دعوت اسلامی  کی مجلس تحفظ اوراق مقدسہ کے تحت 22 جنوری2021 ء بروز جمعۃ المبارک محمد شہباز عطاری لاہور ریجن ذمہ دار مدنی قافلہ نے لاہور فیضان مکہ مدینہ رحمان سیٹی شاہدرہ میں قائم اوراق مقدسہ کے ا سٹور کا وزٹ کیا ۔

جہاں مبلغ دعوت اسلامی نے ڈویژن نگران رحمان سٹی اور رکن مجلس تعمیرات سمیت دیگر ذمہ داران اسلامی بھائیوں سے مدنی قافلے و شعبہ تحفظ اوراق مقدسہ کے مدنی کاموں کے حوالے سے کلام کرتے ہوئے اوراق مقدسہ کی حفاظت کرنے کا ذہن دیا۔

مبلغ دعوت اسلامی نے اسٹور کے وزٹ کے دوران اسٹور میں تیار کئے جانے والے تحفظ اوراق مقدسہ کے باکسز اور ڈرم سمیت ا سٹور کے مختلف حصوں کا جائزہ لیا اور انتہائی خوشی کا اظہار کرتے ہوئے اوراق مقدسہ کے ذمہ داران کی کاوشوں کو سراہا جبکہ ان کی حوصلہ افزائی کی اور انہیں عاشقان رسول کے ساتھ دعوت اسلامی کے مدنی قافلوں میں سفر کرنے کی بھی نیتیں کروائیں ۔(رپورٹ: محمد ناصر عطاری رکن کابینہ شعبہ تحفظ اوراق مقدسہ شاہدرہ مرید لاہور) 


 دعوت اسلامی کی مجلس تحفظ اوراق مقدسہ کے تحت19جنوری 2021 بروز منگل رکن کابینہ محمد ناصر عطاری نے مبلغ دعوت اسلامی و رکن مجلس تعمیرات شاہدرہ مرید کا بینہ کے محمد سلمان عطاری کو اوراق مقدسہ کے کارخانے کا وزٹ کروایا اور کارخانے میں تیار کیے جانے والے باکسز اور اسٹور میں ہونے والے مختلف کاموں اور مشینری و دیگر سازو سامان کے حوالے سے معلومات فراہم کیں ۔

مبلغ دعوت اسلامی نے تحفط اوراق مقدسہ کے دینی کام کی ترغیب دلاتے ہوئے ذمہ داران اسلامی بھائیوں کو اوراق مقدسہ کے مدنی کاموں کو بڑھانے کا ذہن دیا اور اسلامی بھائیوں کی حوصلہ افزائی کرتے ہوئے کچھ وقت اوراق مقدسہ کے کارخانے میں گزارا اور عملی طور پر اسلامی بھائیوں کے ساتھ مل کر کام کرتے ہوئے اسلامی بھائیوں کی دل جوئی کی ۔( رپورٹ: رکن کابینہ شعبہ تحفظ اوراق مقدسہ شاہدرہ مرید کابینہ لاہور)


دعوت اسلامی کی مجلس اوراق مقدسہ کے تحت 17جنوری 2021ء  بروز ہفتہ بھاگٹانوالہ سٹی فیضان مدینہ 23 اڈا میں مدنی مشورہ ہوا جس میں مجلس اوراق مقدسہ کے ذمہ داران نے شرکت کی۔

شعبہ اوراق مقدسہ کے زون ذمہ دار ڈاکٹر عدنان ساجد عطاری نے شرکا کی مقدس اوراق کے کام کو بڑھانے اور اسے بے ادبی سے بچانے کےلیے خوب محنت و لگن کے ساتھ کوشش کرنے ،ذمہ داران کی تقرری مکمل کرنے اور 12 دینی کام کرنے سمیت مقدس کاغذات کے ادب کے متعلق تربیت کی ۔


دعوت اسلامی کی مجلس تحفظ اوراق مقدسہ کے زیر اہتمام 13 جنوری 2021ء بروز  بدھ لاہور فیضان مکہ مدینہ رحمان سیٹی جامعہ و مدرسہ فیضان امام غزالی سے مقدس اوراق محفوظ کرنے کا سلسلہ ہوا۔

اس موقع پر مبلغ دعوت اسلامی محمد شہباز عطاری لاہور ریجن ذمہ دار مدنی قافلہ نے شرکا کو مدنی قافلوں میں سفر کرنے اور اوراق مقدسہ کے تحفظ کرنے کا ذہن دیتے ہوئے محمد عدیل عطاری مدنی نائب ناظم فیضان جامعہ امام غزالی سمیت دیگر ذمہ داران کے ہمراہ مقدس اوراق سے بھرے باکسز خالی کئے اور انہیں قرآن محل میں محفوظ کیا۔ (رپورٹ:محمد ناصر عطاری رکن کابینہ شعبہ تحفظ اوراق مقدسہ شاہدرہ مریدکے کابینہ لاہور)


