دعوت اسلامی کی مجلس  مزارات اولیاء کے تحت پچھلے دنوں عبدالکبیر عطاری گلگت بلتستان زون نے پشاور کابینہ میں نگران کابینہ کے ہمراہ پیران عظام اور گدی نشین حضرات سے ملاقاتیں کیں۔

جہاں ذمہ داران دعوت اسلامی نے مزارات شریف پر حاضری دی اور مدنی حلقوں کا اہتمام کیا جس میں حاضرین کو ایک ماہ کے مدنی قافلوں کی دعوت دی اور پشتو زبان میں نیکی کی دعوت اور فیضان نماز کتابوں سمیت د یگر رسائل تقسیم کئے گئے ۔

اس موقع پر سید عبید اللہ شاہ صاحب گدی نشین نے جوہر وٹاون فیضان مدینہ میں آنے کی نیت کرتے ہوئے کہا کے انشاء اللہ تقریبا 19 اسلامی بھائیوں سمیت اپنے مریدوں کے ہمراہ لاہور جوہر ٹاون فیضان مدینہ میں ایک ماہ کے مدنی قافلہ میں سفر کرینگے۔( رپورٹ: مجلس مزارات اولیاء لاہور ریجن)


پچھلے دنوں مولانا صاحبزادہ پیر سید فیاض حسین شاہ صاحب آستانہ عالیہ جسوکی دھون دیپالپور شریف کی فیضانِ مدینہ پاکپتن شریف تشریف آوری ہوئی۔ ذمہ داران دعوت اسلامی نے ان کا استقبال کرتے ہوئے خوش آمدید کہا ۔

پیر سید فیاض حسین شاہ صاحب نے فیضانِ مدینہ پاکپتن شریف میں قائم جامعہ المدینہ فیضان آن لائن اکیڈمی کا دورہ کیا۔ اس موقع پر حضرت کو دعوت اسلامی کے 80 سے زائد شعبہ جات کا تعارف کروایا گیا اور دنیا بھر میں جاری دعوت اسلامی کی دینی، سماجی، اور فلاحی خدمات کا خاکہ پیش کیا گیا جس پر پیر سید فیاض حسین شاہ صاحب نے خوشی کا اظہار کیا اور دعوت اسلامی کی دینی خدمات کو سراہتے ہوئے اپنے نیک دعاؤں سے نوازا۔


دعوت اسلامی کی مجلس مزارات اولیاء کے تحت  پچھلے دنوں ذمہ داران دعوت اسلامی نے رکن ریجن دانیال عطاری کے ہمراہ بچیکی چوچک شریف میں مختلف مزارات اولیاء پر حاضری دی جہاں گدی نشین اور ان کے صاحبزاد گان سے ملاقات کرتے ہوئے نیکی کی دعوت دی اور طالب علم دین کے متعلق مدنی پھول دیتے ہوئے عالم کورس میں داخلہ لینےکی دعوت پیش کی ۔

اس موقع پر مزارات اولیاء کے ذمہ داران نے ڈویژن نگران سے ملاقات بھی کی اور ڈویژن میں موجود مزارات اولیاء پر ہونے والے مدنی کاموں کا جائزہ لیتے ہوئے آنے والے اعراس کے حوالے سے مدنی مشورہ کیا ۔

مدنی مشورے میں اعراس کے مواقع پر مدنی کام کی تیاری کے حوالے سے کلام ہوا جبکہ شعبہ میں بہتری لانے کے حوالے سے تبادلہ خیال کیا گیا۔(رپورٹ: عارف عطاری فیصل آباد ریجن مجلس مزارات اولیاء جڑانوالہ زون)


ڈیرہ غازی خان زون راڑاشم میں موجود حضرت علامہ پیر سید محسن شاہ بخاری الباروی رحمۃ اللہ علیہ کا سالانہ عرس ہوا۔

اس موقع پر جامعہ احسن القرآن کی افتتاحی تقریب کا انعقاد کیا جس میں جامعہ احسن القرآن کے مہتمم اور سجادہ نشین دربار محسن شاہ سمیت دور دراز سے تشریف لائے علماء اور مشائخ کرام نے شرکت کی۔

دعوت اسلامی کی مجلس رابطہ بالعلماء اور مزارات اولیاء کے رکن ملتان اور رکن کابینہ سمیت تین رکن مجلس نے پروگرام میں تشریف لانے والے علماء اور مشائخ کرام سے ملاقات کی۔ ذمہ داران نے انہیں دعوت اسلامی کی دینی کاوش کے بارے میں معلومات فراہم کیں اور ماہنامہ فیضان مدینہ تحفے میں پیش کیا۔


لاہور ریجن میں حضرت سید شمشاد علی شاہ رحمۃ اللہ علیہ کا سالانہ عرس ہوا ۔

اس موقع پر مجلس مزارات اولیاء کے ذمہ داران اور مدرس کورس کرنے والے اسلامی بھائیوں نے قرآن خوانی کی اور مدنی حلقے کا سلسلہ ہوا۔ عرس پاک کے موقع پر مکتبۃ المدینہ کا اسٹال بھی لگایا گیا جبکہ ذمہ داران نے مزار شریف کے سجادہ نشین سید عبید اللہ شاہ صاحب سے ملاقات کی اور انہیں دعوت اسلامی کی دینی خدمات سے آگاہ کرتے ہوئے کتاب اللہ والوں کی باتیں“ تحفے میں پیش کی۔


