دعوتِ اسلامی کے زیرِا ہتمام پچھلے دنوں پاکستان کے شہر کراچی میں ایک شخصیت کے گھر پر سیکھنے سکھانے کا حلقہ منعقد ہوا جس میں شخصیت اور اُن کے اہلِ خانہ نے شرکت کی۔

اس دوران رکنِ مرکزی مجلسِ شوریٰ حاجی محمد عقیل عطاری مدنی نے ’’صدقہ و خیرات دینے کے فضائل‘‘ کے موضوع پر سنتوں بھرا بیان کرتے ہوئے وہاں موجود اسلامی بھائیوں کی دینی و اخلاقی اعتبار سے تربیت کی اور انہیں دعوتِ اسلامی کے شعبہ جات کے لئے مالی تعاون کرنے کی ترغیب دلائی جس پر انہوں نے دعوتِ اسلامی کے ساتھ ہر ممکنہ تعاون کی یقین دہانی کروائی۔(رپورٹ:محمد فیضان عطاری شعبہ ائمہ مساجد پاکستان ، کانٹینٹ:غیاث الدین عطاری)

22 اپریل 2022 ء کو  گڑھی کاکاخیل چارسدہ(kpk) میں شعبہ اسپیشل پرسنز کے تحت افطار اجتماع کا اہتمام ہوا جس میں گونگے بہرے اسلامی بھائیوں نے شرکت کی ۔

اجتماع پاک میں ڈسٹرکٹ ذمہ دار اسپیشل پرسنز بدر منیر عطاری نے آخرت کے موضوع پر سنتوں بھرا بیان کیا اور عاشقان رسول کو مدنی پھول دیئے۔(رپورٹ: محمد احمد دین مدنی عطاری سرکاری ڈویژن ذمہ دار سپیشل پرسنز پشاور ڈویژن ، کانٹینٹ: مصطفی انیس )

گزشتہ دنوں صوبۂ سندھ کے شہر کراچی کی ایک جامع مسجد میں ہونے والے اعتکاف کے دوران سیکھنے سکھانے کا حلقہ لگایا گیا جس میں قرب و جوار کے دیگر عاشقانِ رسول بھی شریک ہوئے۔

اس حلقے میں مرکزی مجلسِ شوریٰ کے رکن حاجی محمد عقیل عطاری مدنی نے ’’شبِ قدر کی اہمیت‘‘ کے موضوع پر سنتوں بھرا بیان کیا اور معتکفین کو اپنا زیادہ سے زیادہ وقت تلاوتِ قراٰن اور ذکر و اذکار میں گزارنے کا ذہن دیا۔

اس کے علاوہ رکنِ شوریٰ نے عاشقانِ رسول کو دعوتِ اسلامی کے دینی ماحول سے وابستہ رہتے ہوئے 12 دینی کاموں میں شمولیت اختیار کرنے کی ترغیب دلائی جس پر انہوں نے اچھی اچھی نیتوں کا اظہار کیا۔(رپورٹ:محمد فیضان عطاری شعبہ ائمہ مساجد پاکستان ، کانٹینٹ:غیاث الدین عطاری)

دعوتِ اسلامی کے تحت 23 اپریل  2022ء بروز ہفتہ صوبہ پنجاب کی ڈی جی خان سرکاری ڈویژن کا بذریعہ انٹرنیٹ مدنی مشورہ ہوا جس میں پنجاب صوبہ نگران ، ڈی جی خان سرکاری ڈویژن نگران ، ڈسٹرکٹ اور کابینہ نگران اسلامی بہنوں نے شرکت کی۔

نگران پاکستان اسلامی بہن نے سالانہ ڈونیشن اہداف کو مکمل کرنے اور سابقہ سال کی ریکوری کو پورا کرنے کی ترغیب دلائی ۔

٭اسی طرح دعوتِ اسلامی کے زیر اہتمام 23اپریل2022ء بروز ہفتہ نگران پاکستان مجلس مشاورت اسلامی بہن نے صوبہ پنجاب کی ساہیوال سرکاری ڈویژن کا بذریعہ انٹرنیٹ مدنی مشورہ لیا جس میں پنجاب صوبہ نگران ، ساہیوال سرکاری ڈویژن نگران ، ڈسٹرکٹ اور کابینہ نگران اسلامی بہنوں نے شرکت کی۔

