شعبہ تحفظ اوراق مقدسہ دعوت اسلامی کے ذمہ داران کی  کامونکی شہر میں 20اگست2024ء کو مختلف سیشنز میں پرنسپلز سے ملاقاتیں ہوئی۔

گوجرانوالہ میٹروپولیٹن و ڈسٹرکٹ ذمہ دار محمد آفتاب عطاری اور مدنی کورسز پاکستان ذمہ دار محمد فیاض عطاری نے با ادب با نصیب کے متعلق کلام کرتے ہوئے نئے باکسز لگانے اور بر وقت خالی کرنے کا ذہن دیا اس موقع پر ذمہ دار نے اسٹوڈنٹس سے بھی ادب کے حوالے سے بات کی اور ساتھ نئے اسپیشل باکسز لگوانے کا اظہار کیا۔(کانٹینٹ:محمد شعیب احمد )

20اگست2024ء کو کراچی سٹی کے ڈسٹرکٹ کورنگی میں دعوت اسلامی کے شعبہ تحفظ اوراق مقدسہ کا مدنی مشورہ ہوا جس میں نگران مجلس مولانا محمد افضل مدنی اور کراچی سٹی کے ذمہ دار محمد ندیم عطاری نے اسلامی بھائیوں کا مدنی مشورہ کیا اور شعبے کی سابقہ کارکردگی کا جائزہ  لیتے ہوئے نیو اہداف دیئے جبکہ مولانا محمد افضل مدنی نے کراچی سٹی کے ولنٹیراسلامی بھائیوں کی تربیت فرمائی اور اوراق مقدسہ کی فضیلت بتائی آخر میں نگران صاحب نے دعاؤں سے نوازا۔(رپورٹ: حافظ نسیم عطاری سوشل میڈیا ڈیپارٹمنٹ ،کانٹینٹ:محمد شعیب احمد عطاری)

20اگست 2024ء  کو ڈویژن بہاولپور کے ڈسٹرکٹ بہاولنگر میں شعبہ تحفظ اوراق مقدسہ کا مدنی مشورہ ہوا جس میں ڈویژن ذمہ دار محمد بلال مدنی اور ڈسٹرکٹ بہاولنگر کے نگران قاری ناصر عطاری نے اسلامی بھائیوں کی تربیت فرمائی اور مدنی پھولوں سے نوازاجبکہ شعبے کے باکسز بڑھانے کا ذہن دیتے ہوئے سابقہ کارکردگی پر کلام کیا اور حاضرین کو نیو اہداف دیئے اور اس موقع پر قاری ناصر عطاری نے اچھی کارکردگی پر اسلامی بھائیوں کو تحفے سے نوازا۔(رپورٹ: حافظ نسیم عطاری سوشل میڈیا ڈیپارٹمنٹ ،کانٹینٹ:محمد شعیب احمد عطاری)

02ستمبر کو دنیابھر میں ہر سال تنظیمی سطح پر”یومِ دعوتِ اسلامی“منایا جاتا ہے۔اس دن اجتماعات منعقد ہوتے ہیں، شکرانے کے نوافل ادا کئے جاتے ہیں اور مدنی چینل پر مختلف پروگرامز نشر ہوتے ہیں۔

2024ء میں بھی عنقریب 02 ستمبر ”یومِ دعوتِ اسلامی“ آرہا ہے۔ اسی سلسلے میں بانیٔ دعوتِ اسلامی شیخ طریقت امیر اہلسنت علامہ محمد الیاس عطار قادری دامت بَرَکَاتُہمُ العالیہ نےاپنے مریدین و محبین سمیت تمام عاشقان رسول کو اس ہفتے 45 صفحات کا رسالہ ”فیضانِ دعوتِ اسلامی“ پڑھنے / سننے کی ترغیب دلائی ہے اور پڑھنے/ سننے والوں کو اپنی دعاؤں سے نوازاہے۔

دعائے عطار

یاربَّ المصطفٰے! جو کوئی ماہنامہ فیضانِ مدینہ کے خصوصی شمارے ”فیضانِ دعوتِ اسلامی“ کے 45 صفحات میں سے کم از کم 12 صفحات پڑھ یا سُن لےاُس کو کم از کم بارہ حج مبرور نصیب فرما۔

یہ رسالہ آڈیو میں سننے اور ڈاؤن لوڈ کرنے کے لئے نیچے دیئے گئے لنک پر کلک کیجئے:

