دعوتِ اسلامی کے تحت کراچی سے سفر کرکے ٹنڈو محمد خان آئے ہوئے قافلے کے اسلامی بھائیوں نے مقامی اسپیشل پرسنز (گونگے، بہرے اور نابینا اسلامی بھائیوں) کے لئے سیکھنے سکھانے کا حلقہ لگایا جس کی اشاروں کی زبان میں ترجمانی بھی کی گئی۔

اس موقع پر مبلغِ دعوتِ اسلامی وسیم احمد ہاشمی عطاری نے اسپیشل پرسنز کی رہنمائی کرتے ہوئے انہیں نماز کا پریکٹیکل کروایا اور انہیں قراٰنِ مجید کی زیارت کرنے کی ترغیب بھی دلائی۔بعدازاں ذمہ دار اسلامی بھائیوں نے اسپیشل پرسنز کو اجتماعی طور پر قراٰنِ پاک کی زیارت کروائی۔(رپورٹ: اسپیشل پرسنز ڈیپارٹمنٹ ، کانٹینٹ:غیاث الدین عطاری)

اسپیشل پرسنز ڈیپارٹمنٹ دعوتِ اسلامی کے تحت 18 جولائی 2025ء کو  بلدیہ ٹاؤن، مواچھ گوٹھ، کراچی میں علاقائی دورہ برائے نیکی کی دعوت کا اہتمام کیا گیا جس میں اسپیشل پرسنز سمیت ذمہ داران اور دیگر اسلامی بھائیوں کی شرکت ہوئی۔

بعد نمازِ عصر ڈسڑکٹ ذمہ دار نے بیان کیا اور وہاں موجود اسلامی بھائیوں کو علاقائی دورہ برائے نیکی کی دعوت میں شرکت کرنے کی دعوت دی جس کے بعد تمام ذمہ داران اور اسلامی بھائیوں نے مل کر مختلف مقامات پر جاکر نیکی کی دعوت پیش کی۔

علاوہ ازیں مغرب کی نماز پڑھنے کے بعد مبلغِ دعوتِ اسلامی نے بیان کیا اور حاضرین کو دینِ اسلام کی تعلیمات پر عمل کرنے اور دعوتِ اسلامی کے دینی کاموں میں حصہ لینے کی ترغیب دلائی۔

دعوتِ اسلامی کے تحت عالمی مدنی مرکز فیضانِ مدینہ کراچی میں 24 جولائی 2025ء کو شعبہ تحفظِ اوراقِ مقدسہ کے کراچی ذمہ داران کا مدنی مشورہ ہوا جس میں خصوصی طور پر نگرانِ شعبہ مولانا افضل عطاری مدنی اور صوبائی ذمہ دار مولانا محمد ندیم عطاری مدنی کی شرکت ہوئی۔

نگرانِ شعبہ مولانا افضل عطاری مدنی نے ذمہ دار اسلامی بھائیوں سے شعبے کے سابقہ اہداف کا جائزہ لیا اور آئندہ کے اہداف طے کئے نیز شعبے کے دینی کاموں میں نمایاں کارکردگی کے حامل اسلامی بھائیوں کی حوصلہ افزائی کے لئے اُن کے درمیان تحائف تقسیم کئے۔

نگرانِ شعبہ نے ذمہ دار اسلامی بھائیوں کی ذہن سازی کرتے ہوئے انہیں اخلاص کے ساتھ شعبے کے دینی کام کرتے رہنے کا ذہن دیا جس پر انہوں نے اچھی اچھی نیتیں کیں۔(رپورٹ: حافظ نسیم عطاری سوشل میڈیا ڈیپارٹمنٹ آف پاکستان شعبہ تحفظِ اوراقِ مقدسہ ، کانٹینٹ:غیاث الدین عطاری)

دعوتِ اسلامی کے شعبہ کفن دفن کے تحت الطاف نگر اورنگی ٹاؤن، کراچی کی جامع مسجد و مدرسہ القریش (جزوقتی پرائیویٹ) میں 28 جولائی 2025ء کو ”نمازِ جنازہ کورس“ کروایا گیا جس میں مدرسے کے بچوں اور قاری صاحبان نے شرکت کی۔

نمازِ جنازہ کے مسائل سکھاتے ہوئے شعبے کے ڈسٹرکٹ ذمہ دار مولانا فہیم الدین عطاری مدنی نےنمازِ جنازہ کو کندھا دینے کا طریقہ بتایا اور اس کی اہمیت و فضیلت کے بارے میں بیان کیا۔

