دعوت اسلامی کی مجلس ائمہ مساجد پاکستان کے زیر اہتمام 12اور13جنوری2021ء کو فیضا ن مدینہ فیصل آباد میں ہونے والے مدنی مشورے میں رکن شوری، نگران مجلس پاکستان فیضان عطاری مدنی  ،نگران مجلس اثاثہ جات وتعمیرات مولانا وسیم عطاری مدنی ، اراکین ریجن ائمہ مساجد و اراکین مجلس ائمہ مساجد پاکستان نے شرکت کی ۔

مبلغ دعوت اسلامی رکن شوری حاجی محمد عقیل عطاری مدنی نے شرکا کی شعبہ اثاثہ جات کے تحت ملک بھر کی مساجد کا سروے کرنے اور خالی پلاٹ و زیر تعمیر مساجد کے پروجیکٹ پر جاکر وزٹ کرکے اس کے جملہ امور کو شرعی اور تنظیمی طریقہ کارکے مطابق حل کرنے کے حوالےسے تربیت کی ۔

اس موقع پر دعوت اسلامی کے اثاثہ جات والی مساجد میں تین رکنی مسجد کی نائب متولی یا کمیٹی کی شرعی اور تنظیمی امور کے حوالےسے تربیت کرکے چندہ اور وقف کے احکام واحتیاطیں سکھانے بتانے اور عمل کرنے کیلئے ذہن سازی کرنے پر مشاورت ہوئی۔

مشاورت میں وہ مساجد کے پلاٹ جہاں پر کام جاری ہے اس کو تعمیرات کے شعبہ ذمہ دار کے ذریعے نقشہ کے مطابق چیک کروانے اور کام کو بروقت مکمل کروانے کیلئے کوششیں کرنے کی نیت کروائی گئی جس پر تمام ذمہ داران نے عمل کی نیت کی۔(رپورٹ:محمد عابد عطاری مدنی:رکن مجلس ائمہ مساجد پاکستان ودفتر ذمہ دار)