عاشقانِ رسول کی دینی تحریک دعوتِ اسلامی کے تحت سری لنکا کے شہر کولمبو میں واقع مدنی مرکز فیضانِ مدینہ میں ایک مدنی مشورہ ہوا جس میں مدرسۃالمدینہ بوائز کے ذمہ دار اسلامی بھائیوں نے شرکت کی۔

معلومات کے مطابق اس مدنی مشورے میں مرکزی مجلسِ شوریٰ کے رکن حاجی محمد امین عطاری نے ذمہ داران کی تربیت و رہنمائی کرتے ہوئے انہیں دینی کاموں میں مزید بہتری لانے کا ذہن دیا۔

بعدازاں مدنی مشورے میں شریک اسلامی بھائیوں نے دعوتِ اسلامی کے دینی کاموں میں ترقی کے لئے اپنی اپنی رائے پیش کی۔( کانٹینٹ:غیاث الدین عطاری)

22 مئی 2023ء بروز پیر پنجاب پاکستان کے ضلع مری میں قائم دعوتِ اسلامی کے مدرسۃالمدینہ رہائشی بوائز میں بچوں کے درمیان  سیکھنے سکھانے کا حلقہ لگایا گیا ۔

دورانِ حلقہ نگرانِ شعبہ مدرسۃالمدینہ رہائشی بوائز فلک شیر عطاری نے بچوں کی دینی، اخلاقی اور تعلیمی اعتبار سے تربیت کی نیز انہیں دعوتِ اسلامی کے 12 دینی کاموں میں شرکت کرنے کا ذہن دیا جس پر انہوں نے اچھی اچھی نیتیں کیں۔

آخر میں نگرانِ شعبہ نے مدرسۃالمدینہ رہائشی کے ناظم صاحب اور مدرسین کا مدنی مشورہ لیا جس میں انہوں نے شعبے کے تحت مری میں ہونے والے دینی کاموں کے متعلق گفتگو کی۔(رپورٹ:شعبہ مدرسۃالمدینہ رہائشی بوائز،کانٹینٹ:غیاث الدین عطاری)

دعوتِ اسلامی کے تحت مدنی مرکز فیضانِ مدینہ نیوپورٹ ویلز یوکے میں منعقد کئے گئے تربیتی سیشن کے بعد ایک مختصر میٹنگ ہوئی جس میں پیشہ ور افراد اور ڈاکٹروں کی شرکت رہی۔

اس میٹنگ میں رکنِ مرکزی مجلسِ شوریٰ حاجی یعفور رضا عطاری نے نیوپورٹ ویلز سمیت دنیا بھر میں دعوتِ اسلامی کی دینی و فلاحی سرگرمیوں کے بارے میں حاضرین کو بریفنگ دی جس پر ڈاکٹر حضرات نے دیگر ڈاکٹروں کو دعوتِ اسلامی کے دینی ماحول سے منسلک کرنے اور انہیں دعوتِ اسلامی کا تعارف پیش کرنے کی اچھی اچھی نیتوں کا اظہار کیا۔(کانٹینٹ:غیاث الدین عطاری)

بیرونِ ملک کے اسلامی بھائیوں کی تربیت و رہنمائی کے لئے پچھلے دنوں نیوپورٹ ویسٹ کے مدنی مرکز فیضانِ مدینہ میں ایک تربیتی سیشن منعقد ہوا جس میں ذمہ داران کی کافی تعداد نے شرکت کی۔

شراب کسے کہتے ہیں ؟ لغت میں پینے کی چیز کو شراب کہتے ہیں اور اصطلاح فقہا میں شراب اسے کہتے ہیں جس سے نشہ ہوتا ہے ، اس کی بہت قسمیں ہیں ، خمر، انگور کی شراب کو کہتے ہیں یعنی انگور کا کچا پانی جس میں جوش آ جائے اور شدت پیدا ہو جائے ۔ امامِ اعظم ابو حنیفہ رحمۃُ اللہِ علیہ کے نزدیک یہ بھی ضروری ہے کہ اس میں جھاگ پیدا ہو اور کبھی ہر شراب کو مجازاً خمر کہہ دیتے ہیں ۔[A]

