شعبہ اصلاحِ اعمال دعوتِ اسلامی کے تحت پچھلے دنوں صوبہ پنجاب کے شہر ڈیرہ غازی خان میں ”تہجد اجتماع“ کا اہتمام کیا گیا جس میں ذمہ داران سمیت مقامی عاشقانِ رسول نے شرکت کی۔

اس موقع پر مبلغِ دعوتِ اسلامی غلام عباس عطاری نے دیگر عاشقانِ رسول کے ہمراہ نمازِ تہجد باجماعت ادا کی اور دعا کی نیز تلاوتِ قراٰن اور نمازِ فجر کے لئے مسلمانوں کو جگانے کا سلسلہ بھی رہا۔

بعد نمازِ فجر سیکھنے سکھانے کا حلقہ لگایا جس میں مبلغِ دعوتِ اسلامی نے سنتوں بھرا بیان کرتےہوئے وہاں موجود عاشقانِ رسول کو دعوتِ اسلامی کے دینی کاموں میں حصہ لینے کی ترغیب دلائی جس پر انہوں نے اچھی اچھی نیتیں کیں۔(رپورٹ: شعبہ حج و عمرہ ، کانٹینٹ:غیاث الدین عطاری)

شعبہ حج و عمرہ دعوتِ اسلامی کے تحت عمرہ پر جانے والے عاشقانِ رسول کے لئے  8 اکتوبر 2025ء کو جامع مسجد قادری واڑی تر سکھر میں عمرہ ٹریننگ پروگرام کا انعقاد کیا گیا جس کا مقصد زائرین کی عمرہ کے حوالے سے تربیت کرنا اور انہیں نیک اعمال کی ترغیب دینا تھا۔

اس ٹریننگ پروگرام میں شعبے کے رکنِ ڈویژن عبدالرزاق عطاری نے عمرہ کے متعلق شرکا کی رہنمائی کرتے ہوئے نیک اعمال کے موضوع پر بیان کیا اور زائرین کو احرام باندھنے کا عملی طریقہ۔

اس کے علاوہ رکنِ ڈویژن نے بذریعہ پروجیکٹر طواف و سعی کے احکامات بتائے نیز سفر مکہ مدینہ کے دوران عبادت اور تلاوت قرآن، ذکر و درود شریف میں مصروف رہنے کی نیتیں کروائیں۔(رپورٹ: شعبہ حج و عمرہ ، کانٹینٹ:غیاث الدین عطاری)

شعبہ حج و عمرہ دعوتِ اسلامی کے تحت عمرہ پر جانے والے عاشقانِ رسول کے لئے  5 اکتوبر 2025ء کو ڈسٹرکٹ شکارپور، سندھ میں قائم مدنی مرکز فیضانِ مدینہ میں عمرہ ٹریننگ پروگرام کا انعقاد کیا گیا جس کا مقصد زائرین کی عمرہ کے حوالے سے تربیت کرنا اور انہیں نیک اعمال کی ترغیب دینا تھا۔

اس ٹریننگ پروگرام میں شعبے کے رکنِ ڈویژن عبدالرزاق عطاری نے عمرہ کے متعلق شرکا کی رہنمائی کی اور نیک اعمال کے موضوع پر بیان کیا جبکہ زائرین کو احرام باندھنے کا عملی طریقہ، طواف و سعی کے احکامات اور سفر مکہ مدینہ کے دوران عبادت، تلاوت قرآن، ذکر و درود شریف میں مصروف رہنے کی نیتیں کرنے کا ذہن دیا۔(رپورٹ: شعبہ حج و عمرہ ، کانٹینٹ:غیاث الدین عطاری)

7 اکتوبر 2025ء کو دعوتِ اسلامی کے مدنی مرکز فیضانِ مدینہ سرگودھا میں شعبہ فیضان آن لائن اکیڈمی بوائز کے تحت  برانچ کی ماہانہ میٹنگ منعقد کی گئی جس میں برانچ ناظم، شفٹ ناظم، شفٹ تعلیمی ذمہ داران اور مدرسین نے شرکت کی۔

اس موقع پر رکنِ شعبہ مولانا غلام عباس عطاری مدنی نے حاضرین کو روزانہ اپنا محاسبہ کرنے اور 12 دینی کاموں میں حصہ لینے بالخصوص 72 نیک اعمال کا عامل بننے کی ترغیب دلائی۔

اس کے علاوہ رکنِ شعبہ نے مدرسین سمیت تمام ذمہ دار اسلامی بھائیوں کو اپنی پیاری تحریک دعوتِ اسلامی کے لئے زیادہ سے زیادہ ٹیلی تھون جمع کرنے کا ذہن دیا جس پر انہوں نے اچھی اچھی نیتوں کا اظہار کیا۔(رپورٹ:محمد وقار یعقوب عطاری مدنی برانچ منیجر فیضان آن لائن اکیڈمی ، کانٹینٹ:غیاث الدین عطاری)

