دعوتِ اسلامی کے شعبہ ائمہ مساجد کے تحت 16ستمبر2021ءبروز جمعرات عالمی مدنی مرکز فیضانِ مدینہ کراچی سےبذریعہ انٹرنیٹ مدنی مشورے کا سلسلہ ہوا ۔

اس موقع پر مرکزی مجلسِ شوریٰ کے رکن حاجی محمد عقیل عطاری مدنی نے مساجد کے نظام کو بہتر بنانے اورشرعی اصولوں کے مطابق مساجد کو آباد کرنے کے حوالے سے تربیت کی۔

واضح رہے کہ اس مشورے میں نگرانِ ریجن حاجی فضیل عطاری،اجارہ مجلس کے ذمہ دار طارق عطاری ،ائمہ مساجد کے ذمہ داران، ناظمِ اعلی (بیرون ملک ) شعبان عطاری مدنی ، اجارہ ذمہ دار (UK)عمران عطاری ، ائمہ ذمہ دار اور فنانس ڈیپارٹمنٹ ذمہ دار سمیت(10) اسلامی بھائی شریک تھے۔( رپورٹ: محمدشعبان عطاری مدنی ،کانٹینٹ:غیاث الدین عطاری)

شعبہ تعلیم (دعوتِ اسلامی) کے تحت ذمہ داران نے 16ستمبر2021ءبروزجمعرات فتح جنگ پنجاب میں ایک شخصیت کے گھر دینی حلقے کا انعقاد کیاجس میں اسلامی بھائیوں کی تربیت کا سلسلہ ہوا۔

اس حلقے میں مختلف تعلیمی اداروں کےپرنسپلز سمیت دیگر اسلامی بھائیوں نے شرکت کی نیز نگرانِ شعبہ تعلیم پاکستان عبدالوہاب عطاری نے دعوتِ اسلامی کی دینی وفلاحی خدمات کو بیان کیا جس پروہاں موجودشرکا نے دعوتِ اسلامی کی کاوشوں کو خوب سراہا ۔(رپورٹ: مبشر حسن عطاری شعبہ حج و عمرہ واہ کینٹ اٹک زون،کانٹینٹ:غیاث الدین عطاری)

فیضان آن لائن اکیڈمی(دعوتِ اسلامی)کے زیرِ نگرانی فیضانِ مدینہ برانچ اوکاڑہ میں 17ستمبر2021ءبروزجمعہ اوکاڑہ اور پاکپتن زون کے مفتشین و معاونین کا مدنی مشورہ ہوا۔

اس موقع پر رکنِ شعبہ فیضان آن لائن اکیڈمی محمدعرفان عطاری مدنی نے تعلیمی و تفتیشی نظام کو مزید بہتر کرنے کےحوالے سےاسلامی بھائیوں کی تربیت کی نیز تعلیمی ذمہ دار اسلامی بھائی نے امتحانات کے حوالے سےاہم نکات پر گفتگو کی۔( رپورٹ: محمد فیضان عطاری شعبہ فیضان آن لائن اکیڈمی آفس ذمہ دار ،کانٹینٹ:غیاث الدین عطاری) 

دعوتِ اسلامی کے تحت پاکستان   کے شہر راولپنڈی میں بذریعہ انٹر نیٹ ماہانہ مدنی مشورہ ہوا جس میں پاکستان مشاورت کی ذمہ دار اسلامی بہنوں نے شرکت کی ۔

پاکستان سطح کی نگران اسلامی بہن نے ’’مبلغ ہر جگہ مبلغ ہوتا ہے ‘‘ کےموضوع پر بیان کیا اس کے بعد جولائی تا اگست 2021 ء کی ماہانہ آٹھ دینی کام کارکردگی اور تنظیمی شعبہ جات کی مختلف انفرادی و اجتماعی کارکردگیوں کا جائزہ لیا۔ اضافے پر حوصلہ افزائی کی اور مزید بہتری لانے کی ترغیب دلائی نیزغیرفَعال ذمہ داراسلامی بہنوں کو فَعال بنانےپر مدنی پھول دیئے۔ شعبہ مدرسۃ المدینہ گرلز کے تحت کورسز میں ایڈمیشن کروانے کے حوالے سے اہداف دیئے۔ 

