دعوتِ اسلامی کی مرکزی مجلسِ شوریٰ کے رکن حاجی یعفور رضا عطاری نے پاکستان کے شہر لاہور میں واقع مدنی مرکز فیضانِ مدینہ جوہر ٹاؤن میں ایک میٹنگ کی جس میں واہگہ ٹاؤن کے ذمہ دار اسلامی بھائیوں نے شرکت کی۔

رکنِ شوریٰ حاجی یعفور رضا عطاری نے مدنی مشورے کے دوران اسلامی بھائیوں سے دعوتِ اسلامی کے 12 دینی کاموں کے متعلق گفتگو کی اور محرم الحرام کے مدنی قافلوں میں سفر کرنے کے حوالے سے ذہن سازی کی۔

اس کے علاوہ رکنِ شوریٰ نے دینی کاموں کو مزید احسن انداز میں بڑھانے کا ذہن دیا جس پر انہوں نے اچھی اچھی نیتوں کا اظہار کیا۔ (رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ:غیاث الدین عطاری)

پنجاب  پاکستان کے شہر فیصل آباد میں موجود دعوت ِاسلامی کے مدنی مرکز فیضان مدینہ میں 19 جولائی 2022ء بروز منگل مرکزی مجلس ِشوریٰ کے رکن و نگرانِ پاکستان مشاورت حاجی محمد شاہد عطاری نے رابطہ برائے ٹرانسپورٹ ڈیپارٹمنٹ کے ذمہ داران کا مدنی مشورہ کیا جس میں شعبے کے متعلقہ رکن ِشوریٰ حاجی محمد اطہر عطاری، نگران ڈیپارٹمنٹ، صوبائی اور اوورسیز کے اسلامی بھائیوں نے شرکت کی۔

دورانِ مدنی مشورہ نگرانِ پاکستان مشاورت نے شعبے کی صوبہ وائز کارکردگی مع تقابلی جائزہ (جنوری 2022ء تا جون 2022ء) 2026ء کی پلاننگ، سابقہ 12ماہ شعبے کی آمدن و خرچ، شعبے کو خود کفیل بنانے اور آمدن کو بڑھانے کے اقدامات، کے پی آئز، ٹاسک مینجمنٹ، تقرری، فیڈبیک، شعبے کے جائزے، سابقہ مدنی مشوروں کے مدنی پھولوں سمیت دیگر اہم امور کے بارے میں گفتگو کی۔

نگران پاکستان مشاورت نے شعبے کی کار کردگی کا جائزہ لیتے ہوئے ذمہ دار اسلامی بھائیوں کی راہنمائی کی اور ٹرانسپورٹ سے تعلق رکھنے والے اسلامی بھائیوں میں کام کرنے کا طریقہ بتایا۔مزید مختلف مدنی پھولوں سے نوازا۔(رپورٹ:عبدالخالق عطاری نیوز فالو اپ ذمہ دار، کانٹینٹ:غیاث الدین عطاری)

پاکستان کے شہر کراچی میں قائم دعوتِ اسلامی کے عالمی مدنی مرکز فیضانِ مدینہ میں پچھلے دنوں شعبہ ڈونیشن بکس کے ذمہ داران کی تربیت کے لئے ایک میٹنگ ہوئی جس میں شعبے کے اہم ذمہ دار اسلامی بھائیوں نے شرکت کی۔

اس میٹنگ میں رکنِ مرکزی مجلسِ شوریٰ حاجی محمد امین عطاری نے شعبے کے دینی کاموں کے حوالے سے مختلف نکات پر گفتگو کی اور سابقہ کارکردگی کا جائزہ لیانیز اخلاص کے ساتھ دعوتِ اسلامی کے دینی کاموں کو کرنے کا ذہن دیا جس پر انہوں نے اچھی اچھی نیتیں کیں۔ (کانٹینٹ:غیاث الدین عطاری)

