22 ربیع الاوّل, 1441 ہجری

: : :
(PST)

(اسٹاف رپورٹ:کراچی) آل پاکستان میمن فیڈریشن کے وفد نے صدر حنیف موٹلانی اور چیئرمین سپریم کونسل حنیف ہارون  کے ہمراہ 16 نومبر 2019ء کو عالمی مدنی مرکز فیضانِ مدینہ کراچی کا تفصیلی دورہ کیا۔ مجلس رابطہ کے محمد یوسف سلیم عطاری نے ان کا استقبال کیا اور مدنی چینل سمیت دیگر شعبہ جات کا وزٹ کروایا جسے دیکھ کر وفد کے اراکین نے دعوت اسلامی کی خدمات کو خوب سراہا ۔

وفد نے امیر اہلِ سنت مولانا الیاس عطار قادری دَامَتْ بَرَکَاتُہُمُ الْعَالِیَہ سے ان کے گھر جاکر ملاقات کی۔ اس موقع پر مہمانوں کی تواضع مکہ شریف کی سوغات زم زم شریف اور مدینے پاک کی کھجوروں سے کی گئی۔نگرانِ شوریٰ بھی موقع پر موجود تھے، وفد نے ان سے بھی ملاقات کی۔وفد نے نگران شوریٰ کو فیڈریشن آنے کی دعوت بھی دی۔

واضح رہے! کہ وفد میں صدر آل پاکستان میمن فیڈریشن حنیف موٹلانی اور چیئرمین سپریم کونسل حنیف ہارون علاوہ غنی بھنرہ، عزیز میمن،عمر موٹلانی،افضل بھوج، فیصل ڈھیڈی، صادق پٹیل، عبید چامڑیا، رشید ، ندیم میمن اور طارق پولانی بھی شامل تھے۔


(اسٹاف رپورٹ:کراچی) 14 نومبر 2019ء کو امیر اہلِ سنت   مولانا محمد الیاس عطار قادری دَامَتْ بَرَکَاتُہُمُ الْعَالِیَہ نے المدینۃ العلمیہ اور ماہنامہ فیضانِ مدینہ کے اسلامی بھائیوں کو خصوصی وقت عطا فرمایا۔ اسلامی بھائی امیر اہلِ سنت کے گھر کے جنت ہال میں پہنچے تو امیر اہلِ سنت نے مسکرا کر ان عاشقانِ رسول کوخوش آمدید کہا۔

اسلامی بھائیوں نے امیر اہلِ سنت سے مختلف موضوعات پر سوالا ت کئے جس کے آپ نے علم و حکمت سے بھرپور جوابات ارشاد فرمائے۔عاشقانِ رسول نے امیر اہلِ سنت سے ملاقات کی سعادت بھی حاصل کی۔

واضح رہے! اس موقع پر مرکزی مجلس شوریٰ کے نگران مولانا محمد عمران عطاری مَدَّظِلُّہُ الْعَالِی اور رکنِ شوریٰ حاجی ابو ماجد محمد شاہد عطاری مدنی بھی موجود تھے۔


امیراہل سنت 13 ربیع الاول 1441ھ  کی رات کراچی کے مختلف مقامات پر چراغاں دیکھنے تشریف لے گئے۔ حسین مناظر دیکھنے کے لئے Watch video کے بٹن پر کلک کریں۔


بانیِ دعوتِ اسلامی حضرت مولانا الیاس عطار قادری کراچی پہنچ گئے

کراچی پہنچ کر تمام عاشقان رسول کے لیے اہم پیغام جاری کیا

امیر اہلِ سنت حضرت علامہ مولانا محمد الیاس عطار قادری دَامَتْ بَرَکَاتُہُمُ الْعَالِیَہ بیرونِ ملک سے آج 28 اکتوبر 2019ء کو کراچی پہنچ گئے ہیں۔ وطن واپسی پر آپ نے عاشقانِ رسول کے نام ایک ویڈیو پیغام جاری کیا جس میں آپ کا کہنا تھا:

اے عاشقانِ میلاد ! احیاءالعلوم جلد4، صفحہ 306 پر ہے: ” ایک بار کسی شخص نے دعا کی: اے اللہ پاک میں تجھ سے کامل نعمت (یعنی کمپلیٹ نعمت) کا سوال کرتا ہوں۔ رحمتِ عالم صلَّی اللہ علیہ واٰلہٖ وسلَّم نے اس سے فرمایا: ”جانتے ہو کامل نعمت کیا ہے ؟“ اس نے عرض کی: نہیں۔ ارشاد فرمایا:” جنت میں داخلہ کامل نعمت ہے“۔

