عاشقانِ رسول کی  دینی تحریک دعوتِ اسلامی کی جانب سے تحصیل نارووال میں تاجر اسلامی بھائیوں میں دینی کام بڑھانے کے حوالے سے سیکھنے سکھانے کا حلقہ منعقد ہوا جس میں مقامی ذمہ داران و تاجران نے شرکت کی ۔

شعبہ کے ذمہ دار اسلامی بھائی نے تاجروں میں دعوت اسلامی کے 12 دینی کاموں کو بڑھانے کے حوالے سے مدنی پھول دیئے نیزمارکیٹس میں درس فیضان سنت دینے کا ذہن دیا اور تاجروں کے مدنی قافلے شمالی علاقوں میں لے جانے اور انھیں ہفتہ وار اجتماع میں شرکت کرنے کی ترغیب دلائی ۔(کانٹینٹ:رمضان رضا عطاری)

کسی بھی اسکول میں طلبہ کے لئے منعقد ہونے والے ٹیسٹ یا امتحان کے نتائج ان کی قابلیت جانچنے کا ایک ذریعہ ہیں۔یہ نتائج تعلیمی نظام میں ترقی اور کامیابی کے کلچر کو فروغ دیتے ہیں۔ان نتائج سےمختلف مضامین میں طلبہ کی سمجھ اور کارکردگی کا جائزہ لینےمیں مدد ملتی ہے۔ مثبت نتائج طلبہ کی خود اعتمادی میں اضافہ کرتے ہیں ۔ نتائج طالب علم کی قابلیت کا ثبوت بھی فراہم کرتے ہیں۔ گزشتہ روز دارالمدینہ اورنگی بوائز ہائی اسکول میں سالانہ امتحانات کے نتائج کا اعلان کیا گیا۔ نتائج کا اعلان ایک پروقار تقریب میں کیا گیا۔

تقریب کا آغاز تلاوت قرآن پاک سے کیا گیا، بعد ازاں بارگاہِ رسالت مآب صَلَّى اللهُ عَلَيْهِ وَسَلَّمَ میں نعت ِ رسول مقبول پڑھی گئی ۔اس موقع پر طلبہ نے خاکے اور تقاریر بھی پیش کیں۔تقریب میں پوزیشن حاصل کرنے والے طلبہ میں انعامات اور سرٹیفیکیٹ بھی تقسیم کئے گئے۔ تقریب میں دعوتِ اسلامی اور دارالمدینہ کے ذمہ دار اسلامی بھائیوں نے بیان بھی کیا۔اس موقع پر والدین سے دارالمدینہ کے تعلیمی نظام کے بارے میں تجاویز بھی لی گئیں۔(رپورٹ: غلام محی الدین ترک ،اردو کانٹینٹ رائیٹرمارکیٹنگ اینڈ کمیونیکیشن ڈیپارٹمنٹ دارالمدینہ ،ہیڈ آفس کراچی، ویب ڈیسک رائٹر:غیاث الدین عطاری)

طلبہ کو موسم گرما کی چھٹیوں میں اپنی صلاحیتوں کو بہتر بنانے کی طرف توجہ دینی چاہیئے۔سمر کیمپ بھی طلبہ کی صلاحیتیں نکھارنے کا ایک ذریعہ  ہے۔ سمر کیمپ طلبہ کو کم وقت میں زیادہ سے زیادہ سیکھنے کا موقع بھی فراہم کرتا ہے۔