شراب کا حکم:رسولِ اَکرم صلی اللہ علیہ واٰلہٖ وسلم کے پاس ایک مَٹکے میں جوش مارتی ہوئی (نشہ آور) نبیذ لائی گئی تو آپ صلی اللہ علیہ واٰلہٖ وسلم نے ارشاد فرمایا:اسے دیوار پر دے مارو کیونکہ یہ اس شخص کا مشروب ہے جو اللہ اور یومِ آخرت پر ایمان نہیں رکھتا۔[B]حضور نبی رحمت صلی اللہ علیہ واٰلہٖ وسلمکا فرمان ہے: ہر نشہ آور چیز شراب ہے اور ہر نشہ آور چیز حرام ہے ۔[C]ایک روایت میں آپ صلی اللہ علیہ واٰلہٖ وسلمکا ارشاد ہے:ہر نشہ آور چیز شراب ہے اور ہر شراب حرام ہے ۔[D]

شراب کی کمائی کا حکم: جس طرح شراب کا پینا حرام ہے اسی طرح اس کا بیچنا اور اس کی کمائی کھانا بھی حرام ہے۔ چنانچہ نبی کریم صلی اللہ علیہ واٰلہٖ وسلمکا ارشاد ہے: اللہ پاک نے شراب اور اس کی کمائی ، مردار اور اس کی کمائی، خنزیر اور اس کی کمائی کو حرام قرار دیا ہے۔[E]دوسری حدیث میں ہے:جب اللہ پاک کسی قوم پر کوئی چیز حرام کرتا ہے تو اس کی کمائی بھی ان پر حرام کر دیتا ہے۔[F]

خمر کی حرمت نص قطعی سے ثابت ہے: خمر حرام بعینہٖ ہے اس کی حرمت نصِ قطعی سے ثابت ہے اور اس کی حرمت پر تمام مسلمانوں کا اجماع ہے اس کا قلیل و کثیر سب حرام ہے اور یہ پیشاب کی طرح نجس ہے اور اس کی نجاست غلیظہ ہے جو اس کو حلال بتائے کافر ہے کہ نصِ قرآنی کا منکر ہے مسلم کے حق میں یہ مُتَقَوِّم نہیں یعنی اگر کسی نے مسلمان کی یہ شراب تلف (ضائع) کر دی تو اس پر ضمان(تاوان) نہیں اور اس کو خریدنا صحیح نہیں۔[G]

شراب سے کسی قسم کا فائدہ اٹھانا جائز نہیں: شراب سے کسی قسم کا انتفاع جائز نہیں نہ دوا کے طور پر استعمال کر سکتا ہے نہ جانور کو پلا سکتا ہے نہ اس سے مٹی بھگا سکتاہے نہ حقنہ کے کام میں لائی جا سکتی ہے ۔ جانوروں کے زخم میں بھی بطور علاج اس کو نہیں لگا سکتے۔[H]

شراب کے متعلق آٹھ احکام: ملا احمد جیون حنفی رحمۃُ اللہِ علیہ نے ’’تفسیراتِ احمدیہ‘‘ میں خمر (شراب) کے بارے میں آٹھ احکام ذکر کئے ہیں ۔ جو یہ ہیں :

(1) …ہمارے نزدیک خمر (انگور کی شراب) بعینہ حرام ہے ۔ اس کی حرمت نشہ پر موقوف ہے نہ نشہ اس کے حرام ہونے کی علت ہے ۔ بعض لوگوں کا خیال ہے کہ اس کا نشہ حرام ہے کیونکہ یہی فساد کا باعث بنتا ہے اور اللہ کی یاد اور نماز سے روکتا ہے ۔ یہ خیال ہمارے نزدیک کفر ہے کیونکہ یہ کتاب الٰہی کا انکار ہے اللہ تعالیٰ نے خمر کو رِجْس کہا ہے اور رِجْس حرام لِعَیْنِہٖ ہوتا ہے اسی پر امت کا اجماع ہے اور سنت سے بھی یہی ثابت ہے ۔ لہٰذا خمر حرام لِعَیْنِہٖ ہے ۔

(2) … شراب پیشاب کی طرح نجاستِ غلیظہ ہے کیونکہ یہ دلیل قطعی سے ثابت ہے ۔

(3) …مسلمان کے لئے اس کی کوئی قیمت نہیں یعنی اگر کوئی شخص کسی مسلمان کی شراب ضائع کر دے یا غصب کر لے تو اس پر کوئی ضمان نہیں ، اس کی خرید و فروخت جائز نہیں کیونکہ اللہ پاکنے اہانت کی وجہ سے اسے نجس قرار دیا ہے لہٰذا اس کی قیمت لگانا گویا اسے عزت دینا اور اہانت سے نکالنا ہے ۔

