شعبہ معاونت برائے اسلامی بہنیں دعوتِ اسلامی کے تحت 16 ستمبر 2026ء کو جیکب آباد، سندھ میں ایک مدنی مشورہ منعقد کیا گیا جس میں صوبائی ذمہ داران سمیت ڈویژن و ٹاؤن سطح کے ذمہ داران نے شرکت کی ۔

اس دوران نگرانِ شعبہ غلام الیاس عطاری نے تنظیمی امور کو مزید فعال بنانے کے لیے درج ذیل اہم امور پر گفتگو کی:

٭نئے مقامات پر ہفتہ وار اجتماعات کے باقاعدہ آغاز کا فیصلہ٭اسلامی بہنوں کے تمام دینی اور تنظیمی کاموں کو بہتر انداز میں سرانجام دینے کے لیے ان کی معاونت کو یقینی بنانا٭روحانی علاج کے بستوں کی تعداد اور فیضانِ صحابیات کے قیام و تعداد میں اضافے کے لیے حکمت عملی ۔(رپورٹ:طاہر اقبال عطاری شعبہ معاونت برائے اسلامی بہنیں پاکستان ، کانٹینٹ:غیاث الدین عطاری)

15 ستمبر 2026ء کو گھوٹکی، سندھ میں شعبہ معاونت برائے اسلامی بہنیں دعوتِ اسلامی کے تحت ایک اہم مدنی مشورہ منعقد ہوا  جس میں صوبائی، ڈویژن اور ٹاؤن سطح کے ذمہ دار اسلامی بھائیوں نے شرکت کی ۔

اس مدنی مشورے میں نگرانِ شعبہ غلام الیاس عطاری نے ذمہ دار اسلامی بھائیوں کی رہنمائی کرتے ہوئے درج ذیل امور پر گفتگو کی:

٭عوامی سہولت کے پیشِ نظر روحانی علاج کے بستوں میں اضافہ کیا جائے٭اسلامی بہنوں کے تمام دینی و تنظیمی کاموں کو مزید منظم انداز میں آگے بڑھانے کے لیے ان کی معاونت کو یقینی بنایا جائے۔(رپورٹ:طاہر اقبال عطاری شعبہ معاونت برائے اسلامی بہنیں پاکستان ، کانٹینٹ:غیاث الدین عطاری)

دعوتِ اسلامی کے شعبہ معاونت برائے اسلامی بہنیں کے تحت 19 ستمبر 2026ء کو حیدرآباد میں ایک مدنی مشورے کا انعقاد کیا گیا  جس میں شعبے کے صوبائی، ڈویژن اور ٹاؤن سطح کے ذمہ داران نے شرکت کی۔

نگرانِ شعبہ غلام الیاس عطاری نے مدنی مشورے میں گفتگو کرتے ہوئے تنظیمی امور کی بہتری اور دینی کاموں کو مزید منظم بنانے کے لیے درج ذیل امور پر کلام کیا:

پنجاب پاکستان کے شہر لاہور میں 26 ستمبر 2026ء کو شعبہ فیضان آن لائن اکیڈمی بوائز دعوتِ اسلامی کے تحت جامعۃ المدینہ آن لائن فیضانِ مدینہ کاہنہ نو برانچ لاہور شفٹ (Early Morning) کے ذمہ داران اور مدرسین کا مدنی مشورہ منعقد ہوا۔

اس موقع پر شعبہ جامعۃ المدینہ لاہور سٹی کے ڈویژن تعلیمی امور ذمہ دار مولانا فہد عطاری مدنی نےمدرسین کی رہنمائی کرتے ہوئے مختلف اہم تعلیمی امور پر گفتگو کی نیز مدرسین کے سوالات کے جوابات بھی دیے۔

مولانا فہد عطاری مدنی نے خصوصاً درج ذیل امور پر نکات بیان کیے:

