دعوتِ اسلامی کےزیرِ اہتمام مدنی مرکز فیضانِ مدینہ رحمان سٹی لاہور میں ہفتہ وار سنتوں بھرے اجتماع کا انعقاد کیا گیا جس میں عاشقانِ رسول کی کثیر تعداد نے شرکت کی۔

تفصیلات کے مطابق اجتماعِ پاک میں دعوتِ اسلامی کی مرکزی مجلسِ شوریٰ کے رکن حاجی یعفور رضا عطاری نے سنتوں بھرا بیان کرتے ہوئے عاشقانِ رسول کی دینی، اخلاقی اور تنظیمی اعتبار سے تربیت کی۔

دورانِ بیان رکنِ شوریٰ نے اسلامی بھائیوں کو دعوتِ اسلامی کے 12 دینی کاموں میں عملی طور پر حصہ لیتے ہوئے مختلف مدنی پھولوں سے نوازا اور اسلامی تعلیمات کے مطابق زندگی گزارنے کے لئے دینی ماحول سے وابستہ رہنے کا ذہن دیا جس پر انہوں نے اچھی اچھی نیتوں کا اظہار کیا۔(رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ:غیاث الدین عطاری)

20جولائی 2022ء پنجاب پاکستان کے شہر فیصل آباد میں قائم دعوتِ اسلامی کےمدنی مرکز فیضان مدینہ میں سیکورٹی ڈیپارٹمنٹ کے ذمہ دار اسلامی بھائیوں کی میٹنگ منعقد ہوئی جس میں شعبے کے متعلقہ رکنِ شوریٰ حاجی محمد اطہر عطاری، نگران شعبہ، صوبائی اور اوورسیز ذمہ داران نے شرکت کی۔

اس میٹنگ میں دعوتِ اسلامی کی مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے شعبے کی صوبہ وائز کارکردگی مع تقابلی جائزہ (جنوری 2022ء تا جون 2022ء) اور شعبے کی 2026ء کی پلاننگ، سابقہ 12ماہ شعبے کی آمدن و خرچ، شعبے کو خود کفیل بنانے اور آمدن کو بڑھانے کے اقدامات، کے پی آئز، ٹاسک مینجمنٹ، تقرری، فیڈبیک، شعبے کے جائزے اور سابقہ مدنی مشوروں کے مدنی پھولوں کے علاوہ دیگر اہم امور کے بارے میں گفتگو کی۔

نگران پاکستان مشاورت حاجی محمد شاہد عطاری نے سکیورٹی ڈپارٹمنٹ کا تعارف کرواتے ہوئے بتایا کہ اس شعبے کے تحت ہزاروں اسلامی بھائی رضاکارانہ طور پر کام کرتے، ہفتہ وار سنتوں بھرے اجتماع ، جلوسِ میلاد، اس کے علاوہ اراکین شوریٰ کے بیانات کے اجتماعات اور دیگر اہم ایونٹ کے انتظامات کی دیکھ بھال کرتے ہیں۔

نگرانِ پاکستان مشاورت نے میٹنگ کے دوران فرمایا ان شاء اللہ عزوجل سکیورٹی ڈپارٹمنٹ کے تحت ہزاروں اسلامی بھائی محرم الحرام میں مدنی قافلوں کے مسافر بنیں گے۔

اس کے علاوہ نگرانِ پاکستان مشاورت نے شعبے کے اسلامی بھائیوں کو اپنے گھروں میں گھریلو صدقہ بکس رکھنے اور 10 محرم الحرام کی نسبت سے 10،10 عطیات بکس دکانوں پر رکھوانے کے اہداف دیئے۔

مزید نگران پاکستان مشاورت حاجی محمد شاہد عطاری نے ذمہ داران کو مختلف مدنی پھولوں سے نوازا۔آخر میں ذمہ دار اسلامی بھائیوں نے نگران پاکستان مشاورت سے ملاقات بھی کی۔(رپورٹ:عبدالخالق عطاری نیوز فالو اپ ذمہ دار، کانٹینٹ:غیاث الدین عطاری)

20جولائی 2022ء پنجاب پاکستان کے شہر فیصل آباد میں قائم دعوتِ اسلامی کےمدنی مرکز فیضان مدینہ میں رابطہ برائے میڈیکل ڈیپارٹمنٹ کے ذمہ دار اسلامی بھائیوں کی میٹنگ منعقد ہوئی جس میں شعبے کے متعلقہ رکنِ شوریٰ حاجی محمد اطہر عطاری، نگران شعبہ، صوبائی اور اوورسیز ذمہ داران نے شرکت کی۔