(4) …شراب سے نفع اٹھانا حرام ہے کیونکہ یہ نجس ہے اور نجس شے سے نفع حرام ہوتا ہے اور اللہ پاک نے بھی اس سے اجتناب کا حکم دیا ہے ۔

(5) … شراب (خمر) کو حلال جاننا کفر ہے کیونکہ یہ دلیل قطعی کا انکار ہے ۔

(6) … شراب پینے والے پر حد جاری ہو گی خواہ اسے نشہ نہ بھی ہو ۔ خمر کے علاوہ دیگر میں نشہ کی قید ہے ۔

(7) … شراب بننے کے بعد مزید پکانے سے اس میں فرق نہیں پڑتا یعنی یہ بدستور حرام ہی رہتی ہے ۔

(8) …البتہ! ہمارے (یعنی احناف کے) نزدیک اسے سرکہ میں تبدیل کرنا جائز ہے۔ [I]

شراب نوشی کی حرمت پر دس دلائل:علامہ شامی رحمۃُ اللہِ علیہ نے شراب کی حرمت پر دس دلائل ذکر کئے ہیں ۔ جو یہ ہیں :

(1) … شراب کا ذکر جوئے بت اور جوئے کے تیروں کے ساتھ کیا ہے اور یہ سب حرام ہیں ۔

(2) … شراب کو ناپاک فرمایا اور ناپاک چیز حرام ہوتی ہے ۔

(3) … شراب کو عملِ شیطان فرمایا اور شیطانی عمل حرام ہے ۔

(4) … شراب سے بچنے کا حکم دیا اور جس سے بچنا فرض ہو اس کا ارتکاب حرام ہے ۔

(5) …فلاح (کامیابی) کو شراب سے بچنے کے ساتھ مشروط ٹھہرایا ۔ اس لیے اجتناب فرض اور ارتکاب حرام ہوا ۔

(6)…شراب کے سبب سے شیطان آپس میں عداوت (دشمنی) ڈالتا ہے اور عداوت حرام ہے اور جو حرام کا سبب ہو وہ بھی حرام ہی ہے ۔

(7) … شراب کے سبب سے شیطان بغض (نفرت) ڈالتا ہے اور بغض حرام ہے ۔

(8) … شراب کے سبب شیطان اللہ کے ذکر سے روکتا ہے اور اللہ پاک کے ذکر سے روکنا حرام ہے ۔

(9) …شراب کے سبب شیطان نماز سے روکتا ہے اور جو نماز سے رکاوٹ کا سبب ہو اس کا ارتکاب حرام ۔

(10) …اللہ پاک نے اِستفہامیہ (سوالیہ) انداز میں شراب سے منع فرمایا کہ کیا تم باز آنے والے نہیں ہو، اس سے بھی حرمت کا پتا چلتا ہے ۔[J]