دعوت اسلامی کی مجلس مزارات اولیاء کے ذمہ داران نے ساہیوال زون کے ڈویژن تلمبہ میں موجود مختلف مزارات اولیاء پر حاضری دی اور ایصالِ ثواب کے فاتحہ خوانی کی۔

بعد ازاں درباروں پر ذمہ داران کی تقرری کا سلسلہ ہوا جبکہ ذمہ داران نے ایک ماہ کے قافلے کے لئے اسلامی بھائیوں سے ملاقاتیں کیں۔ 


دعوت اسلامی کی مجلس مزارات اولیاء کے ریجن ذمہ دار نے دربار ذمہ دار سمیت دیگر ذمہ داران کے ہمراہ ساہیوال کا دورہ کیا جہاں انہوں نگران کابینہ، شہر اور اطراف کے نگرانوں کا مدنی مشورہ کیا۔ مدنی مشورے میں ساہیوال شہر میں ذمہ داران  کی تقرری کی گئی۔

بعد ازاں ذمہ داران نے مختلف مزارات پر حاضری بھی دی۔


دعوت اسلامی کی مجلس مزارات اولیاء ہند کے نگران صدام حسین عمادی عطاری نے دیگر ذمہ داران کے ہمراہ پھلواری شریف پٹنہ بہار میں موجود محبوب العارفین حضرت خواجہ سید عماد الدین قلندر اور تاج العارفین حضرت سیدنا پیر مجیب قادری رحمۃ اللہ علیہما کے مزارات پر حاضری دی۔ حاضری کے بعد مدنی حلقے کا انعقاد کیا گیا جس میں عاشقان رسول کو نیکی کی دعوت پیش کی اور ایصال ثواب کے فاتحہ خوانی اور صلوۃ و سلام کا سلسلہ ہوا۔


19 اگست 2020ء کو ہند کے شہر پٹنہ بہار پھلواری شریف میں سلسلہ فردوسیہ کے عظیم بزرگ حضرت شیخ شرف الدین احمد یحییٰ منیری رحمۃ اللہ علیہ کے خلیفہ حضرت مولانا شیخ سید منہاج الدین راستی رحمۃ اللہ علیہ کا654واں عرس نہایت مذہبی عقیدت و احترام سے منایا گیا ۔

عرس مبارک میں دعوت اسلامی کی مجلس مزارات اولیاء ہند کے نگران صدام حسین عمادی عطاری سمیت دیگر مبلغین دعوت اسلامی نے شرکت کی۔ اس موقع پر مدنی حلقے کا سلسلہ ہوا جس میں عاشقان رسول کو نیکی کی دعوت پیش کی گئی۔مدنی حلقے کے بعد اجتماعی طور پر مزار شریف پر حاضری دی گئی جہاں صلوۃ و سلام بھی پڑھا گیا۔


دعوت اسلامی کی مجلس مزارات اولیاء کے ذمہ داران نے حضرت سخی سلطان حق باہو رحمۃ اللہ علیہ اور آپ کے والدین کے مزار شریف پر حاضری دی۔ اس موقع پر ایصال ثواب کے لئے فاتحہ خوانی کی گئی۔ حاضری کے بعد اسلامی بھائیوں نے اوقاف کے ذمہ داران سے ملاقات کی اور عرس کے حوالے سے مشاورت بھی کی۔


دعوت اسلامی کی مجلس مزارات اولیاء کے ذمہ داران نے عارف والا قبولہ شریف میں مختلف مزارات پر حاضری دی اور ایصال ثواب کے لئے فاتحہ خوانی کی گئی۔ اس موقع پر ایک مزار شریف ذمہ دار کا تقرر کیا گیا اور ڈویژن سطح پر بھی تقرری کی گئی۔ 


دعوت اسلامی کی مجلس مزارات اولیاء کے  ذمہ دار اسلامی بھائیوں نے گلگت بلتستان زون استوار کابینہ میں قائم حضرت سیدنا ذرمست خان رحمۃ اللہ علیہ کےمزار شریف پر حاضری دی ۔ اس موقع پر مدنی حلقے کا سلسلہ ہوا جس میں شرکا کو حاضری مزار کے آداب سکھائے گئے اور اولیاء کرام کی سیرت پر سنتوں بھرا بیان ہوا۔ بعد مدنی حلقہ ذمہ داران نے صاحب مزار کے صاحبزادگان سے ملاقات کی ۔ صاحبزادگان نے گلگت بلتستان میں ہونے والے دعوت اسلامی کی دینی خدمات کو سراہا اور امیر اہل سنت دَامَتْ بَرَکَاتُہُمُ الْعَالِیَہ کے لئے دعائیں کیں۔ (رپورٹ: عبد الکبیر عطاری، مجلس مزارات اولیاء گلگت بلتستان)