اس میٹنگ میں دعوتِ اسلامی کی مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے شعبے کی صوبہ وائز کارکردگی مع تقابلی جائزہ (جنوری 2022ء تا جون 2022ء) اور شعبے کی 2026ء کی پلاننگ، سابقہ 12 ماہ شعبے کی آمدن و خرچ، شعبے کو خود کفیل بنانے اور آمدن کو بڑھانے کے اقدامات، کے پی آئز، ٹاسک مینجمنٹ، تقرری، فیڈبیک، شعبے کے جائزے، سابقہ مدنی مشوروں کے مدنی پھولوں کے علاوہ دیگر اہم امور کے بارے میں گفتگو کی۔

نگران پاکستان مشاورت نے شعبہ رابطہ برائے میڈیکل ڈپارٹمنٹ کے دینی کاموں کے حوالے سے گفتگو کرتے ہوئے شعبے کے تحت میڈیکل سے وابستہ افراد سے ملاقات کرنے اور ان کے درمیان نیکی کی دعوت دینے کے متعلق مدنی پھول دیئے۔

نگران پاکستان مشاورت نے بتایا کہ اسی شعبے کے ذریعے جامعۃ المدینہ بوائز میں فری میڈیکل کیمپ لگایا جاتا ہے نیز حال میں ہی رابطہ برائے میڈیکل ڈیپارٹمنٹ کے تحت گلگت کی جانب ڈاکٹرز حضرات کا مدنی قافلہ سفر پر روانہ ہوا جہاں فری میڈیکل کیمپ لگایا گیا۔

مزید نگرانِ پاکستان مشاورت کا کہنا تھا کہ اس شعبے سے وابستہ افراد کے آن لائن کورسز میں داخلے کروائے جاتے ہیں اور ان کے بچوں کو دعوتِ اسلامی کے تعلیمی شعبہ جات میں داخلے کی ترغیب دلائی جاتی ہے۔بعدازاں نگرانِ پاکستان مشاورت نے دعا کروائی۔(رپورٹ:عبدالخالق عطاری نیوز فالو اپ ذمہ دار، کانٹینٹ:غیاث الدین عطاری)

20 جولائی 2022ء بروز بدھ سندھ کی قدیمی لیاقت یونیورسٹی آف میڈیکل اینڈ ہیلتھ  سائنسز ہسپتال جامشورو میں دعوتِ اسلامی کے شعبہ روحانی علاج کے تحت سیکھنے سکھانےکا حلقہ لگایا گیا جس میں روحانی علاج کورس کے شرکا اور معلم سمیت صوبائی و ڈویژن ذمہ دار اسلامی بھائیوں نے شرکت کی۔

اس حلقے میں تحصیل نگران محمد اسد عطاری مدنی نے حلقے میں شریک اسلامی بھائیوں کو ”نیکی کی دعوت اور فضائل استغفار“ کے موضوع پر سنتوں بھرا بیان کیا اور اُن کی دینی و اخلاقی اعتبار سے تربیت کی نیز انہیں دعوتِ اسلامی کے دینی کاموں میں بڑھ چڑھ کر حصہ لینے کی ترغیب دلائی جس پر انہوں نے اچھی اچھی نیتیں کیں۔اس موقع پر ڈویژن ذمہ دار ڈاکٹر امید علی عطاری سمیت دیگر ذمہ داران بھی موجود تھے۔(رپورٹ:جیند عطاری سٹی تحصیل ذمہ دار، کانٹینٹ:غیاث الدین عطاری)

پچھلے دنوں صوبۂ پنجاب پاکستان کی تحصیل چیچہ وطنی ضلع ساہیوال میں شعبہ کفن دفن دعوتِ اسلامی کے زیرِ اہتمام کفن دفن کورس کا انعقاد کیا گیا جس میں کثیر عاشقانِ رسول نے کی شرکت رہی۔

دورانِ کورس ڈویژن ذمہ دار لیاقت علی عطاری نے سنتوں بھرا بیان کرتے ہوئے وہاں موجود عاشقانِ رسول کو غسلِ میت دینے، کفن کاٹنے اور پہنانے کا طریقہ سکھایا نیز دعوتِ اسلامی کے 12 دینی کاموں میں بڑھ چڑھ کر حصہ لینے کا ذہن دیا جس پر انہوں نے اچھی اچھی نیتوں کا اظہار کیا۔(رپورٹ:آصف عطاری شعبہ کفن دفن اوکاڑہ ڈسٹرکٹ ڈیپارٹمنٹ ،کانٹینٹ:غیاث الدین عطاری)

