دعوتِ اسلامی کے شعبہ امام مساجد کے تحت 21 ستمبر 2026ء کو بعد نمازِ ظہر مدنی مرکز فیضانِ مدینہ F-3 میرپور کشمیر میں ”ائمہ و خطبا کورس“ کا اہتمام کیا گیا۔

اس کورس میں دارالافتاءاہلسنت کے مفتی محمد نوید چشتی عطاری مدنی نے ائمہ کرام و خطبا حضرات کی تربیت و رہنمائی کرتے ہوئے انہیں معاشرے میں دینی و اخلاقی اقدار کو عام کرنے، حسنِ اخلاق و ملنساری اپنانے اور نمازیوں کی انفرادی کوشش کے ذریعے تربیت و اصلاح کرنے کے حوالے سے اہم نکات پر توجہ دلائی۔