دعوتِ اسلامی کے شعبے فیضان آن لائن اکیڈمی بوائز کے تحت دینگاہ و سرائے عالمگیر ،راولپنڈی برانچ  شفٹ قادری کے مدرسین کا ماہانہ مدنی مشورہ 5 اکتوبر 2025ء کو منعقد ہوا جس کا مقصد تعلیمی معیار کو بہتر کرنا اور تدریسی طریقۂ کار میں بہتری لانا تھا۔

اس موقع پر ڈویژن تعلیمی امور کے ذمہ دار محمد جواد عطاری نے ذمہ دار اسلامی بھائیوں سے گفتگو کرتے ہوئے مختلف امور پر کلام کیا جن میں اندازِ تدریس میں بہتری، طلبہ کی تعلیم کو مزید بہتر بنانا اور دیگر تعلیمی معاملات شامل تھے۔

علاوہ ازیں ڈویژن تعلیمی امور ذمہ دار نے مدرسین کے ساتھ تعلیمی سرگرمیوں اور تدریسی طریقۂ کار کے متعلق اہم نکات پر مشاورت کی جس پر انہوں نے شعبے کی بہتری کے لئے اچھی اچھی نیتیں کیں۔(رپورٹ:محمد وقار یعقوب عطاری مدنی برانچ منیجر فیضان آن لائن اکیڈمی ، کانٹینٹ:غیاث الدین عطاری)

7 اکتوبر 2025ء:

7 اکتوبر 2025ء کو شعبہ فیضان آن لائن اکیڈمی بوائز دعوتِ اسلامی کے تحت گجرانوالہ اور راولپنڈی ڈویژن کے شفٹ تعلیمی ذمہ دار اسلامی بھائیوں کا ماہانہ آن لائن مدنی مشورہ منعقد ہواجس میں بالخصوص تعلیمی امور اور مدنی پھولوں پر تبادلہ خیال کیا گیا تاکہ تعلیمی معیار کو مزید بہتر بنایا جا سکے۔

اس موقع پر ڈویژن تعلیمی امور کے ذمہ دار محمد جواد عطاری نے ذمہ دار اسلامی بھائیوں سے گفتگو کرتے ہوئے ماہانہ میٹنگ کے مدنی پھولوں اور تعلیمی معاملات کے حوالے سے کلام کیا۔

7 اکتوبر 2025ء کو دعوتِ اسلامی کی مرکزی مجلس شوری کے  رکن مولانا حاجی محمد عقیل عطاری مدنی نے شعبہ امام مساجد (پاکستان) کے تمام ذمہ داران سمیت امام مساجد کا مدنی مشورہ لیا۔

اس مدنی مشورے میں رکنِ شوریٰ نے مسجد کی آباد کاری، نمازیوں کی تربیت اور ہر ماہ قافلے میں سفر کرنے کے حوالے سے ذمہ دار اسلامی بھائیوں کی ذہن سازی کی نیز ٹیلی تھون (عطیات مہم ) 2025ء میں بڑھ چڑھ کر اپنا اور اپنے متعلقین(رشتہ داروں، مقتدی اور اہل محلہ) کا حصہ ملانے کی ترغیب دلائی۔

رکنِ شوریٰ نے خصوصی طور پر مخیر حضرات سے ملاقات و رابطہ کرکے دین متین کی ترقی و آخرت میں باقی رہنے والے خزانے کی آباد کاری کے لئے ٹیلی تھون جمع کرنے/ کروانے کا ذہن دیا۔

جامع مسجد عمر بن  خطاب ،کینیا افریقہ:

افریقی ملک کینیا کی کوالی کاؤنٹی میں موجود لیکونی سب کاؤنٹی کی جامع مسجد عمر بن خطاب میں دعوتِ اسلامی کے تحت”اخلاقِ کریمہ کورس“ کا انعقاد کیا گیا جس میں شرکا کو مفید و اہم نکات بتائے گئے ۔

