9 صفر المظفر, 1442 ہجری

: : :
(PST)

بورڈ آف انٹرمیڈیٹ اینڈ سیکنڈری ایجوکیشن فیصل آباد نے 2020ء میں میٹرک کے امتحان دینے والے اسٹوڈنٹس کے نتائج جاری کردیئے۔

2020ء میں ہونے والے میٹرک کے امتحان میں جہاں دیگر اسکولوں سے ہزاروں اسٹوڈنٹس نے شرکت کی وہیں دارالمدینہ انٹرنیشنل اسلامک اسکول فیصل آباد کے اسٹوڈنٹس بھی شامل تھیں۔دار المدینہ فیصل آباد کے اسٹوڈنٹس نے میٹرک کے امتحان میں اچھے نمبر حاصل کرکے نمایاں کارکردگی کا مظاہرہ کیاجبکہ کچھ اسٹوڈنٹس نے ہائی مارکس لیکر بہترین کارکردگی کا مظاہرہ کیا۔

تفصیلات درج ذیل ہیں:حسن وسیم 93.27%، محمد احمد آصف 92.55%، محمد حسنین 92.27%


گزشتہ روز سے ملک  بھر میں قائم دارالمدینہ انٹرنیشنل اسلامک اسکول سسٹم کے تمام سیکنڈری کیمپسز میں 9th اور 10th کلاسز کے لیے تعلیمی سرگرمیوں کا باقاعدہ آغازہوگیاہے۔

Covid 19 سے بچاؤ کی احتیاطی تدابیر اختیار کرتے ہوئے اسٹوڈنٹس کو ایک دن کے وقفے سے اسکول بلاکر مناسب فاصلے سے بٹھایاجا رہا ہے۔اسکول آنے والے اسٹوڈنٹس کا Temperature چیک کرنے اور مناسب وقفے سے ہاتھ دھونے کے لیے بھی انتظامات کیے گئے ہیں۔

والدین /سرپرستوں سے گزارش ہے کہ اپنے بچوں کو اسکول میں ماسک پہن کررکھنے،دوسرے بچوں کے ساتھ گھلنے ملنے سے پرہیز کرنے اور ایک دوسرے کی چیزیں استعمال نہ کرنے کا ذہن دیں نیز روزانہ اسکول روانگی سے قبل اپنے بچوں کا Temperature چیک کریں اور بخار محسوس کرنے کی صورت میں اپنے بچے کو اسکول نہ بھیجیں۔


رمضان المبارک اور عید الفطر  کی تعطیلات کے بعد پری نرسری تا میٹرک کے طلبہ کے لئے نئے تعلیمی سال کے سلیبس کے مطابق دارالمدینہ کی جانب سے Interactiveآن لائن کلاسز جاری ہیں جن میں اسٹوڈنٹس کو انگلش ،اردو،اسلامیات ،مدنی قاعدہ،ناظرہ قرآن کریم اور سائنس/EVS کے مضامین پڑھائے جارہے ہیں۔اس کے علاوہ طلبہ کی تعلیمی جانچ کے لیے ہفتہ وار ہوم ورک (Weekly home assignment) بھی دیا جائے گا جسے ٹیچرز چیک کرنے کے بعد اسٹوڈنٹس کو واپس بھیجیں گے۔


لاک ڈاؤن کے دوران طلبہ کے تعلیمی عمل کو جاری رکھنے کے لیے دارالمدینہ انٹرنیشنل اسلامک اسکول سسٹم کی جانب سے  کلاس وائز You Tube چینلز بنائے گئےجن پر انگلش ،اردو،اسلامیات ،مدنی قاعدہ،ناظرہ قرآن کریم اور سائنس/EVS کے مضامین کے لیکچرز اپ لوڈ کرنے کا سلسلہ جاری ہے۔ الحمد اللہ عزوجل تادم تحریر دارالمدینہ کے You Tube چینلز کی Viewership پانچ لاکھ سے تجاوز کرچکی ہے۔