دعوتِ اسلامی کے تحت 20 جولائی 2022ء بروز بدھ شعبہ رابطہ برائے شخصیات کے ذمہ دار اسلامی بھائیوں نے قصور شہر کے مختلف گورنمنٹ افسران سے ملاقات کی جن میں ریسکیو ڈسٹرکٹ ایمرجنسی آفیسر انجینئر محمد سلطان محمود، چیف میونسپل کارپوریشن آفیسر راشد، اسسٹنٹ ڈپٹی کمشنر جنرل محمد اورنگزیب، ڈپٹی کمشنر محمد فیاض موہل اور ڈی ایس پی لیگل شیخ فیاض شامل تھے۔

اس دوران صوبہ پنجاب کے ذمہ دار محمد لیاقت عطاری نے مقامی ذمہ داران کے ہمراہ افسران کو دعوت ِاسلامی کےشعبہFGRF کے تحت ہونے والی شجرکاری مہم میں حصہ لینے کا ذہن دیا اور دعوتِ اسلامی کی ڈیجیٹل ایپس سمیت کڈز مدنی چینل کے متعلق بریفنگ دی۔(رپورٹ:علی ریاض عطاری تحصیل ذمہ دار سیکورٹی ڈیپارٹمنٹ ،کانٹینٹ:غیاث الدین عطاری)

19 جولائی 2022ء بروز منگل شیخوپورہ موڑ نزد بس اسٹاپ جی ٹی روڈ گوجرانوالہ میں قائم مدنی مرکز فیضان مدینہ میں شعبہ تحفظِ اوراقِ مقدسہ دعوتِ اسلامی کے تحت مدنی مشورے کا انعقاد ہوا جس میں گوجرانوالہ میٹروپولیٹن کے ٹاؤن ذمہ داران نے شرکت کی۔

اس مدنی مشورے میں نگرانِ میٹروپولیٹن خوشی محمد عطاری نے ذمہ داران سے دعوتِ اسلامی کے 12 دینی کاموں کے متعلق گفتگو کرتے ہوئےشعبے کی پچھلے ماہ کی کارکردگی کا جائزہ لیا اور اگلے ماہ کے اہداف دیئے نیز ایک ماہ کے مدنی قافلے پر بھی کلام ہوا۔

مزید ذمہ دار نے خود کفالت کے لئے مختلف مقامات پر عطیات بکس رکھوانے کا ذہن دیا اور شعبے کی بہتری کے حوالے سے اہم نکات پر مشاورت کی۔ (رپورٹ:محمد آفتاب عطاری شعبہ تحفظ اوراق مقدسہ گوجرانوالہ ڈسٹرکٹ ،کانٹینٹ:غیاث الدین عطاری)

سلسلہ عطاریہ رضویہ قادریہ کے تیرہویں بزرگ حضرت شیخ عبد الواحد تمیمی اور ضمناً سلسلہ عطاریہ کے چود ہویں بزرگ حضرت شیخ ابو الفرح یوسف طرطوسی رحمۃ اللہ علیہما کی سیرت کا مطالعہ کرنے کے لئے شیخ طریقت امیر اہل سنت علامہ محمد الیاس عطار قادری دامت بَرَکَاتُہمُ العالیہ عاشقان اولیاء کو اس ہفتے 21 صفحات پر مشتمل رسالہ ”فیضان شیخ عبدُ الواحد تمیمی رحمۃ اللہ علیہ“ پڑھنے/ سننے کی ترغیب دلائی ہے اور پڑھنے/سننے والوں کو اپنی دعاؤں سے بھی نوازا ہے۔

دعوت اسلامی کی مجلس تراجم کی جانب سے اس رسالے کا پانچ زبانوں(انگلش، اردو، بنگلہ، سندھی، پشتو) میں ترجمہ بھی کیا گیا ہے، دعوت اسلامی کی ویب سائٹ پر ان زبانوں میں رسائل موجود ہیں، مذکورہ زبانوں کے جاننے والے درج ذیل لنک پر کلک کرکے رسائل کا مطالعہ کرسکتے ہیں۔

دعائے عطار

یارب المصطفٰے! جو کوئی 21 صفحات کا رسالہ ”فیضان شیخ عبدُ الواحد تمیمی رحمۃ اللہ علیہ“ پڑھ یا سن لے اسے سلسلہ قادریہ کے بزرگانِ دین کے فیضان سے مالا مال فرما کراور بے حساب بخش کر جنت الفردوس میں میرے غوث پاک کا پڑوس عطا فرما۔اٰمین