شراب نوشی کے دس نقصانات:(1)یہ بندے کی عقل میں فتور ڈال دیتی ہے اِس طرح وہ بچو ں کے لئے تماشااور مذاق بن جاتاہے۔ امام ابن ابی الدنیا رحمۃُ اللہِ علیہ فرماتے ہیں : میں نے ایک شرابی کوپیشاب کرتے ہوئے دیکھا وہ اپنے منہ پر پیشاب مل رہاتھا اور کہہ رہاتھا : ’’یاالٰہی! مجھے کثرت سے تو بہ کرنے والوں اور پاکیز ہ رہنے والوں میں شامل فرما۔ ‘‘(2)یہ مال کو ضائع اور بر باد کرتی ہے اور تنگدستی کا سبب بنتی ہے جیسا کہ حضرت عمر فاروق رضی اللہُ عنہ نے دعا مانگی: ’’یاالٰہی!ہمیں شراب کے بارے میں واضح حکم ارشاد فرمادے کیونکہ یہ مال کو برباد اور عقل کو ختم کردیتی ہے۔ ‘‘(3) یہ عداوت اور دشمنی کاسبب ہے۔ (4) شراب کھانے کی لذت اور درست کلام سے شرابی کو محروم کردیتی ہے۔ (5)بعض اوقات شراب، شرابی کی بیوی کو اس پر حرام کردیتی ہے او روہ زنا میں مبتلاہوجاتا ہے اس کی صورت یہ ہوتی ہے کہ شرابی نشہ میں مدہوش ہوکراکثر طلاق دے دیتا ہے اور بعض اوقات لاشعوری طور پر قسم توڑڈالتا ہے تو اپنی حرام کی ہوئی بیوی سے زنا کر بیٹھتا ہے۔(6) یہ ہر برائی کی کنجی ہے اور شرابی کو بہت سے گناہوں میں مبتلاکر دیتی ہے ۔(7) شراب نوشی شرابی کو بدکاروں کی مجلس میں لے جاتی ہے ،اپنی بد بو سے اُس کے کاتب فرشتو ں کوایذا دیتی ہے۔ (8) یہ شرابی پر آسمانوں کے دروازے بند کردیتی ہے ، چالیس دن تک نہ اِس کا کوئی عمل اُوپر پہنچتا ہے نہ ہی دُعا۔ (9)شراب(خمر) ، شرابی پر اَسّی کو ڑے واجب کردیتی ہے لہٰذا اگر وہ دنیا میں اِس سزا سے بچ بھی گیا تو آخرت میں مخلوق کے سامنے اُسے کوڑے مارے جائیں گے۔ (10) یہ شرابی کی جان اور ایمان کو خطرے میں ڈال دیتی ہے اِس لئے مرتے وقت اِیمان چِھن جانے کا خدشہ رہتاہے۔[K]

شراب نوشی کے طبی نقصانات: شراب کا سب سے زیادہ اثر جگر (Liver)پر پڑتا ہے اور وہ سُکڑنے لگتا ہے ، گُردوں پر اِضافی بوجھ پڑتا ہے جو بِالآخرنِڈھال ہو کر انجامِ کار ناکارہ (FAIL) ہو جاتے ہیں ، عِلاوہ ازیں شراب کے استِعمال کی کثرت دِماغ کو مُتَوَرَّم (یعنی سُوجن میں مُبتَلا) کرتی ہے ، اَعصاب میں سوزِش ہو جاتی ہے نتیجۃً اَعصاب کمزور اور پھر تباہ ہو جاتے ہیں ، شرابی کے مِعدہ میں سُوجن ہو جاتی ہے ، ہڈّیاں نرم اور خَستہ (یعنی بَہُت ہی کمزور) ہو جاتی ہیں ، شراب جسم میں موجود وٹامنز کے ذخائر کو تباہ کرتی ہے ، وٹامن BاورC اِس کی غار تگری کا بِالخصوص نشانہ بنتے ہیں ۔ شراب کے ساتھ ساتھ تمباکو نوشی کی جائے تو اِس کے نقصان دہ اثرات کئی گُنا بڑھ جاتے ہیں اور ہائی بلڈ پریشر، سٹروک اور ہارٹ اٹیک کا شدید خطرہ رہتا ہے ۔ بکثرت شراب پینے والا تھکن، سر درد، متلی اور شدّتِ پیاس میں مبتَلا رہتا ہے ۔ بے تحاشا شراب پی جانے سے دل اور عملِ تَنَفُّس (سانس لینے کا عمل) رُک جاتا اور شرابی فوری طور پر موت کے گھاٹ اُتر جاتا ہے ۔[L]زیادہ شراب نوشی سے عارضۂ قلب (Heart problem) ، فشارِ خون (Blood pressure) ، ذیابیطس (Sugar) ، جگر اور گردوں (Kidney) کے امراض پیدا ہوتے ہیں ۔

نیکی کی دعوت عام کرنے اور لوگوں کو اسلامی تعلیمات سے آگاہ کرنے والی عاشقانِ رسول کی دینی تحریک دعوتِ اسلامی کے تحت پچھلے دنوں مدنی مرکز فیضانِ مدینہ نیوپورٹ ویلز UK میں رکنِ مرکزی مجلسِ شوریٰ حاجی یعفور رضا عطاری کی مختلف شعبہ ہائے زندگی سے تعلق رکھنے والے اسلامی بھائیوں سے ملاقات ہوئی۔

