عاشقانِ رسول کی دینی تحریک دعوتِ اسلامی   کی جانب سے 21اکتوبر2023ء بروز ہفتہ شعبہ ائمہ مساجد پاکستان کے تحت سندھ کے شہر سجاول کی جامع مسجد فیضانِ مدینہ میں احکام مسجد کورس کا انعقاد کیا گیا جس میں شعبہ ائمہ مساجد کے نگران مجلس پاکستان،ڈویژن نگران،صوبائی ،ڈویژن اور ڈسٹرکٹ ذمہ داران سمیت سجاول ڈسٹرکٹ کے امام صاحبان اورمسجد انتظامیہ کے افراد نے شرکت کی۔

رکن شوری حاجی محمد عقیل عطاری مدنی نے مسجد انتظامیہ و ائمہ کرام کو مسجد، عمارت مسجد، چندہ،وقف کے بنیادی وضروری احکام سمجھائے اور شرعی احکامات کی تربیت کرکے نمازیوں کو عمل کروانےنیز جن کاموں کو مسجد میں کرنا شرعاً منع ہے ان سے عوام کو بچانے،حکمت عملی سے سمجھانے کا طریقہ بتایا ۔

شریعت کے مطابق مسجد میں عبادات اور معاملات کی بجاآوری کرنے کا ذہن دیا نیز بنیادی فرض علوم سیکھنے کے لئے فیضانِ نماز کورس، امامت کورس اور تربیتی کورس کرنے کی ترغیب دلائی۔(رپورٹ:مولانا عابد عطاری مدنی ،کانٹینٹ:رمضان رضا عطاری )