اس کے علاوہ ڈسٹرکٹ ذمہ دار نے حاضرین کو دعوتِ اسلامی کے 12 دینی کاموں میں شمولیت اختیار کرنے اور 1500 سالہ جشنِ ولادت کے موقع پر اپنے گھروں و گلیوں کی سجاوٹ کرنے نیز اپنے گھروں میں اجتماعِ میلاد منعقد کرنے کا ذہن دیا جس پر انہوں نے اچھی اچھی نیتوں کا اظہار کیا۔(رپورٹ: عزیر عطاری شعبہ کفن دفن ڈسٹرکٹ ناظم آباد ، کانٹینٹ:غیاث الدین عطاری)

لوگوں کو کفن دفن کے شرعی مسائل سکھانے اور اُن کی دینی و اخلاقی تربیت کرنے کے لئے 27 جولائی 2025ء کو اورنگی ٹاؤن 8 نمبر داتانگر منگھوپیر ٹاؤن، یوسی 16 کی جامع مسجد ابوعطار میں کفن دفن کورس منعقد ہوا۔

اس کورس میں شعبے کے ڈسٹرکٹ ذمہ دار مولانا فہیم الدین عطاری مدنی نے میت کو غسل دینے اور کفن کاٹنے / پہنانے کا طریقہ بتاتے ہوئے اس کی فضیلت و اہمیت پر روشنی ڈالی۔

ڈسٹرکٹ ذمہ دار نے وہاں موجود شرکا کو دعوتِ اسلامی کے 12 دینی کاموں میں حصہ لینے اور 1500 سالہ جشنِ ولادت جوش و خروش کے ساتھ منانے کا ذہن دیا جس پر انہوں نے اچھی اچھی نیتیں کیں۔

اس موقع پر جامع مسجد ابوعطار کے امام صاحب، نمازی حضرات، شعبے کے ٹاؤن ذمہ دار سجاد عطاری، یوسی نگران عبدالواحد عطاری اور شعبے کے یوسی ذمہ دار فیضان عطاری موجود تھے۔(رپورٹ: عزیر عطاری شعبہ کفن دفن ڈسٹرکٹ ناظم آباد ، کانٹینٹ:غیاث الدین عطاری)

کفن دفن سے متعلق مسائل سکھانے کے لئے 24 جولائی 2025ء کو عالمی مدنی مرکز فیضانِ مدینہ کراچی میں شعبہ کفن دفن دعوتِ اسلامی کے تحت جامعۃالمدینہ بوائز کے طلبۂ کرام کے لئے ایک سیشن منعقد کیا گیا۔

اس سیشن میں شعبے کے ڈسٹرکٹ ذمہ دار محمد بلال عطاری نے ابتداءً میت کو غسل دینے کے بارے میں آگاہی دی جس کے بعد میت کے لئے کفن کاٹنے / پہنانے کا طریقہ بھی بتایا۔

ڈسٹرکٹ ذمہ دار نے طلبۂ کرام کو دعوتِ اسلامی کے دینی کاموں میں بڑھ چڑھ کر حصہ لینے کی ترغیب دلائی جس پر انہوں نے اچھی اچھی نیتوں کا اظہار کیا۔(رپورٹ: عزیر عطاری شعبہ کفن دفن ڈسٹرکٹ ناظم آباد ، کانٹینٹ:غیاث الدین عطاری)

پچھلے دنوں بصیرپور، ضلع اوکاڑہ کے مدنی مرکز فیضانِ مدینہ میں ہونے والے دعوتِ اسلامی کے ہفتہ وار سنتوں بھرے اجتماع کے بعد شعبہ کفن دفن کے تحت سیکھنے سکھانے کا حلقہ لگایا گیا جس میں کثیر عاشقانِ رسول نے شرکت کی۔

دورانِ حلقہ شعبےکے ڈسٹرکٹ ذمہ دار لیاقت علی عطاری نے غسلِ میت کا عملی طریقہ بتاتے ہوئے کفن کاٹنے اور پہنانے کا طریقہ سکھایا نیز کفن دفن دعوتِ اسلامی کی موبائل ایپلیکیشن کا تعارف بھی کروایا۔(رپورٹ:احمد ندیم عطاری شعبہ تعلیم، کانٹینٹ:غیاث الدین عطاری)

بڑھتی ہوئی فضائی آلودگی کی روک تھام، Oxygen فراہم کرنے، Carbon dioxide جذب کرنے اور ماحولیاتی توازن قائم رکھنے ، انسانیت اور ماحول سے محبت کا عملی مظاہرہ کرتے ہوئے دعوتِ اسلامی نے شجر کاری مہم کا فیصلہ کر رکھا ہے۔ عالمی مذہبی و روحانی شخصیت حضرت علامہ محمد الیاس عطار قادری دامت برکاتہم العالیہ نے مدنی چینل پر ایک ارب درخت لگانے کا تاریخی اعلان فرمایاتھا۔

