عاشقانِ رسول کی دینی تحریک دعوتِ اسلامی کے تحت 01 اگست 2024ء میر پور خاص ڈویژن،  صوبہ سندھ کی ذمہ داران کا آن لائن مدنی مشورہ منعقد کیا گیا جس میں ڈویژن ، ڈسٹرکٹ، تحصیل اور ٹاؤن نگران اسلامی بہنوں نے شرکت کی۔

اس دوران دعوتِ اسلامی کی نگرانِ پاکستان مجلسِ مشاورت اسلامی بہن نے راولپنڈی ڈویژن سے بذریعہ انٹرنیٹ اسلامی بہنوں کی تربیت و رہنمائی کرتے ہوئے 8 دینی کاموں کی کارکردگی پر کلام کیا جبکہ ذمہ داران کی جانب سے تقابل کارکردگی بھی پیش کیا گیا ۔

علاوہ ازیں نگرانِ پاکستان مجلسِ مشاورت نے دینی کاموں میں درپیش مسائل سنے اور ذمہ داران کو اُن کا حل بتایا۔

اسلامی بہنوں نےاپنے اہداف کو جلد از جلد مکمل کرنے کی نیتیں پیش کیں ۔آخر میں نگرانِ پاکستان مجلسِ مشاورت نے ذمہ دار اسلامی بہنوں کو درس و بیان کے حلقے لگانے کی ترغیب دلائی اور اہداف بھی دیئے۔ 

دعوتِ اسلامی کے تحت 01   اگست 2024ء کو صوبہ سندھ کے ڈویژن لاڑکانہ کی ذمہ داران کا آن لائن مدنی مشورہ منعقد ہوا جس میں ڈویژن ، ڈسٹرکٹ، تحصیل اور ٹاؤن نگران اسلامی بہنون نے شرکت کی۔

نگرانِ پاکستان مجلسِ مشاورت اسلامی بہن نے سالانہ اہداف کا جائزہ لیتے ہوئے دینی کاموں میں مزید بہتری لانےکا ذہن دیا اور احسن طریقے سےاُن کی حوصلہ افزائی کی نیز آئندہ کے اہداف بھی دیئے۔

بعدازاں ذمہ دار اسلامی بہنوں نے دعوتِ اسلامی کے دینی کاموں میں ترقی کے لئے اپنے اہداف کو مکمل کرنے کی اچھی اچھی نیتیں پیش کیں ۔ 

30 جولائی 2024ء کو جھنگ ڈسٹرکٹ ، فیصل آباد کے علاقے شیخ لاہوری میں ایجوکیشن ڈیپارٹمنٹ گرلز دعوتِ اسلامی کے تحت ٹیچرز اجتماع کا انعقاد کیا گیا جس میں مختلف اداروں سے تعلق رکھنے والی ٹیچر اسلامی بہنیں شریک ہوئیں۔

اجتماع کا آغاز تلاوتِ کلامِ پاک و نعت شریف سے ہوا جس کے بعد نگرانِ ڈسٹرکٹ اسلامی بہن نے سنتوں بھرا بیان کرتے ہوئے وہاں موجود ٹیچر اسلامی بہنوں کو نیکی کی دعوت پیش کی اور انہیں دعوتِ اسلامی کے ایجوکیشن ڈیپارٹمنٹ گرلز کا تعارف کروایا۔

آخر میں ذمہ دار اسلامی بہنوں کی جانب سے ٹیچر اسلامی بہنوں کو مکتبۃ المدینہ کی مطبوعات تحفے میں پیش کی گئیں اور دینی کاموں میں حصہ لینے کا ذہن دیا گیا جس پر انہوں نے اچھی اچھی نیتیں کیں۔

دعوتِ اسلامی کے دینی کاموں کے سلسلے میں 6 اگست 2024ء کو ایجوکیشن ڈیپارٹمنٹ گرلز کی ذمہ دار اسلامی بہنوں کی ملیر ڈسٹرکٹ، کراچی کے علاقے سعود آباد میں قائم گورنمنٹ کالج فار وومن (Government College for Women) میں Female Principal سے ملاقات ہوئی۔

ملاقات کے دوران ذمہ دار اسلامی بہنوں نے مختلف امور پر گفتگو کرتے ہوئے Female Principal کو کالج میں شجرکاری کروانےاور ماہانہ اسٹوڈنٹس کاؤنسلنگ رکھنے کا ذہن دیا جس پر انہوں نے اچھی اچھی نیتیں کیں۔ 