٭گھر سے آن لائن کلاسز پڑھانے کے حوالے سے مدنی پھول پیش کیے گئے٭مدرس کی اپنی علمی قابلیت میں اضافے کے لیے قبل از وقت تیاری کی اہمیت کو اجاگر کیا گیا٭مدرسین کو عربی شروحات سے مطالعہ و تیاری کرنے کی ہدایت کی گئی٭ گروپ کلاسز کو مؤثر بنانے کا طریقۂ تدریس ٭ طلبہ میں تعلیم کے تحفظ، شوق اور دلچسپی کو بیدار کرنے کے حوالے سے رہنمائی۔ (رپورٹ:مولانا وقار یعقوب عطاری مدنی برانچ منیجر شعبہ فیضان آن لائن اکیڈمی بوائز ، کانٹینٹ:غیاث الدین عطاری)

دعوتِ اسلامی کے تحت 22 ستمبر 2026ء کو شعبہ فیضان آن لائن اکیڈمی بوائز کی برانچ پاکپتن کے مدرسین کا ماہانہ مدنی مشورہ منعقد ہوا  جس میں ڈویژن تعلیمی امورذمہ دار محمد شفیق عطاری نے شرکت کی۔

مدنی مشورے کے دوران ڈویژن تعلیمی امور ذمہ دار محمد شفیق عطاری نے مختلف موضوعات پر مدرسین کی رہنمائی کی اور تدریسی معیار کو بہتر بنانے کے لیے شعبے کی جانب سے طلبہ کے لیے طے کیے گئے ”نماز ڈے“ کے شیڈول کا تعین کرنے پر تفصیلی کلام کیا۔

قرآن و حدیث کی تعلیم عام کرنے والے  دعوتِ اسلامی کے شعبے فیضان آن لائن اکیڈمی بوائز کے تحت 25 ستمبر 2026ء کو دینگاہ و سرائے عالمگیر برانچ شفٹ قادری کا ماہانہ مدنی مشورہ ہوا جس میں مدرسین نے شرکت کی۔

اس مدنی مشورے میں گوجرانوالہ و راولپنڈی ڈویژن کے تعلیمی امور ذمہ دار حافظ جواد عطاری نے کورسز کے جائزے، تکمیلی مراحل اور مکمل کورس امتحانات میں طلبہ کے مسائل کے حل سمیت دیگر تعلیمی معاملات پر تفصیلی گفتگو کی۔مدنی مشورے کے اختتام پر تمام شرکا نے تعلیمی و دینی امور کے حوالے سے اچھی اچھی نیتوں کا اظہار کیا۔(رپورٹ:مولانا وقار یعقوب عطاری مدنی برانچ منیجر شعبہ فیضان آن لائن اکیڈمی بوائز ، کانٹینٹ:غیاث الدین عطاری)

20 ستمبر 2026ء کو دعوتِ اسلامی کے شعبہ فیضان آن لائن اکیڈمی بوائز کے تحت ملتان ڈویژن، پنجاب کی گنبدِ خضریٰ وہاڑی برانچ کا ماہانہ مدنی مشورہ منعقد ہوا جس میں مدرسین اور ذمہ داران نے شرکت کی ۔

مدنی مشورے میں ڈویژن تعلیمی امور ذمہ دار مولانا محمد آصف عطاری مدنی نے مختلف اہم نکات پر حاضرین کی رہنمائی کی جن میں سے بعض یہ ہیں:٭ قوتِ برداشت٭تدریسی کمیوں میں دفاعی سوچ اور ترقی والی سوچ کے فرق٭اصلاح پر وضاحت کے پروفیشنل انداز اور پیشہ ور بننے کے فارمولے ۔

اس کے علاوہ تعلیمی امور ذمہ دار مولانا محمد آصف عطاری مدنی نے نماز ڈے اور اپڈیٹ قاعدہ پریزینٹیشن کے حوالے سے چند اہم باتیں بتائیں اور دیگر اہم امور پر تبادلہ خیال کیا۔

بعدازاں مولانا محمد آصف عطاری مدنی نے اسلامی بھائیوں کے سوالات کے جوابات دیے اور شرکا نے مختلف دینی و تعلیمی کاموں کے حوالے سے اچھی اچھی نیتوں کا اظہار کیا۔(رپورٹ:مولانا وقار یعقوب عطاری مدنی برانچ منیجر شعبہ فیضان آن لائن اکیڈمی بوائز ، کانٹینٹ:غیاث الدین عطاری)

