دعوتِ اسلامی کی مجلس قافلہ کے تحت ذمّہ داران ،نگرانِ زون اور دیگر عاشقانِ رسول نے رکنِ شوریٰ حاجی محمد رفیع العطاری کے ہمراہ جھنگ کی جانب قافلے میں سفر اختیار کیا ۔ شرکا نے شیڈول کے مطابق مدنی حلقے لگائے جس میں مبلغینِ دعوتِ اسلامی نے سنّتوں بھرے بیانات کئے،علاوہ ازیں قافلے کے عاشقانِ رسول نے جھنگ کی مختلف مساجد میں مدنی حلقے لگائے۔ رکن ِ شوریٰ نے شرکا کو 9،8اور 10محرّم الحرام 1441ھ کو بھرپور انداز میں نواسۂ رسول حضرت سیّدنا امام حسین رضی اللہ عنہ کے ایصالِ ثواب کے سلسلے میں عاشقان ِرسول کو قافلوں میں سفر کروانے کا ذہن بھی دیا۔