ایجوکیشن ڈیپارٹمنٹ سے تعلق رکھنے والی اسلامی بہنوں کی دینی و اخلاقی تربیت کرنے، انہیں دینی مسائل سکھانے اور اُن کی رہنمائی کرنے کے لئے عاشقانِ رسول کی دینی تحریک دعوتِ اسلامی کے ایجوکیشن ڈیپارٹمنٹ گرلز کے تحت مزنگ لاہور، راولپنڈی اور فیصل آباد میں قائم اسلامی بہنوں کے مدنی مراکز فیضانِ صحابیات میں 3 دن پر مشتمل (2، 3، 4 اگست 2024ء) کورس بنام ”نورِ ہدایت“ منعقد ہوا۔

تفصیلات کے مطابق مذکورہ مقامات پر ہونے والے اس کورس میں Female Principal ، Female Doctors ، Female teachers ، Medical اور University کی Female Students سمیت اسلامی بہنوں کی کثیر تعداد نے شرکت کی۔

دورانِ کورس اسلامی بہنوں کے درمیان مختلف سیشن منعقد کئے گئے جن میں تلاوتِ قراٰن، نعت شریف، سیکھنے سکھانے کے حلقے اور فقہی مسائل( مثلاً وضو، غسل اور نماز کا طریقہ وغیرہ) شامل تھے۔

اس کے علاوہ کورس میں شریک اسلامی بہنوں کی تربیت کے لئے مختلف سطح کی ذمہ دار اسلامی بہنوں کے مختلف موضوعات پر بیان ہوئے جن میں حاضرین کو دعوتِ اسلامی کے ایجوکیشن ڈیپارٹمنٹ گرلز کے تحت دینی کام کرنے کا ذہن دیا گیا۔

اس موقع پر صاحبزادیِ عطار سلمہا الغفار ، نواسیِ عطار اور نگرانِ صوبۂ پنجاب سمیت دیگر اہم ذمہ دار اسلامی بہنیں بھی موجود تھیں۔

12 اگست 2024ء کو  شعبہ فیضان آن لائن اکیڈمی بوائز دعوتِ اسلامی کے تحت مدنی مرکز فیضان مدینہ گجرات میں قائم برانچ میں مدنی مشورہ منعقد ہوا جس میں فیضان آن لائن اکیڈمی 4 ڈویژنز کے ذمہ داران شریک ہوئے۔

نگرانِ شعبہ مولانا یاسر عطاری مدنی نے برانچز میں درپیش مسائل اور ان کے حل پر گفتگو کرتے ہوئے تمام ذمہ داران کو ہر ماہ مدنی قافلے میں سفر کرنے کا ذہن دیا جبکہ شرکا کے درمیان سوال و جواب کا سلسلہ ہوا۔

22 اگست 2024ء کو دعوتِ اسلامی کے مدنی مرکز فیضانِ مدینہ فیصل آباد میں ہفتہ وار سنتوں بھرے اجتماع کا انعقاد ہوا جس میں فیصل آباد سٹی اور اطراف سے کثیر عاشقانِ رسول نے شرکت کی۔

معمول کے مطابق اجتماع کے آغاز میں تلاوتِ قراٰن کی گئی اور نعت خواں اسلامی بھائیوں نے حضور پُر نور حضرت محمد صلَّی اللہ علیہ واٰلہٖ وسلَّمکی بارگاہ میں نعت شریف کا نذرانہ پیش کیا۔

تلاوت و نعت کے بعد دعوتِ اسلامی کی مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے سنتوں بھرا بیان کیا اور حاضرین کی دینی و اخلاقی اعتبار سے تربیت کی۔

نگرانِ پاکستان مشاورت حاجی محمد شاہد عطاری نے حاضرین کو دعوتِ اسلامی کے دینی کاموں میں بڑھ چڑھ کر حصہ لینے کی ترغیب بھی دلائی جس پر انہوں نے اچھی اچھی نیتیں کیں۔(رپورٹ:عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)

امیرِ اہلِ سنت دامت بَرَکَاتُہمُ العالیہ کے فرمان ”پودا لگانا ہے درخت بنانا ہے“پر عمل کرتے ہوئے پچھلے دنوں دعوتِ اسلامی کے مدنی مرکز فیضانِ مدینہ فیصل آباد کے قریب گرین بیلٹ میں رکنِ مرکزی مجلسِ شوریٰ و نگرانِ پاکستان مشاورت حاجی محمد شاہد عطاری نے ذمہ داران کے ہمراہ شجرکاری میں حصہ لیا۔

نگرانِ پاکستان مشاورت حاجی محمد شاہد عطاری نے پودا لگاکر شجرکاری کا آغاز کیا اور وہاں موجود ذمہ دار اسلامی بھائیوں کو مدنی پھولوں سے نوازا جبکہ ملک و قوم کی سلامتی کے لئے دعا بھی کروائی۔(رپورٹ:عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)

