دنیا بھر میں  دینی کام کرنے والی عاشقانِ رسول کی دینی تحریک دعوت اسلامی کے شعبہ ائمہ مساجد کے تحت 22 اکتوبر2023 ء اتوار دن 11 بجےسندھ کے شہر میرپور ساکرو کی جامع مسجد نورالحرم میں احکام مسجد کورس ہوا ۔

رکنِ شوریٰ مولانا حاجی محمد عقیل عطاری مدنی نے احکام مسجد کورس کروایاجس میں نگران مجلس پاکستان،ڈویژن نگران،صوبائی ،ڈویژن اور ڈسٹرکٹ ذمہ داران شعبہ ائمہ مساجد اورمیرپور ساکرو اور اس کے اطراف کی مساجد کے امام صاحبان اورمسجد انتظامیہ کے افراد نے شرکت کی ۔

رکن شوری نے مسجد انتظامیہ و ائمہ کرام کو مسجد، عمارت مسجد، چندہ،وقف کے بنیادی وضروری احکام سمجھائے اور شرعی احکامات کی تربیت کرکے نمازیوں کو عمل کروانےنیز جن کاموں کو مسجد میں کرنا شرعاً منع ہے ان سے عوام کو بچانے،حکمت عملی سے سمجھانے کا طریقہ بتایا ۔

شریعت کے مطابق مسجد میں عبادات اور معاملات کی بجاآوری کرنے کا ذہن دیا نیز بنیادی فرض علوم سیکھنے کے لئے فیضانِ نماز کورس، امامت کورس اور تربیتی کورس کرنے کی ترغیب دلائی۔(رپورٹ:مولانا عابد عطاری مدنی ،کانٹینٹ:رمضان رضا عطاری )