دعوت اسلامی کی مجلس اوراق مقدسہ کے تحت 15 جنوری 2021ء کو سرگودھا سٹی میں مدنی مشورہ ہوا جس میں مجلس اوراق مقدسہ کے زون اور کابینہ سطح کے ذمہ داران نے شرکت کی۔

شعبہ اوراق مقدسہ کے زون ذمہ دار ڈاکٹر عدنان ساجد عطاری نےسابقہ کارکردگی کا جائزہ لیااور آئندہ کے اہداف دیئے۔ ذمہ دار اسلامی بھائی نے شرکا کو سرگودھا زون میں اوراق مقدسہ کے دینی کام کو مزید بڑھانے کا ذہن دیا۔


لاہور شمالی زون کے نگران حاجی محمد نعیم عطاری نے10 جنوری 2021 بروز اتوار فیضان مدینہ رحمان سٹی شاہدرہ مریدکے کابینہ میں موجود مجلس تحفظ اوراق مقدسہ کے کارخانے کا وزٹ کیا  جہاں مجلس تحفظ اوراق مقدسہ کے ذمہ داران سے ملاقات کی۔

ملاقات میں حاجی محمد نعیم عطاری نے ذمہ داران مجلس تحفظ اوراق مقدسہ کی اچھی کار کردگی پر حوصلہ افزائی کرتے ہوئے دعاؤں سے نواز ا اس موقع پر رکن لاہور ریجن مجلس تحفظ اوراق مقدسہ محمد رضا عطار ی نے لاہور شمالی زون کے نگران کو مجلس کی طرف سے تیار کئے گئے نئے باکسز جو کہ دفاتر وغیرہ میں لگائے جائیں گے اس بارے میں بریفنگ دی جس پر نگران حاجی محمد نعیم عطاری نے خوشی کا اظہار کیا اور حاضرین کو مزید دن رات خدمات دین کرنے کا ذہن دیا۔ (رپورٹ: محمد وارث عطاری )


دعوت اسلامی کی مجلس تحفظ اوراق مقدسہ کے تحت 12 جنوری 2021ء بروز منگل نگران زون ٹوبہ، محمد شہزاد عطاری اور ریجن ذمہ دار شعبہ تحفظ اوراق مقدسہ ڈاکٹر عدنان ساجد عطاری نے ضلع دارالسلام  ٹوبہ سرفراز ٹاون فیضان مدینہ کا دورہ کیا جہاں شعبہ اوراق مقدسہ کے ذمہ داران سے ملاقات کرتے ہوئے مدنی مشورے کا اہتمام کیا ۔

مدنی مشورے میں ریجن، زون اور کابینہ کے ذمہ داران سمیت محافظین اوراق مقدسہ نے شرکت کی۔ ذمہ داران دعوت اسلامی نے 2020 اور 2021 کے دینی کاموں کا جائزہ لیتے ہوئے درپیش مسائل کے حل سمیت نئے اور دینی کاموں کے اہداف پر کلام کیا جبکہ دینی کاموں کے اہداف پر شرکا سے گفتگو کرتے ہوئے قرآن محل اور باکسز اسٹور کےجائزے پر بھی کلام کیا اور شعبہ اوراق مقدسہ کے ذمہ داران کو اہداف دیئے۔ اس موقع پر حاضرین کو دین کے کام کو بڑھانے اور زیادہ سے ذیادہ عوام اور ذمہ داران کو دعوت اسلامی کے ساتھ منسلک کرنے کی ترغیب دلائی۔


دعوت اسلامی کی مجلس تحفظ اوراق مقدسہ کے تحت 12 جنوری 2021ء بروز منگل محمد شاہنواز عطاری نگران مجلس تحفظ اوراق مقدسہ نے شاہ رکن عالم کالونی توکل ٹاؤن میں موجود اوراق مقدسہ کے کارخانے کا وزٹ جہاں نگران مجلس نے باکسز کا جائزہ لیتے ہوئے اور اسلامی بھائیوں سے ملاقات کی اور شعبہ کے حوالے سے کلام کیا۔

نگران مجلس نے حاضرین کو مقدس اوراق کے آداب و حفاظت کے حوالے سے مدنی پھول دیتے ہوئے تحفط اوراق مقدسہ کے باکسز نصب کرنے، خالی کرنے اور شرعی انداز سے محفوظ کرنے کے اہم نکات پیش کئے جبکہ 12 دینی کام کرنے کا ذہن دیا۔(رپورٹ: عبدالحمید عطاری معاون ریجن ذمہ دار مجلس تحفط اوراق مقدسہ)


دعوتِ اسلامی کے ڈیپارٹمنٹ تحفظ اوراق مقدسہ کے زير اہتمام  12 جنوری 2021ء بروز منگل شاہدرہ مریدکے کابینہ، ڈویژن شاہدرہ میں ضلع کچہری شاہدرہ لاہور میں جدول کا سلسلہ ہوا جس میں ضلع کچہری کے وکلاء اسلامی بھائیوں نے شرکت کی۔

