2 نومبر 2023ء  بروز جمعرات تنظیمی ذمہ دار اسلامی بہنوں کی دینی و اخلاقی تربیت کے لئے عاشقانِ رسول کی دینی تحریک دعوتِ اسلامی کے تحت سنتوں بھرا اجتماع ہوا جس میں نگران ڈویژن ڈی جی خان اور شعبہ جات کی ذمہ دار اسلامی بہنوں نے شرکت کی۔

معلومات کے مطابق دینی کاموں کے سلسلے میں صوبۂ پنجاب پاکستان کے سفر پر موجود صاحبزادیِ عطار سلمہا الغفار نے اس اجتماعِ پاک میں بیان فرمایا اور ذمہ دار اسلامی بہنوں کو ڈی جی خان میں دعوتِ اسلامی کے دینی کام بڑھانے کے لئے مدنی پھول دئیے ۔

صاحبزادیِ عطار سلمہا الغفار نے ذمہ دار اسلامی بہنوں کو دینِ متین کی ترویج و اشاعت کے لئے مزید بہتر انداز میں دعوتِ اسلامی کے دینی کاموں میں بڑھ چڑھ کر حصہ لینے کی ترغیب دلائی جس پر انہوں نے اچھی اچھی نیتیں بھی کیں۔ بعدازاں صاحبزادیِ عطار کی انفرادی کوشش سے اسلامی بہنوں نے ہاتھوں ہاتھ ٹیلی تھون کی مد میں رقم جمع کروائی۔