18 ستمبر 2026ء کو شعبہ فیضان آن لائن اکیڈمی بوائز دعوتِ اسلامی کے تحت  گوجرانوالہ برانچ کی شفٹ رضوی و عطاری کا ماہانہ مدنی مشورہ منعقد کیا گیا جس میں مدرسین اور ذمہ دار اسلامی بھائی شریک تھے ۔

اس مشورے میں گوجرانوالہ و راولپنڈی ڈویژن کے تعلیمی امور ذمہ دار حافظ جواد عطاری نے کورسز کے جائزے، تکمیلی مراحل اور مکمل کورس امتحانات میں طلبہ کے مسائل کے حل سمیت دیگر اہم تعلیمی معاملات پر تفصیلی گفتگو کی ۔

بعدازاں برانچ ناظم مولانا عطاء عطاری مدنی نے مدرسین کو دعوتِ اسلامی کے دینی کاموں میں حصہ لینے کا ذہن دیا جس پر تمام شرکا نے اچھی اچھی نیتوں کا اظہار کیا۔(رپورٹ:مولانا وقار یعقوب عطاری مدنی برانچ منیجر شعبہ فیضان آن لائن اکیڈمی بوائز ، کانٹینٹ:غیاث الدین عطاری)

گزشتہ روز خلیفہٴ امیرِ اہلسنت حضرت مولانا حاجی عبید رضا عطاری مدنی مدظلہ العالی نے دیگر ذمہ داران کے ہمراہ حیدرآباد کا دورہ کیا جہاں انہوں نے محمد راشد عطاری کی رہائش گاہ جا کر ان کی والدہ کے انتقال پر غم زدہ خاندان اور تمام لواحقین سے تعزیت کی۔

اس دوران خلیفۂ امیرِ اہلسنت مدظلہ العالی نے محمد راشد عطاری اور دیگر اہل خانہ سے ملاقات کرتے ہوئےاُن کی والدہ کی وفات پر افسوس اور ہمدردی کا اظہار کیا نیز لواحقین کی تسلی و دلجوئی کی اور انہیں مرحومہ کے لیے زیادہ سے زیادہ ایصالِ ثواب کرنے کی ترغیب دلائی۔

عاشقانِ رسول کی دینی تحریک دعوتِ اسلامی کے تحت عالمی مدنی مرکز فیضانِ مدینہ کراچی میں خلیفہٴ امیرِ اہلسنت حضرت مولانا حاجی عبید رضا عطاری مدنی مدظلہ العالی عاشقانِ رسول سے عام ملاقات فرمائیں گے۔

دعوتِ اسلامی کے ذرائع کے مطابق یہ اہم ملاقات آج 07 اکتوبر 2026ء بروز بدھ کو بعد نمازِ عصر انعقاد پذیر ہوگی جبکہ عصر کی جماعت کا وقت شام 5:00 بجے ہے۔ملاقات کے دوران خلیفہٴ امیرِ اہلسنت عاشقانِ رسول کو مختلف مدنی پھولوں سے نوازیں گے اور انہیں تحائف بھی عنایت فرمائیں گے۔

دعوتِ اسلامی کےزیرِ اہتمام عالمی مدنی مرکز فیضانِ مدینہ کراچی میں 3 اکتوبر 2026ء بمطابق 21 ربیع الآخر 1448ھ کو ہفتہ وار مدنی مذاکرے کا انعقاد کیا گیا جس میں ملک و بیرونِ ملک سے عاشقانِ رسول نے کثیر تعداد میں  براہِ راست اور بذریعہ مدنی چینل شرکت کی۔

مدنی مذاکرے کا باقاعدہ آغاز تلاوتِ کلامِ پاک سے ہوا جس کے بعد مدحِ رسول صلَّی اللہ علیہ واٰلہٖ وسلَّم میں نعتِ شریف کا نذرانہ پیش کیا گیا۔ مدنی مذاکرے کے دوران مختلف سوال و جواب ہوئے جس میں شرکا نے روزمرہ کے شرعی مسائل، اخلاقیات اور تنظیمی امو ر سے متعلق سوالات پیش کیے۔

