پیارے آقاﷺ نے ارشاد فرمایا:جب تم چاند دیکھو تو روزہ رکھو اور چاند دیکھ کر افطار کرو (یعنی عید کرو)، اسی حدیثِ پاک پر عمل کرتے ہوئے پچھلے دنوں دعوتِ اسلامی کے زیرِ اہتمام عالمی مدنی مرکز فیضانِ مدینہ کراچی سے رمضانُ المبارک کا چاند دیکھنے کا سلسلہ ہوا۔

اس دوران عالمی مدنی مرکز فیضانِ مدینہ سمیت پاکستان بھر میں دعوتِ اسلامی کے قائم کردہ مراکز سے بھی چاند دیکھنے کی اطلاعات موصول ہوئیں۔اس موقع پر نگرانِ شعبہ اوقات الصلوٰۃ مولانا وسیم عطاری مدنی سمیت دیگر اہم ذمہ داران بھی موجود تھے۔(رپورٹ:شعبہ اوقات الصلوٰۃ، کانٹینٹ:غیاث الدین عطاری)