ہرصاحبِ ایمان شخص اللہ پاک سےمحبت کا دم بھرتااور اس کی دوستی و کرم نوازی کا متلاشی رہتا ہے، مگر یہ دوستی اُسی خوش قسمت مسلمان کے حصے میں آتی ہےجس کو وہ اپنا دوست بنا لیتا ہے۔ اور جنہیں ربِّ کریم اپنادوست بنالےتو ان  کا ذکر اس دنیا سے جانے کے بعد بھی باقی رہتا ہے، ایسے لوگوں کو اولیاء اللہ کہتے ہیں۔اولیائے کرام کے شب و روز اللہ پاک کی اطاعت و فرمانبرداری والے کاموں میں بسر ہوتے ہیں اور ان نفوسِ قدسیہ کا دامن گناہوں کی آلودگیوں سے صاف و شفاف رہتا ہے،اسی لئےاللہ پاک انہیں دیگر فضائل و کما لات و اختیارات عطا فرمانے کے ساتھ ساتھ نہ صرف انہیں پنا قربِ خاص عطافرماتا ہے بلکہ ان کے سروں پر اپنی ولایت کا روشن تاج سجا کردنیا میں انہیں ”کرامات“ اور آخرت میں جنت جیسی عظیم الشان نعمت انعام کی صورت میں عطافرماتا اور اپنی رضا کے تمغۂ امتیاز سے نوازتا ہے۔ انہی خوش نصیب اولیاء کرام کی فہرست میں دوسری صدی کی عظیم شخصیت حضرت سیدنا عبداللہ شاہ غازی رحمۃ اللہ علیہ ہیں، جن کےفیضان سے آج بھی بالخصوص کراچی اور بالعموم پاکستان بھر کے عاشقان رسول فیضیاب ہو رہے ہیں،اسی مناسبت سے آج حضرت عبداللہ شاہ غازی رحمۃ اللہ علیہ کی سیرت کے حوالے سے کچھ تحریر کرنے کی سعادت حاصل کررہاہوں ۔

سیرت و تعارف

٭حضرت سیدعبد اللہ شاہ غازی الاشتر 98ھ میں اس دنیا میں جلوہ گر ہوئے۔٭حضرت سید عبد اللہ شاہ غازی نے مدینَۂ منورہ میں آنکھ کھولی۔٭ حضرت عبداللہ شاہ غازی کا تعلق اہل بیت اطہار کے گھرانے سے ہے۔٭ آپ کےوالد صاحب کا نام حضرت سید محمدنفس ذکیہ تھا جوکہ امام حسن رضی اللہ عنہ کے پوتے تھے ۔٭حضرت سیدعبداللہ شاہ غازی حسنی حسینی سیِّد ہیں آپ کا سلسلہ نسب پانچویں پشت میں مولاعلی شیر خدا کر م اللہ وجہہ الکرم سے ملتاہے٭آپ کی تعلیم و تربیت آپ کے والد صاحب کے زیرِ سایہ مدینۂ منورہ میں ہی ہوئی۔ ٭ آپ علمِ حدیث میں ماہر تھے۔ ٭ آپ میں علم کے جو ہر موجو د تھے، آپ نے اپنے علم کی روشنیوں سے کئی لوگوں کو منوّر کیا۔٭آپ سندھ میں 12 برس تک اسلام کی تبلیغ میں مشغول رہے اور مقامی آبادی کے سینکڑوں لوگوں کو اسلام سےمشرف کیا۔ ٭آپ نہایت عابدو زا ہد ،متقی ،بلند ہمت،دِین کا درد رکھنے والے اور لوگوں پر انتہائی شفیق اور مہربان تھے۔٭آپ کا شمار تابعین یاتبع تابعین میں ہوتا ہے۔٭آپ کے اخلاقِ کریمانہ سے بہت سے لوگ متأثر ہوکر دائرہ اسلام میں دخل ہوئے۔ ٭اندرونِ سندھ پاکستان میں آپ رحمۃ اللہ علیہ کی آمد دوسری ہجری میں ہوئی۔ ٭حضرت سیدعبداللہ شاہ غازی سندھ میں داخل ہونے والے پہلے سادات گھرانے کے بزرگ و مبلغ تھے۔٭20ذُوالحجۃُ الحرام151 میں آپ شہید ہوئے۔٭کراچی کے ساحلی علاقے کلفٹن میں آپ کا مزارِ پُر انوار اپنی برکتیں لُٹارہا ہےاور اپنی نورانیت اور برکت سے اس شہر کو خصوصاً اور پورے پاکستان کو عموماً اپنی رحمت میں لیے ہوئے ہے۔٭آپ کے مزار پر انوار پر آنے والے زائرین کو دلی سکون حاصل ہوتاہے ا ور مرادیں پوری ہوتی ہیں ۔