اس موقع پر شیخِ طریقت، امیرِ اَہلِ سنّت، بانیِ دعوتِ اسلامی حضرت علّامہ مولانا ابوبلال محمد الیاس عطّاؔر قادری رضوی دامت بَرَکَاتُہمُ العالیہ نے عاشقانِ رسول کے سوالات کے جامع اور حکمت بھرے جوابات ارشاد فرمائے جن میں سے بعض درج ذیل ہیں:

سوال:ایک پوسٹ میں لکھا تھا:کسی کا بھلانہ ہوسکے تو بُراکرنے کی کوشش نہ کرو دُنیاکمزورہے لیکن دنیا بنانے والا کمزورنہیں ؟

جواب: یہ نیکی کی دعوت اوربُرائی سےبچانے والی پوسٹ ہے یعنی کسی کو نفع نہیں دے سکتے تو نقصان بھی نہ پہنچاؤ،کسی کا دل خوش نہیں کرسکتے تو کسی کا دل نہ دکھاؤ،کسی سے بُرائی نہیں کرنی چاہئے ،دوسروں کواپنے شرسےبچاناجہنم سے بچنے اورجنت میں لےجانے والاکام ہے،اسے صدقہ بھی کہاگیا ہے ۔بندہ کمزورہے مگراللہ پاک تمام مخلوق سے بڑھ کر طاقتورہے۔

سوال: حقوق العبادکا معاملہ کیساہے ؟

جواب:حقوق العبادیعنی لوگوں کے حقوق کا معاملہ بہت سخت ہے ۔

سوال:استادصاحبان طلبہ(Students) کی کس طرح حوصلہ افزائی کریں ؟

جواب:محتاط الفاظ میں حوصلہ افز ائی کریں ،جھوٹ نہیں ہوناچاہئے ۔

سوال:لوگ طرح طرح کےسوالات کرتے ہیں،اس بارے میں آپ کیا فرماتے ہیں ؟

جواب:اس طرح کے سوالات نہیں کرنے چاہئیں جس سے سامنے والاجھوٹ میں پڑجائے ،بہتریہ ہے کہ ایسے سوالات ہی نہ کئے جائیں ۔

سوال: دعوتِ اسلامی کے دِینی ماحول سے منسلک ہونے کا کیافائدہ ہوتاہے؟

جواب:دعوتِ اسلامی میں آجائیں ،دِینی کام کریں ،پانچوں نمازوں کے عادی ہوجائیں گے ،سُنّتوں پر عمل کرنے کا جذبہ ملے گا، دِین کے بنیادی علم سے آگاہی ہوگی ۔قرآنِ کریم پڑھنا نہیں آتاہوگا تو درست قرآن پڑھناآجائے گا ۔

سوال: بہت بڑے محدث جن کےالقابات خاتم المُحَققین، محقق الاطلاق ہیں، جن کا آج (21ربیع الآخر) یومِ عرس ہے اور امیراہل سنت دامت بَرَکَاتُہمُ العالیہ نے ان کے لیے ایصالِ ثواب بھی کیا ،ان کا نام کیا ہے ؟

جواب:شیخ عبدالحق محدثِ دہلوی رحمۃ اللہ علیہ ۔

سوال:امام شافعی رحمۃ اللہ علیہ کے تقویٰ کا کیا عالَم تھا ؟

جواب: آپ نے تقویٰ (خوفِ خدا) کی وجہ سے جُھوٹی قسم تو دُورکی بات کبھی سچی قسم بھی نہیں کھائی۔

سوال:حافظے کی کمزوری کی وجوہات کیا ہیں ؟

جواب:گناہ کرنے ،کھٹی چیزیں کھانے ،بدنگاہی کرنے ،عصرکے بعد سونے وغیرہ سے حافظہ کمزورہوتاہے ،مکتبۃ المدینہ کی کتاب ”حافظہ کیسے مضبوط ہو؟“کا مطالعہ کریں ۔

