کراچی کے علاقے مؤمن آباد  ٹاؤن یوسی 2 جامع ابو یامین میں شعبہ کفن دفن دعوتِ اسلامی کے تحت 25جولائی 2025ء کو ایک ٹریننگ سیشن کا انعقاد کیا گیا جس میں جامع مسجد ابو یامین کے نمازی اسلامی بھائی سمیت امام صاحب نے شرکت کی ۔

اس ٹریننگ سیشن کا مقصد عاشقانِ رسول کو میت کی تجہیز و تکفین کے شرعی مسائل سکھانا تھا تاکہ وہ دینِ اسلام کی تعلیمات کے مطابق اپنی زندگی گزار سکیں۔

ٹریننگ سیشن میں شعبہ کفن دفن ڈسٹرکٹ ذمہ دار فھیم الدین عطاری مدنی اور ٹاؤن ذمہ دار شعبہ کفن دفن ندیم عطاری نے غسلِ میت دینے کے طریقۂ کار پر روشنی ڈالتے ہوئے شرکا کو اس کی فضیلت و اہمیت کے بارے میں بتایا جبکہ غسل میت، کفن کاٹنے اور پہنانے کے طریقۂ کار نیز نماز جنازہ کے مراحل سے شرکا کو آگاہ کیا ۔

اس موقع پر مبلغ دعوت اسلامی نے حاضرین کو 12 دینی کام کرنے اور 1500 سالہ جشن ولادت کی خوشی کو شرعی اصولوں کے مطابق منانے کے ترغیب دلائی ۔(رپورٹ: عزیر عطاری ڈسٹرکٹ ذمہ دار ناظم آباد ، کانٹینٹ:شعیب احمد عطاری)

لیاری ٹاؤن، کراچی کے علاقے آگر ہ تاج کالونی میں قائم جامع مسجد دعا میں شعبہ کفن دفن دعوتِ اسلامی کے تحت سیکھنے سکھانے کا حلقہ لگایا گیا جس میں شرکاکو تجہیز و تکفین  کے بارے میں آگاہی دی گئی۔

ڈسٹرکٹ ذمہ دار مولانا محمد یاسر عطاری مدنی نے نا صرف غسلِ میت کی فضیلت بتائی بلکہ میت کو غسل دینے، کفن کاٹنے اورپہنانے کا طریقہ بھی سکھایا۔ ساتھ ہی نمازِ جنازہ اور تدفین کے مراحل کے بارے میں آگاہی دی۔ آخر میں شرکا کی جانب سے کئے گئے سوالات کے جوابات بھی دیئے ۔

اس موقع پر ڈسٹرکٹ ذمہ دار اسماعیل عطاری، یوسی ذمہ دار فرید عطاری اور ڈسٹرکٹ صدر شعبہ کورسز کے ذمہ دار امتیاز عطار ی سمیت دیگر عاشقانِ رسول بھی موجود تھے۔ (رپورٹ: عزیر عطاری ڈسٹرکٹ ذمہ دار ناظم آباد ، کانٹینٹ:شعیب احمد عطاری)

کراچی کے علاقے گلستان جوہر  میں قائم جامعۃ المدینہ فیضان عثمان غنی میں شعبہ کفن دفن دعوتِ اسلامی کے تحت 22جولائی 2025ء کو ایک ٹریننگ سیشن کا انعقاد کیا گیا جس میں غسل میت، کفن کاٹنے اور پہنانے کے طریقۂ کار نیز نماز جنازہ کے مراحل سے شرکا کو آگاہ کیا گیا۔

اس ٹریننگ سیشن میں سٹی ذمہ دار یاسر مدنی اور ڈسٹرکٹ ذمہ دار محمد بلال عطاری نے غسلِ میت دینے کے طریقۂ کار پر روشنی ڈالتے ہوئے شرکا کو اس کی فضیلت و اہمیت کے بارے میں بتایا۔

اس ٹریننگ سیشن کا مقصد عاشقانِ رسول کو میت کی تجہیز و تکفین کے شرعی مسائل سکھانا تھا تاکہ وہ دینِ اسلام کی تعلیمات کے مطابق اپنی زندگی گزار سکیں۔ (رپورٹ: عزیر عطاری ڈسٹرکٹ ذمہ دار ناظم آباد ، کانٹینٹ:شعیب احمد عطاری)

