22 ربیع الاوّل, 1441 ہجری

: : :
(PST)

دعوتِ اسلامی  کی مجلس طبّی علاج اور مجلس رابطہ کے تحت 18 نومبر2019ء سے 30نومبر2019ء تک ٹائیفائڈ بخار کے حفاظتی ٹیکوں کی خصوصی مہم کا آغاز کیا جائے گا جس میں مدرسۃ المدینہ اور دارالمدینہ میں پڑھنے والے 5سال سے لیکر 15سال تک کے بچوں کو یہ ویکسین فراہم کی جائے گی۔ اسی سلسلے میں مختلف ڈاکٹر ز ومجالس کے ذمہ داران کا مدنی مشورہ بھی ہوا جس میں رکنِ شوریٰ حاجی محمد امین عطاری نے اس کام کو بہتر سے بہتر انداز میں کرنے کے متعلق ذمہ داران سے اہم امور پر مشاورت کی اور نکات دئیے۔(رپورٹ،محمد فاروق عطاری مدنی،رکن مجلس، مجلس طبی علاج)


دعوت ِاسلامی کی مجلس طبی علاج کے تحت پچھلے دنوں عالمی مدنی مرکز فیضان مدینہ کراچی  میں قائم مستشفیٰ ( کلینک )کے تمام اسٹاف ، ڈاکٹر اور ڈسپنسرز کا ماہانہ مدنی مشورہ ہوا جس میں گزشتہ ماہ کی کارکردگی کا جائزہ لیا گیا۔ اس مدنی مشورے میں رُکن مجلس علاج اور نگران مستشفیٰ نے اسٹاف کی تربیت کی اور 12ربیع الاول کی شب مدنی مذاکرے میں آنے والے عاشقانِ میلاد کو فرسٹ ایڈ کے حوالے سے نکات دئیے۔

یادر رہے! عالمی مدنی مرکز فیضانِ مدینہ کراچی میں قائم مستشفی ٰمیں یہ ساری سہولیات آنے والے تمام عاشقانِ میلاد کو فری آف کاسٹ دی جاتی ہے۔


دعوتِ اسلامی کی مجلس طبی علاج کے تحت پچھلے دنوں عالمی مدنی مرکز فیضانِ مدینہ کراچی میں ریجن سطح کے ذمہ داران کا ماہانہ مدنی مشورہ ہوا جس میں رکن مجلس طبی علاج نے شرکا کی سابقہ ماہ کی کارکردگی کا جائزہ لیتے ہوئے ان کی تربیت کی اور انہیں درپیش مسائل کے حل بیان کئے۔


دعوتِ اسلامی کی مجلس طبّی علاج  کے تحت عالمی مدنی مرکز فیضانِ مدینہ کراچی میں خون کی مہلک بیماری تھیلسمیا کی روک تھام کے لئے کیمپ لگایا گیا جس میں مجلس جامعۃ المدینہ،مجلس مالیات، مجلس آئی ٹی اور دیگر شعبہ جات کے اسلامی بھائیوں کا تھیلسمیا کا ٹیسٹ کیا گیا اور اب مدنی چینل کے اجیر اسلامی بھائیوں کا ٹیسٹ جاری ہیں جبکہ ڈاکٹر کامران نے کہا ہے کہ ایک یا دو دنوں میں یہ فیز مکمل ہوجانے کے بعد ہم دیگرجامعات المدینہ کے طرف بھی جائیں گے۔