شعبہ ائمہ مساجد  دعوت اسلامی کے تحت 5جنوری2024 ءجمعۃ المبارک کے دن پنجاب کے شہرسرگودھا کے علاقے 50چک کی جامع مسجد محمدیہ غوثیہ میں احکام مسجد کورس منعقد کیاگیا۔

اس کورس میں شعبہ ائمہ مساجد کےڈویژن ، ڈسٹرکٹ ذمہ داران سمیت امام صاحب ،مسجد انتظامیہ کے افراد اور ذمہ داران دعوت اسلامی نے شرکت کی ۔

رکنِ شوریٰ مولانا حاجی محمد عقیل مدنی عطاری نے مسجد انتظامیہ و امام صاحبان کو مسجد، عمارت مسجد، چندہ،وقف کے بنیادی وضروری احکام سمجھائے اور شرعی احکامات کی تربیت کرکے نمازیوں کو عمل کروانے کی ترغیب دلائی نیز جن کاموں کو مسجد میں کرنا شرعاً منع ہے ان سے عوام کو بچانے،حکمت عملی سے سمجھانے کا طریقہ بتایا ۔

رکنِ شوریٰ نےمسجد میں بنیادی سہولیات کو اچھا کرنےاور مسجد کی آبادکاری کے لئے ہر ممکن اقدامات کو فراہم کرنے کی ترغیب دلائی نیز شریعت کے مطابق مسجد میں عبادات اور معاملات کی بجاآوری کرنے کا ذہن دیا ۔

مزید بنیادی فرض علوم سیکھنے کے لئے دعوت اسلامی سے وابستہ رہ کر ہفتہ وار اجتماع میں شرکت کرنے، ہر ماہ 3دن کے مدنی قافلوں میں سفر کرنے کے ساتھ ساتھ وقت نکال کر 7دن کا فیضانِ نماز کورس، امامت کورس اور تربیتی کورس کرنے کا ذہن دیا۔(رپورٹ:مولانا عابد مدنی عطاری شعبہ ائمہ مساجد ،کانٹینٹ:رمضان رضا عطاری مدنی )