ضلع اوکاڑہ کے گاؤں 23/2L رینالہ خورد میں کی مسجد و مدرسہ حیات النبی صلَّی اللہ علیہ واٰلہٖ وسلَّم میں 20 جولائی 2025ء سے 7 دن کے ”فیضان نماز کورس رہائشی“ کا انعقاد کیا گیا جس کا اختتام 26 جولائی 2025ء کو ہوا۔

تفصیلات:

شعبہ مدنی کورسز دعوتِ اسلامی کے تحت 7 دن کے ”فیضانِ نماز کورس رہائشی“ کا انعقاد کیا گیا جس میں اہل محلہ کی بڑی تعداد نے شرکت کی جس کا مقصد شرکا کو صحیح طریقہ ٔوضو، غسل کے مسائل، نماز کا عملی طریقہ اور دینی آداب و دعائیں سکھانا تھا۔

اس کورس میں شرکا کو نہ صرف نماز کی اہمیت اور نماز کا طریقہ سکھایا گیا بلکہ انہیں دعوتِ اسلامی کے 12 دینی کام بھی سکھائے گئے جس میں انہیں فجر کے وقت جگانے کا طریقہ اور دینی کاموں کے حوالے سے تربیت دی گئی تاکہ نوجوان و بزرگ سب دینی تعلیمات سے آگاہ ہوں اور ان پر عمل پیرا ہوں۔

واضح رہے یہ مذکورہ کورس کروانے والے شعبہ مدنی کورسز کے معلم محمد اظہر سلیم عطاری تھے جنہوں نے شرکا کو دینی مسائل سکھانے کے ساتھ ساتھ دعوتِ اسلامی کے دینی کاموں کے حوالے سے بھی شرکا کی ذہن سازی کی۔ (رپورٹ: شعبہ مدنی کورسز ، کانٹینٹ:غیاث الدین عطاری)

22 جولائی 2025ء کو شعبہ معاونت برائے اسلامی بہنیں دعوتِ اسلامی کے تحت  ڈویژن فیصل آباد، پنجاب میں مدنی مشورہ ہوا جس میں ڈویژن، ڈسٹرکٹ، سٹی، تحصیل اور ٹاؤن ذمہ دار اسلامی بھائیوں نے شرکت کی۔

معلومات کے مطابق اس مدنی مشورے میں نگرانِ شعبہ غلام الیاس عطاری اور صوبائی ذمہ دار محمد اقبال عطاری نے اسلامی بہنوں کے دینی کام کو مضبوط کرنے کی پلاننگ پر گفتگو کی اور ذمہ داران کو یوسیز میں ورکنگ کے اہداف دیئے۔

اسی طرح نگرانِ شعبہ اور صوبائی ذمہ دار نے نگرانِ شوریٰ کے ایونٹ کی تیاری کے بارے میں تبادلۂ خیال کیانیز دینی کاموں میں مزید بہتری لانے کی ترغیب بھی دلائی۔ (رپورٹ: محمد علی عطاری شعبہ معاونت برائے اسلامی بہنیں صوبہ پنجاب آفس ، کانٹینٹ:غیاث الدین عطاری)

لاہور ، پنجاب، 22 جولائی 2025ء:

لوگوں کو پنج وقتہ نمازی بنانے اور انہیں سنتوں کا پابند کرنے والی عاشقانِ رسول کی دینی تحریک دعوتِ اسلامی کے تحت لاہور، پنجاب سے 22 جولائی 2025ء کو شعبہ فیضان آن لائن اکیڈمی گرلز کا ماہانہ آن لائن مدنی مشورہ منعقد ہوا۔

اس دوران نگرانِ شعبہ مولانا سیّد غلام الیاس عطاری مدنی نے شرکا اسلامی بھائیوں کو ضد اور ہٹ دھرمی کے نقصانات سے آگاہ کیا اور دین میں اس کے اثرات کے حوالے سے بتایا۔

نگرانِ شعبہ مولانا سیّد غلام الیاس عطاری مدنی نے ماتحت اسلامی بھائیوں کے مسائل سننے اور ان کے حل کے لئے رہنمائی کی تاکہ شعبے کی کارکردگی کو مزید بہتر بنایا جا سکے۔ (رپورٹ: شعبہ فیضان آن لائن اکیڈمی گرلز ، کانٹینٹ:غیاث الدین عطاری)