یہ اعلان محض ایک خواب نہیں بلکہ ایک عملی ہدف ہے جسے حقیقت بنانے کے لئے دعوتِ اسلامی ہر سال یکم اگست سے WWF، محکمہ جنگلات اور دیگر متعلقہ حکومتی اداروں کے تعاون سے ملک گیر شجرکاری مہم کا آغاز کرتی ہے۔ اسی سلسلے میں رواں سال بھی یکم اگست 2025ء سے ملک بھر میں شجر کاری مہم شروع ہونے جارہا ہے۔ یکم اگست کو شجر کاری مہم کا حصہ بنتے ہوئے وطن عزیز پاکستان کے سرکاری و نجی ادارے، ہسپتال اور تعلیمی اداروں سمیت ہزاروں مقامات پر پودے لگائے جائیں گے۔

شجر کاری مہم کے سلسلے میں یکم اگست کو پاکستانی وقت کے مطابق شام 4:00 بجے مدنی چینل پر پروگرام بھی نشر کیا جائے گا۔

واضح رہے کہ FGRF ملک بھر میں اب تک تقریباً 34لاکھ 17 ہزار سے زائد پودے لگا چکی ہیں اور ان پودوں کی افزائش اور نگہبانی کے لئے مربوط نظام بھی قائم ہے۔ اس کے علاوہ شجر کاری کے حوالے سے دعوتِ اسلامی کا سلوگن ہے”پودا لگانا ہے درخت بنانا ہے“۔

تربیت ایک ایسا عمل ہے جو انسان کے اخلاق، کردار، رویئے اور سوچ کو سنوارتا ہے۔ یہ صرف تعلیم تک محدود نہیں بلکہ زندگی کے ہر شعبے میں رہنمائی فراہم کرتی ہے۔ ایک تربیت یافتہ انسان نہ صرف خود ایک مثالی فرد بنتا ہے بلکہ اپنے خاندان، معاشرے اور قوم کے لئے بھی نفع بخش ثابت ہوتا ہے۔

عاشقانِ رسول کی دینی تحریک دعوت اسلامی بھی وقتاً فوقتاً اپنے ذمہ داران، مبلغین، سوشل ورکرز اور اپنے Employes سمیت ہر سطح کے افراد کے لئے تربیتی پروگرام منعقد کرتی رہتی ہے۔ ان پروگرامز کا مقصد معاشرے کو بہترین افراد فراہم کرنا اور دینِ اسلام کی تعلیمات کو دنیا بھر میں منظم طریقے سے پہچانا ہے۔

اسی طرح کا ایک پروگرام 28 جولائی 2025ء کو عالمی مدنی مرکز فیضان مدینہ کراچی میں منعقد ہوا جس میں نگران پاکستان مشاورت حاجی محمد شاہد عطاری اور اراکین شوریٰ حاجی سید لقمان عطاری، حاجی فضیل عطاری سمیت سینکڑوں کی تعداد میں عاشقان رسول ہوئے، شرکا میں ڈویژن، کراچی سٹی ذمہ داران، ڈسٹرکٹ تا ذیلی نگران و ذمہ داران، جامعۃ المدینہ کے ناظمین و اساتذۂ کرام، مدرسۃ المدینہ کے ناظمین اور قاری صاحبان، مدرسۃ المدینہ بالغان کے مدرسین، تمام امام صاحبان، کراچی سٹی کے تمام نگران و ذمہ داران اور مختلف علاقوں کے عاشقانِ رسول شامل تھے۔

سنتوں بھرے اجتماع میں نگرانِ شوریٰ مولانا حاجی محمد عمران عطاری مُدَّ ظِلُّہُ العالی نے ”توکل“ کے موضوع پر سنتوں بھرا بیان کیا۔ بیان کرتے ہوئے نگران شوریٰ نے فرمایا کہ جب بھی ہمیں فارغ وقت میسرآئے تو اُسے ضائع کرنے سے بہتر ہے کہ اپنے ٹائم کو کسی نیک کام میں خرچ کریں، نیکی کی دعوت دیں، درود شریف پڑھیں یا مطالعہ کرلیں۔ اگر ہم اپنا قیمتی وقت صحیح جگہ استعمال کریں گےتو ہمیں فضول چیزوں کی طرف جانے کا موقع ہی نہیں ملے گا۔آپ نے مزید کہا کہ اللہ کے نیک بندے اللہ پاک کا ذکر کرکے اپنے اندر تازگی پاتے تھے تو ہمیں بھی کوشش کرنی چاہیئے کہ فضول کاموں سے Refreshmentحاصل کرنے کے بجائے نیک کاموں سے تازگی حاصل کریں۔ اپنا وقت نیکیوں میں گزارنے کے لئے دعوتِ اسلامی کے دینی ماحول سے وابستہ ہوجائیں۔ دعوتِ اسلامی کے ماحول کی برکت سے ان شاء اللہ ہمارے اندر سے گناہوں کی عادت نکل جائے گی۔دورانِ اجتماع شرکا کو ”1500 واں جشنِ ولادتِ مصطفٰے ﷺ“ جوش خروش سے منانے اور اس کی تیاری کرنے کا بھر پور ذہن دیا گیا۔