دارالمدینہ اور فیضان ایجوکیشن نیٹ ورکس کے انعقاد سےگلشن کیمپس میں سمرکیمپ کاآغازہوچکا ہے۔ سمر کیمپ کے افتتاحی دن طلبہ کو پبلک اسپیکنگ (عوامی فن تقریر )کے ذریعے لوگوں کا سامنا کرنے اور مؤثر ابلاغ کی اہمیت پر زور دیا گیا۔پبلک اسپیکنگ کے اصول سمجھائے گئے، آخر میں عملی مشق کروائی گئی۔ٹرینر اسلامی بھائی نے اس بات پر زور دیا کہ چھٹیوں کا بھرپور فائدہ اٹھائیے۔پبلک اسپیکنگ کی صلاحیت کے ذریعے اپنے اندر اعتماد پیدا کیجیے۔اگر آپ پُراعتماد ہوجائیں تو ہر سطح پر کامیابی حاصل کرنا آسان ہوجاتا ہے۔اس سمر کیمپ میں تربیہ ایکٹیویٹیز، پبلک اسپیکنگ،پینٹنگ، قصہ گوئی، آرٹ اینڈ کرافٹ اور بہت سی دلچسپ سرگرمیاں شامل ہیں۔ یہ سرگرمیاں طلبہ کی تخلیقی صلاحیتوں کو اُجاگر کرنے میں مدد فراہم کریں گی ۔ اس سمر کیمپ میں دارالمدینہ کے علاوہ دوسرے اسکولوں کےطلبہ بھی شرکت کر رہے ہیں۔(رپورٹ: غلام محی الدین ترک ،اردو کانٹینٹ رائیٹرمارکیٹنگ اینڈ کمیونیکیشن ڈیپارٹمنٹ دارالمدینہ ،ہیڈ آفس کراچی، ویب ڈیسک رائٹر:غیاث الدین عطاری)

طلبہ کو ان کی حوصلہ افزائی ہمیشہ یاد رہتی ہے۔رزلٹ ڈے کی تقریب بھی حوصلہ افزائی کا ایک ذریعہ ہے۔اس تقریب میں جہاں طلبہ اپنی کامیابی کا پھل پاتے ہیں ،وہیں تقاریر، خاکے اور دوسری ہم نصابی سرگرمیوں کے ذریعے ان کی خود اعتمادی میں بھی اضافہ ہوتا ہے۔

گزشتہ روز دارالمدینہ بوائز ہائی اسکول کے گلشن کیمپس،گزری کیمپس اور ملیر کیمپس کے رزلٹ ڈے کی تقریب این ای ڈی یونیورسٹی کے آڈیٹوریم میں منعقد ہوئی۔ اس پروقار تقریب کا آغاز تلاوت قراٰن پاک سے کیا گیا،اس کے بعد بارگاہ ِرسالت مآب صَلَّى اللهُ عَلَيْهِ وَسَلَّمَ میں نعت ِ رسول مقبول پڑھی گئی ۔

رزلٹ ڈے کی تقریب میں دعوتِ اسلامی کی مرکزی مجلس شوری ٰ کے رکن حاجی محمد علی عطاری نے ٹائم مینجمنٹ کے حوالے سے اپنے بیان میں کہا کہ ہر شخص کو چاہیئے کہ اپنے ہر کام کو کسی وقت کے اندر قید کرلے۔ میں تلاوت اس وقت کروں گا۔ درود پاک اس وقت پڑھوں گا۔ ماضی میں جن بزرگوں نے کامیابیاں حاصل کیں، ان کے لئے بھی 24گھنٹے کا دن تھا ۔وہ دنیا میں بھی کامیاب ہوئے اور آخرت میں بھی کامیاب ہوں گے (ان شاء اللہ عزوجل )۔رکنِ شوری نے زندگی کے مختلف امور میں نیکی کی دعوت اور دعوتِ اسلامی کے دینی کاموں کی اہمیت پر بھی روشنی ڈالی۔

دارالمدینہ انٹرنیشنل اسلامک ایجوکیشن سسٹم کے CEOڈاکٹر دانش اقبال گوڈیل عطاری کا کہنا تھاکہ مسلمانوں کی بھلائی کی نیت ہو تو ہم سائنسی علوم کے ذریعے ثواب کماسکتے ہیں ۔ انہوں نے والدین کو متوجہ کرتےہوئے کہا کہ آپ دارالمدینہ کے پارٹنرز ہیں۔ ہم مل کر دارالمدینہ کو ترقی کی راہ پر گامزن کرسکتے ہیں جبکہ دارالمدینہ اسٹرٹیجک کمیٹی کے رکن عرفان حسن نے کہا کہ طالب علموں کو اس بات پر شکر ادا کرنا چاہیئے کہ وہ دارالمدینہ میں تعلیم حاصل کررہے ہیں ۔