اس دوران مرکزی مجلسِ شوریٰ کے رکن مولانا حاجی محمد عقیل عطاری مدنی نے کورس میں شریک اسلامی بھائیوں کو اخلاقِ کریمہ کی اہمیت اور اس کے عملی اطلاق کے بارے میں بتاتے ہوئے مسلمانوں کو نیک اخلاق اختیار کرنے کی ترغیب دلائی۔

یہ کورس اسلامی بھائیوں کے لئے ایک قیمتی موقع تھا کہ وہ اپنی روحانی و اخلاقی تربیت میں اضافہ کریں اور معاشرے میں مثبت اثرات مرتب کریں۔(رپورٹ:مولانا محمد عابد عطاری مدنی، کانٹینٹ:غیاث الدین عطاری)

دعوتِ اسلامی کے زیرِ اہتمام 4اکتوبر 2025ء کی شب گراؤنڈ گرینڈ مارکی تونسہ روڈ،  ڈیرہ غازی خان میں عظیم الشان ”اجتماعِ غوثیہ“ منعقد کیا گیا جس میں ڈیرہ غازی خان سٹی سمیت اطراف سے کثیر عاشقان رسول، جامعۃ المدینہ و مدرسۃ المدینہ (بوائز) کے اساتذۂ کرام، طلبۂ کرام ، قاری صاحبان، مقامی علمائے کرام اور شخصیات نے شرکت کی۔

معمول کے مطابق اجتماع کا آغاز اللہ عزوجل کے پاک کلام قراٰنِ مجید سے کیا گیا اور نعت شریف کے ساتھ ساتھ منقبتِ غوث اعظم بھی پڑھی گئی جس کے بعد مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے سنتوں بھرا بیان کیا۔

بیان کے دوران نگران پاکستان مشاورت نے ” غوثِ پاک کا عشقِ رسول “کے موضوع پر بیان کرتے ہوئے حاضرین کو غوثِ اعظم شیخ عبدالقادر جیلانی رحمۃُ اللہِ علیہ کی تعلیمات پر عمل کرنے ، نیکی کرنے اور نیکی کے کاموں میں بڑھ چڑھ کرحصہ لیتے رہنے نیز عقائد کی درستگی و نیک لوگوں کی صحبت اختیار کرنے کی ترغیب دلائی ۔نگرانِ پاکستان مشاورت نے شرکائے اجتماع کو دعوتِ اسلامی کے 12 دینی کاموں میں بھی شرکت کرنے کا ذہن دیا ۔

مدنی مرکز فیضانِ مدینہ، فیصل آباد پنجاب:

فیصل آباد ڈویژن، پنجاب کے جامعۃ المدینہ و مدرسۃ المدینہ کے ذمہ داران کا ایک اہم میٹ اپ ہوا جس کا مقصد ٹیلی تھون 2025ء کے لئے کلیکشن کرنا تھا نیز اس میٹ اپ میں خصوصی شرکت مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری کی ہوئی۔

اس میٹ اپ میں فیصل آباد ڈویژن کے ڈویژن نگران، سٹی نگران، جامعۃ المدینہ ومدرسۃالمدینہ کے ناظمین، جامعۃالمدینہ و مدرسۃ المدینہ گرلز کے شعبہ خود کفالت ذمہ داران، مدرسۃالمدینہ بالغان کے ڈویژن ذمہ دار، امام مساجد کے تحت ڈویژن اور شہر سطح کے ذمہ داران سمیت دیگر اسلامی بھائیوں نے شرکت کی۔

04 اکتوبر 2024ء بمطابق 11 ربیع الاوّل 1445ھ کو عالمی مدنی مرکز فیضانِ مدینہ کراچی میں بڑی گیارہویں شریف کے موقع پر عظیم الشان ”اجتماع غوثیہ“ کا انعقاد کیا گیا جس میں کثیرتعداد میں عاشقانِ رسول براہِ راست اور ہزاروں اسلامی بھائی مدنی چینل کے ذریعے دنیا بھر میں شریک تھے۔