فیصل آباد میں دعوتِ اسلامی کے تحت ہونے والے دینی کاموں کے سلسلے میں 18 اگست 2024ء کو مدنی مرکز فیضانِ مدینہ فیصل آباد میں سٹی ذمہ داران کا مدنی مشورہ ہوا جس میں فیصل آباد کے تمام ذمہ داران اور منسلک اسلامی بھائیوں نے شرکت کی۔

مدنی مشورے کے دوران مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے اجتماعِ میلاد و جلوسِ میلاد کی تیاری کے حوالے سے گفتگو کی اور ذمہ دار اسلامی بھائیوں کو بڑی دھوم دھام سے 12 ہویں شریف منانے پر مدنی پھولوں سے نوازا۔

اس موقع پر ذمہ دار اسلامی بھائیوں نے دینی کاموں کے متعلق اپنی اپنی رائے پیش کی اور دعوتِ اسلامی کے دینی کاموں میں عملی طور پر حصہ لینے کی اچھی اچھی نیتیں کیںحص

۔(رپورٹ:عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)

23اگست2024ءبروز جمعۃ المبارک  کو کشمیر ہاؤس اسلام آباد میں دعوتِ اسلامی کی مرکزی مجلس شوریٰ کے رکن حاجی وقار المدینہ عطاری سے وزیراعظم کشمیر چوہدری انوار الحق صاحب کی ملاقات ہوئی ۔

ملاقات میں رکن شوری نے دعوت اسلامی کے دینی و فلاحی کاموں کے حوالے سے بریفنگ دی جس پر وزیراعظم کشمیر نے خوشی کا اظہار کرتے ہوئے ہر ممکن تعاون کی یقین دہانی کروائی اس موقع پر شجر کاری بھی کی اور ربیع الاول شریف میں عالمی مدنی مرکز فیضانِ مدینہ کراچی وزٹ کی دعوت دی جس پر وزیراعظم کشمیر نے دعوت قبول کی ۔

اس موقع پر وزیر اطلاعات و نشریات اور چیئرمین وزیر اعظم معائنہ و عملدرآمد کمیشن پیر مظہر سعید شاہ صاحب اور نگران مجلس رابطہ برائے شخصیات دعوتِ اسلامی حافظ محمد قربان عطاری بھی موجود تھے۔(رپورٹ: محمد عامر عطاری شعبہ رابطہ براۓ شخصیات اسلام آباد،کانٹینٹ: شعیب احمد عطاری) 

دارالمدینہ کراچی اور اندرون سندھ کے تمام بوائز ہائی اسکولز میں فیضان نماز اور اصلاح اعمال کورس کا انعقاد کیا گیا۔اس کورس میں اسٹاف  کو نماز کے فرائض، شرائط اور واجبات وغیرہ کے بارے میں آگاہی دی گئی نیز باطنی بیماریوں کی معلومات بھی فراہم کی گئی۔ آخر میں شرکائے کورس میں اسناد بھی تقسیم کی گئیں۔)رپورٹ :غلام محی الدین ترک ،اردو کانٹینٹ رائیٹر(مارکیٹنگ اینڈ کمیونی کیشن ڈیپارٹمنٹ دارالمدینہ ،ہیڈ آفس کراچی)

دعوت اسلامی کے عالمی مدنی مرکز  فیضانِ مدینہ میں دارالمدینہ کے سینٹر فار کیرئیر ایڈوانسمنٹ کے زیر اہتمام Mastering the Subtle Art of Questioningکے موضوع پر ایک تربیتی سیشن کا انعقاد کیا گیا۔ جس میں سر فرید احمد عطاری نے دینی تعلیمات کی روشنی میں موثر سوال کرنے کی تکنیکوں کے بارے میں آگاہی فراہم کی۔ اس تربیتی سیشن میں اسکولوں، کالجوں اور یونیورسٹیوں کے ایجوکیشنل اسٹاف نے شرکت کی ۔تربیتی سیشن کے بعد دعوت اسلامی کی مرکزی مجلس شوری ٰ کے رکن اطہر علی عطاری نے بیان کیا۔ سیشن کے اختتام پر شرکا میں سرٹیفکیٹس بھی تقسیم کیے گئے۔)رپورٹ :غلام محی الدین ترک ،اردو کانٹینٹ رائیٹر(مارکیٹنگ اینڈ کمیونی کیشن ڈیپارٹمنٹ دارالمدینہ ،ہیڈ آفس کراچی)