دارالمدینہ انٹرنیشنل اسلامک ایجوکیشن سسٹم کے COO اور نگران پنجاب مولانا زبیر عطاری مدنی نے کہا کہ دارالمدینہ آپ کے بچوں کے سینوں میں قرآنی الفاظ محفوظ کردیتا ہے۔ اس وقت تک 17ہزار سے زائد طلبہ مدنی قاعدہ اور پانچ ہزار سے زائد بچے ناظرہ قراٰن کی تکمیل کرچکے ہیں۔ ہمارا قرآنی مونٹیسوری کاایک نظام ہے ۔ پاکستان بھر کے منتخب کیمپسز میں حفظِ قراٰن اور پنجاب میں ترجمہ قراٰن کی تفہیم کا آغازبھی ہوچکا ہے۔ ہم ہر ماہ ایک تربیہ تھیم بناتے ہیں ۔ماہِ شعبان میں ایک ہفتے کی تھیم کی برکت سے ایک ارب سے زائد درود پاک بھیجے گئے۔

دارالمدینہ انٹرنیشنل اسلامک اسکول سسٹم کے COO اور نگرانِ سندھ مدنی رضا عطاری نےاظہار خیال کرتے ہوئے کہا کہ 2011 میں دارالمدینہ کے سفر کا آغاز ہوااور اب دنیا کے 7 ممالک کے195کیمپسزمیں تقریبا39ًہزارطلباوطالبات تعلیم حاصل کررہے ہیں۔رواں تعلیمی سال میں پاکستان کے میٹرک بورڈز میں ہونے والے امتحانات میں دارالمدینہ کے 73فی صد، کراچی کے 95فی صد اور کورنگی کیمپس ، کراچی کے 100فی صد طلباوطالبات نے اے ون اور اے گریڈحاصل کیا۔انہوں نے تعلیمی عمل میں والدین کے فیڈ بیک کی اہمیت اور پیرنٹ ٹیچرز میٹنگ میں ان کی شرکت پر زور دیا۔

تقریب میں دارالمدینہ کے طلبہ نے والدین کے آداب ، ری سائیکلنگ اور saving water پر تقاریر اور گفتگو کے آداب اور ماڈرن ٹیکنالوجیز پر مدنی خاکے بھی پیش کئے۔تقریب کے شرکاکو دارالمدینہ کی نئی ڈاکیومینٹری بھی دکھائی گئی ۔

اس تقریب میں دارالمدینہ انٹرنیشنل اسلامک اسکول سسٹم کے اراکین مجلس،ڈویژنل ہیڈز اورہیڈآف ڈیپارٹمنٹس کے علاوہ الکرم انٹرنیشنل انسٹیٹیوٹ کے وائس چانسلر محمد اسلم کمبوہ ، محکمہ تعلیم ،صوبہ سندھ کے افسران شمس الدین شیخ، ایڈیشنل سیکریٹری ایجوکیشن ڈیپارٹمنٹ،عبدالرشید بروہی، ڈپٹی سیکریٹری، کالج ایجوکیشن ڈیپارٹمنٹ اور عبدالستار عباسی، ٹاؤن ایجوکیشن آفیسرنے خصوصی طور پر شرکت کی۔

