اسلامی بہنوں کی مجلس شارٹ کورسز کے زیرِ اہتمام اکتوبر 2020ء میں بریڈ فورڈ  (Bradford)ریجن میں”کورس جنت اور دوزخ کیا ہیں؟“ کے 4 درجے مکمل ہو چکے ہیں جن میں کم و بیش 75 اسلامی بہنوں نے شرکت کی جبکہ 3 درجوں میں ایڈمیشن جاری ہے۔

اسی طرح ”کورس جنت اور دوزخ کیا ہیں؟“ کا 1 درجہ مجلس رابطہ اور شعبہ تعلیم کے تحت شخصيات خواتین کے لئے بھی ہوا جس میں کم و بیش 25 اسلامی بہنوں نے شرکت کی۔

کورس میں شریک اسلامی بہنوں کو جنت و دوزخ کیا ہیں؟، جنت و دوزخ کہاں ہیں؟، کیا جنت و دوزخ پیدا ہو چکی ہیں؟، جنت کی نعمتیں کیسی ہوں گی، دوزخ کا عذاب کیسا ہو گا، جنت و دوزخ کے بارے میں ایک مسلمان کا کیا عقیدہ ہونا چاہیئےجنت ودوزخ میں لے جانے والے اعمال کے بارے میں نیز اس کے علاوہ بھی بہت کچھ جاننے کا موقع فراہم کیا گیا۔

دعوت اسلامی کے شعبہ مدرسۃ المدینہ بالغات کے زیر اہتمام  21 اکتوبر 2020ء سے برمنگھم ریجن بلیک کنٹری کابینہ کے شہر والسال (Walsall) میں 26 دن پر مشتمل ” مدنی قاعدہ کورس“ شروع ہو رہا ہے۔

داخلہ کی خواہش مند اسلامی بہنیں متعلقہ ذمہ دار اسلامی بہن سے رابطہ کریں۔

جوہانسبرگ ساؤتھ افریقہ میں قائم مدنی مرکز فیضان مدینہ میں سالانہ عرس اعلیٰ حضرت کا سلسلہ ہوا جس میںSOP,sپر عمل کرتے ہوئے کثیر تعداد میں عاشقان رسول نے شرکت کی۔ مبلغ دعوت اسلامی نے ”سیرت اعلیٰ حضرت“ پر سنتوں بھرا بیان کیااور شرکا کو اعلیٰ حضرت رحمۃ اللہ علیہ کے کردار کو اپنانے کی ترغیب دلائی۔

دعوت اسلامی کی مجلس خدام المساجد و المدارس بنگلہ دیش کےراج شاہی اور کومیلا زون کے ذمہ داران کا مدنی مشورہ ہوا ۔ رکن شوریٰ حاجی سید لقمان عطاری نے عالمی مدنی مرکز فیضا ن کراچی سے بذریعہ انٹرنیٹ ان اسلامی بھائیوں کی رہنمائی کی۔ رکن شوریٰ نے ذمہ داران سے 2020ء کی اب تک کی کارکردگی پر بھی کلام کیااور ان اسلامی بھائیوں کو آئندہ کے اہداف دیئے۔ رکن شوریٰ نے شرکا کو مخیر حضرات سے مل کر مساجد، مدارس اور مدنی مراکز کی جگہوں کی خریداری کے حوالے سے ترغیب دلانے کا بھی ذہن دیا۔ 

اسلامی  بہنوں کی مجلس رابطہ و شعبہ تعلیم کے زیر اہتمام مجلس رابطہ و شعبہ تعلیم کی عالمی سطح ذمہ دار و رکنِ عالمی مجلس نے عمان کی مجلس رابطہ و شعبہ تعلیم ذمہ دار اسلامی بہنوں کے ساتھ مدنی مشورہ کیا۔

مدنی مشورے میں کارکردگی کا جائزہ لیا گیا اور شعبے کے مدنی کاموں کے حوالے سے مزید تربیت کی گئی نیز مدنی کاموں میں مزید بہتری اور اضافے کے لیے ترغیب بھی دلائی گئی۔

دعوت اسلامی کے زیرِاہتمام یورپین یونین ریجن کے ملک آسٹریا (Austria ) کے شہر ویانا(Vienna) میں بذریعہ اسکائپ سنتوں بھرے اجتماع کا انعقاد کیا گیاجس میں تقریباً 20 مقامی اسلامی بہنوں نے شرکت کی۔

آسڑیا کی کابینہ نگران اسلامی بہن نے ”آقا کریم ﷺکی امت سے محبت“ کے موضوع پر بیان کیا اوراجتماعِ پاک میں شریک اسلامی بہنوں کو دعوت اسلامی کے مدنی ماحول سے ہر دم وابستہ رہنے اور مدنی کاموں میں عملی طور پر حصہ لینے نیز تقسیم رسائل کرنے کی ترغیب دلائی۔

دعوت اسلامی کے زیر اہتمام اکتوبر 2020ء کے دوسرے ہفتے میں اسپین کے ڈویژن بارسلونا(Barcelona) کے کئی علاقوں میں سنتوں بھرے اجتماعات منعقد کئے گئےجن میں آرتیگاس (Artigues)،وری آمات( Virrei Amat)،کورنے یا(Cornella)،لا سالوت (La Salut)،بیسوس (Besos)،پارالیل( Paralel)، اورسانتا کولوما( Santa Coloma) وغیرہ علاقےشامل ہیں۔ان اجتماعات میں تقریباً153 اسلامی بہنوں نے شرکت کی۔

مبلغات دعوت اسلامی بہنوں نے ”اعلیٰ حضرت کا تصوف“ کے موضوع پر بیانات کئے اور اجتماعات میں شریک اسلامی بہنوں کو اعلیٰ حضرت کی زندگی اور اسلام کی خاطر دی گئی قربانیوں کے بارے میں معلومات فراہم کیں۔