دعوت اسلامی کے شعبہ ائمہ مساجد کے زیراہتمام25فروری2021ء بروز جمعرات حیدرآباد ریجن، میرپورخاص زون، میرپورخاص کابینہ فیضان مدینہ العطارٹاؤن میرپورخاص میں جامعۃالمدینہ کے مدرسین ،معلم امامت کورس ،جامعۃالمدینہ و امامت کور س کے طلباء کرام میں سنتوں بھرا بیان کا سلسلہ ہوا جس میں رکن شوری حاجی محمد عقیل عطاری مدنی نے’’ نیت کی اصلاح ‘‘ ، ’’ درودِ پاک کی کثرت کرنے اور اپنی قلبی حالت پر توجہ کرنے کی تاکیدفرمائی نیز جامعۃالمدینہ کے اساتذہ،وطلباء کو’’منصب امامت ‘‘پر فائز ہوکر اس عظیم منصب کے ذریعے’’دین متین کی ترویج واشاعت میں حصہ شامل کرنے پر فضائل امامت و تبلیغ دین بیان فرمائے۔

ہر مبلغ بالخصوص امام صاحب کو احسن و نرم انداز میں عوام الناس کے عقائدواعمال کی اصلاح کرنےنیزاپنے متعلقین کوبھی نمازی بنانے اور مسجد بھرو تحریک میں شامل ہونے کی ترغیب دلائی۔

ماہ رجب وشعبان المعظم میں سحری اجتماعات کروانے اور ان اجتماعات میں نمازیوں ، اہل محلہ کی شرکت اورشعبہ نیک اعمال کےطےشدہ شیڈول و طریقہ کارکےمطابق اجتماع کروانے کا ذہن دیا۔(رپورٹ: محمدعابد عطاری مدنی)