موجودہ ملکی صورت حال کے پیش نظر  وفاقی اورصوبائی حکومتوں نے فیصلہ کیا ہے کہ ملک بھر کے تعلیمی اداروں میں پری نرسری تا کلاس 8 کے طلبہ کو اگلی کلاسز میں Promote کردیا جائے۔چنانچہ حکومتی اعلامیے کے مطابق پہلا ٹرم کے نتائج کی بنیاد پردارالمدینہ انٹرنیشنل اسلامک اسکول سسٹم کے تمام طلبہ کو اگلی کلاس میں Promote کیا جاچکا ہے۔دارالمدینہ سے وابستہ والدین اور سرپرستوں سے گزارش ہے کہ کیمپس تشریف لاکر اپنے بچوں کا رزلٹ کارڈ ،نئی کلاس کے لیے بک لسٹ اور دیگر ڈاکیومنٹس حاصل فرمالیجیے۔


سندھ کے شہر حیدرآباد کے علاقے آفندی ٹاؤن میں قائم مدنی مرکزفیضان مدینہ میں دعوت اسلامی کے زیر اہتمام  چلنے والے دارالمدینہ اسکولنگ سسٹم کے ٹیچرز کے درمیان جاری 7 دن کے فیضان نماز کورس کا اختتام گیا۔ اس کورس میں اسلامی بہنوں نے بھی پردے میں رہتے ہوئے شرکت کی۔ کورس کے اختتامی سیشن میں رکنِ شوریٰ حاجی محمداطہر عطاری نے شرکت فرمائی اور ان اسلامی بھائیوں میں غصے کی تباہ کاریوں اور استاد کے کردار پرسنتوں بھرا بیان فرماتے ہوئے دعوتِ اسلامی کے 12 مدنی کاموں میں بھرپور شرکت کرنے اور شعبہ تعلیم سے وابستہ دیگر افراد کو بھی اس کی ترغیب دلانے کا ذہن دیا۔

رکنِ شوریٰ نے کورس کے شرکاکی جانب سے پوچھے گئے سوالات کے جوابات بھی ارشاد فرمائے۔کورس میں شرکت کرنے والے اسلامی بھائیوں کو مجلس کورسز کی جانب سے رکن شوریٰ حاجی محمد اطہر عطاری کے ہاتھوں کورس مکمل کرنے پر سرٹیفکیٹس بھی تقسیم کئے گئے۔

پنجاب بھر میں قائم دعوتِ اسلامی کے اسکولنگ سسٹم دا ر المدینہ کے تمام کیمپسز میں Orientation Day یعنی تعارفی دن کا سلسلہ ہوا۔اسٹوڈنٹس نےاردواورانگلش زبان میں اصلاحی بیان کرنےکی سعادت حاصل کی۔اس موقع پرطلبہ نےمختلف سرگرمیوں میں بھی حصّہ لیا۔

دعوتِ اسلامی کی مجلس دار المدینہ کے زیر اہتمام  28 فروری 2020 بروز جمعہ بھلوال میں انٹرنیشنل اسکولز سسٹم ’’دار المدینہ‘‘ کی نیو برانچ کا افتتاح ہوا، اس پر مسرت موقع پرعظیم الشان سنتوں بھرا اجتماع منعقد کیا گیا۔ جس میں نگران اسلام آباد ریجن، رکنِ شوریٰ الحاج ابو انوار محمد وقار المدینہ عطاری مدظلہ العالی نے سنتوں بھرا بیان فرمایا ، رکن شوریٰ نے علم دین کے فضائل کے موضوع پر سنتوں بھرا بیان فرماتے ہوئے نکات دئیے، دعوتِ اسلامی کے دین و دنیا کی تعلیم سے آراستہ کرنے والے انٹر نیشنل اسکولز سسٹم ’’دارالمدینہ‘‘ کا تعارف کرواتے ہوئے نصاب او ر دیگر خصوصیات پر اپ ڈیٹس دیں۔ اس موقع پر دارالمدینہ مجلس ذمہ دار نے انٹر نیشنل ا سکولزسسٹم ’’دارالمدینہ‘‘ کے حوالے سے حاضرین کو بریفننگ دی،اس سنتوں بھرے اجتماع میں علاقے کی مختلف سیاسی،سماجی، کاروباری و دیگر شعبہ ہائے زندگی سے تعلق رکھنے والی شخصیات نے شرکت کی اور رکن شوریٰ سے ملاقات کرنے کی سعادت حاصل کی۔(رپورٹ:محمد شعیب رضا عطاری، دفتر ذمہ دار نگران اسلام آباد ریجن)