امیر اہل سنت نے مزید فرمایا: اَلْحَمْدُ لِلہِ ماہِ ربیع الاول کی آمد آمد ہے، اِن شَاءَ اللہ 29 اکتوبر 2019، بروز منگل رات ساڑھے نو بجے سے تیرھویں شب تک عالمی مدنی مرکز فیضانِ مدینہ کراچی میں روزانہ مدنی مذاکرے کا سلسلہ ہوگا۔


امیرِ اہلِ سنت علامہ محمد  الیاس عطار قادری دَامَتْ بَرَکَاتُہُمُ الْعَالِیَہ بیرونِ ملک روانہ ہوگئے ۔ آپ نے اپنے مکان پہنچتے ہی عاشقانِ رسول کے نام ایک پیغام جاری کیا جس میں فرمایا کہ ”اَلْحَمْدُ لِلّٰہِ عَزَّ وَجَلَّ میں بیرونِ ملک اپنے مکان پر پہنچ گیا ہوں،اللہ کریم سے عافیت کا سوال ہے۔پھر آپ نے ایک مدنی پھول بیان کیا جس میں فرمایاکہ دو چیزیں انسان کی عزت بڑھاتی ہیں اور اسے نقصان نہیں پہنچاتیں٭مسکرانا٭اور سلام کرنا۔

صَلُّوْا عَلَی الْحَبِیْب! صلَّی اللہُ تعالٰی علٰی محمَّد


نگرانِ شوری مولانا محمد عمران عطاری مَدَّظِلُّہُ الْعَالِی کی زیرِ صدارت دعوتِ اسلامی کی مرکزی مجلس شوریٰ کا تین دن کا اجلاس عالمی مدنی مرکز فیضانِ مدینہ کراچی میں جاری ہے۔ اجلاس کا آغاز 16 ستمبر 2019ء بروز پیر سے ہوا جس میں مرکزی مجلس شوریٰ کے تمام اراکینِ شرکت کررہے ہیں۔ اجلاس میں مختلف نکات پر غور کیا جارہا ہے جبکہ دعوتِ اسلامی کے موجود کاموں کی صورتِ حال کا جائزہ بھی لیا جارہا ہے۔ذمہ داران کو آئندہ کے اہداف بھی دیئے جائیں گے۔ مرکزی مجلس شوریٰ کا یہ اجلاس 18 ستمبر تک جاری رہے گا۔آج 17 ستمبر کو اجلاس کے دوسرے دن امیرِ اہلِ سنت دامت برکاتہم العالیہ نے اراکینِ شوریٰ کو اپنا قیمتی وقت عطا فرمایا۔

اس سے قبل 7 تا 9 جولائی 2019ء کو شوریٰ کا اجلاس ہوا تھا جس میں بہت سی تنظیمی اصلاحات کی تبدیلی کی منظوری دی گئی تھی اور تحریری صورت میں اپڈیٹ جاری بھی کی گئی تھی۔


حج ادائیگی کے بعد امیر اہلِ سنت مولانا  محمد الیاس عطار قادری دَامَتْ بَرَکَاتُہُمُ الْعَالِیَہ بدھ 22 اگست کو وطن واپس پہنچ گئے۔ امیر اہلِ سنت کے ہمراہ نگرانِ شوریٰ مولانا محمد عمران عطاری مَدَّظِلُّہُ الْعَالِی بھی کراچی پہنچے ہیں ۔

تفصیلات کے مطابق بانیِ دعوتِ اسلامی فریضۂ حج ادا کرنے کے بعد کراچی پہنچ چکے ہیں۔ان کے ہمراہ نگرانِ شوریٰ بھی وطن واپس پہنچے ہیں۔امیر دعوتِ اسلامی حج ادا کرنے کے غرض سے 3 اگست 2019ء کو مکۂ مکرمہ پہنچے تھے جہاں انہوں نے چل مدینہ کے قافلے والوں کے ہمراہ ارکانِ حج ادا کئے جس کے بعد وہ مدینۂ منورہ زاد ہَااللہ شرفاً وَّ تعظیماً روانہ ہوئے جہاں مسجد نبوی شریف اور حضور صلَّی اللہ علیہ واٰلہٖ وسلَّم کے روضہ پر حاضری دی اور مختلف مقاماتِ مقدسہ کی زیارت کی۔ کراچی ایئر پورٹ پہنچنے پر عقیدت مندوں آپ کا پُرتپاک استقبال کیا۔