اجتماعِ پاک آغاز تلاوتِ قرآن، ہدیۂ نعت اور منقبت سے ہوا جس کے بعد مرکزی مجلس شوریٰ کے نگران مولانا حاجی محمد عمران عطاری مُدَّ ظِلُّہُ العالی نے سنتوں بھرا بیان کیا۔ اجتماع میں مدنی مذاکرے کا سلسلہ ہوا جس میں عاشقِ غوثِ اعظم شیخ طریقت امیر اہلسنت حضرت علامہ محمد الیاس عطار قادری دامت بَرَکَاتُہمُ العالیہ نے سیرت غوث اعظم رحمۃُ اللہِ علیہ اور آپ کی دینی خدمات پر گفتگو کرتے ہوئے عاشقانِ رسول کی جانب سے ہونے والے سوالات کئے جوابات ارشاد فرمائے۔

مدنی مذاکرے میں ہونے والے چند سوال و جواب

سوال: حضورغوث ِاعظم رحمۃ اللہ علیہ کے اس فرمان ”میرایہ قدم تمام اولیائے کرام کی گردن پر ہے“ کی کچھ تفصیل بیان فرمادیں۔

جواب: حضرت شیخ عبدالقادرجیلانی ،غوثِ صمدانی ،قطبِ ربّانی ،محبوبِ سبحانی، شہنشاہِ جیلانی ،حسنی حسینی رحمۃ اللہ علیہ نے بغدادِمعلیٰ میں اپنےمنبرپریہ اعلان کیاتھا : قَدَمِیْ ھٰذِہٖ عَلٰی رَقَبَۃِ کُلِّ وَلِیِّ اللہِ یعنی میرایہ قدم تمام اولیائے کرام کی گردن پر ہے ۔(بہجۃالاسرار، ص14)مجلس میں موجوداوردیگردُوردرازکے بے شمار اولیائے کرام نے اپنی گردن جھکالی ۔کیونکہ حضورغوثِ اعظم کا بیان ریلے(Relay) ہوتاتھا اور اولیائے کرام روحانی کنکشن سے سُنا کرتے تھے ۔جنہوں نےآپ کے فرمان پر گردن نہ جھکائی ان کی ولایت چھن گئی پھر توبہ کی اور غوثِ پاک کی فضیلت کو مانا تو ان کی ولایت بحال ہوگئی ۔حضرت عددی بن مسافررحمۃ اللہ علیہ فرماتے ہیں کہ حضورغوثِ پاک نے یہ اعلان اللہ پاک کے حکم سے کیاتھااورکسی نے نہیں کیا یعنی یہ حضور غوث ِپاک کی خصوصیت ہے ۔

سوال : حضرت عدی بن مسافرکون تھے ؟

جواب : حضرت عدی بن مسافررحمۃ اللہ علیہ بہت بڑے ولی اللہ ،متقی اورپرہیزگاربزرگ تھے ،حضور غوثِ پاک ان کے بارے میں فرماتے ہیں: اگرنبوت ریاضت ومجاہدے سے حاصل ہوتی تو حضرت عدی بن مسافرنبی ہوتے ۔مگریادرکھئے! نبوت ریاضت سے نہیں اللہ پاک کے فضل سے ملتی ہے اورنبوت کا دروازہ بندہوگیا ہے۔ہمارے پیارےآقاصلی اللہ علیہ والہ وسلم آخری نبی ہیں ۔