دعوتِ اسلامی کےزیر اہتمام نواب شاہ زون کی ڈویژن ٹنڈو آدم میں ماہانہ مدنی مشورہ ہوا جس میں زون مشاورتوں، کابینہ نگران مع مشاورتوں کی اسلامی بہنوں نے شرکت کی ۔

زون نگران اسلامی بہن نے ماہ ربیع الاول کے نکات پر کلام کیا۔ اس کےساتھ ہی تقسیمِ رسائل کرنےکاذہن دیا اور محفل نعت منعقد کرنےکےحوالےسےاسلامی بہنوں کو اہداف دیئےنیز ہفتہ وار رسالہ کارکردگی بر وقت جمع کروانےکاذہن دیا ۔مزید دینی کام کرنےسے متعلق اپڈیٹ نکات بتائےاور زون مشاورتوں نے بھی اپنے اپنے شعبے سے متعلق کلام کیا۔

دعوتِ اسلامی کے شعبہ اصلاح اعمال للبنات  کے زیر اہتمام کراچی ایسٹ زون 2 کی گلستان جوہر کابینہ میں کابینہ سطح کا ماہانہ مدنی مشورہ منعقد ہوا جس میں کابینہ مشاورت ذمہ دار اسلامی بہن نے شعبے کی کارکردگی بہتر بنانے کے حوالے سے اسلامی بہنوں کی تربیت کی نیز انفرادی عبادات کو بڑھانے کاذہن دیا۔ ذیلی ذمہ داراسلامی بہنوں کے ساتھ جدول رکھنے اوراصلاح اعمال اجتماع منعقد کرنے کے حوالے سے اہداف دیئے ۔

دعوتِ اسلامی کے  تحت کراچی ساؤتھ زون 2 میں زون سطح پر مدنی مشورہ منعقد ہواجس میں زون مشاورت و کابینہ نگران اسلامی بہنوں نے شرکت کی۔

زون نگران اسلامی بہن نےامیر اہل سنت دامت برکاتہم ا لعالیہ کی قربانیاں اور دعوت اسلامی کی دینی خدمات کےبارے میں معلومات دی نیز ہفتہ وارسنتوں بھرے اجتماع کواسلامی بہنوں کی سہولت کے مطابق وقت میں تبدیلی کرنےکےمتعلق نکات بتائےاور اس کے نفاذ پر مشاورت و نگران اسلامی بہنوں سے بات چیت کرنےکاذہن دیا۔اس کےعلاوہ ادارتی شعبوں کا تعارف پیش کیا اور اس کے ساتھ ہی سفری جدول پر نکات دیئےنیز ربیع الاول کے اہم نکات و ماہانہ کارکردگی شیڈول وقت پر جمع کروانےکی ترغیب دلائی ۔

دعوتِ اسلامی کے شعبہ رابطہ برائے شخصیات کے تحت ڈویژن حنفیہ علاقہ تاج مسجد روڈ میں قائم ایک بیوٹی پالرمیں دینی حلقے کاانعقاد ہوا جس میں آٹھ اسلامی بہنوں نے شرکت کی۔

ڈویژن مشاورت ذمہ دار اسلامی بہن نے بیان کیااور اسلامی بہنوں کو ہفتہ وار رسالہ پڑھنے/سننے کاذہن دیتےہوئےہفتہ وار سنتوں بھرے اجتماع میں شرکت کرنے کی دعوت دی ۔اس کےساتھ ہی مدنی مذاکرہ دیکھنے کی ترغیب دلائی اوررسالہ نیک اعمال پُر کرنے کاذہن د یا۔

دعوتِ اسلامی کے شعبہ اصلاح  اعمال للبنات کے تحت کراچی رنچھوڑ لائن کابینہ کی ڈویژن گارڈن میں اصلاح اعمال اجتماع کاانعقادہوا جس میں کم و بیش 17 اسلامی بہنوں نے شرکت کی۔