٭علاوہ ازیں دعوتِ اسلامی کے تحت 23اپریل 2022ء بروز ہفتہ پاکستان مجلس مشاورت نگران اسلامی بہن نے گوجرانوالہ سرکاری ڈویژن کے ساتھ بذریعہ انٹرنیٹ مدنی مشورہ لیاجس میں پنجاب صوبہ نگران، گوجرانوالہ سرکاری ڈویژن نگران، میٹروپولیٹن نگران، ڈسٹرکٹ اور کابینہ نگران اسلامی بہنوں نے شرکت کی۔

٭مزید پاکستان کے شہر راولپنڈی میں 23اپریل 2022ء بروز ہفتہ سرگودھا سرکاری ڈویژن کے ساتھ بذریعہ انٹرنیٹ مدنی مشورہ ہواجس میں صوبہ نگران ، سرگودھا سرکاری ڈویژن نگران، میٹروپولیٹن نگران ، ڈسٹرکٹ اور کابینہ نگران اسلامی بہنوں نے شرکت کی۔

٭دوسری جانب23اپریل 2022ء بروز ہفتہ صوبہ پنجاب کی میر پور کشمیر سرکاری ڈویژن کا بھی بذریعہ انٹرنیٹ مدنی مشورہ ہوا جبکہ 24اپریل 2022ء بروز اتوار پاکستان مجلس مشاورت نگران اسلامی بہن نے صوبہ پنجاب کی میر پور کشمیر سرکاری ڈویژن کا بذریعہ انٹرنیٹ مدنی مشورہ لیا جس میں صوبہ نگران ، میر پور کشمیر سرکاری ڈویژن نگران، ڈسٹرکٹ اور کابینہ نگران اسلامی بہنوں نے شرکت کی۔

دعوتِ اسلامی کےعالمی مدنی مرکز فیضانِ مدینہ کراچی میں ایک ماہ اور آخری عشرے کے اعتکاف کا سلسلہ جاری ہے جس میں مبلغینِ دعوتِ اسلامی شرکا کی تربیت و رہنمائی کرتے رہتے ہیں۔

تفصیلات کے مطابق عالمی مدنی مرکز فیضانِ مدینہ کراچی میں ہونے والے اعتکاف کے دوران مرکزی مجلسِ شوریٰ کے رکن و نگرانِ شعبہ ائمہ مساجدحاجی محمد عقیل عطاری مدنی نے معتکفین کے درمیان سیکھنے سکھانے کا حلقہ لگایا۔

دورانِ حلقہ رکنِ شوریٰ نے ’’علمِ دین کی اہمیت‘‘ کے موضوع پر سنتوں بھرا بیان کرتے ہوئے وہاں موجود اسلامی بھائیوں کی دینی و اخلاقی اعتبار سے تربیت کی اور انہیں دعوتِ اسلامی کے دینی ماحول سے ہردم وابستہ رہنے کا ذہن دیاجس پر انہوں نے اچھی اچھی نیتیں کیں۔ (رپورٹ: محمد فیضان عطاری شعبہ ائمہ مساجد پاکستان ، کانٹینٹ:غیاث الدین عطاری)

دعوت اسلامی کے تحت 25 اپریل 2022ء  کو عالمی مجلس مشاورت اور شعبہ بین الاقوامی امور کی تمام اراکین اسلامی بہنوں کا بذریعہ انٹرنیٹ مدنی مشورہ ہوا ۔

نگران عالمی مجلس مشاورت ذمہ دار اسلامی بہن نے اس بات کا جائزہ لیا کہ اوور سیز میں کہاں کہاں دینی کام ہےنیز رسالہ کارکردگی، ہفتہ وار اجتماع کارکردگی کا بھی جائزہ لیا اور ماہانہ مدنی مشوروں کا جائزہ لیا نیز بہتری پر حوصلہ افزائی کی ۔