سوال:کیا ولایت مل کر چھن بھی سکتی ہے ؟

جواب:جی ہاں! ولایت مل کر چھن بھی سکتی ہے اور واپس بھی ہوسکتی ہے البتہ نبوت واپس نہیں ہوتی،نبوت کو زوال مانناکہ نبوت ملی اورپھر واپس چلی گئی ،یہ کفرہے ، اللہ پاک نے جس کو نبی بنایاوہ ہمیشہ ہمیشہ کے لیےنبی ہے ۔ہمارےپیارےآقاصلی اللہ علیہ والہ وسلم اللہ پاک کےآخری نبی ہیں ،ان کے بعد کوئی نیا نبی نہیں آئے گا۔حضرت عیسی علیہ السلام آسمانوں سے زمین پر آئیں گے مگرانجیلِ مقدس کی تبلیغ نہیں فرمائیں گے بلکہ قرآن پاک کی تبلیغ فرمائیں گے ۔پیارے آقاصلی اللہ علیہ والہ وسلم کے اُمتی کی حیثیت سے سنتیں عام کریں گے۔

سوال: حضور غوث ِاعظم رحمۃ اللہ علیہ کا عمل کیساتھا ؟

جواب: آپ کا ہرعمل اللہ ورسول کی اطاعت میں ہوتاتھا ،آپ تمام کام اللہ پاک کے حکم سے کیا کرتے تھے ۔

سوال: جنت کب تک رہے گی ؟

جواب: جنت ہمیشہ کے لیےرہے گی ،جس کو ایک مرتبہ جنت میں داخل کردیا گیا تو اسے پھر نکالانہیں جائے گا۔

سوال:حضورغوث اعظم رحمۃ اللہ علیہ کا مسلمانوں کے ساتھ اخلاقی رویہ اورخیرخواہی کا اندازکیساتھا؟

جواب: حضورغوث اعظم رحمۃ اللہ علیہ کا اخلاق نہایت ہی عمدہ تھا،ملنسارطبیعت ،نرم انداز،شفقت، حیا،مہمان نوازی ،مساکین پر مہربانی،سخاوت، بے حیائی وبیہودہ باتوں سے دُوری،اپنی ذات کے لیے غصہ نہ کرنا ،رقیق القلب یعنی نرم دل والے اوراس جیسی وہ تمام صفات موجودتھیں جس سے لوگ متاثرہوتے اورقریب آتے ہیں ۔حدیث پاک کہ وَبَشِّرُوا وَلَا تُنَفِّرُوا یعنی خوش خبری دواور لوگوں کو متنفر نہ کرو۔(صحیح مسلم ،حدیث 4525) پر عمل کرتے ہوئے آپ لوگوں کو بشارتیں یعنی خوشخبریاں دیا کرتے تھے۔

سوال: غوث پاک رحمۃ اللہ علیہ کے کتنے بھائی اوربہنیں تھیں ؟

جواب : آپ کے ایک بھائی سیداحمد جیلانی تھے۔یہ غوث پاک سے ایک سال چھوٹے تھے ،جوانی میں فوت ہوئے اورجیلان میں دفن کئے گئے۔

(فتاویٰ شارح بخاری ،جلد2،صفحہ 134)

سوال: اِس ہفتے کارِسالہ ” 25 ارشاداتِ غوثِ اعظم “ پڑھنے یاسُننے والوں کوامیراہل سنت دامت برکاتہم العالیہ نے کیا دُعا دی ؟

جواب: یااللہ پاک! جو کوئی رسالہ’’25 ارشاداتِ غوث اعظم“ پڑھ یا سُن لے، اُسے فیضانِ غوثِ اعظم سے مالا مال فرما اور اُس کو ماں باپ سمیت بے حساب بخش دے ۔اٰمِیْن بِجَاہِ خاتم النَّبیّین صلَّی اللہ علیہ واٰلہٖ وسلَّم ۔

اوکاڑہ شہر، پنجاب کے علاقے محبوب ٹاؤن میں واقع مدنی مرکز فیضان مدینہ میں شعبہ مدنی کورسز دعوتِ اسلامی کے تحت 7 دن کا رہائشی اصلاحِ اعمال کورس منعقد ہوا جس کا مقصد حاضرین کو گناہوں سے بچنے، تقویٰ اور نیک اعمال کے مطابق زندگی گزارنے کی تربیت کرنا تھا۔

