دعوتِ اسلامی کے شعبہ کفن دفن کے تحت  مدنی مرکز فیضانِ مدینہ انصاری چوک ملتان میں سنتوں بھرا اجتماع منعقد کیا گیا جس میں ڈسٹرکٹ، ڈویژن، تحصیل، ٹاؤن اور یوسی ذمہ داران سمیت شعبے سے وابستہ دیگر اسلامی بھائیوں نے شرکت کی۔

اس سنتوں بھرے اجتماع میں مرکزی مجلسِ شوریٰ کے رکن حاجی قاری محمد سلیم عطاری، نگرانِ شعبہ محمد صابر علی عطاری اور صوبائی ذمہ دار نے حاضرین کی مختلف موضوعات پر تربیت کی جن میں سے بعض یہ ہیں:٭شعبے کی اہمیت و افادیت٭شعبےکا تعارف٭شعبے کے تحت ہونے والے کورسز٭شعبے سے کیا کیا فائدے حاصل کئے جاسکتے ہیں۔

دعوتِ اسلامی کے مدنی مرکز فیضانِ مدینہ جوہر ٹاؤن لاہور میں اسپیشل پرسنز ڈیپارٹمنٹ کے تحت پاکستان سطح کی اہم میٹنگ منعقد ہوئی جس میں صوبائی اور ملکی سطح کے ذیلی شعبہ  جات ذمہ داران نے شرکت کی۔

میٹنگ میں شریک ذمہ داران کی تربیت کرتے ہوئے مرکزی مجلسِ شوریٰ کے رکن حاجی منصور عطاری نے سابقہ 3 ماہ کے دینی کاموں کی کارکردگی کا تفصیلی جائزہ لیا اور آئندہ 3 ماہ کے اہداف طے کئے۔

دورانِ میٹنگ ذمہ داران کو PMS سافٹ ویئر کے حوالے سے بھی ٹریننگ دی گئی تاکہ دینی کاموں کو مزید بہتر انداز میں آگے بڑھایا جاسکے نیز دیگر امور پر ذمہ داران کی ذہن سازی کی گئی جن میں سے بعض درج ذیل ہیں:

٭مختلف شہروں میں اسپیشل پرسنز کے لئے اشاروں کی زبان میں نمازِ جمعہ کے حلقے٭اسپیشل پرسنز کے سحری اجتماعات٭رمضانُ المبارک میں اسپیشل پرسنز کے اعتکاف۔

حضرت سفیان ثَوری رحمۃ اللہ علیہ خوفِ خدا رکھنے، دنیا سے بےرغبت اور دنیاوی مال کے حساب و کتاب سے ڈرنے والے، بہت عبادت گزار بزرگ تھے جنہوں نے مختلف مواقع پر ایسے حکمت بھرے اقوال ارشاد فرمائے جن پر عمل کرنے سے انسان کی دنیا و آخرت سنور سکتی ہے۔

لوگوں کو حضرت سفیان ثَوری رحمۃ اللہ علیہ کے اقوال و فرامین سے آگاہ کرنے کے لئے شیخِ طریقت، امیرِ اَہلِ سنّت، بانیِ دعوتِ اسلامی حضرت علّامہ مولانا ابوبلال محمد الیاس عطّاؔر قادری رضوی دامت بَرَکَاتُہمُ العالیہ نے عاشقانِ رسول کو اس ہفتے 16 صفحات پر مشتمل رسالہ ” حضرت سفیان ثَوری کے 87 ارشادات“ پڑھنے / سننے کی ترغیب دلائی ہے اور پڑھنے / سننے والوں کو اپنی دعاؤں سے بھی نوازا ہے۔

دعائے عطار

یااللہ پاک! جو کوئی 16 صفحات کا رسالہ” حضرت سفیان ثَوری کے 87 ارشادات“ پڑھ یا سُن لے اُس کے دل سے دنیا کی محبت دور فرما کر اُسے روحانی سُکون نصیب فرما اور اُس کو ماں باپ سمیت بےحساب بخش دے۔ اٰمین

یہ رسالہ آڈیو میں سننے اور اردو سمیت کئی زبانوں میں ڈاؤن لوڈ کرنے کے لئے نیچے دیئے گئے لنک پر کلک کیجئے:

Download

کراچی کے علاقے پی آئی بی کالونی میں 18 دسمبر 2025ء کو دعوتِ اسلامی کے تحت ماہانہ سیکھنے سکھانے کا حلقہ لگایا گیا جس میں ذمہ داران اور مقامی اسلامی بہنوں نے شرکت کی۔

اس حلقے میں دعوتِ اسلامی کی نگرانِ عالمی مجلسِ مشاورت اسلامی بہن نے بیان کیا جس میں انہوں نے شیڈول کی اہمیت، ٹائم مینجمنٹ اور کاموں سے بچنے کے حوالے سے مدنی پھول بیان کئے۔