سوال: سبق یادہونے کے لیے کیا کرنا چاہئے ؟

جواب:سبق باربارپڑھنےاورپھر اس کا تکرارکرنے سے وہ یاد ہو جاتاہے ۔

سوال:مقدس چیزوں کا ادب کیسے کریں ؟

جواب: اللہ کرے ہم باادب ہوجائیں ،جتنا ہوسکے مقدس چیزوں کا ادب کریں ،بیت اللہ شریف کی طرف پاؤں نہ کریں، قرآن پاک کو پیٹھ نہ ہو۔جب پڑھنے بیٹھیں یاسبق یاد کرنے لگیں تو کعبہ شریف کی طرف منہ کرلیں ۔جہاں ہوسکےجب بیٹھیں تو کعبہ شریف کی طرف منہ کرلیں ،یہ نبیِ کریم صلی اللہ علیہ والہ وسلم کی سنت بھی ہے ۔

سوال: اس ہفتے کے رسالے ’’پیدل چلنے کے فوائد‘‘پڑھنے والے کو امیراہل سنت دامت برکاتہم العالیہ نے کیادعادی ؟

عاشقانِ رسول کی دینی تحریک دعوتِ اسلامی کے تحت عالمی مدنی مرکز فیضانِ مدینہ کراچی میں 26 ستمبر 2026ء (بمطابق 14 ربیع الآخر 1448ھ) کو ہفتہ وار مدنی مذاکرے کا انعقاد کیا گیا جس میں ملک بھر کے ساتھ ساتھ دنیا بھر سے عاشقانِ رسول کی ایک کثیر تعداد براہِ راست اور بذریعہ مدنی چینل شریک ہوئی۔

مدنی مذاکرے کا آغاز تلاوتِ کلامِ پاک سے کیا گیا جس کے بعد بارگاہِ رسالت مآب صلَّی اللہ علیہ واٰلہٖ وسلَّم میں عقیدت و احترام کے ساتھ نعت شریف پیش کی گئی۔ مذاکرے کے دوران سوال و جواب کی نشست بھی ہوئی جس میں مختلف دینی، فکری، اخلاقی اور تنظیمی مسائل پر گفتگو کی گئی۔

شیخِ طریقت، امیرِ اَہلِ سنّت، بانیِ دعوتِ اسلامی حضرت علّامہ مولانا ابوبلال محمد الیاس عطّاؔر قادری رضوی دامت بَرَکَاتُہمُ العالیہ نے شرکا کی جانب سے کیے گئے سوالات کے انتہائی فہم و فراست، علم و حکمت اور شرعی دلائل کے ساتھ جوابات ارشاد فرمائے ۔

مدنی مذاکرے کے بعض سوال و جواب

سوال: کیا خواب کی تعبیر بتانا بھی کوئی فن ہے ؟

جواب: جی ہاں! اور یہ فن سیکھنے سے آتا ہے ،ہر”مدنی“ (دعوتِ اسلامی کے جامعۃ المدینہ سے درسِ نظامی کرنے والوں کو مدنی کہا جاتاہے) بھی اسے نہیں جانتا۔ تعبیر وہ بتائے جو عالم ہو، قرآن و حدیث پر اس کی نظر ہو، چلتے پھرتے کسی سے پوچھا بھی نہ جائے۔مَیں نے یہ فن نہیں سیکھا ،اس لیے میں خواب کی تعبیر نہیں بتاتا۔

سوال:ا یک پوسٹ میں لکھا تھا:”اچھے لوگوں کی سنگت میں رہا کرو کیونکہ سُنار(یعنی سونے Gold کا کام کرنے والے) کا کچرا بھی بادام سے مہنگا ہوتا ہے“۔