اس موقع پر رکنِ شوریٰ حاجی یعفور رضا عطاری نے بعض اسلامی بھائیوں کے سروں پر عمامہ شریف باندھا اور انہیں دعوتِ اسلامی کے 12 دینی کاموں میں عملی طور پر حصہ لینے کا ذہن دیا جس پر اسلامی بھائیوں نے اچھی اچھی نیتیں کیں۔(کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی کے تحت گزشتہ روز ویلز UK میں سنتوں بھرے اجتماع کا انعقاد کیا گیا جس میں مقامی اسلامی بھائیوں کی کثیر تعداد نے شرکت کی۔

اجتماع کا آغاز تلاوتِ قراٰن اورنعتِ رسولِ مقبول صلی اللہ علیہ و سلم سے کیا گیا جبکہ مرکزی مجلسِ شوریٰ کے رکن حاجی یعفور رضا عطاری نے سنتوں بھرا بیان کرتے ہوئے معیار زندگی اور اسے بہتر بنانے کے بارے میں شرکا کو مدنی پھول دیئے۔

اشاعتِ دین کا جذبہ رکھتے ہوئے پچھلے دنوں دعوتِ اسلامی کی مرکزی مجلسِ شوریٰ کے رکن حاجی یعفور رضاعطاری کی نیو پورٹ، ویلز UK میں قائم نئے مدنی مرکز فیضانِ مدینہ میں آمد ہوئی۔

اس دوران برمنگھم، ویسٹ افریقہ، ایسٹ مڈلینڈز، لندن اور ٹیلفورڈ کے مقامی ذمہ دار اسلامی بھائیوں نے رکنِ شوریٰ حاجی یعفور رضا عطاری کا استقبال کیااور انہیں خوش آمدید کہا ۔

19مئی2023ء بروز جمعۃ المبارک  فیضان آن لائن اکیڈمی بوائز کی لاہور برانچ میں مدنی مشورہ منعقد ہوا جس میں فیضان آن لائن اکیڈمی کے ذیلی شعبہ جات جامعۃ المدینہ ومدرسۃ المدینہ لاہورڈویژن کے شفٹ و برانچ ناظمین و ڈویژن تعلیمی ذمہ داران نے شرکت کی۔

مشورے میں ڈویژن ذمہ دار رضوان عطاری مدنی نے دعوتِ اسلامی کی تنظیمی اپڈیٹس اور شعبہ فیضان آن لائن اکیڈمی کے نظام میں مزید بہتری لانے کے متعلق مدنی پھول دیئےجبکہ صوبائی ذمہ دار مولانا عامر سلیم عطاری نے بھی شرکا کی آن لائن تربیت کی اور مختلف کارکردگیوں کا جائزہ لیتے ہوئے اہم نکات سے آگاہ کیا۔اس موقع پر نمایا ں کارکردگی والے ذمہ داران میں تحائف بھی تقسیم کئے گئے۔ (رپورٹ: محمد وقار یعقوب عطاری مدنی برانچ ناظم فیضان آن لائن اکیڈمی،کانٹینٹ:رمضان رضا عطاری) 

20 ، 21 ، 22 مئی 2023ء  بروز ہفتہ ، اتوار ، پیر فیضانِ مدینہ ، سوساں روڈ مدینہ ٹاؤن فیصل آباد (پنجاب) میں تین دن کا روحانی علاج کورس ہوا جس میں ڈویژن فیصل آباد سے آنے والے مختلف عاشقانِ رسول نے شرکت کی۔

کورس میں شریک اسلامی بھائیوں کی معلم محمد طیب عطاری (شعبہ روحانی علاج ) نے تعویذاتِ عطاریہ لکھنے کے حوالے سے مختلف امور پر رہنمائی کی نیز دم کرنے اور کاٹ والے عمل کرنے کا طریقہ اور احتیاطیں سمجھائی ۔

ساتھ ہی ساتھ 12 دینی کاموں کا ذہن دیا اور خیر خواہی اُمّت کی کا جذبہ بھی دلایا۔ (رپورٹ: سمیر علی آفس ذمہ دار ، کانٹینٹ:رمضان رضا عطاری)