تقریب میں مدنی قاعدہ اور ناظرہ قراٰن کی تکمیل اور پوزیشن حاصل کرنے والے طلبہ میں انعامات تقسیم کیے گئے۔ دارالمدینہ ہیڈآفس میں بہتر کارکردگی پیش کرنے والے اسلامی بھائیوں میں بھی سرٹیفیکیٹ تقسیم کئے گئے۔ سلام اور دعا پر اس روح پرور نتائج کی تقریب کا اختتام ہوا۔ (رپورٹ: غلام محی الدین ترک ،اردو کانٹینٹ رائیٹرمارکیٹنگ اینڈ کمیونیکیشن ڈیپارٹمنٹ دارالمدینہ ،ہیڈ آفس کراچی، ویب ڈیسک رائٹر:غیاث الدین عطاری)

کیا علمائے کرام نے عورت کو چار دیواری میں بٹھا دیا ہے؟ کیا صرف دل کا پردہ کافی ہے؟کیا اسلامی پردہ ترقی کی راہ میں رکاوٹ ہے؟ کیا پردہ نشین لڑکی کی شادی نہیں ہوتی؟امہات المؤمنین رضی اللہ عنہن کا احکام الہی پر عمل کا انداز۔ دینِ اسلام عورت کی عصمت کا سب سے بڑا محافظ ہے۔حضرت سیّدتنا بی بی فاطمہ رضی اللہ عنہا کے کفن کا بھی پردہ!

اس طرح کی اور بہت ساری معلومات عربی زبان میں حاصل کرنے کے لئے پیشِ خدمت ہے شیخِ طریقت امیرِ اہلِ سنت دامت برکاتہم العالیہ کا تحریر کردہ رسالہ ”اسلامی پردہ“ اب عربی زبان میں۔ رسالہ پڑھنے اور ڈاؤن لوڈ کرنے کے لئے درج ذیل لنک پر کلک کریں۔

https://www.arabicdawateislami.net/bookslibrary/6612

ماہِ ذوی الحجۃالحرام کا چاند دیکھنا واجبِ کفایہ ہے، اس پر عمل کرتے ہوئے 19 جون 2023ء بروز پیر عالمی مدنی مرکز فیضانِ مدینہ کراچی میں شعبہ اوقات الصلوٰۃ دعوتِ اسلامی کے تحت اسلامی بھائیوں نے ذوی الحجۃالحرام 1444ھ کے چاند دیکھنے کا اہتمام کیا۔

اس موقع پر ماہرِ توقیت و فلکیات وسیم احمد عطاری ، شعبہ اوقات الصلوٰۃ دعوتِ اسلامی کے اراکین اور تخصص فی التوقیت کے طلبۂ کرام سمیت دیگر اسلامی بھائیوں بھی موجود تھے۔

عاشقانِ رسول کی  دینی تحریک دعوتِ اسلامی کے تحت کولمبو میں میٹنگ منعقد ہوئی جس میں کولمبو مشاورت کے اسلامی بھائیوں نے شرکت کی ۔

مرکزی مجلسِ شوریٰ کے رکن حاجی محمد امین عطاری نے ذمہ داران کی 12 دینی کاموں کو کرنے کے متعلق تربیت کی اور انھیں کولمبو میں دینی کام بڑھانے کے بارے میں تربیتی نکات فراہم کئے ۔(کانٹینٹ:رمضان رضا عطاری)

دعوتِ اسلامی کے شعبہ تعلیم کے تحت گزشتہ روز میڈیکل کالج مظفر آباد کشمیر میں ایک سیشن منعقد ہوا جس میں اسٹوڈنٹس سمیت دیگر اسلامی بھائیوں نے شرکت کی۔

نگرانِ شعبہ تعلیم عبد الوہاب عطاری نے ”معاشرے کی بہتری کے لئے قراٰنِ پاک کے دیئے گئے اصول“ کے موضوع پر سنتوں بھرا بیان کیا اور شرکا کو اسلامی تعلیمات کے مطابق اپنی زندگی گزارنے کا ذہن دیا۔

شعبہ رابطہ برائے تاجران دعوتِ اسلامی  کی جانب سے 19جون بروز پیر2023ء کو گجرانوالہ کلاتھ مارکیٹ فتومنڈ بازار اور میاں سانسی فیکٹری ایریا میں مدنی مشوروں کا سلسلہ ہواجن میں ٹاؤن اور مارکیٹ ذمہ داران نے شرکت کی ۔

