانِ حلقہ نگران شعبہ پبلک ریلیشن یوکے حاجی سیّد فضیل رضا عطاری نے سنتوں بھرا بیان کیا اور وہاں موجود اسلامی بھائیوں کی دینی و اخلاقی اعتبار سے تربیت کی۔

مزید نگرانِ شعبہ نے حلقے میں شریک اسلامی بھائیوں کو دعوتِ اسلامی کے دینی ماحول میں رہتے ہوئے اسلامی تعلیمات کے مطابق زندگی گزارنے کا ذہن دیا جس پر انہوں نے اچھی اچھی نیتیں کیں۔(کانٹینٹ:غیاث الدین عطاری)

18 اگست2022ء بروز جمعرات فیضان آن لائن اکیڈمی پاکپتن برانچ کے ہوم اور برانچ کے مدرسین و ذمہ داران کا مدنی مشورہ ہوا۔ رکن مجلس و صوبائی ذمہ دار عامر سلیم عطاری مدنی نے نعمتوں پر رب تعالیٰ کی شکر گزاری کے حوالے سے مدنی پھول پیش کئے اور شعبے کی سابقہ کارکردگی کا جائزہ لیتے ہوئے اچھی کارکردگی پر حوصلہ افزائی کی۔اس موقع پر ساہیوال ڈویژن ذمہ دار محمد نعیم اللہ عطاری مدنی بھی موجود تھے۔ (رپورٹ: محمد وقار یعقوب مدنی برانچ ناظم فیضان آن لائن اکیڈمی، کانٹینٹ:رمضان رضا عطاری)

22 اگست 2022ء بروز پیر شعبہ رابطہ برائے شخصیات کے ذمہ داران کی ڈسٹرکٹ کورنگی میں بہروز خان سے ملاقات ہوئی جس میں مبلغِ دعوتِ اسلامی نے انہیں نیکی کی دعوت دیتے ہوئے ہفتہ وار سنتوں بھرے اجتماع میں شرکت کرنے کی دعوت دی اور مختلف موضوعات پر گفتگو کی۔

اسی طرح ذمہ دار اسلامی بھائیوں نے ماڈل کالونی کے شیڈول کے دوران ڈپٹی ڈائریکٹر صولڈ ویسٹ یاسین خان، اسسٹنٹ ڈپٹی ڈائریکٹر پرویز احمد اور اسٹاف کے دیگر اسلامی بھائیوں سےملاقات کی۔

بعدازاں اسلامی بھائیوں نے پولیس ہیڈ کوارٹر ایسٹ زون میں ایف جی آر ایف کے ذمہ دار محمد فیضان عطاری کو شجرکاری کرنے کے حوالے سے جگہ کا وزٹ کروایا۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

پچھلے  دنوں رابطہ برائے ایگریکلچر اینڈ لائیو اسٹاک ذمہ داران کا میرپورخاص میں مدنی مشورہ منعقد ہوا جس میں شعبے کے معاون اسلامی بھائیوں نے شرکت کی۔

صوبائی ذمہ دار ڈاکٹر امید علی عطاری نے سابقہ کارکردگی پر غور کرتے ہوئے اسلامی بھائیوں کو آئندہ کے اہداف بتائے۔ مشورے کے بعد مختلف پیسٹی سائیڈ دکاندار اور علی ایگرو کمپنی کے BM سے ملاقات کی اور انہیں نیکی کی دعوت پیش کرتے ہوئے ہفتہ وار اجتماع میں آنے اور دینی کاموں میں حصہ لینے کاذہن دیا۔ (رپورٹ: ندیم رضا مدنی ، کانٹینٹ:رمضان رضا عطاری)

دعوتِ اسلامی کے شعبہ رابطہ برائے شخصیات کے تحت حافظ آباد میں  ذمہ دار اسلامی بھائیوں نے دینی کاموں بالخصوص شجرکاری کے سلسلے میں ڈپٹی کمشنر توقیر الیاس چیمہ، ایڈیشنل ڈپٹی کمشنر ریونیو عمر فاروق وڑائچ، اسسٹنٹ کمشنر حافظ آباد رب نواز چدھڑ، ڈسٹرکٹ الیکشن کمشنر آفیسر تنویر احمد، ڈپٹی ڈائریکٹر پنجاب فوڈ اتھارٹی عثمان چیمہ، چیف آفیسر ایم سی شاہد فاروق اور اسسٹنٹ کمشنر پنڈی بھٹیاں منور حسین سے ملاقات کی۔