عاشقانِ رسول کی دینی تحریک دعوتِ اسلامی  کی جانب سے 20 مئی 2023ء کو واہ کینٹ میں مدنی مشورے کا انعقاد ہوا جس میں واہ کینٹ ٹیکسلا ،مری،کوٹلی ستیاں،چک بیلی خان اور گجرخان کے تحصیل نگرانوں اور شعبہ جات کے ڈسٹرکٹ ذمہ داران نے شرکت کی۔

مدنی مشورے میں ڈسٹرکٹ نگران لیاقت عطاری نے اسلامی بھائیوں کے دینی کاموں کی سابقہ کارکردگی کا جائزہ لیتے ہوئے انھیں مدنی قافلے میں سفر کرنے اور شعبہ تحفظ اوراق مقدسہ کے دینی کام کو مزید بہتر کرنے کے حوالے سے تربیتی نکات فراہم کئے ۔

علاوہ ازیں اجتماعی قربانی و قربانی کی کھالوں کو جمع کرنے کے حوالے اہداف دیئے نیز تحصیل سطح پر کارکردگی ذمہ دار کا تقرر کرنے اور ڈونیشن سیل لگانے کے حوالے سے بھی مدنی پھول پیش کئے جس پر اسلامی بھائیوں نے نیک خواہشات کا اظہار کیا۔(رپورٹ: محمدبلال راولپنڈی سٹی وڈسٹرکٹ ذمہ دار،کانٹینٹ:رمضان رضا عطاری)

عاشقانِ رسول کی دینی تحریک دعوتِ اسلامی کے تحت 20 مئی 2023ء بمطابق 30 شوال المکرم 1444ھ کی شب عالمی مدنی مرکز فیضانِ مدینہ کراچی میں مدنی مذاکرے کا انعقاد کیا گیا جسے بذریعہ مدنی چینل پاکستان سمیت  دنیا بھر میں دکھایا گیاجبکہ کراچی کے مختلف علاقوں سے کثیر اسلامی بھائیوں نے براہِ راست اس مدنی مذاکرے میں شرکت کی۔

اس مدنی مذاکرے میں عاشقانِ رسول نے شیخِ طریقت امیرِ اہلِ سنت علامہ محمد الیاس عطار قادری دامت بَرَکَاتُہمُ العالیہ سے دینی و دنیاوی معاملات کے حوالے سے سوالات کئے جس کے امیرِ اہلِ سنت نے علمِ و حکمت سے بھر پور جوابات دیئے۔

ان سوال و جواب میں سے بعض درج ذیل ہیں:

سوال: بندے میں کتنی قوتِ برداشت ہونی چاہیئے ؟

جواب: جب کوئی مشکل ومصیبت آئے تو بندہ صبرکرے ،اپنے اندرقوتِ برداشت پیداکرے ۔جتنا صبرمشکل ہوگا اتناثواب بھی زیادہ ہوگا۔

سوال:کیا جنت میں ہرخواہش پوری ہوگی ؟

جواب:جی ہاں !جنت اللہ پاک کی رحمت وکرم کا مظہر ہے ۔جنت میں رنج وغم نہیں ۔جنت میں ہرنعمت ہوگی ۔جنّتی جس چیز کی خواہش کرے گا وہ اسے حاصل ہوگی ۔جنّتی کو سب سے بڑی نعمت یہ حاصل ہوگی کہ اُسے اللہ پاک کا دِیدار نصیب ہوگا۔

سوال : آم(Mango) کھانے کے کیاکیافوائدہیں ؟

جواب : آم پھلوں کا بادشاہ ہے،آم کھانا جلد بوڑھا ہونے سے بچاتاہے ۔یہ ہرقسم کے کینسراوردمے سے بچاسکتاہے ۔یہ ہڈیوں کے امراض دورکرتاہے ۔ آم جسمانی کمزوری کودورکرتااوراسے موٹاکرتاہے۔یہ پٹھوں کو سخت گرمی اورلُوسےبچاتاہے ۔اس کے کھانے سے سفیدبالوں میں کالک آسکتی ہے ۔ پہلے سیزن کا آم نہ کھایا جائے،کیونکہ یہ طبّی طورپر(Medically) مناسب نہیں۔