آپ رحمۃ اللہ علیہ کی زندگی کا اکثر راہ خدا میں جہاداور دین اسلام کی تبلیغ سر بلندی کے لئے گزرا اسی وجہ سے آپ کا ایک لقب غازی ہے،آپ رحمۃ اللہ علیہ 760 عیسوی میں 400 افرا د کے قافلے پر مشتمل لوگوں کے ساتھ سندھ میں تشریف لائےاگر یہ کہا تو بے جا نہ ہوگا کہ خطہ سندھ کو یہ شرف حاصل ہےکہ حضرت عبداللہ شاہ غازی رحمۃ اللہ علیہاہل بیت کے وہ پہلے فرد ہیں جنہوں نے سندھ کی دھرتی کو اپنے قدموں کی برکت سے نوازا ا ور یہاں لوگوں کو کفرو شرک کی ناپاکیوں سے نکال کر اسلام کی روشن تعلیمات سے آگاہ کیا اور رب کریم کی وحدانیت اور اس کے پیارے رسول کی سنتوں کا عاشق بنایا۔

کرامت :

آپ رحمۃ اللہ علیہ کی سیرت کی کتابوں میں آپ کی مشہور کرامات میں سے ایک کرامت جو آج بھی آپ کے مزار پر انوار کے پہلو میں ہے وہ میٹھے پانی کا کنواں ہے ۔جس کے بارے میں مشہور یہ ہے کہ جب آپ کو شہید کیا گیاتو آپ کےمریدین آپ رحمۃ اللہ علیہ کے مزار پرانوار کے پاس رہےکہیں دشمن آپ کے جسم مبارک کو نکال کر نہ لے جائیں۔ آپ رحمۃ اللہ علیہ کا مزار اونچائی پر تھا اس لئے مریدوں کو پانی لینے جانے میں پریشانی تھی تو مریدین نے آپ کے وسیلے سےعاجزی و انکساری کے ساتھ اللہ کریم کی بارگاہ میں دعا کی،توایک مرید کےخواب میں آپ رحمۃ اللہ علیہ تشریف لائے اور دعا کی قبولیت کی خوشخبری دی کہ اللہ کریم نے تمہاری دعا قبول فرمالی اور آپ کے مزار پرانوار کے پاؤں کی جانب سے ایک میٹھےپانی کا کنواں جاری ہوگیا،آج بھی اس کنواں کے پانی سے ہزاروں لوگ سیراب ہوتے ہیں اور کئی بیماروں کو شفا نصیب ہوتی ہے،کئی غم زدوں کو راحت نصیب ہوتی ہے ۔

ہر سال کی طرح اس سال بھی 20 جولائی 2022 بمطابق 20 ذوالحجۃ الحرام سے آپ رحمۃ اللہ علیہ کا1292واں عرس مبارک شروع ہورہا ہے بالخصوص کراچی،پاکستان کےدیگر شہروں اور بالعموم دنیا بھر سے کثیر عاشقان اولیاء آپ رحمۃ اللہ علیہ کے مزار پر انوار پر حاضری دے کر اپنی روحانیت کو مضبوط کرتے ہیں ،اپنے مَن کی مرادیں پاتے ہیں اور عرس مبارک میں شریک ہوکر آپ رحمۃ اللہ علیہ کی بارگاہ میں ایصال ثواب پیش کرتے ہیں،الحمدللہ !عالم اسلامی کی دینی تحریک دعوت اسلامی کے شعبے مزارات اولیاء کے تحت عرس میں شریک ہونے کی والوں کی تربیت اور اصلاح کا خاص اہتمام ہوتا ہے اور آپ کے مزار پر انوار پر تلاوت قرآن ، نعت خوانی، فاتحہ اور ایصال ثواب کاسلسلہ ہوتاہے ،22 جولائی 2022ء کو بعد نمازِ مغرب مزارِ مبارک پر عرس کی اختتامی تقریب دعوتِ اسلامی کے زیرِ انتظام منعقد کی جائے گی جس میں ترجمان دعوتِ اسلامی و مرکزی مجلسِ شوریٰ کے رکن مولانا حاجی عبدالحبیب عطاری سنتوں بھرابیان فرمائیں گے جبکہ ثناخوان حضرات عقیدت کے پھول نچھاور کریں گے۔ یہ محفلِ نعت مدنی چینل پر براہِ راست نشر بھی کی جائے گی۔ آپ بھی حضرت عبداللہ شاہ غازی کے عرس کے سلسلے میں اپنے اپنے گھروں میں فاتحہ اور ایصال ثواب کا اہتمام کیجئے ۔اللہ کریم ہمیں اولیاء کرام کے فیضان سے مالا مال فرمائے اور ان کے نقش قدم پر چلتے ہوئے دین متین کی خدمت کرنےکی توفیق عطا فرمائے۔