 صوبائی ذمہ  دار اویس رضا عطاری نے مدنی مشورے میں موجود اسلامی بھائیوں کی 12 دینی کام کرنے کے حوالے سے تربیت کی نیز انھیں آئندہ کے لئے اہداف دیئے جبکہ دکان درس اور مدرسۃُ المدینہ بالغان کے ساتھ ساتھ ہفتہ وار اجتماع کو مضبوط کرنے کا ذہن دیا ۔(رپورٹ: قمر الدین عطاری میٹرو سٹی ذمہ دار شعبہ رابطہ برائے تاجران،کانٹینٹ:رمضان رضا عطاری) 

20جون  بروز منگل 2023ء کو دینی کاموں کے سلسلے میں مدنی مرکز فیضانِ مدینہ ملتان میں مدنی مشورے کا انعقاد ہوا جس میں ڈسٹرکٹ ذمہ داران ،ناظم الامور اور خود کفالت ذمہ داران نے شرکت کی۔

مدنی مشورے میں نگران ڈویژن مشاورت محمد سادات عطاری نے 20 جولائی 2023ء کو ملتان ڈویژن سے ایک ماہ کے مدنی قافلوں کے سفر کروانے کے حوالے سے کوشش کرنے کا ذہن دیا ۔

ساتھ ہی اجتماعی قربانی اور قربانی کی کھالیں جمع کرنے کا ہدف دیتے ہوئے شرکا کو شعبہ خود کفالت کے دینی کاموں میں مزید بہتر ی لانے کے لئے نئے مقامات پر ڈونیشن بکس ا ور ڈونیشن سیل لگانے کی ترغیب دلائی ۔(رپورٹ: قمر عطاری کارکردگی آفس،کانٹینٹ: رمضان رضا عطاری)

عاشقانِ رسول کی دینی تحریک دعوتِ اسلامی کےتحت پچھلے دنوں شعبہ تعلیم کے ذمہ دار اسلامی بھائیوں نے دینی کاموں کے سلسلے میں مظفر آباد کے مقامی انسٹیٹیوٹ القلم ایجوکیشنل کا دورہ کیا۔

اس دوران انسٹیٹیوٹ کے اسٹوڈنٹس کے درمیان ایک میٹ اپ ہوا جس میں نگرانِ شعبہ تعلیم عبد الوہاب عطاری نے ”ادب“ کے موضوع پر بیان کیا اور وہاں موجود اسٹوڈنٹس کو والدین، اساتذہ اور اپنے بڑوں کا ادب کرنے کا ذہن دیا۔(رپورٹ: شعبہ تعلیم، کانٹینٹ:غیاث الدین عطاری)

شعبہ تحفظ اوراق مقدسہ دعوتِ اسلامی  کی جانب سے 20جون 2023ء بروز منگل مدنی مرکز فیضانِ مدینہ ملتان میں مدنی مشورہ ہوا جس میں ڈسٹرکٹ ذمہ داران نے شرکت کی۔

نگران ڈویژن مشاورت محمد سادات عطاری نے اسلامی بھائیوں کو اجتماعی قربانی اور قربانی کی کھالیں جمع کرنے کا ذہن دیتے ہوئے 12دینی کاموں کو مزید بڑھانے کی ترغیب دلائی ۔

اس کے علاوہ ڈویژن میں مقدس اوراق کو جمع کرنے کے لئے نئے باکسز لگانے اور نئےرسالے ’’اوراق ِمقدسہ کے آداب و مسائل‘‘ کو خوب عام کرنے کا ہدف دیا جس پر اسلامی بھائیوں نے اچھی اچھی نیتیں کیں۔(رپورٹ: قمر عطاری کارکردگی آفس،کانٹینٹ: رمضان رضا عطاری)