اس کے علاوہ شعبہ فیضان اسلام، علاقائی دورہ برائے نیکی کی دعوت اور ڈونیشن بکس کی کارکردگی کا جنوری اور مارچ کا تقابل کیا نیز نئے مقامات پر ہفتہ وار اجتماعات شروع کرنے کے اہداف دیئے۔

دعوتِ اسلامی کے شعبہ تعلیم کے تحت 23  اپریل 2022 ء بروز ہفتہ Services hospital کے نرسنگ اسکول میں سیکھنے سکھانے کے حلقہ کا انعقاد ہوا جس میں شعبہ تعلیم لاہور ڈویژن ذمہ دار اور کم و بیش 75 طالبات نے شرکت کی۔

پاکستان سطح ذمہ دار اسلامی بہن نے ’’فیضانِ لیلة القدر‘‘ کے موضوع پر سنتوں بھرا بیان کیا اور اسلامی بہنوں کو دعوت اسلامی کے دینی کام کرنے کا ذہن دیا جس پر انہوں نے اچھے تأثرات دیئے اور نیتوں کا اظہار بھی کیا۔

دعوتِ اسلامی کے زیر اہتمام پچھلے دنوں نگران عالمی مجلس مشاورت ذمہ دار اسلامی بہن نے یورپین یونین کے 5 ملکوں آسٹریا، اسپین،  جرمنی، ناروے ، ڈ نمارک کی دو سطح کی ذمہ داراسلامی بہنوں کا بذریعہ انٹر نیٹ ڈونیشن کے سلسلے میں مدنی مشورہ لیا جس میں زیادہ سے زیادہ ڈونیشن جمع کرنے، فنانس ڈیپارٹمنٹ کو ٹیسٹ دینے نیز ہر منسلک کی تربیت کرنے اور ہرمنسلک کا فطرہ دعوتِ اسلامی میں جمع کروانے کی ترغیب دلائی ۔

٭ اس کے علاوہ نگران عالمی مجلس مشاورت ذمہ دار اسلامی بہن نے سلہٹ و چٹاگانگ ریجن نگران اسلامی بہنوں کے ساتھ ڈونیشن کے سلسلے میں بذریعہ انٹر نیٹ مشورہ کیا جس میں جو ہدف ملا ہے اس کو مکمل کرنے کا ذہن دیا۔

دعوت اسلامی کے زیر اہتمام گزشتہ دنوں گلشنِ اقبال 13-D میں علاقائی دورے کا سلسلہ ہوا جس میں نگران عالمی مجلس مشاورت اسلامی بہن نے ذمہ دار اسلامی بہنوں کے ہمراہ ملکر چند مقامی شخصیات خواتین سے ملاقات کی۔

ذمہ دار اسلامی بہن نے انہیں ملک و بیرون ملک ہونے والے دعوت اسلامی کے دینی پروجیکٹس کے بارے میں بریفنگ دی اور دینی کاموں کی ترقی کے لئے انہیں اپنے ڈونیشن دعوت اسلامی کو دینے کی ترغیب دلائی جس پر شخصیات اسلامی بہنوں نے ہاتھوں ہاتھ ڈونیشن جمع کروائے۔ مزید اپنے گھروں پر ہفتہ وار اجتماع شروع کرنے کی خواہش کا اظہار بھی کیا۔

٭اس کے علاوہ ڈسٹرکٹ نگران اسلامی بہن سے جن کے والد صاحب کا گزشتہ دنوں مکہ پاک میں انتقال ہوا تھا ۔ان کے گھر جا کر تعزیت کی ۔ 

دعوتِ اسلامی کے زیر اہتمام پچھلے دنوں نگران عالمی مجلس مشاورت ذمہ دار اسلامی بہن نے یورپین یونین کے 5 ملکوں آسٹریا، اسپین،  جرمنی، ناروے ، ڈ نمارک کی دو سطح کی ذمہ داراسلامی بہنوں کا بذریعہ انٹر نیٹ ڈونیشن کے سلسلے میں مدنی مشورہ لیا جس میں زیادہ سے زیادہ ڈونیشن جمع کرنے، فنانس ڈیپارٹمنٹ کو ٹیسٹ دینے نیز ہر منسلک کی تربیت کرنے اور ہرمنسلک کا فطرہ دعوتِ اسلامی میں جمع کروانے کی ترغیب دلائی ۔