اٰمین بجاہ النبی الامین صلی اللہ علیہ وآلہ وسلم

از: مولانا عبدالجبار عطاری مدنی

اسکالر:المدینۃ العلمیہ(اسلامک ریسرچ سینٹر)

گزشتہ روز اسپیشل پرسنز ڈیپارٹمنٹ جہلم ڈسٹرکٹ ذمہ دار  عبد القیوم عطاری اور ڈویژن راولپنڈی ذمہ دار محمد کامران عطاری نے پنڈ دادنخان کا دورہ کیا اور جامعۃ المدینہ کا وزٹ کیا ۔

جامعۃ المدینہ کے وزٹ کے دوران طلباء کے دوران سیکھنے سکھانے کے حوالے سے تربیتی سیشن ہوا جس میں اسپیشل پرسنز ڈیپارٹمنٹ کا تعارف کروایا اور ان میں دینی کام کرنے کاذہن دیا اس کے علاوہ پنڈ دادنخان کے اسپیشل پرسنز سے ملاقات کی اور انہیں ہفتہ وار سنتوں بھرے اجتماع و مدنی مذاکرے میں شرکت کی دعوت دی اور 12 دن کے مدنی قافلے میں سفر کرنے کی ترغیب دلائی ۔ (رپورٹ : محمد سمیر ہاشمی عطاری ، اسپیشل پرسنز ڈیپارٹمنٹ دعوت اسلامی ، کانٹینٹ: محمد مصطفی انیس ) 

گزشتہ روز عزیز بھٹی ٹاؤن لاہور کے ایک اسلامی بھائی کے گھر پر اسپیشل پرسنز کی مدنی مذاکرے میں شرکت ہوئی جس میں اسپیشل پرسنز ڈیپارٹمنٹ کے تحت مدنی مذاکرے کی اشاروں کی زبان میں ترجمانی مبلغ دعوت اسلامی عبدالوارث عطاری نے کی۔(رپورٹ : محمد سمیر ہاشمی عطاری ، اسپیشل پرسنز ڈیپارٹمنٹ دعوت اسلامی ، کانٹینٹ: محمد مصطفی انیس ) 

دعوتِ اسلامی کے تحت صوبہ خیبر پختونخواہ میں شعبہ رابطہ برائے شخصیات کے ذمہ دار اسلامی بھائیوں کی اسٹیبلشمنٹ ڈیپارٹمنٹ کے پی اے چیف سیکریٹری محمد وسیم اور قائم شاہ سے میٹنگ ہوئی۔

دورانِ میٹنگ میں ذمہ دار اسلامی بھائیوں نے شخصیات کو شعبہ ایف جی آر ایف دعوتِ اسلامی سمیت دیگر شعبہ جات کا تعارف کروایا اور دینی و فلاحی کاموں کے متعلق گفتگو کی۔

بعدازاں شخصیات کو ذمہ داران کی جانب سے مکتبۃ المدینہ کی مطبوعات تحفے میں پیش کی گئیں جس پر انہوں نے خوشی کا اظہار کیا۔(رپورٹ:شعبہ رابطہ برائے شخصیات ، کانٹینٹ:غیاث الدین عطاری)

گزشتہ روزشوالہ چوک ،  شالا مارٹاؤن لاہور کے ایک اسلامی بھائی کے گھر میں اسپیشل پرسنز کے تحت مدنی مذاکرے میں شرکت کی ، جس میں اسپیشل پرسنز ڈیپارٹمنٹ کے تحت مدنی مذاکرے کی اشاروں کی زبان میں ترجمانی مبلغ دعوت اسلامی محمد علی عطاری نے کی۔ (رپورٹ : محمد سمیر ہاشمی عطاری ، اسپیشل پرسنز ڈیپارٹمنٹ دعوت اسلامی ، کانٹینٹ: محمد مصطفی انیس ) 