Download

عاشقانِ رسول کی عالمگیر تحریک دعوتِ اسلامی کے زیر اہتمام آج مؤرخہ29 اگست 2024ء بروز جمعرات بعد نماز مغرب دنیا بھر میں ہفتہ وار سنتوں بھرے اجتماعات کا انعقاد کیا جائے گا جن میں اراکینِ شوریٰ و مبلغین دعوتِ اسلامی سنتوں بھرے بیانات فرمائیں گے۔تلاوت و نعت سے شروع ہونے والے اجتماع میں اصلاحِ نفس، اصلاح معاشرہ اور دینی معلومات کے موضوعات پر بیانات کئے جاتے ہیں جس کے بعد ذکر و اذکار، رقت انگیز دعا اور صلوۃ و سلام کا سلسلہ ہوتا ہے۔

تفصیلات کے مطابق آج رات مدنی چینل پر براہِ راست نشر ہونے والے ہفتہ وار اجتماع میں عالمی مدنی مرکز فیضانِ مدینہ کراچی سے رکنِ شوریٰ حاجی محمد اطہر عطاری خصوصی بیان فرمائیں گے۔

اس کے علاوہ مدنی مرکز فیضانِ مدینہ G-11اسلام آباد رکنِ شوریٰ حاجی وقارُ المدینہ عطاری،عسکری مارکی نزد فوجی فاؤنڈیشن بیدیاں روڈ، لاہور کینٹ رکن شوریٰ حاجی یعفور رضا عطاری، جامع مسجد رضائے مصطفٰے کورنگی نمبر 4رکنِ شوریٰ حاجی محمد علی عطاری، مدنی مرکز فیضان مدینہ نقاش ولاز فیز1 قاسم آباد حیدر آباد میں رکن شوریٰ حاجی منصور عطاری، جامع مسجد فیضان شاہ جلال سید پور نیلفماری میں رکنِ شوریٰ عبد المبین عطاری، مرکزی جامع مسجد، ہجویری اسکیم، ہربنس پورہ، لاہور میں نگرانِ مجلس پروفیشنلزڈیپارٹمنٹ محمد ثوبان عطاری، جامع مسجد کلثوم ڈرگ کالونی نمبر3 کراچی نگران کراچی ایسٹ ڈویژن حاجی محمد رضا عطاری مدنی سنتوں بھرا بیان فرمائیں گے۔

تمام عاشقانِ رسول سے ہفتہ وار اجتماع میں شرکت کرنے کی درخواست ہے۔

ماہِ ربیع الاول وہ فضیلت و عظمت والا مہینہ ہے جس کی 12 تاریخ کو صبح صادق کے وقت ہمارے پیارے نبی، محمدِ عربی، حضور خاتم النبیین حضرت محمد صلَّی اللہ علیہ واٰلہٖ وسلَّم کی ولادتِ باسعادت ہوئی۔

استقبالِ ربیع الاول کے سلسلے میں کورنگی ساڑھے تین نمبر عید گاہ کراچی میں دعوتِ اسلامی کے زیرِ اہتمام 01 ستمبر 2024ء بمطابق 27 صفر المظفر 1446ھ کو عظیم الشان اجتماع منعقد ہونے جارہا ہے۔

تفصیلات کے مطابق اس اجتماع کا آغاز بعد نمازِ عشا رات تقریباً 10:00 بجے تلاوتِ کلامِ پاک سے کیا جائے گا اور نعت خواں اسلامی بھائی بارگاہِ رسالت مآب صلَّی اللہ علیہ واٰلہٖ وسلَّممیں نعت شریف کا نذرانہ پیش کریں گے۔

تلاوت و نعت کے بعد رات تقریباً 10:30 بجے دعوتِ اسلامی کی مرکزی مجلسِ شوریٰ کے نگران مولانا حاجی محمد عمران عطاری سلمہ الباری وہاں موجود عاشقانِ رسول کے درمیان سنتوں بھرا بیان فرمائیں گے۔

عاشقانِ رسول اس عظیم الشان اجتماع میں شرکت کرکے علمِ دین کا خزانہ حاصل کریں اور اپنی آخرت کے لئے نیکیوں کا ذخیرہ اکٹھا کریں۔( کانٹینٹ:غیاث الدین عطاری)