ڈویژن ذمہ دار اسلامی بہن نے’’ نماز میں خشوع و خضوع‘‘ کےموضوع پر بیان کیا۔اس کےساتھ ہی اسلامی بہنوں کوقراٰن پاک تجوید سے پڑھنے کےلئے اسلامی بہنوں کے مدرسۃ المدینہ کوجوائن کرنےکاذہن دیا ۔مزیدرسالہ نیک اعمال پر عمل کرنے ،روزانہ اپنے اعمال کا جائزہ لینے اور پابندی کے ساتھ ہفتہ وار سنتوں بھرے اجتماع میں شرکت کرنے کی ترغیب دلائی جس پر اسلامی بہنوں نے اچھی اچھی نیتوں کا اظہار کیا۔

دعوت اسلامی کے شعبہ اسلامی بہنوں کے مدرسۃ المدینہ  کے تحت کوئٹہ زون میں مدنی مشورے کا انعقاد ہوا جس میں کابینہ سطح کی ذمہ دار اسلامی بہنوں نے شرکت کی۔

زون ذمہ دار اسلامی بہن نے مدرسۃالمدینہ کےدینی کام کرنے کے نکات سمجھائےاور ہفتہ وار رسالہ کارکردگی کو بہتر بنانے کاذہن دیا۔اس کےعلاوہ ماہانہ کارکردگی اورمدارس المدینہ کے جائزے کے جدول بنانے کے بارے میں سمجھایا نیزشعبےمیں مزید کیسے بہتری آسکتی ہے اس حوالے سے ذمہ داراسلامی بہنوں کی تربیت کی۔

اسی طرح اسلامی بہنوں کے مدرسۃالمدینہ کےزیراہتمام کوئٹہ زون میں ہونےوالے 12 دن کے معلمہ غیر رہائشی کورس میں تربیتی سیشن کاانعقادہوا جس میں زون ذمہ دار اسلامی بہن نے طالبات کے حاضری رجسٹر کاجائزہ لیا۔ اس کےعلاوہ شعبے کےدینی کام کرنے کے حوالےسے نکات بیان کئے ۔

دعوتِ اسلامی کی جانب سے  عالمی مجلس مشاورت کی نگران اسلامی بہن نے کابینہ استور ڈویژن گوری کوٹ کے ذیلی حلقے دریال1 ، دریال 2 ، دریال 3 احمد آباد اور ہلیچ کی جملہ ذمہ داراسلامی بہنوں کے درمیان مدنی مشورہ کیا ۔

مدنی مشورےمیں شریک اسلامی بہنوں کو پابندی کےساتھ ہفتہ وار رسالےکامطالعہ کرنےاور احساس ِ ذمہ داری، نرمی، وعدے کی پاسداری کرنےکی ترغیب دلائی ۔ ساتھ ہی مدنی مذاکرہ کی تعدادکےحوالےسےدیئے گئے اہداف کو پورا کرنے کا ذہن دیا اور اسلامی بہنوں کے مدرسۃ المدینہ میں داخلہ لینے کی دعوت بھی دی ۔ آخر میں اسلامی بہنوں کی حوصلہ افزائی کے لئےانہیں تحائف بھی دیئے ۔

پاکستان بھر میں ہونےوالےاسلامی بہنوں کےآٹھ دینی کاموں کی اگست 2021ء کی کارکردگیاں ایک نظر میں ملاحظہ ہوں :

انفرادی کوشش کے ذریعے دینی ماحول سے منسلک ہونے والی اسلامی بہنوں کی تعداد:9 ہزار430

روزانہ گھر درس دینے والی اسلامی بہنوں کی تعداد:70ہزار185

روزانہ امیراہل سنت دامت برکاتہم العالیہ کا بیان/ مدنی مذاکرہ سننے والی اسلامی بہنوں کی تعداد:86ہزار197

اسلامی بہنوں کے مدرسۃ المدینہ کی تعداد:4 ہزار168

ان میں پڑھنے والی اسلامی بہنوں کی تعداد:48ہزار707

ہفتہ وار سنتوں بھرے اجتماعات کی تعداد: 9ہزار42

سنتوں بھرے اجتماعات میں شرکت کرنےوالی اسلامی بہنوں کی تعداد:2لاکھ،63 ہزار،584

ہفتہ وار علاقائی دورہ میں شرکت کرنےوالی اسلامی بہنوں کی تعداد:20ہزار311

ہفتہ وار رسالہ پڑھنے / سننے والی اسلامی بہنوں کی تعداد:4لاکھ،94ہزار،992

وصول ہونے والے نیک اعمال کے رسائل کی تعداد:55ہزار251