تحصیل تلہ گنگ، پنجاب میں واقع دعوتِ اسلامی کے مدنی مرکز فیضانِ مدینہ میں شعبہ مدنی کورسز کے تحت  20 تا 26 جولائی 2025ء کو 7 دن پر مشتمل ”فیضانِ نماز کورس رہائشی“ ہوا جس میں علاقے کےطلبۂ کرام اور آرمی سے ریٹائرڈ افراد سمیت دیگر عاشقانِ رسول نے شرکت کی۔

کورس کے دوران معلم مولانا حبیب اللہ عطاری مدنی نے نماز و وضو کے مسائل سمیت دیگر اہم امور پر حاضرین کی رہنمائی کی اور انہیں نماز کے فرائض و شرائط نیز جماعت کی اہمیت پر روشنی ڈالتے ہوئے وضو کا پریکٹیکل کر کے بتایا۔

اس کے علاوہ معلم نے حاضرین کو علمِ دین کے فضائل بیان کئے اور صفائی ستھرائی کے حوالے سے اُن کی ذہن سازی کی جبکہ شرکا کو جامعۃالمدینہ بوائز میں داخلہ لینے کی ترغیب بھی دلائی۔

معلم کورس نے وہاں موجود اسلامی بھائیوں دعوتِ اسلامی کے تحت ہونے والے 63 دن کے مدنی تربیتی کورس کے حوالے سے بتایا جس پر انہوں نے اچھی اچھی نیتیں کی اور دعوتِ اسلامی کے 12 دینی کاموں میں عملی طور پر حصہ لینے کا عزم کیا۔(رپورٹ: مولانا محمد احمد سیالوی عطاری مدنی، رکن شعبہ مدنی کورسز ، کانٹینٹ:غیاث الدین عطاری)

27 جولائی 2025ء کو لاہور، پنجاب میں شعبہ تحفظِ اوراقِ مقدسہ دعوتِ اسلامی کے تحت والٹن ٹاؤن کا مدنی مشورہ ہوا جس میں ٹاؤن نگران اور صوبائی و ٹاؤن ذمہ دار اسلامی  بھائیوں نے شرکت کی۔

اس موقع پر نگرانِ شعبہ مولانا افضل عطاری مدنی نے ذمہ دار اسلامی بھائیوں سے شعبے کے متعلق کلام کرتے ہوئے اوراقِ مقدسہ کو مستقل طور پر محفوظ کرنے کے لئے قراٰن محل کی تعمیرات پر مشاورت کی۔

نگرانِ شعبہ نے والٹن ٹاؤن میں اوراقِ مقدسہ کے باکسز کی کارکردگی کا جائزہ لیا اور آئندہ کے اہداف طے کئے جس پر ذمہ دار اسلامی بھائیوں نے اپنی اپنی رائے پیش کی۔(رپورٹ: محمد رضا عطاری، ڈویژن ذمہ دار ، کانٹینٹ:غیاث الدین عطاری)

لاہور، پنجاب، 26 جولائی 2025ء-

شعبہ تحفظِ اوراق مقدسہ دعوتِ اسلامی کے تحت لاہور سٹی میں 26 جولائی 2025ء کو ایک اہم مدنی مشورہ منعقد ہوا جس میں داروغہ والا ٹاؤن نگران اور صوبائی و ٹاؤن ذمہ دار اسلامی بھائیوں نے شرکت کی۔

اس موقع پر نگران شعبہ مولانا افضل عطاری مدنی نے بکسز اور اسٹور کا تفصیلی جائزہ لیتے ہوئے وہاں موجود ذمہ دار اسلامی بھائیوں کی شعبے کے حوالے سے رہنمائی کی۔

نگران شعبہ نے ذمہ داران کو آئندہ کے اہداف دیتے ہوئے شعبہ تحفظ ِاوراقِ مقدسہ کے اقدامات کو مزید بہتر بنانے کا ذہن دیا جس پر انہوں نے اچھی اچھی نیتیں کیں۔(رپورٹ: محمد رضا عطاری، ڈویژن ذمہ دار ، کانٹینٹ:غیاث الدین عطاری)