بیان کے بعد رکن شوریٰ حاجی فضیل رضا عطاری نے 03 اگست 2025ء کو نشتر پارک کراچی میں ہونے والے اجتماع میلاد کی دعوت دی اور عاشقان رسول میں اس کی دعوت عام کرنے کی ترغیب دلائی۔ اجتماع کا اختتام صلوۃ و سلام اور دعا پر ہوا۔

26جولائی2025ء کو پنجاب کے شہر فیصل آباد میں قائم دعوت اسلامی کے دینی تعلیمی بورڈ کنزال مدرسہ میں صومالیہ سے آئے ہوئے   علماء کرام شیخ محمود ،شیخ آدم اور شیخ نور کی آمد ہوئی رکنِ شوریٰ حاجی محمد اسد مدنی کے ہمراہ علماء کرام نے کنزالمدارس بورڈ کے شعبہ جات کا وزٹ کیا اور بورڈ کے تحت ہونے والے تعلیمی و انتظامی امور کا بغور مشاہدہ کرتے ہوئے اس کی خدمات کو سراہا۔

شیوخِ کرام نے دعوتِ اسلامی کی مرکزی مجلسِ شوریٰ کے رکن و صدر کنزالمدارس بورڈ، مولانا جنید عطاری مدنی سے ملاقات کی۔ رکنِ شوریٰ نے معزز مہمانوں کی آمد پر ان کا شکریہ ادا کیا اور تحائف پیش کیےوزٹ کے اختتام پر معزز مہمانوں نے اپنے تاثرات بھی تحریر کیے ۔(رپورٹ: ابراراحمد کیمرہ مین سوشل میڈیا ڈیپارٹمنٹ کنزالمدارس بورڈ فیصل آباد، کانٹینٹ:شعیب احمد عطاری)

22جولائی2025ء کو پنجاب کے شہر فیصل آباد میں قائم دعوت اسلامی کے دینی تعلیمی بورڈ کنزال مدرسہ میں دعوت اسلامی کی مرکزی مجلس شوریٰ کے رکن سید محمد ابراہیم عطاری کی آمد ہوئی جن کو رکنِ شوریٰ کے معاون محمد شہروز عطاری نے کنزالمدارس بورڈ کا تفصیلی وزٹ کروایا۔

رکن شوریٰ سید محمد ابراہیم عطاری نے مختلف ڈیپارٹمنٹ کا جائزہ لیا اور مرکزی مجلس شوریٰ کے رکن و صدر کنزالمدارس بورڈ مولانا جنید عطاری سے خصوصی ملاقات کرتے ہوئے شعبہ جات کا جائزہ لینے کے بعد احسن انداز میں شعبہ جات کے کاموں کو سراہا ۔ (رپورٹ: ابراراحمد کیمرہ مین سوشل میڈیا ڈیپارٹمنٹ کنزالمدارس بورڈ فیصل آباد، کانٹینٹ:شعیب احمد عطاری)

24جولائی2025ء کو فیضان مدینہ  فیصل آباد میں جامعۃالمدینہ بوائز کے اساتذہ و ناظمین کا تربیتی اجتماع ہوا جس میں فیصل آباد ڈویژن کے ناظمین و اساتذہ کرام اور مجلس جامعۃالمدینہ کے ذمہ داران نے شرکت کی ۔

نگران پاکستان مشاورت نے تربیتی نشست فرمائی جس میں نگران پاکستان مشاورت نے بیان فرماتے ہوئے اساتذہ و ناظمین کو مختلف موضوعات پر قیمتی مدنی پھولوں سے نوازا نیز طلبہ کرام کے ذریعے دعوت اسلامی کے دینی کاموں کو زیادہ سے زیادہ بڑھانے اوریکم ربیع الاول سے 12 تک روزانہ اجتماع کرنے کے حوالے سے بھی گفتگو فرمائی۔

اس موقع پر نگران پاکستان مشاورت نے اساتذہ کرام و ناظمین سے ملاقات بھی کی اور بہترین کار کردگی والے ناظمین کو تحسین سرٹیفکیٹ بھی دیے۔ (رپورٹ:عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:شعیب احمد عطاری)