اس کورس میں 12 ماہ قافلہ کے عاشقان رسول نے شرکت کی جبکہ تربیت کرنے والے ذمہ دار اظہر سلیم عطاری تھے جنہوں نے حاضرین کے سامنے اس کورس کے اہم موضوعات پر گفتگو کی جن میں سے بعض درج ذیل ہیں:

٭مہلکات٭منجیات٭تقویٰو پرہیزگاری٭باطنی امراض جیسے حسد، تکبر، ریاکاری، بخل، کینہ، جھوٹ اور غیبت کی تعریفات ۔

اس کورس میں شریک اسلامی بھائیوں کو بتایا گیا کہ کس طرح مستقل قفل مدینہ کا ذہن اپنایا جائے اور یومِ قفل مدینہ منایا جائے تاکہ گناہوں سے بچنے کے عزم کو مضبوط کیا جا سکے۔

اسی طرح اسلامی بھائیوں کو باطنی بیماریوں سے بچاؤ کے لئے نگاہیں جھکا کر چلنے، آنکھوں کو گناہوں سے پاک رکھنے، زبان کو فضول استعمال سے بچانے اور گناہوں سے بچنے کے لئے نیک اعمال کے مطابق زندگی گزارنے کا ذہن دیا گیا۔  اس کورس کے اختتام پر 30 ستمبر 2025ء کو اسلامی بھائیوں کا تحریری ٹیسٹ لیا گیا اور انہیں اسناد بھی دی گئیں ۔(رپورٹ: عاکف رضا عطاری معلم شعبہ مدنی کورسز ، کانٹینٹ:غیاث الدین عطاری)

شعبہ مدنی کورسز  دعوتِ اسلامی کے تحت مدرسۃالمدینہ فیضانِ سنت ڈیرہ مراد جمالی میں ہونے والے 7 دن کے فیضانِ نماز کورس کی اختتامی نشست 29 ستمبر 2025ء کو منعقد ہوئی جس میں شرکائے کورس سمیت دیگر اسلامی بھائیوں نے شرکت کی۔

اس موقع پر ڈویژن ذمہ دار شیر محمد عطاری نے ”استقامت“ کے موضوع پر سنتوں بھرا بیان کیا اور وہاں موجود اسلامی بھائیوں کو دعوتِ اسلامی کے دینی و فلاحی کاموں میں حصہ لینے کا ذہن دیا۔بعدازاں کورس مکمل کرنے والے اسلامی بھائیوں کو تحائف دیئے گئے جس پر انہوں نے اچھی اچھی نیتیں کیں۔(رپورٹ: سراج احمد عطاری معلم شعبہ مدنی کورسز ، کانٹینٹ:غیاث الدین عطاری)

ملتان، 24 ستمبر 2025ء کو دعوتِ اسلامی کے مدنی مرکز فیضان مدینہ انصاری چوک ملتان، پنجاب میں شعبہ مدنی کورسز کے تحت 3 دن کا رہائشی معلم کورس منعقد کیا گیا جس کا مقصد معلمین کی تربیت کرنا اور اُن کے اندازِ تدریس کو بہتر بنانا تھا تاکہ وہ دینی تعلیمات کو مؤثر انداز میں پھیلائیں۔

اس رہائشی معلم کورس میں ملتان ڈویژن کے نگران، سٹی و ڈسٹرکٹ نگران، تحصیل و ٹاؤن نگران اور ڈویژن و سٹی ذمہ دار اسلامی بھائیوں نے شرکت کی جن میں رکنِ شعبہ (پاکستان) مولانا اعجاز احمد عطاری مدنی، رکنِ شعبہ قاری محمدندیم عطاری (نگرانِ معلمین مدنی کورسز پاکستان) ، محمد عدنان عطاری اور محمد شہزاد عطاری شامل تھے۔