20 جولائی 2025ء کو صوبائی دارالحکومت لاہور میں دعوتِ اسلامی کے تحت مدرسین کا تربیتی اجتماع منعقد ہوا جس میں شعبہ فیضان آن لائن اکیڈمی بوائز، لاہور ڈویژن کے تمام اساتذۂ کرام اور ذمہ داران شریک ہوئے۔

تربیتی اجتماع کا آغاز تلاوتِ قراٰن و نعتِ رسولِ مقبول صلَّی اللہ علیہ واٰلہٖ وسلَّم سے کرنے کے بعد مرکزی مجلسِ شوریٰ کے رکن حاجی یعفور رضا عطاری کا سنتوں بھرا بیان ہو اجس میں انہوں نے ”1500 سالہ جشن ولادت مصطفی صلَّی اللہ علیہ واٰلہٖ وسلَّم“ کو جوش و جذبے کے ساتھ منانے اور اس کی بھرپور انداز میں تیاری کرنے کی ترغیب دلائی۔

اجتماع کے اختتام پر نگرانِ شعبہ مولانا یاسر عطاری مدنی نے شعبے کے دینی کاموں میں نمایاں کارکردگی کے حامل اسلامی بھائیوں کی حوصلہ افزائی کے لئے اُن کے درمیان تحائف تقسیم کئے۔(رپورٹ: نواز حسین فیاض ، کانٹینٹ:غیاث الدین عطاری)

دعوتِ اسلامی کے زیر اہتمام بروز منگل مؤرخہ 28 سے 30 جولائی 2025ء تک مدنی مرکز فیضان مدینہ جوہر ٹاؤن لاہور میں امام صاحبان کا سنتوں بھرا اجتماع جاری ہے۔

اس اجتماع میں امام صاحبان کے علاوہ KPK اور لاہور کے صوبائی و ڈسٹرکٹ ذمہ داران، شعبہ امام مساجد کے خود کفالت ذمہ داران اور کارکردگی ذمہ داران شریک ہیں۔

تین دن کے اجتماع میں رکن شوریٰ حاجی یعفور رضا عطاری سمیت مبلغین دعوتِ اسلامی اور نگران مجلس بیان کرنے کے ساتھ ساتھ شرکا کی مختلف امور پر تربیت فرمارہے ہیں۔

عالمی مدنی مرکز فیضانِ مدینہ، کراچی میں بروز ہفتہ کی شب یکم صفر المظفر 1447ھ بمطابق 26 جولائی  2025ء کو دعوتِ اسلامی کے زیرِ اہتمام ہفتہ وار مدنی مذاکرے کا انعقاد کیا گیا۔ اس مبارک اجتماع میں کراچی کے مختلف علاقوں سے بڑی تعداد میں عاشقانِ رسول نے براہِ راست شرکت کی جبکہ پاکستان سمیت دنیا بھر سے لاکھوں اسلامی بھائیوں نے مدنی چینل کے ذریعے آن لائن شریک ہوئے۔

اس موقع پر بانیِ دعوتِ اسلامی، شیخِ طریقت، امیرِ اہلِ سنّت حضرت علّامہ مولانا ابوبلال محمد الیاس عطّاؔر قادری رضوی دامت بَرَکَاتُہمُ العالیہ نے حاضرین و ناظرین کے سوالات کے جوابات دیئے۔ آپ نے نہ صرف شرعی و دینی مسائل کی وضاحت کی بلکہ اخلاقی، تنظیمی اور معاشرتی موضوعات پر بھی قیمتی نصیحتیں فرمائیں جو سننے والوں کے لیے مشعلِ راہ بنیں۔

مدنی مذاکرے میں ہونے والے بعض سوال و جواب

سوال: کہا جاتاہے کہ بُرےوقت کندھے پرہاتھ رکھنا خوشی کے وقت تالیوں سے زیادہ قیمتی ہوتاہے ؟ اس بارے میں آپ کیا فرماتے ہیں ؟

جواب: یہ حقیقت ہےکہ کسی کی خوشی میں ساتھ نہ دیں تو اتنا مسئلہ نہیں ہوتا،جوہمارے غم میں شریک نہ ہووہ زیادہ یادرہتاہے ،ہوسکتاہے آپ کو بھی تجربہ ہو۔دُکھ کے وقت کندھے پر ہاتھ رکھنا بڑاکارآمدہوتاہے ۔اس میں خوشی کے وقت تالیاں بجانا کہا گیا ہے ،کسی کی خوشی میں تو شامل ہونا چاہئے مگرتالیاں بجانے کی ہرگزاجازت نہیں ۔