یہ رسالہ دعوتِ اسلامی کی ویب سائٹ سے ابھی مفت ڈاؤن لوڈ کیجئے

Download

رسالہ آڈیو میں سننے کے لئے کلک کریں

Audio Book

دعوت اسلامی کے زیر اہتمام 24 جولائی 2022ء کو ایک ہی دن میں مختلف مقامات پر ایک مسجد اور دو جامعات المدینہ کا افتتاح ہونے جارہا ہے۔ ان مقامات کا افتتاح رکنِ  مرکزی مجلس شوریٰ حاجی یعفور رضا عطاری فرمائیں گے۔

تفصیلات کے مطابق رکن شوریٰ حاجی یعفور رضا عطاری بعد نماز ظہر3:00 بجے جامع مسجد بیت القدس (شفیق آباد، امین پارک، بند روڈ لاہور)، وقت مغرب، جامعۃ المدینہ گرلز (ابدالی چوک، حیدر روڈ لاہور)اور وقت عشاء جامعۃ المدینہ بوائز (آخری بس اسٹاپ، ساندہ روڈ، مزدوروں والا اڈہ لاہور)کا افتتاح کریں گے۔ ان مقامات پر افتتاحی تقریب کا بھی انعقاد کیا جائیگا جن میں رکن شوریٰ حاجی یعفور رضا عطاری سنتوں بھرے بیانات فرمائیں گے۔ 

ان دنوں ام المدارس جا معہ قادریہ مردان کے بانی و مہتمم استاذ العلماء امام المدرسین علامہ فضل سبحان قادری بندیالوی صاحب دامت بَرَکَاتُہمُ العالیہ کڈنی سینٹر کراچی ہسپتال میں زیرِ علاج ہیں۔

علامہ صاحب کی عیادت کے لئے شیخ طریقت امیر اہلسنت علامہ محمد الیاس عطار قادری دامت بَرَکَاتُہمُ العالیہ اپنے صاحبزادے حاجی مولانا عبید رضا عطاری مدنی مُدَّ ظِلُّہُ العالی اور دیگر ذمہ دارانِ دعوتِ اسلامی کے ہمراہ ہسپتال پہنچے جہاں انہوں نے علامہ فضل سبحان صاحب سے ملاقات کرتے ہوئے ان سے عیادت کی۔امیر اہلسنت نے حضرت کی جلد صحتیابی کے لئے دعائیں بھی کیں ۔ 

دعوتِ اسلامی کے تحت شعبہ رابطہ برائے حکیم کے ذمہ دار اسلامی بھائیوں نے دینی کاموں کے سلسلے میں قرشی انڈسٹری کے منیجر و قومی طبی کونسل کے صدر پروفیسر احمد سلیمی اور انجمن حمایت اسلام طبیہ کالج کے پرنسپل پروفیسر جواد عطاری سے ان کے آفس میں ملاقات کی۔

اس دوران ذمہ داران نے پروفیسرز سے گفتگو کرتے ہوئے طبیہ کالجز سمیت دو مختلف اداروں میں دعوتِ اسلامی کے تحت کورسز کروانے کے حوالے سے اہم امور پر تبادلۂ خیال کیا۔

اس کے علاوہ ذمہ داران نے انہیں دعوتِ اسلامی کے مدنی مرکز فیضانِ مدینہ جوہر ٹاؤن لاہور کا وزٹ کرنے کی دعوت دی جس پر انہوں نے اچھی اچھی نیتوں کا اظہار کیا۔(رپورٹ:شعبہ رابطہ برائے حکیم، کانٹینٹ:غیاث الدین عطاری) 

پچھلے دنوں مدنی مرکز فیضانِ مدینہ گوجرانوالہ میں دعوتِ اسلامی کے اسپیشل پرسنز ڈیپارٹمنٹ کا مدنی مشورہ منعقد ہوا جس میں مقامی ذمہ دار اسلامی بھائیوں سمیت اہم ذمہ داران نے شرکت کی۔

اس مدنی مشورے میں ذمہ دار اسلامی بھائی نے شرکا سے ڈیپارٹمنٹ کے دینی کاموں کے حوالے سے اہم نکات پر مشاورت کی نیز ہر ٹاؤن نگران نے ٹاؤن سطح پر جزوقتی کورسز کروانے کا اظہار کیا۔

اس موقع پر ڈسٹرکٹ ذمہ دار محمد وقاص عطاری اور نگرانِ ٹاؤن و نگرانِ میٹر پولیٹن خوشی محمد عطاری بھی موجود تھے۔(رپورٹ:احسان الحق عطاری اسپیشل پرسنز ڈیپارٹمنٹ، کانٹینٹ:غیاث الدین عطاری)