٭ اس کے علاوہ نگران عالمی مجلس مشاورت ذمہ دار اسلامی بہن نے سلہٹ و چٹاگانگ ریجن نگران اسلامی بہنوں کے ساتھ ڈونیشن کے سلسلے میں بذریعہ انٹر نیٹ مشورہ کیا جس میں جو ہدف ملا ہے اس کو مکمل کرنے کا ذہن دیا۔

ویسے تو رمضانُ المبارک کی ہر گھڑی رحمتوں اور برکتوں سے بھری ہوئی ہےجیساکہ احادیثِ مبارکہ میں موجود ہے کہ اللہ عَزَّ وَجَلَّ رمضانُ المبارک میں روزانہ افطار کے وقت10 لاکھ ایسے گناہ گاروں کو جہنم سے آزاد فرماتا ہے جن پر گناہوں کی وجہ سے جہنم واجب ہو چکی تھی لیکن اللہ عزوجل نے امتِ محمدیہ ﷺ کو اس مہینے میں ایک ایسی رات سے بھی نوازا ہے جس میں اتنی رحمتِ الٰہی نازل ہوتی ہیں جن کا شمار نہیں کیا جاسکتا۔اس رات میں عبادت کرکے بندہ نہ صرف اپنے گناہوں کو بخشواتا ہے بلکہ اللہ عزوجل کا قرب بھی حاصل کرتاہے ۔ اس رات کو اللہ عزوجل نے ماہِ رمضانُ المبارک کے آخری عشرے کی طاق راتوں میں پوشیدہ رکھا ہے جسے لَیْلَۃُالْقَدرکہا جاتا ہے جو کہ ہزار مہینوں سے افضل ہے اوریہ رات امتِ محمدیہ ﷺکے ساتھ خاص ہے(یعنی صرف امتِ محمدیہ کو عطاء کی گئی ہے) نیز اس رات کی فضیلت پر قراٰن و احادیث کی کثیر آیتیں اور روایتیں دال ہیں۔

شبِ قدر میں قراٰن کا نزول:

اس رات کی قدرو منزلت کا اندازہ اس بات سے لگایا جا سکتا ہے کہ اللہ عَزَّ وَجَلَّ نےاسی رات آسمانِ دنیا میں یکبار قرآنِ مجید نازل کیا جیساکہ قرآنِ کریم میں ارشادِ خدا وندی ہے:اِنَّاۤ اَنْزَلْنٰهُ فِیْ لَیْلَةِ الْقَدْرِ ترجمۂ کنزالایمان :بیشک ہم نے اس قرآن کو شب ِقدر میں نازل کیا۔

تفسیردرِّ منثورمیں ہے کہ حضرت عبداللہ بن عباس رضی اللہُ عنہمافرماتے ہیں: اللہ عزوجل نے لوحِ محفوظ سے بیت العزت (جو کہ آسمانِ دنیا میں ہے)کی طرف ایک ہی دفعہ پورا قراٰنِ کریم شبِ قدر میں نازل فرمایا۔

شب قدر کی فضیلت پراحادیثِ مبارکہ:

حضرت ابوہریرہ رضی اللہ عنہ بیان کرتے ہیں کہ رسول اللہ ﷺ نے اپنے صحابۂ کرام کو خوشخبری دیتے ہوئے ارشاد فرمایا:تمہارے پاس ماہِ رمضان آیا ہے جو بَرَکت والا ہے۔اس مہینے میں ایک رات ہے(یعنی شبِ قدر) جو ہزار مہینوں سے بہتر ہے (ملخص) ۔(سنن نسائی، کتاب الصیام، 355/2103)

حضرتِ سیِّدُنا ابوہریرہ رضی اللہ تعالیٰ عنہ سے مروی ہے کہ شہنشاہِ دو عالم حضرت محمد ﷺ کا فرمانِ عالیشان ہے: جو ایما ن کی وجہ سے اور ثواب کے لئے شب ِ قدر کا قیام کرے اس کے گزشتہ گناہ بخش دیئے جائیں گے۔ (صحیح البخاری ،کتاب الصوم ، باب من صام رمضان ایمان واحتساب ونیۃ، 1/6256 الحدیث 1901 )