سوال: وضوکے بعد داڑھی میں کنگھی کرنے کاکیا فائدہ ہے ؟

جواب: وضوکے بعد داڑھی میں کنگھی کرنا تنگدستی کودورکرتاہے ،امام جلال الدین سیوطی رحمۃ اللہ علیہ لکھتے ہیں :حضرت وہب بن منبہ رحمۃ اللہ علیہ فرماتے ہیں : کھڑے ہوکرکنگھی کرنے سے قرض چڑھتاہے اوربیٹھ کر کنگھی کرنا قرض کودورکرتاہے ۔(الحاوی للفتاویٰ جلد2ص46،47،بیروت )

سوال: نبیِ کریم صلی اللہ علیہ والہ وسلم کاشجرۂ نسب یادکرنا کیسا؟

جواب: اچھا ہے ۔

سوال:شجرے سے کیا مرادہے، اوراس کے پڑھنے کے کیافائدے ہیں ؟

جواب:شجرکامعنی درخت ہے،شجرہ کامعنی بھی درخت ہی ہے ۔جس طرح حدیث کی سندیں ہوتی ہیں،اسی طرح سلسلۂ پیری مُریدی کابھی شجرہ ہوتاہے ۔شجرہ مشائخ کا نبیِ کریم صلی اللہ علیہ والہ وسلم سے ملنے کی سندہے ۔شجرہ پڑھنے سے نیک لوگوں کا ذکر کرنے کی سعادت حاصل ہوتی ہے ۔نیک لوگوں کے ذکرکے وقت اللہ پاک کی رحمت نازل ہوتی ہے اورایک روایت میں ہے کہ نیک لوگوں کاذکر گناہوں کا کفارہ ہے ۔ یعنی شجرہ پڑھنے کےبہت فوائد ہیں، مثلاً اوّل(1)۔ رسولُ اﷲ صلَّی اللہ علیہ وسلَّم تک اپنے اِتصال( یعنی سلسلہ کے ملنے )  کی سند کاحفظ۔دُوُم(2) :صالحین( یعنی نیک بندوں )  کا ذکر کہ مُوجِب نُزولِ رحمت( یعنی رَحمت کے نازل ہونے کا سبب )  ہے۔سِوُم (3): نام بنام اپنے آقایانِ نعمت( یعنی سلسلے کے مشائخِ کرام رحمۃُ اللہ علیہ  )  کو ایصالِ ثواب کہ اُن کی بارگاہ سے موجبِ نظر عنایت( یعنی نظر ِکرم ہونے کا سبب )ہے۔چہارم(4) :جب یہ( یعنی شَجَرَہ عالیہ پڑھنے والا )اوقاتِ سلامت( یعنی راحت )  میں ان کا( یعنی اپنے سلسلے کے مشائخِ کرام  رحمۃُ اللہ علیہم اجمعین کا )نام لیوا رہے گا تو وہ اوقاتِ مصیبت( یعنی کسی بھی پریشانی اور مشکل کے وقت )  میں اس کے دستگیر ہوں گے( یعنی اس کی مدد فرمائیں گے ) ۔ رسول اﷲ صلَّی اللہ تعالیٰ علیہ وسلَّم فرماتے ہیں : تُو خوشحالی میں اﷲ پاک کو پہچان وہ مصیبت میں تجھ پر نظر ِکرم فرمائے گا۔(جامع صغیر ، ص199 ، حدیث : 3317 ۔ فتاویٰ رضویہ ، 26 / 590 ، 591 )

سوال : نیکی کی دعوت/ دعوتِ اسلامی کے کسی دینی کام یاشعبے کے تعارف کا ویڈیو کلپ کس طرح بنایا جائے ؟

جواب : ہمیشہ خیال رکھیں کہ جب کوئی کلپ بنایاجائے تو اس کی ابتدامیں نیکی کی دعوت کے موضوع پر کوئی حدیث پاک یاکوئی روایت بیان کی جائے اورشروع میں کسی مجلس یاشعبے کا ذکر نہ کیاجائے تاکہ تمام لوگ اسے دیکھیں ۔

سوال: کیا مریضوں سے دعاکروانی چاہیئے ؟

جواب: مریض سے دعاکروانی چاہیئے کہ اس سے دعاکروانافرشتوں کی دعاکی طرح ہے ۔

سوال: اِس ہفتے کارِسالہ ” لوحِ محفوظ کے بارے میں دلچسپ معلومات “ پڑھنے یاسُننے والوں کوامیرِاہل سنت نے کیا دُعا دی ؟