دعوت اسلامی کاتعلیمی ادارہ دارالمدینہ انٹر نیشنل  اسلامک اسکول سسٹم میں بچوں اور بچیوں کو قراٰن پاک کی تعلیم سے روشناس کرانے کے لئے نرسری کلاس سے ہی مدنی قاعدہ کی تدریس کا آغاز ہوجاتا ہے جس میں معلمین و معلمات انفرادی توجہ دے کر طلبہ کو تجوید کے مطابق مدنی قاعدہ و قراٰن پاک پڑھاتے ہیں۔ گزشتہ دنوں پنجاب کے مختلف شہروں میں قائم دارالمدینہ انٹرنیشنل اسلامک اسکول سسٹم کے 1760طلبہ و طالبات نے مدنی قاعدہ جب کہ 115 طلبہ وطالبات نے ناظرہ قرٰن پاک مکمل کیا۔ اس موقع پر طلبہ کی حوصلہ افزائی کے لیے قاعدہ اور ناظرہ سرٹیفکیٹ پیش کیے گئے۔ (رپورٹ: علی رضا عطاری، دارالمدینہ )


گزشتہ دنوں ڈپٹی سیکرٹری ایجوکیشن سندھ شمس الدین شیخ نے دارالمدینہ الہلال کیمپس یونیورسٹی روڈ کراچی  کا وزٹ کیا۔اس موقع پر مجلس دارالمدینہ کے رکن اور پرنسپل صاحب نے ان کا استقبال کیا اور انہیں مختلف کلاسز کا وزٹ کرایا۔ ڈپٹی سیکرٹری کو بتایا گیا کہ اس وقت دنیا بھر میں دارالمدینہ انٹرنیشنل اسلامک اسکول سسٹم کے 84 کیمپس قائم ہیں،جہاں نونہالانِ امت کو دینی و دنیوی تعلیم دی جارہی ہے۔ انھوں نے طلبہ سے مختلف مضامین سے متعلق سوالات کیے اور درست جوابات دینے والے طلبہ کی حوصلہ افزائی کی ۔(رپورٹ ۔محمد علی رضا عطاری شعبہ نصاب سازی)


دعوت اسلامی کے زیرِ اہتمام  دارالمدینہ اسلامک اسکولنگ سسٹم جھنگ کے کیمپس میں سیمینار کا انعقاد کیا گیا جس میں رکنِ شوریٰ حاجی محمد رفیع العطاری نے شرکت کی اور شرکا کو مدنی پھول ارشاد فرمائے ۔ سیمینار کے اختتام پر دارالمدینہ کا وزٹ بھی کیا۔


گزشتہ دنوں پاکستان کے مختلف شہروں میں قائم دارالمدینہ اسکولنگ سسٹم کے پری پرائمری سیکشنز میں کلرزڈے  منایا گیاجس میں مختلف ایکٹیویٹیز کے ذریعے بچوں کو رنگوں کی پہچان کروائی گئی ۔اس موقع پر کلاسز کو مخصوص رنگوں سے سجایا گیا اورمختلف رنگوں کی چیزیں(غبارے،پھل اور سبزیاں) بھی دکھائی گئیں ۔بچوں نے ان ایکٹیویٹیز میں بھرپور حصہ لیا اور خوب دلچسپی کا مظاہرہ بھی کیا۔(رپورت:محمد علی رضا عطاری، شعبہ نصاب سازی)