جواب: اچھی مثال دی ہے ۔سُنار کے کچرے میں سونے(Gold) کے ذرات ہوتے ہیں ،اس لیے وہ بادام سے مہنگا ہوتا ہے ۔حدیث پاک میں اچھی صحبت کی مثال عطر والے کی دی ہے کہ عطر والے کے پاس جاؤ گے تو وہ یا تو تمہیں عطر دے گا یا اس کی خوشبو تمہیں پہنچے گی۔اچھے بندے کی صحبت بہت بڑی نعمت ہے ۔حضرت سفیان بن عیینہ رحمۃ اللہ علیہ کا فرمان ہے کہ عِنْدَ ذِکْرِ الصَّالِحِیْنَ تَنَزَّلُ الرَّحْمَۃ یعنی نیک لوگوں کے ذِکر کے وقت رحمت نازل ہوتی ہے۔(حلیۃ الاولیاء، رقم10750، ج7 /335) امام غزالی رحمۃ اللہ علیہ نے فرمایا ہے کہ نیک بندے کے ذکر سے رحمت اُترتی ہے تو اس نیک بندے پر کتنی رحمت اُترتی ہو گی اور جو اس کی صحبت میں رہے گا اس پر کتنی رحمت اُترے گی ۔صحبت اچھی ہونی چاہئے ،صحبتِ صالح تُرا صالح کُنَدْ یعنی نیکوں کی صحبت تجھے نیک بنا دے گی ،صحبت ِطالح تُرا طالع کُنَدْ یعنی بُرے کی صحبت تجھے بُرا بنا دے گی ۔

سوال: کس کی صحبت اختیار کی جائے، کیا اس کا کوئی معیار (Standard) بھی ہے ؟

جواب: اس دور میں اعلیٰ حضرت امام احمد رضا خان رحمۃ اللہ علیہ کو اپنا معیار بنا لیں ،ان کا ذکر سُن کر جس کا چہرہ کِھل اُٹھے اس کی صحبت اختیار کرو اور جس کا چہرہ مُرجھا جائے اس سے دُور بھاگو۔

سوال: غربت سے نجات کا روحانی علاج کیا ہے ؟

غُربت سے نجات کا روحانی علاج

يَا مَلِكُ 90 بار روزانہ جو پڑھ لیا کرے وہ اِنْ شَاءَ اللہِ الکریم غُربت و تنگدستی سے نجات پائے۔

یقیناً اللہ پاک چاہے تو ہی فائدہ ہو۔

مشورہ کسی قاری صاحب کو سنا دیجئے۔

تاکید نمازوں کی پابندی کیجئے اور لوگوں کی ناحق دل آزاری سے بچئے۔

فائدے کی بات روزانہ صبح صدقہ نکال دیجئے چاہے ایک روپیہ ہی ہو۔

سوال: لوگوں میں محبت و خیر خواہی کم اور حسد و دشمنی زیادہ کیوں نظر آتی ہے ،دل کو صاف اور خوف والی زندگی کے لیے کیا کرنا چاہئے ؟

جواب: علمِ دین کی کمی اور اچھی صحبت نہ ہونے کی وجہ سے لوگوں میں محبت و خیر خواہی کم اور حسد و دشمنی زیادہ ہے ۔علمِ دین حاصل نہ کرنے کی وجہ سے غیبت اور چغلی کے بارے میں معلومات نہیں ۔جھوٹ اتنا بولا جا رہا ہے کہ سمجھ نہیں پڑتی ہے کہ یہ جھوٹ ہے یا نہیں ۔علمِ دین اور اچھی صحبت ہو گی تو نیکی اور گنا ہ کی پہچا ن ہو گی، گناہوں میں کمی آئے گی اور خوفِ خدا پیدا ہو گا۔ اس کے لیے دینی کتابیں پڑھیں۔سوشل میڈیا پر اُلٹے سیدھے کلپ دیکھنا گویا کیچڑ میں لَوٹ پَوٹ ہونا ہے ۔پھر کہنا کہ کپڑے کیوں صاف نہیں رہتے ۔کپڑے صاف رکھنا چاہتے ہیں تو کیچڑ سے جان چھڑانا ہو گی۔گھر میں درس دیں ، صرف مدنی چینل دیکھیں۔