دورانِ ملاقات ذمہ داران نے انہیں اپنے اپنے دفاتر میں شجرکاری کرنے کا ذہن دیا جبکہ ڈینگی آگاہی مہم کے حوالے سے مدنی مرکز فیضانِ مدینہ کا وزٹ کرنے کی دعوت دی جس پر انہوں نے اپنی نیک خواہشات کا اظہار کرتے ہوئے اچھی اچھی نیتیں کیں۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

17 اگست 2022ء کو نوشہرو فیروز ڈسٹرکٹ میں نیکی کی دعوت کا سلسلہ ہوا جس میں شعبہ ایگریکلچر لائیو اسٹاک کے صوبائی ذمہ دار کا ایڈیشنل ڈائیریکٹرagricultural extension رفیق احمد وسطرو، وٹنری ڈاکٹر صدام خالد اور سویرا اینگرو اور مختلف پیسٹی سائید ڈیلرز سے ملاقات ہوئی ۔

نگران ڈسٹرکٹ جواد عطاری اور عبدالحفیظ عطاری نے شخصیات کو ملک و بیرون ملک ہونے والی دعوت اسلامی کی دینی کاموں کی کاوشوں پر بریفنگ دی اور انہیں ہفتہ وار سنتوں بھرے اجتماع میں شرکت کی دعوت دیتے ہوئے یوم دعوت اسلامی پر مدنی قافلے میں سفر کرنے کی ترغیب دلائی۔ بعد ازاں مدرسۃ المدینہ میں حاضری ہوئی ۔اس موقع پر جواد عطاری نے مدنی منوں کو دعوت اسلامی کے بارے میں بتاتے ہوئے دینی ماحول سے وابستہ رہنے اور مدنی مذاکرہ دیکھنے کی ترغیب دلائی۔(رپورٹ: ڈسٹرکٹ ذمہ دار عبد الحفیظ ، کانٹینٹ:رمضان رضا عطاری)

پچھلے دنوں دعوتِ اسلامی کے تحت شعبہ رابطہ برائے شخصیات کے ذمہ دار اسلامی بھائیوں نے سیالکوٹ میں شجرکاری مناتے ہوئے آر ٹی ایس ڈسٹرکٹ انچارج ظفر شاہد کےہمراہ کر ڈیووں اڈے اور بلال گنج اڈے پر کم و بیش 45 سے زائد پودے لگائے۔

اس دوران مبلغِ دعوتِ اسلامی نے ملک و قوم کی سلامتی کے لئے دعا کروائی اور وہاں موجود اسلامی بھائیوں کو دعوتِ اسلامی کے دینی و فلاحی کاموں کے بارے میں بتایا۔

بعدازاں ذمہ دار ان نے ایس پی انویسٹی گیشن محمد ضیاء سے ملاقات کی اور انہیں دعوتِ اسلامی کے مدنی مرکز فیضانِ مدینہ رنگپورہ میں لگنے والے بلڈ کیمپ کا وزٹ کرنے کی دعوت پیش کی جس پر انہوں نے اچھی اچھی نیتیں کیں۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

دعوت اسلامی کی جانب سے 17 اگست 2022ء مرکزی جا معہ المدینہ شہداد پور ڈسٹرکٹ سانگھڑ میں سیکھنے سکھانے کے حلقے کا انعقاد ہوا جس میں طلبہ، اساتذہ ناظم اور تحصیل نگران اسلامی بھائیوں نے شرکت کی۔

سٹی ذمہ دار ڈاکٹرامید علی عطاری نے اسلامی بھائیوں کو دعوت اسلامی کے شعبہ جات پر معلومات فراہم کیں اور انہیں مدنی قافلے میں سفر کرنے کا ذہن دیتے ہوئے یومِ دعوت اسلامی پر مدنی قافلے میں سفر کرنے کا ذہن دیا جس پر شرکا نے اچھی اچھی نیتوں کا اظہار کیا۔(رپورٹ: ڈسٹرکٹ ذمہ دار عبد الحفیظ ، کانٹینٹ:رمضان رضا عطاری)