حضرت سیدنا انس بن مالک رضی اللہ عنہ سے روایت ہے کہ حضور ﷺ نے ارشاد فرمایا:جب شبِ قدر ہوتی ہےتو جبرئیلِ امین علیہ السّلام ملائکہ کی جماعت کے ساتھ اترتے ہیں اور ہر قیام و قعود کرنے والے بندے پر جو اللہ عَزَّ وَجَلَّ کے ذکر و عبادت میں مشغول ہو(اس کے لئے) دعا کرتے ہیں۔( شعب الایمان،باب فی الصیام،3/343، الحدیث ۳۷۱۷)

شبِ قدر ملنے کی وجہ:

امام مالک رحمۃُ اللہِ علیہ فرماتے ہیں کہ حضور ﷺ نے جب پچھلی امتوں کے لوگوں کی عمروں پر توجہ فرمائی تو آپ ﷺ کو اپنی امت کے لوگوں کی عمریں کم معلوم ہوئیں۔آپ ﷺ نے یہ خیال فرمایاکہ گزشتہ لوگوں کے مقابلے میں ان کی عمریں کم ہیں تو ان کی نیکیاں بھی کم رہیں گی تو اللہ عَزَّ وَجَلَّ نے آپ ﷺ کو شبِ قدر عطاء فرمائی جو ہزار مہینوں سے بہتر ہے۔(الموطا، کتاب الاعتکاف، باب ماجاء فی لیلۃالقدر،1/295،الحدیث 761)

شبِ قدر کن راتوں میں تلاش کی جائے؟

شبِ قدر کی تعیین کے بارے میں علمائے کرام کا بڑا اختلاف ہے، بعض کے نزدیک شبِ قدررمضانُ المبارک کی پہلی رات، بعض کے نزدیک اکیسویں رات، بعض کے نزدیک تیئسویں رات، بعض کے نزدیک پچیسویں رات، بعض کے نزدیک ستائیسویں رات، بعض کے نزدیک انتیسویں رات اور بہت سے علمائے کرام کا یہ قول ہے کہ شبِ قدر رمضانُ المبارک کے آخری عشرے کی طاق راتوں میں منتقل ہوتی رہتی ہے جیساکہ کثیر احادیثِ صحیحہ میں بھی مذکور ہے۔

شبِ قدر کی علامت:

حضرت سیدنا جابر بن عبد اللہ رضی اللہ عنہ سےمروی ہےکہ سرکار ﷺ کا فرمانِ عالیشان ہے:میں نے شبِ قدر کو دیکھا پھر مجھے بھلادی گئی، لہٰذا تم اسے رمضان کے آخری عشرے کی طاق راتوں میں تلاش کرو۔اور یہ ایک خوشگوار رات ہے، نہ گرم، نہ سرد اس رات چاند کے ساتھ شیطان نہیں نکلتا یہاں تک کہ فجر طلوع ہو جاتی ہے۔(صحیح ابنِ خزیمہ، کتاب الصیام، باب صفۃ لیلۃ القدر بنفی الحر و البرد ، 3/330،الحدیث2190)

لیلۃالقدر کی دعا:

حضرت سیدتنا عائشہ صدیقہ رضی اللہُ عنہا فرماتی ہیں:میں نے بارگاہِ رسالت ﷺ ،میں عرض کی، یا رسولُ اللہﷺ اگر مجھے شبِ قدر کا علم ہوجائے تو میں کیا دعا کروں؟ تو حضور صلی اللہ علیہ وسلم نے ارشاد فرمایا:تم یہ دعا کرو’’اَللّٰھُمَّ اِنَّکَ عَفُوٌّ کَرِیْمٌ تُحِبُّ الْعَفْوَ فَاعْفُ عَنِّیْ‘‘ یعنی اے اللہ عَزَّ وَجَلَّ تو بہت معاف کرنے والا کرم فرمانے والا ہے۔ معاف کرنے کو پسند فرماتا ہے، پس مجھے معاف فرما۔ (جامع الترمذی ،کتاب الدعوات،باب ماجاء فی جامع الدعوات عن رسول اللہ،5/306، الحدیث3513)