سوال: جس کو ہر ایک پر تنقید کرنے کی عادت ہو تو اس کی اصلاح کیسے ہو؟

جواب: اسے قفلِ مدینہ لگانا (یعنی اپنی زبان کی حفاظت کرتے ہوئے حتی الامکان فضول گفتگو سے بچنا) چاہئے اور حُسنِ ظن کے جام پینا(یعنی کسی کے بارے میں ہمیشہ اچھا سوچنا،اچھا خیال رکھنا) سیکھنا چاہئے ،حدیثِ پاک ہے کہ اچھا خیال اور گمان کسی کے لیے قائم کرنا اچھی عبادت سے ہے ۔وہ شخص یہ عبادت اپنا لے ۔ہر ایک کو اپنے سے بہتر سمجھے ،بڑی عمر والا ہے تو اسے بہتر سمجھے کہ اسے عبادت کا زیادہ موقع ملا ہے ،چھوٹا ہے تواسے بہتر سمجھے کہ اس کے گناہ مجھ سے کم ہوں گے۔ سنجیدگی سے حُسنِ ظن(یعنی ہمیشہ اچھا گُمان رکھنے ) کی عادت بنائیں گے توتنقید کی عادت بدل جائے گی ۔کوشش کریں گے تو کامیابی ہو گی ۔ تنقید کرنے والے کی مثال مکھی کی طرح ہے جو پورے درست بدن کو چھوڑ کر زخم پر ہی بیٹھتی ہے ۔

سوال: علمِ دین حاصل کرنا کتنا اہم ہے ؟

جواب:علمِ دین حاصل کرنا ،علمِ دین کی باتیں سننا عبادت ہے ۔یہ ذکرو اذکار سے بڑی عبادت ہے۔اس سے ہماری دِینی معلومات ،اپنی اصلاح ،ایمان کی حفاظت کی صورتیں بنتی ہیں ،نفل روزے رکھنے سے علمِ دین حاصل کرنے میں رکاوٹ ہو تو نفل روزے نہ رکھے جائیں ۔نوافل کی مصروفیت اچھی چیز ہے مگر علمِ دین حاصل کرنے کی مصروفیت اس سے افضل ہے ۔دینی کتاب پڑھ کر بھی علمِ دین حاصل ہوتا ہے ۔نیکی کی دعوت پر مشتمل دعوتِ اسلامی کے سوشل میڈیا پلیٹ فارم سے جاری ہونے والے مختلف کلپس سننے سے بھی علمِ دین حاصل ہو گا۔

سوال: دُرودِ پاک کس نیت سے پڑھنا چاہئے کہ ثواب زیادہ ملے ؟

جواب: سرکار صلی اللہ علیہ و الہ وسلم کی تعظیم کی نیت سے دُرود شریف پڑھیں ۔حقیقت میں یہ دعا ہے اور سب سے افضل دعا ہے اور سرکار صلی اللہ علیہ و الہ وسلم پر دُرود پڑھنا،نبی علیہ الصلوۃ والسلام کا اُمّت پر حق ہے ۔

سوال: مسکین کو اپنے ہاتھ سے صدقہ دینے کا کیا فائدہ ہے؟

جواب: مسکین کو اپنے ہاتھ سے صدقہ دینا بُری موت سے بچاتا ہے ،اس لیے اپنے ہاتھ سے کچھ نہ کچھ خیرات کرنی چاہئے ۔

سوال: صَحَاحِ سِتَّہ سے کیا مراد ہے ؟

جواب: صَحَاحِ سِتَّہ حدیث پاک کی 6 مشہور کتابوں کو کہتے ہیں (بخاری، مسلم ،ترمذی ، ابنِ ماجہ ،ابو داؤد اور نِسائی) ۔

سوال: اِس ہفتے کارِسالہ ” گیارہویں شریف کی برکتیں‘‘ پڑھنے یا سُننے والوں کو امیر اہل سنت دامت برکاتہم العالیہ نے کیا دُعا دی ؟

جواب: یا اللہ پاک! جو کوئی 28 صفحات کا رسالہ”گیارہویں شریف کی برکتیں“پڑھ یا سُن لے ،اُسے ہر ماہ گیارہویں شریف منانے کی سعادت عنایت فرما ، اس کو قیامت میں غوث پاک کے غلاموں میں اُٹھا اور ماں باپ سمیت جنت الفردوس میں بے حساب داخلہ نصیب فرما ۔اٰمِیْن بِجَاہِ خَاتَمِ النَّبِیّٖن صلَّی اللہ علیہ واٰلہٖ وسلَّم