مبلغِ دعوت اسلامی نے شرکا اسلامی بھائیوں کو اوراق مقدسہ کے ادب کرنے کا ذہن دیتے ہوئے انہیں محفوظ کرنے کا ذہن دیا۔مزید مبلغ دعوت اسلامی نے وکلااسلامی بھائیوں کو ترغیب دلاتے ہوئے ذہن دیا کہ کچہری میں زیادہ سے ذیادہ تحفظ اوراق مقدسہ کے باکسز لگوائے جانے چاہیئں تاکہ مقدس اوراق کی بے ادبی نہ ہو۔ اس موقع پر ایڈوکیٹ اقبال صاحب نے اس کی نیت کی اور اپنے ہاتھوں سے تحفظ اوراق مقدسہ کے باکس بھی لگائے۔(رپورٹر: محمد ناصر عطاری رکن کابینہ شعبہ تحفظ اوراق مقدسہ شاہدرہ مریدکے کابینہ لاہور)


دعوت اسلامی کے زیر اہتمام 09 جنوری 2021 بروز ہفتہ محمد رضا عطاری رکن مجلس لاہور  ریجن نے لاہور شمالی زون ذمہ داران اور خادمین اوراق مقدسہ کے ہمراہ شاہدرہ مرید فیضان مدینہ رحمان سٹی لاہور کا دورہ کیا جہاں مقامی اسلامی بھائیوں سے ملاقات کی اور نیکی کی دعوت دیتے ہوئے ہفتہ وار اجتماع اور ہفتہ وار مدنی مذاکرے میں شرکت کا ذہن دیا ۔

اس موقع پر محمد رضا عطاری رکن مجلس لاہور ریجن نے شعبہ تحفظ اوراق مقدسہ لاہور شمالی زون ذمہ داران اور خادمین اوراق مقدسہ کے ذمہ داران اور اہل علاقہ اسلامی بھائیوں سے ملاقات کی اور مدنی مشورہ کیا جس میں مبلغ دعوت اسلامی نے شرکا کے درمیان تحفظ اوراق مقدسہ کے حوالے سے کوشش کرنے کے فضائل بیان کئے اور اسلامی بھائیوں کو اس حوالے سےعملی طور پر حصہ لینے کا ذہن دیتے ہوئے شعبہ تحفظ اوراق مقدسہ کے مدنی کاموں کو بڑھانے کا ذہن دیا۔ (رپورٹ: محمد وارث عطاری)


دعوت اسلامی کے زیر اہتام 11جنوری2021ء بروز پیر رکن شوری حاجی محمد امین عطاری نے رچنا ٹاؤن شاہدرہ لاہور کا وزٹ کیا جہاں جامع مسجد یارسول اللہ میں بیان فرمایا اور حاضرین کو سلسلہ عالیہ قادریہ میں داخل کرتے ہوئے ملاقات سے نوازا۔

بعد ازاں رکن شوری، حاجی محمد اجمل کے گھر تشریف لائے اور اسلامی بھائیوں کی تربیت کرتے ہوئے مفید مدنی پھولوں سے نوازا اور دینی کام کرتے رہنے کا ذہن دیا۔

رکن شوری نے اس دوران شعبہ تحفظ اوراق مقدسہ کے مدنی کاموں کا بار بار ذکر فرمایا اور باب المدینہ کراچی میں رکن شوری حاجی محمد شاہد عطاری مدنی و نگران مجلس شعبہ تحفظ اوراق مقدسہ حاجی محمد شاہ نواز عطاری کی جانب سے پیش کی جانے والی شعبہ تحفظ اوراق مقدسہ کی کارکردگی کو سراتے ہوئے انتہائی خوشی کا اظہار فرمایا نیز رکن شوری نے اس مدنی کام کی اہمیت کے پیش نظر اس کو بھر پور انداز میں کرتے رہنے کا ذہن دیا۔(رپورٹ:محمد ناصر عطاری رکن کابینہ شعبہ تحفظ اوراق مقدسہ شاہدرہ مریدکے کابینہ لاہور)


دعوت اسلامی کی  مجلس تحفظ اوراق مقدسہ کے تحت 9 جنوری 2021 ء بروز  ہفتہ شاہ رکن عالم کالونی ریسکیو آفس جنرل بس اسٹینڈ ملتان کا عبدالحمید عطاری معاون ریجن ذمہ دار مجلس تحفظ اوراق مقدسہ نے وزٹ کیا جہاں اہل علاقہ کے ساتھ مل کر شہر میں مقدس اوراق کے تحفظ کیلیے نئے باکسز لگا نے کا اہتمام کیا۔

اس موقع پر مبلغ دعوت اسلامی نے شہر کے مختلف شخصیات سے ملاقاتیں کیں۔ ملاقات میں مبلغ دعوت اسلامی نے شخصیات کو دعوت اسلامی کی دینی و فلاحی خدمات سے آگاہ کرتے ہوئے شعبہ اوراق مقدسہ کا تعارف کروایا نیز نیکی کی دعوت دیتے ہوئے ہفتہ وار اجتماع اور ہفتہ وار مدنی مذاکرے میں شرکت کا ذہن دیا ۔