ملک کے مختلف علا قوں میں وقفے وقفے سے ہلکی اور تیز با رش کا سلسلہ جا ری ہے ، اس دوران کراچی کے مختلف مقاما ت پر کرنٹ لگنے سے   اموات کے افسوسناک واقعات بھی رونماء ہوئے ۔ذرا ئع کے مطابق بارش کے باعث کراچی کے مختلف علاقوں گلستان جوہر بلاک 19 ، ڈی ایچ اے فیز 5، بوٹ بیسن، ناظم آباد پاپوش نگر، خاموش کالونی ، محمودآباداور ملیر سٹی سمیت لیاری میں کرنٹ لگنے سےدو بچّوں سمیت نوافراد انتقا ل کر گئے۔اللہ پاک انتقال کرنے وا لوں کی مغفرت فرمائے اور ان کے اہلِ خانہ کو صبرِِ جمیل عطا فرمائے۔ محکمۂ موسمیات کے مطابق مون سون بارش کا یہ سلسلہ 2 روز سے زائد جاری رہنے کی پیش گوئی کی گئی ہے۔ خیال رہے کہ ملک کے مختلف حصوں میں گزشتہ کئی روز سے بارشوں کا سلسلہ جاری ہے۔

یادرکھئے زندگی قدرت کی طرف سے ایک انمول عطیہ ہے اور اسکی حفاظت کرنے کا ہمیں ہمارادین بھی تعلیم دیتا ہے۔عوام سے گزارش ہے کہ بارش کے دوران جانی نقصان سے بچنے کے لئے احتیاط کو کسی صورت نظر انداز نہ کریں ۔