سوال:خواب میں مدینہ کیسے دیکھیں ؟

جواب:دُرود وسلام کی کثرت کریں ،مدینۂ منورہ یادکرتےر ہیں ،جلدہی خواب میں مدینہ ٔپاک پہنچ جائیں گے ۔ان شاء اللہ الکریم ۔جن چیزوں کا ذہن میں خیال آتارہتاہے بعض اوقات وہ خواب میں بھی آجاتی ہیں ۔خواب میں دیکھنے کے بعد اللہ پاک چاہے گا تو حقیقت میں بھی مدینہ شریف پہنچ جائیں گے ۔ اس کے لیے دعا بھی کرتے رہیں اور اسباب بھی اختیارکریں ،رقم جمع کریں ،ویزہ لگوائیں اورمدینے پہنچ جائیں ۔

سوال: کوئی سوشل میڈیا میں زیادہ مشہورہوجائے اور اس کے لائیکس زیادہ ہوں تو اسے دیکھ کر اپنے آپ کوکمترسمجھنا یا اس کی ترقی دیکھ کرجلنا کیسا؟

جواب : اس پر دل جلاناتو کھوٹا(بُرا)ہے ،کسی کی سوشل میڈیا کی ترقی بعض اوقات جھوٹ بولنے اورزیادہ ایکٹنگ (Acting) کی وجہ سے ہوتی ہےاوریہ ترقی بلبلے کی طرح ہے ۔بعضوں کی ختم بھی ہوجاتی ہے۔ اس پر دل نہ جلایا جائے،اصل کامیابی توآخرت کی کامیابی ہے ،ہاں کسی نیک شخص کو دیکھ کر کُڑھنا چاہئےکہ میں نیک نہ بن سکا،اپنے عمل میں بہتری لانے کی سوچ اچھی ہے ۔

سوال: 15سویں جشن ِولادت کی تیاری کیسےکریں؟

جواب: مسجددرس /چوک درس اوردیگردینی کاموں میں 15فیصد اضافہ کریں ۔فرسٹ(1) ربیع الاول سے 12ربیع الاول تک بلکہ پورےماہ ِربیع الاول میں روزانہ 15سومرتبہ درودپاک پڑھیں ۔کاروباری حضرات ربیع الاول میں چاندرات سے 12 ربیع الاول تک ساداتِ کرام کو 50فیصدڈسکاؤنٹ دیں ،اتنا نہ دے سکیں تو حسب ِ توفیق دے دیں ،غریبوں کو 25% ڈسکاؤنٹ دیں، باقی ہرایک کو 15% ڈسکاؤنٹ دیں ۔حفاظ ابھی سے قرآن پاک پڑھنا شروع کریں اور12 ربیع الاول تک15قرآن پاک ختم کرکے پیارے آقاصلی اللہ علیہ والہ وسلم کو ایصالِ ثواب کریں ۔اسی طرح 12 ربیع الاول تک 15سونوافل اداکرلیں ۔15غریبوں کو راشن دلادیں ، وغیرہ

سوال: ماہِ صفر میں کتنی مرتبہ سورہ اخلاص پڑھیں ؟

جواب: سیدی اعلیٰ حضرت،امامِ اہلسنت مولانا شاہ امام احمد رضا خان رحمۃ اللہ علیہ کے یومِ عرس 25صفرکی نسبت سے ماہِ صفرمیں روزانہ 25مرتبہ سورہ اخلاص پڑھیں اوراس کی کارکردگی شعبہ اصلاحِ اعمال کے ذمہ دارکو جمع کروائیں ۔

سوال: اِس ہفتے کارِسالہ ”شکر کی برکتیں“ پڑھنے یاسُننے والوں کوامیراہل سنت دامت برکاتہم العالیہ نے کیا دُعا دی ؟

جواب: یاربِّ کریم! جو کوئی 16 صفحات کا رسالہ ”شکر کی برکتیں“ پڑھ یا سن لے اُسے ہر حال میں صبر و شکر کرنےوالا بنا اور اُسے ماں باپ اور خاندان سمیت بے حساب بخش دے۔ اٰمِیْن بِجَاہِ خاتم النَّبیّن صلَّی اللہ علیہ واٰلہٖ وسلَّم ۔