گزشتہ دنوں دارالافتاء جامعہ نعمیہ لاہور  کے مفتی عمران حنفی قادری ، مولانا مسعود قادری(محکمہ اوقاف) اور مولانا مجاہد رسول نقشبندی صاحب نےمدنی مرکزفیضان ِمدینہ جوہر ٹاؤن لاہور کا وزٹ کیا۔ اس موقع پر رکن شوری ٰحاجی یعفور رضا عطاری نے ان سے ملاقات کی اور انہیں مختلف شعبہ جات کا وزٹ کروایا۔

18دسمبر 2019ء کو جانشین امیر اہلِ سنّت مولاناحاجی عبید رضا عطاری مَدَّظِلُّہُ الْعَالِی نےفیصل آباد کے ایک جامعۃ المدینہ کا وزٹ کیا جہاں طلبہ اور اساتذۂ کرام سے ملاقاتیں کیں اور انہیں 12 ماہ کےقافلے میں سفر کرنے اور رمضان المبارک میں30دن کا اعتکاف کرنے کا ذہن دیا جس پر طلبہ اور اساتذہ نے اپنی اچھی اچھی نیّتوں کا اظہار بھی کیا۔

دعوت اسلامی کی مجلس جامعۃ المدینہ کے تحت 17دسمبر2019ء کو عالمی مدنی مرکز فیضانِ مدینہ کراچی میں قائم مرکزی  جامعۃ المدینہ میں مدنی مشورہ ہوا جس میں مختلف جامعات المدینہ کے ناظمین،معاون ناظمین اور جدول ناظمین نے شرکت کی۔رکنِ مجلس جامعۃ المدینہ نے شرکا کی تربیت کی اور انتظامی حوالے سے کلام کیا۔ (رپورٹ:عدنان شہزاد مدنی، شعبہ تشہیر)

دعوت اسلامی کی مجلس جامعۃ المدینہ للبنین کے تحت 17دسمبر2019ءکو جامعۃ المدینہ سیالکوٹ میں مدنی مشورہ ہوا جس میں اساتذہ و طلبۂ  کرام نے شرکت کی۔ رکنِ مجلس جامعۃ المدینہ نے شرکا کی تربیت کی اور انتظامی امور کے حوالے سے کلام کیا۔(رپورٹ: عدنان شہزاد عطاری المدنی، شعبہ تشہیر)

دعوت ِ اسلامی  کی مجلس جامعۃ المدینہ للبنین کے تحت پاکستان کے شہرجہلم میں9 دسمبر2019ء بروز پیر مدنی مشورہ ہوا جس میں نگران مجلس، رکن مجلس، اراکین زون اور رکن مجلس کے اسلامی بھائیوں کے درمیان انتظامی حوالے سے تبادلہ خیال ہوا۔( رپورٹر: عدنا ن شہزاد عطاری، شعبہ تشہیر)

گزشتہ دنوں دعوتِ اسلامی کی مجلس جامعۃالمدینہ اورسیز کے نگران نےکینیا کے شہر نیروبی اور ممباسا کے مرکزی جامعات المدینہ سمیت مختلف جامعۃ المدینہ کا دورہ کیاجہاں انہوں نے کارکردگی سے متعلق معلومات لیتے ہوئے ان کی کاوشوں کو سراہااور ادارے کی ترقی کے لئے مزید محنت کرنے کا ذہن بھی دیا نیز اساتذہ اور طلبہ کی تربیت کرتے ہوئے انہیں مدنی ماحول سے وابستہ رہنے، روزانہ ایک پارہ تلاوت ِقراٰن کرنے اور پابندِ سنت بننےکی ترغیب دلائی جس پرطلبہ نے عمل کرنے کی نیتیں کیں نیز نیروبی میں قائم پاکستان ایمبیسی میں ہونے والے اجتماع میں سنتوں بھرا بیان بھی فرمایا اور انہیں دعوتِ اسلامی کا تعارف پیش کرتے ہوئے مدنی ماحول سے وابستہ ہونے کا ذہن دیا۔

اسی طرح نگرانِ مجلس جامعۃالمدینہ اورسیز نے ممباسا میں مختلف شخصیات کے درمیان مدنی حلقوں میں شرکت کی جس میں آپ نے محبتِ الٰہی اور عشقِ رسول کے موضوع پر سنّتوں بھرا بیان فرمایا اور شخصیات کو دعوتِ اسلامی کے مدنی کاموں میں تعاون کرنے کے حوالے سے ترغیب بھی دلائی۔

دعوتِ اسلامی کی مجلس جامعۃ المدینہ ہند کے تحت منگلور سٹی ساؤتھ ہند میں قائم اہلِ سنت کے دینی ادارے دار الارشاد میں سنتوں بھرے اجتماع کا اہتمام کیا گیا جس میں نگران مجلس جامعات المدینہ ہند نے شافعی طلبہ کے درمیان سنتوں بھرا بیان فرمایا اور انہیں دعوتِ اسلامی کا تعارف پیش کرتے ہوئے اجتماعات و مدنی مذاکروں میں شرکت کی دعوت دی۔ (رپورٹ:مجلس جامعات المدینہ ہند، شعبہ ریکارڈ & پبلیکیشن)

دعوتِ اسلامی کے تحت پچھلے دنوں مختلف جامعات میں طلبہ کے ششماہی امتحانات کا سلسلہ ہوا جس کے نتائج  کا بعض شہروں میں اعلان کیا جاچکا ہے۔ پچھلے دنوں جامعۃ المدینہ موڑ ایمن آباد گوجرانوالہ زون میں ششماہی امتحانات میں پوزیشن لانے والے طلبہ کی حوصلہ افزائی کے سلسلے میں ایک تقریب کا اہتمام کیا گیا جس میں رکن زون جامعات المدینہ للبنین گوجرانوالہ نے طلبۂ کرام کو ششماہی اول کے رزلٹ پر انعامات سے نوازا۔ (رپورٹ: محمد شہباز عطاری مدنی، رکن زون جامعات المدینہ للبنین گوجرانوالہ)

مجلس جامعۃ المدینہ کے تحت 19اکتوبر2019ء کو کشمیر ڈڈیال میں سنّتوں بھرے اجتماع کا انعقاد کیا گیا جس میں   شخصیات اور اہلِ علاقہ سمیت کثیرعاشقانِ رسول نے شرکت کی۔ رکنِ شوریٰ حاجی محمد اسد عطاری مدنی نے ”استقبالِ میلاد“ کے موضوع پر سنّتوں بھرا بیان کیا اور شرکا کو دعوتِ اسلامی کے تحت دنیا بھر میں ہونے والے مدنی کاموں سے متعلق آگاہی فراہم کرتے ہوئے دعوتِ اسلامی کے مدنی ماحول سے وابستہ رہنے اور ہفتہ وار اجتماعات میں شرکت کرنے کی ترغیب دلائی۔(رپورٹ،عبد القادر عطاری مدنی ،مجلس جامعۃ المدینہ )