تمام بھلائیوں سے محروم رہ گیا:

حضرت انس بن مالک رضی اللہ عنہ فرماتے ہیں:جب رمضانُ المبارک شروع ہوتا تو رسولُ اللہﷺ ارشاد فرماتے:یہ جو مہینہ شروع ہوا ہے ، اس میں ایک رات ایسی ہے جو ہزار مہینوں سے افضل ہے۔جو اس سے محروم رہ گیا تو وہ تمام بھلائی سے محروم کر دیا گیا اور اس کی بھلائی سے بد بخت ہی محروم رہتا ہے۔(سنن ابنِ ماجہ، کتاب الصیام، باب ماجاء فی فضلِ شہرِ رمضان،2/297، الحدیث 1644)

پیارے اسلامی بھائیوں:اللہ عَزَّ وَجَلَّ نے ہمیں ایسی بابرکت رات سے نوازا ہے جس میں رحمتِ الٰہی برستی رہتی ہے، ہمیں چاہیئے کہ اس بابَرَکت رات کو اللہ پاک کی عبادت و ریاضت اورخوب ذکر واذکار میں گزاریں، نوافل پڑھیں، اپنے تمام سابقہ گناہوں سے توبہ کریں اور آئندہ گناہ نہ کرنے کا پختہ ارادہ کریں۔

شبِ قدرمیں پڑھے جانے والے نوافل:

٭ چار رکعت نفل پڑہیں: ہر رکعت میں سورۂ فاتحہ کے بعد سورۂ تکاثر ایک مرتبہ اور اس کے بعد سورۂ اخلاص تین مرتبہ پڑھیں تو موت کی سختیوں سے آسانی ہوگی اور عذابِ قبر سے محفوظ رہے گا۔(فضائل الایام،441 مطبوعہ مکتبہ نوریہ رضویہ)

٭دو رکعت نفل پڑہیں:ہر رکعت میں سورۂ فاتحہ کے بعد سورۂ اخلاص سات مرتبہ پڑہیں۔سلام پھیرنے کے بعد سات مرتبہ ’’اَسْتَغْفِرُاللّٰہ‘‘ پڑھے تواپنی جگہ اسے اٹھے گا کہ اس پر اور اس کے والدین پر رحمتِ خدا برسنی شروع ہو جائے گی۔(ایضاً)

٭ چار رکعت نفل پڑہیں: ہر رکعت میں سورۂ فاتحہ کے بعد سورۂ قدر ایک مرتبہ اور سورۂ اخلاص ستائیس مرتبہ پڑھے تو یہ شخص گناہوں سے ایسا پاک ہو جائے گا کہ گویا آج ہی اپنی ماں کے پیٹ سے پیدا ہوا ہے اور اللہ عَزَّ وَجَلَّاس کو جنت میں ہزار محل عنایت فرمائے گا۔(ایضاً)

از: غیاث الدین عطاری مدنی

اسلامک اسکالر، اسلامک ریسرچ سینٹر(المدینۃ العلمیہ)

پچھلے دنوں کاہنہ نولاہور میں قائم دعوتِ اسلامی کے مدنی مرکز فیضانِ مدینہ میں ایک ماہ اور آخری عشرے کا اعتکاف کرنے والے عاشقانِ رسول کےلئے بعد نمازِ فجر سیکھنے سکھانے کا حلقہ لگایا گیا جس میں معتکفین سمیت دیگر اسلامی بھائیوں نے شرکت کی۔

اس حلقے میں رکنِ مرکزی مجلسِ شوریٰ و نگرانِ لاہور ڈویژن حاجی یعفور رضا عطاری نے سنتوں بھرا بیان کیا اور اسلامی بھائیوں کو مدنی پھولوں سے نوازا۔بعدازاں رکنِ شوریٰ نے اعتکاف کی انتظامیہ کا مدنی مشورہ کیا جس میں انہوں نے مختلف موضوعات پر کلام کرتے ذمہ داران کی تربیت کی۔(رپورٹ:غلام یاسین عطاری دفتر ذمہ دار، کانٹینٹ:غیاث الدین عطاری)