18 دسمبر 2025ء کو دعوتِ اسلامی کے تحت بیرونِ ممالک میں ہونے والے دینی کاموں کے حوالے سے آن لائن میٹنگ منعقد ہوئی جس میں USA اور کینیڈا کی ذمہ دار اسلامی بہنیں شریک ہوئیں۔

اس دوران نگرانِ عالمی مجلسِ مشاورت اسلامی بہن نے دینی کاموں کا فالو اپ لیتے ہوئے بالخصوص ٹورانٹو (Toronto) میں دینی کام بڑھانے کے متعلق چند اہم نکات پر مشاورت کی۔

اس کے علاوہ نگرانِ عالمی مجلسِ مشاورت نے دینی کاموں کے حوالے سے آئندہ کے اہداف بھی دیئے جس پر ذمہ دار اسلامی بہنوں نے اچھی اچھی نیتیں کیں۔

عاشقانِ رسول کی دینی تحریک دعوتِ اسلامی کے تحت امت کی اصلاح  کرنے کے لئے مختلف دینی کاموں کے ساتھ ساتھ وقتاً فوقتاًمحفلِ نعت کا انعقاد کیا جاتا ہے۔

12 دسمبر 2025ء کو مہاجر کیمپ، بلدیہ ٹاؤن کراچی میں ایک ذمہ دار اسلامی بہن کی بیٹی کی شادی خانہ آباد کے موقع پر محفلِ نعت منعقد کی گئی جس میں خصوصی شرکت صاحبزادیِ عطار سلمہا الغفار اور نگرانِ عالمی مجلسِ مشاورت کی ہوئی۔

معمول کے مطابق تلاوتِ قراٰن سے محفلِ نعت کا آغاز کیا گیا جس کے بعد نعت خواں اسلامی بہنوں نے حضور نبیِ کریم صلَّی اللہ علیہ واٰلہٖ وسلَّم کی بارگاہِ اقدس میں نعت شریف کا نذرانہ پیش کیا۔

تلاوت و نعت کے بعد مبلغۂ دعوتِ اسلامی نے سنتوں بھرا بیان کیا جبکہ صاحبزادیِ عطار سلمہا الغفار نے اختتام دعا کروائی اور آخر میں اسلامی بہنوں پر انفرادی کوشش کی۔

عاشقانِ رسول کی دینی تحریک دعوتِ اسلامی کے تحت دنیا بھر میں دینی کاموں کا سلسلہ جاری ہے نیز دنیا بھر میں مختلف زبانیں بولی جاتی ہیں جس کے لئے کُتُب و رسائل مختلف  زبانوں میں درکار ہتے ہیں۔

اسی سلسلے میں 12 دسمبر 2025ء کو دعوتِ اسلامی کے تحت ذمہ دار اسلامی بہنوں کی تربیت و رہنمائی کے لئے مدنی مشورہ ہوا جس میں سب کانٹیننٹ نگران اسلامی بہنوں نے شرکت کی۔

دعوتِ اسلامی کی نگرانِ عالمی مجلسِ مشاورت اسلامی بہن نے ذمہ دار اسلامی بہنوں سے گفتگو کرتے ہوئے تامل (Tamil)، کریول (Creole)، فارسی (Persian) اور گجراتی (Gujarati) زبانوں کے متعلق کلام کیا جبکہ ان زبانوں میں کُتُب و رسائل کے کیا اہداف ہونے چاہیئے؟ ا س پر بھی مشاورت کی۔

عالمی سطح پر ہونے والے دینی کاموں کا فالو اپ لینے کے  لئے 11 دسمبر 2025ء کو دعوتِ اسلامی کے تحت ایک میٹنگ ہوئی جس میں ایران کی ملک نگران اور سب کانٹیننٹ نگران اسلامی بہنیں شریک ہوئیں۔

ابتداءً ذمہ دار اسلامی بہن نے ایران کی اسلامی بہنوں کو دینی کاموں میں درپیش مسائل کا حل بتایا اور ایران میں مختلف شعبہ جات کے قیام، فارسی زبان میں کُتُب و رسائل کا ترجمہ، فیملی سفر اور دیگر اہم امور پر تبادلۂ خیال کیا۔

عالمی سطح کی دینی تحریک دعوتِ اسلامی کے تحت 4 دسمبر 2025ء کو تمام اسٹیٹ نگران اور کاؤنسل نگران اسلامی بہنوں کا مدنی مشورہ ہوا جس میں دینی کاموں کے متعلق کلام کیا گیا۔

ذمہ دار اسلامی بہن نے ابتداءً 8 دینی کاموں کا جائزہ لیتے ہوئے بالخصوص دعائے حاجات اجتماع کے مدنی پھولوں اور رمضان ڈونیشن کے مدنی پھولوں پر کلام کیا جس پر تمام ذمہ دار اسلامی بہنوں نے اچھی اچھی نیتیں کیں۔