اپنے قلم کے ذریعے علمِ دین کا فیضان  پھلانے والی سرزمینِ ہند کی روحانی و علمی شخصیت اعلیٰ حضرت امام احمد رضا خان فاضلِ بریلوی رحمۃُ اللہِ علیہ کے عرس اور استقبالِ ربیع الاول کے سلسلے میں 25 صفر المظفر 1446ھ بمطابق 30 اگست 2024ء کو حیدرآباد کے علاقے لطیف آباد نمبر 08 میں قائم باغِ مصطفیٰ گراؤنڈ میں سنتوں بھرے اجتماع کا انعقاد کیا جائے گا۔

اجتماع کا باقاعدہ آغاز بعد نمازِ عشا رات تقریباً 10بجے تلاوتِ قراٰنِ پاک سے کیا جائے گا اور نعت خواں اسلامی بھائی حضور خاتم النبیین حضرت محمد صلَّی اللہ علیہ واٰلہٖ وسلَّمکی بارگاہِ اقدس میں نذرانۂ عقیدت پیش کریں گے۔

رات تقریباً 10:30 بجے دعوتِ اسلامی کی مرکزی مجلسِ شوریٰ کے نگران مولانا حاجی محمد عمران عطاری سلمہ الباری عاشقانِ رسول کے درمیان ”سیرتِ اعلیٰ حضرت و استقبالِ ربیع الاول“ کی مناسبت سے سنتوں بھرا بیان فرمائیں گے۔

واضح رہے 30 اگست 2024ء کو ہونے والا سنتوں بھرا اجتماع مدنی چینل کے ذریعے ملک و بیرونِ ملک براہِ راست (Live) نشر کیا جائے ۔قرب و جوار کے اسلامی بھائی اس اجتماعِ پاک میں شرکت کرکےعلمِ دین سیکھنے کے ساتھ ساتھ اپنی آخرت کے لئے ثواب کا خزانہ بھی حاصل کریں۔( کانٹینٹ:غیاث الدین عطاری)

14 اگست 2024ء کو ڈسٹرکٹ اٹک میں دعوتِ اسلامی کے ایجوکیشن ڈیپارٹمنٹ گرلز کے تحت ایک Female Principal کی رہائش گاہ پر ” Youth Day Session “ کا انعقاد ہوا جس میں Female Students سمیت دیگر اسلامی بہنوں نے شرکت کی۔

سیشن کے آغاز میں تلاوتِ قراٰن کی گئی اور نعت شریف پڑھی گئی جس کے بعد ڈویژن سطح کی ذمہ دار اسلامی بہن نے اسٹوڈنٹس کو مختصر لیکچر دیا اور انہیں دعوتِ اسلامی کے دینی ماحول سے منسلک ہونے کی دعوت دی۔

سیشن کے آخر میں اسٹوڈنٹس نے آئندہ بھی اسی طرح کے سیشنز میں شرکت کرنے نیز اپنی کلاسوں اور گھروں میں درس دینے کی اچھی اچھی نیتیں کیں۔

صوبہ پنجاب کے شہر بورے والا میں ایجوکیشن ڈیپارٹمنٹ دعوتِ اسلامی کے زیرِ اہتمام 14 اگست 2024ء کو ایک شخصیت اسلامی بہن کی رہائش گاہ پر”اسٹوڈنٹس اجتماع“ کا انعقاد کیا گیا جس میں اسکول، کالج اور یونیورسٹی کی اسٹوڈنٹس سمیت دیگر اسلامی بہنوں نے شرکت کی۔

تلاوتِ کلامِ پاک و نعتِ رسولِ مقبول صلَّی اللہ علیہ واٰلہٖ وسلَّمسے اجتماع کا آغاز ہوا جس کے بعد مبلغۂ دعوتِ اسلامی و ڈویژن ذمہ دار اسلامی بہن نے درودِ پاک کی فضیلت بیان کی اور ”جوانی کیسے گزاریں؟“ کے موضوع پر بیان کیا۔

دورانِ بیان مبلغۂ دعوتِ اسلامی نے جوانی میں تقویٰ اور خوفِ خدا کی فضیلت کے حوالے سے اسلامی بہنوں کو بتایا نیز اپنی ہم عمر طالبات تک یہ پیغام پہچانے کی ترغیب دلائی۔