گزشتہ روز لاہور میں شعبہ اسپیشل پرسنز کے تحت لاہور ڈویژن کے ڈسٹرکٹ ذمہ داران کا مدنی مشورہ ہوا جس میں ڈویژن ذمہ دار محمد علی عطاری سمیت دیگر ذمہ  داران نے شرکت کی۔

اس مدنی مشورےمیں 12 دینی کام ، محرم الحرام میں سفر کرنے والے مدنی قافلوں کے حوالے سے بات ہوئی نیزیوم آزادی 14 اگست گونگے ، بہرے اسلامی بھائیوں کے ساتھ منانے پر بھی مشاورت ہوئی ۔(رپورٹ : محمد سمیر ہاشمی عطاری ، اسپیشل پرسنز ڈیپارٹمنٹ دعوت اسلامی ، کانٹینٹ: محمد مصطفی انیس ) 

پچھلے دنوں صوبہ خیبر پختونخواہ میں دعوتِ اسلامی کے تحت شعبہ رابطہ برائے شخصیات کے ذمہ دار اسلامی بھائیوں نے سپرنٹنڈنٹ سیکرٹریٹ کے پی کے غلام محمد اور میڈیا کوآرڈینیٹر کے پی کے محمد طفیل سے ملاقات کی۔

اس دوران ذمہ داران نے شخصیات سے کے پی کے میں دعوتِ اسلامی کے دینی کاموں کو بڑھانے کے متعلق اہم امور پر گفتگو کی اور عالمی سطح ہونے والی دینی و فلاحی خدمات کو بیان کیا۔بعدازاں شخصیات نے دعوتِ اسلامی کے دینی کاموں میں بھر تعاون کی یقین دہانی کروائی۔ (رپورٹ:شعبہ رابطہ برائے شخصیات ، کانٹینٹ:غیاث الدین عطاری)

گزشتہ روز میر پور خاص  میں دینی کاموں کے سلسلے میں جدول کا اہتمام کیا گیا جس میں ڈویژن ذمہ دار اسپیشل پرسنز ندیم عطاری اور گونگے بہرے اسلامی بھائیوں نے شرکت کی ۔

اس جدول میں ڈیف اسلامی بھائیوں کے درمیان مدنی حلقے کا اہتمام ہواجس میں انہیں مدنی قافلے میں شرکت کرنے کی دعوت پیش کی نیز ڈیف کلب میں شرکاءکو ہفتہ وار سنتوں بھرے اجتماع میں شرکت کرنے کاذہن دیا جس پر انہوں نے شرکت کرنے کی نیت کی ۔اس کے علاوہ ذمہ دار اسلامی بھائی نے ایک درزی کی دکان پر چوک درس دیا اور حاضرین کو ہفتہ وار اجتماعات میں شرکت کرنے کا ذہن دیا ۔(رپورٹ : عابد حسین عطاری، صوبائی ذمہ دار اسپیشل پرسنز سندھ ، کانٹینٹ: محمد مصطفی انیس ) 

پچھلے دنوں دعوت اسلامی کے دینی کاموں کے سلسلے میں  ڈویژن نگران قلات ، لیاقت عطاری نے بلوچستان کے شہر خضدار کے ایک مقامی مسجد میں ڈیف اسلامی بھائیوں سے ملاقات کی اور سیکھنے سکھانے کے حلقے کا اہتمام کیا۔

اس مدنی حلقے میں ڈویژن نگران نے شرکاء میں سنتوں بھرا بیان کیا اور انہیں زیادہ سے زیادہ دینی کام کرنے کا ذہن دیا نیز انکی دینی و اخلاقی اعتبار سےبھی تربیت کی جس پر شرکاء نے ڈویژن نگران کا شکریہ ادا کیا اور دعاؤں سے نوازا۔(رپورٹ : مجلس اسپیشل پرسنزڈیپارٹمنٹ ڈویژن قلات بلوچستان ، کانٹینٹ: محمد مصطفی انیس )