اس موقع پر ذمہ داران نے معلم کے اوصاف، اندازِ تدریس، 12 دینی کاموں کو مضبوط کرنے کے طریقے، ایک مؤثر معلم کے خصائص، ڈیٹا انٹری، لیڈرشپ، اذکار و مسائلِ نماز کے ٹیسٹ کا انداز و تربیت، فیضان نماز کورس کا شیڈول، پبلک ڈیلنگ اور ٹائم مینجمنٹ جیسے موضوعات پر گفتگو کی۔

اس کورس میں رکنِ مرکزی مجلسِ شوریٰ قاری محمد سلیم عطاری کی بھی خصوصی شرکت ہوئی جس میں انہوں نے معلمین کی گفتگو، تدریس کے انداز اور اپنی اسکلز کو مزید بہتر بنانے کے حوالے سے اہم نکات بیان کیا۔(رپورٹ: مولانا عاشق حسین عطاری مدنی شعبہ مدنی کورسز ملتان سٹی زمہ دار ، کانٹینٹ:غیاث الدین عطاری)

3 اکتوبر 2025 ء کو فیصل آباد ڈسٹرکٹ، پنجاب کی تحصیل جڑانوالہ کے مدنی مرکز فیضان مدینہ میں اسپیشل پرسنز ڈیپارٹمنٹ  دعوتِ اسلامی کے زیرِ اہتمام اسپیشل پرسنز کا تیسرا سالانہ اجتماع منعقد ہوا جس میں کثیر ڈیف اسلامی بھائیوں نے شرکت کی۔

اس موقع پر نگرانِ تحصیل نے سنتوں بھرا بیان کیا جس میں انہوں نے دعوتِ اسلامی کے دینی کاموں کے بارے میں بتایا اور سنتوں پر عمل کرنے کی ترغیب دلائی۔ شرکاء نے اس پیغام کو دل سے قبول کیا اور اپنی نیتوں کا اظہار بھی کیا۔

اس اجتماعِ پاک میں ڈویژن ذمہ دار نے اشاروں کی زبان میں ترجمانی کی تاکہ اسپیشل پرسنز بھرپور انداز میں علمِ دین حاصل کر سکیں۔ (رپورٹ: محمد سمیر عطاری اسلام آباد  میڈیا ڈیپارٹمنٹ اسپیشل پرسنز دعوت اسلامی، کانٹینٹ:غیاث الدین عطاری)

وزیرآباد، پنجاب- 26 ستمبر 2025ء :

پنجاب، پاکستان کے شہر وزیرآباد میں اسپیشل پرسنز ڈیپارٹمنٹ دعوتِ اسلامی کے تحت 26 ستمبر 2025ء کو ”اجتماعِ میلاد النبی صلَّی اللہ علیہ واٰلہٖ وسلَّم“ کا انعقاد کیا گیا جس میں اسپیشل پرسنز کی کثیر تعداد نے شرکت کی۔

اس موقع پر پاکستان سطح کے ذمہ دار محمد حنیف عطاری نے ”سیرتِ مصطفیٰ صلی اللہ علیہ وآلہ وسلم“ کے موضوع پر اشاروں کی زبان میں سنتوں بھرا بیان کرتے ہوئے حضور نبی کریم صلی اللہ علیہ وآلہ وسلم کی سیرت و تعلیمات کو مؤثر انداز میں پیش کیا ۔ آخر میں پنجاب کےصوبائی ذمہ دار محمد وقاص عطاری نے اشاروں کی زبان میں دعا کروائی۔(رپورٹ: محمد سمیر عطاری اسلام آباد  میڈیا ڈیپارٹمنٹ اسپیشل پرسنز دعوت اسلامی، کانٹینٹ:غیاث الدین عطاری)