مولانا الیاس قادری عاشقانِ رسول کی مدنی تحریک دعوتِ اسلامی کے بانی و امیر، جماعتِ اہلِ سنّت کے ممتاز ترین صاحبِ علم و بصیرت اور ایک اچھے قلم کار ہیں اور عالمِ اسلام کے بااثر عالم دین اور روحانی پیشوا سمجھے جاتے ہیں۔


14 ذوالحجۃ الحرام کوامیر اہلِ سنّت دَامَتْ بَرَکَاتُہُمُ الْعَالِیَہ کے والد مرحوم ابو عطّاؔر حاجی عبد الرحمٰن رحمۃ اللہ علیہ کے یومِ وفات کا دن ہے،آپ رحمۃ اللہ علیہ کا انتقال 14 ذوالحجۃ الحرام 1370ہجری کو دورانِ حج مکہ مکرّمہ زاد ہَااللہ شرفاً وَّ تعظیماً میں ہوا ، اور آپ کا مزار مبارک عرب شریف میں ہے۔

یومِ وفات کے دن کی مناسبت سے امیر اہل سنّت دَامَتْ بَرَکَاتُہُمُ الْعَالِیَہنے اپنے مرحوم والد کے ایصالِ ثواب کےلئے فاتحہ خوانی کی اور بلندیِ درجات کے لئے دعا بھی فرمائی۔


(مکہ مکرمہ،04-08-2019)مرشد کریم امیر اہلِ سنّت مولانا محمد الیاس عطار قادری دَامَتْ بَرَکَاتُہُمُ الْعَالِیَہ مکۂ مکرمہ میں چل مدینہ قافلہ والوں کی تربیت فرماتے ہوئے۔


۔(4 اگست 2019)بانیِ دعوتِ اسلامی مولانا الیاس عطار قادری دامت برکاتہم العالیہ عمرہ کی ادائیگی  کے دوران طواف کرتے ہوئے

شیخِ طریقت، امیرِ اہلِ سنت مولانا الیاس عطار قادری دَامَتْ بَرَکَاتُہُمُ الْعَالِیَہ اور دیگر شرکائے قافلہ جدہ ایئرپورٹ پہنچ کر نمازِ عصر استاذالحدیث مولانا محمد حسان عطاری مدنی کی امامت میں ادا کررہے ہیں۔ یاد رہے بانیِ دعوتِ اسلامی فریضۂ حج ادا کرنے کے لئے کل یعنی 3 اگست 2019ء کو مکۂ مکرمہ زاد ہَااللہ شرفاً وَّ تعظیماً پہنچ چکے ہیں اور آپ کے ہمراہ نگرانِ شوریٰ مولانا محمد عمران عطاری مَدَّظِلُّہُ الْعَالِی، نگران پاکستان انتظامی کابینہ حاجی محمد شاہد عطاری، اراکینِ شوریٰ مولانا حاجی عبدالحبیب عطاری، حاجی فضیل رضا عطاری، محمد اطہر عطاری اور استاذالحدیث مولانا محمد حسان عطاری مدنی سمیت کئی خوش نصیب عاشقانِ رسول چل مدینہ کے مدنی قافلے میں شریک ہیں۔


شیخ طریقت امیر اہلسنت حضرت علامہ مولانا محمد الیاس عطار قادری دَامَتْ بَرَکَاتُہُمُ الْعَالِیَہ فریضہ حج ادا کرنے کے لیے 30 اگست کو کراچی سے روانہ ہوگئے بانی دعوت اسلامی ان دنوں عرب امارات پہنچے ہیں جہاں سے تین اگست کو حرمین طیبین کی فلائٹ سے مکہ مکرمہ اور مدینہ منورہ پہنچیں گے

یاد رہے اس سال بھی امیر اہل سنت نے کی عاشقان رسول کو چل مدینہ کیا ہے جو فریضہ حج آپ کے ہمراہ ادا کریں گے۔