لوگوں کو گناہوں سے بچانے اور اُن میں اسلامی شعور پیدا کرنے کے لئے  31 دسمبر 2025ء بروز بدھ کی رات دعوتِ اسلامی کے زیرِا ہتمام Songdo Convensia, Incheon, South Korea میں ”New Year Night Gathering“ کا اہتمام کیا جائے گا۔

تلاوت و نعت سے آغاز کرنے کے بعد رات تقریباً 9 بجےدینی کاموں کے سلسلے میں پاکستان سے South Korea وزٹ کے لئے جانے والے مرکزی مجلسِ شوریٰ کے رکن مولانا حاجی عبدالحبیب عطاری کا خصوصی بیان ہوگا۔

دعوتِ اسلامی لوگوں کی روحانی و فکری اعتبار سے تربیت کرنے، انہیں خدمتِ دین کا جذبہ دلانے، معاشرے کے لوگوں کی اصلاح میں اہم کردار ادا کرنے اور دینِ اسلام کی تعلیمات کو اُن تک پہنچانے والی عالمی سطح کی دینی تحریک ہے۔

اسی فکر و جذبے کے تحت دعوتِ اسلامی کی مرکزی مجلسِ شوریٰ کے رکن مولانا حاجی عبد الحبیب عطاری 31 دسمبر 2025ء تا 4 جنوری 2026ء تک South Korea (ساؤتھ کوریا) کے وزٹ پر جارہے ہیں جہاں سنتوں بھرے اجتماعات میں بیان کرنا، شخصیات و ذمہ داران سے ملاقات کرنا اور دینی کاموں کا جائزہ لینا آپ کے شیڈول میں شامل ہے جس کی تفصیل درج ذیل ہے:

٭31 دسمبر 2025ء بروز بدھ رکنِ شوریٰ New Year Night Gathering (نیوائیر نائٹ اجتماع) میں رات تقریباً 9 بجے بیان فرمائیں گے جوکہ Songdo Convensia, Incheon, South Korea میں منعقد ہوگا٭2 جنوری 2026ء بروز جمعہ رکنِ شوریٰ Songdo Masjid & Islamic Center, Incheon, South Korea میں دوپہر تقریباً 12:12 پر عاشقانِ رسول کے درمیان Speech دیں گے٭3 جنوری 2026ء بروز ہفتہ Gimhae City, South Korea میں ہونے والے سنتوں بھرے اجتماع میں شام تقریباً 7 بجےعاشقانِ رسول کی تربیت و رہنمائی فرمائیں گے٭4 جنوری 2026ء بروز اتوار Daegu City, South Korea میں دعوتِ اسلامی کے تحت ہونے والے اجتماعِ پاک میں شام تقریباً 6 بجے سنتوں بھرا بیان فرمائیں گے۔(کانٹینٹ:غیاث الدین عطاری)

ڈھاکہ، بنگلہ دیش:

آشیان سٹی بلاک C، ڈھاکہ بنگلہ دیش میں ہونے والے 3 دن (24، 25 اور 26 دسمبر 2025ء) کے سنتوں بھرے اجتماع میں 25 دسمبر 2025ء کو نگرانِ مرکزی مجلسِ شوریٰ مولانا حاجی محمد عمران عطاری خصوصی بیان فرمائیں گے اور وہاں موجود ذمہ داران سمیت دیگر عاشقانِ رسول کی روحانی و فکری اعتبار سے رہنمائی کریں گے۔

اس اجتماعِ پاک میں مختلف شعبہ ہائے زندگی سے تعلق رکھنے والے افراد، ذمہ داران، مقامی شخصیات، اسٹوڈنٹس، ٹیچر حضرات، مدرسۃالمدینہ و جامعۃالمدینہ بوائز کے طلبۂ کرام اور اساتذۂ کرام کی شرکت متوقع ہے۔

پاکستانی وقت کے مطابق تلاوتِ قرآن 7:45 پر اور بیان 8 بجے شروع ہوگا جبکہ بنگلہ دیشی وقت کے مطابق تلاوتِ قرآن 8:45 پر اور بیان 9 بجے کیا جائے گا۔ اس موقع پر ذکر و اذکار، دعا اور روحانی محافل کا بھی اہتمام کیا جائے گا ۔

تمام ذمہ داران اور عاشقانِ رسول ضرور بالضرور شرکت کریں تاکہ اس اجتماعِ پاک سے زیادہ سے زیادہ فوائد حاصل کئے جا سکیں اور ایک دوسرے کے لئے محبت، اخوت اور اتحاد کا پیغام عام کیا جا سکے۔(کانٹینٹ:غیاث الدین عطاری)