آخر میں مبلغۂ دعوتِ اسلامی نے امیرِ اہلِ سنت کے فرمان ” پودا لگانا ہے درخت بنانا ہے“ پر عمل کا ذہن دیتے ہوئے اسلامی بہنوں کو پودے اور درخت لگانے کا ذہن دیا نیز اختتامی دعا بھی کروائی۔

صدر ڈسٹرکٹ ، کراچی کے علاقے کلفٹن ٹاؤن میں قائم Sir Syed College of Medical Sciences (سر سيد کالج آف ميڈیکل سائنسز) میں ایجوکیشن ڈیپارٹمنٹ گرلز دعوتِ اسلامی کے تحت 13 اگست 2024ء کو پلانٹیشن ڈرائیو اور فیضانِ قراٰن سیشن کا اہتمام ہوا جس میں Female Medical Students، Faculty of Doctors اور Professors شریک ہوئیں۔

سیشن کا آغاز تلاوتِ قراٰنِ پاک و نعت شریف سے کیا گیا جس کے بعد مبلغۂ دعوتِ اسلامی و سٹی ذمہ دار اسلامی بہن نے ”پلانٹیشن کے فوائد“ پر بیان کیا اور اور وہاں موجود اسلامی بہنوں کو درست مخارج کے ساتھ قراٰنِ کریم پڑھنے کا ذہن دیا۔

اس کے علاوہ مبلغۂ دعوتِ اسلامی نے ایجوکیشن ڈیپارٹمنٹ گرلز کے تحت ہونے والے آن لائن درسِ قراٰن میں شریک ہونے کی دعوت دی جس پر شرکا نے آن لائن درس قران میں داخلہ لینے، تجوید کے ساتھ قرانِ پاک سیکھنے اور قرانِ پاک کا ترجمہ و تفسیر پڑھنے سمیت کالج میں مختلف Topics (موضوعات) پر سیشنز منعقدکروانے کی اچھی اچھی نیتیں کیں ۔

سیشن کے اختتام پر سٹی ذمہ دار نے اسٹوڈنٹس، ذمہ داران اور دیگر اسلامی بہنوں کے ہمراہ مل کر کالج کے احاطے میں شجرکاری کرتے ہوئے پودے لگائے جبکہ اسٹوڈنٹس نے شجرکاری میں لگائے پودوں کی دیکھ بھال کرنے کی نیت کا اظہار کیا۔

9 اگست 2024ء کو دعوتِ اسلامی کے تحت اراکینِ عالمی مجلسِ مشاورت  کی اسلامی بہنوں کا آن لائن مدنی مشورہ ہوا جس میں یومِ دعوتِ اسلامی کے حوالے سے گفتگو ہوئی۔

معلومات کے مطابق نگرانِ عالمی مجلسِ مشاورت اسلامی بہن نے ”یومِ دعوتِ اسلامی “ کے مدنی پھولوں پر کلام کرتے ہوئے ”یومِ دعوتِ اسلامی“ منانے کے طریقۂ کار پر حاضرین کی ذہن سازی کی اور انہیں احسن انداز میں یومِ دعوتِ اسلامی منانے کی ترغیب دلائی جس پر تمام ذمہ دار اسلامی بہنوں اچھی اچھی نیتیں کیں۔

اسی طرح نگرانِ عالمی مجلسِ مشاورت نے دورانِ گفتگو ٹیلی تھون کے متعلق بھی اسلامی بہنوں سے مشاورت کی جس پر انہوں نے اپنی اپنی رائے پیش کی۔

9 اگست 2024ء کو عالمی سطح کی دینی تحریک دعوتِ اسلامی  کے تحت دینی کاموں کی کارکردگی کے حوالے سے عالمی مجلسِ مشاورت آفس کی ذمہ دار اسلامی بہنوں کا مدنی مشورہ منعقد ہوا۔

اس موقع پر عالمی مجلسِ مشاورت کی نگران اسلامی بہن نے شیڈول چیک کروانے کی کارکردگی سے متعلق کلام کیا اور شیڈول چیک کروانے کے طریقۂ کار سمیت اس کی چند احتیاطوں سے ذمہ داران کو آگاہ کیا۔

بعدازاں ذمہ دار اسلامی بہنوں نے دعوتِ اسلامی کے دینی کاموں میں عملی طور پر حصہ لینے اور ان میں ترقی لانے کے لئے اچھی اچھی نیتوں کا اظہار کیا۔