اسپیشل پرسنز کو دینِ اسلام کی تعلیمات سے آگاہ کرنے والے اسپیشل پرسنز ڈیپارٹمنٹ دعوتِ اسلامی کے تحت گزشتہ روز ضلع راولپنڈی، پنجاب کے اسپیشل ایجوکیشن سینٹر کہوٹہ میں سیکھنے سکھانے کا حلقہ لگایا گیا جس میں اسپیشل اسٹوڈنٹس نے شرکت کی۔

اس حلقے میں اسپیشل پرسنز ڈیپارٹمنٹ کے ذمہ دار نعیم سلطان عطاری نے اشاروں کی زبان میں اسپیشل اسٹوڈنٹس کو مختصر نیکی کی دعوت پیش کی اور انہیں اپنے والدین کا ادب و احترام کرنے کا ذہن دیتے ہوئے دعوتِ اسلامی کے نیک اجتماعات میں شرکت کرنے کی ترغیب دلائی جس پر انہوں نے اچھی اچھی نیتیں کیں۔(رپورٹ: اسپیشل پرسنز ڈیپارٹمنٹ ، کانٹینٹ:غیاث الدین عطاری)

لوگوں کو قراٰن و حدیث کی تعلیم دینے والے شعبے فیضان آن لائن اکیڈمی بوائز دعوتِ اسلامی کے تحت 7 اکتوبر 2025ء کو تمام ڈویژن تعلیمی امور ذمہ داران کی ماہانہ  آن لائن میٹنگ منعقد ہوئی۔

اس میٹنگ میں رکن شعبہ تعلیمی امور (جامعۃ المدینہ فیضان آن لائن اکیڈمی بوائز) مولانا محمد عرفان رضا عطاری مدنی نے ذمہ دار اسلامی بھائیوں سے ماہانہ میٹنگ کے مدنی پھولوں پر گفتگو کرتے ہوئے اُن کی جانب سے ہونے والے سوالات کے جوابات دیے۔

اس کے علاوہ پاکستان آفس کے ذمہ دار مولانا حامد رضا عطاری مدنی نے برانچز شیڈول کے متعلق تعلیمی امور ذمہ دار اسلامی بھائیوں کی رہنمائی کی اور انہیں احسن انداز میں اپنا کام کرتے رہنے کا ذہن دیا۔

اس میٹنگ میں مولانا علی ہاشمی عطاری مدنی (رکن شعبہ جامعۃ المدینہ گرلزڈیپارٹمنٹ)، سید فرقان شاہ عطاری (گروپ کلاسز ذمہ دار)، مولانا غلام علی مدنی (عربی لینگویج ذمہ دار) اور ایجوکیشن ہیلپ لائن ذمہ داران شریک تھے۔(رپورٹ:محمد وقار یعقوب عطاری مدنی برانچ منیجر فیضان آن لائن اکیڈمی ، کانٹینٹ:غیاث الدین عطاری)

بہاولپور، پنجاب میں واقع دعوتِ اسلامی کے مدنی مرکز فیضانِ مدینہ میں 3 اکتوبر 2025ء کو شعبہ فیضان آن لائن اکیڈمی بوائز کے تحت بہاولپور ڈویژں کے  برانچ منیجرز کا مدنی مشورہ ہوا جس میں ڈویژن ذمہ دار مولانا نعیم رضا عطاری مدنی بھی شریک ہوئے۔

صوبائی ذمہ دار مولانا عامر سلیم عطاری مدنی نے ٹیلی تھون مہم 2025ء کی کارکردگی کا جائزہ لیتے ہوئے اس مہم میں زیادہ سے زیادہ اپنا حصہ ملانے کی ترغیب دلائی جس پر وہاں موجود منیجرز نے اچھی اچھی نیتیں کیں۔(رپورٹ:محمد وقار یعقوب عطاری مدنی برانچ منیجر فیضان آن لائن اکیڈمی ، کانٹینٹ:غیاث الدین عطاری)

دارالمدینہ انٹرنیشنل اسلامک اسکول سسٹم میں 1500سالہ جشنِ ولادتِ مصطفیٰ صلَّی اللہ علیہ واٰلہٖ وسلَّم کی خوشی میں میلاد کمپٹیشن کا انعقاد کیا گیا جس میں طالبات کے درمیان قرأت، نعت، بیان اور حفظِ حدیث کے مقابلے منعقد ہوئے۔

حفظِ حدیث کے مقابلے امیرِ اہلِ سنت حضرت علامہ مولانا محمد الیاس عطار قادری دامت برکاتہم العالیہ کی کتاب ”اربعینِ عطّار“ سے منتخب چالیس احادیثِ مبارکہ پر مبنی تھے۔

مقابلوں کی مرحلہ وار ترتیب:

ابتدائی مرحلے میں کیمپس لیول پر طالبات کے درمیان قرأت، نعت، بیان اور حفظِ حدیث کے مقابلے ہوئے جن میں حفظِ حدیث کے شرکا نے بیس احادیث یاد کیں جس کے بعد سٹی لیول پر مقابلہ ہوا جہاں تعداد چالیس احادیث تک بڑھا دی گئی۔

آخر میں فائنل سندھ لیول کا انعقاد ہوا جس میں طالبات نے نہایت جذبے، شوق اور درست تلفظ کے ساتھ عربی متن و اردو ترجمہ یاد کر کے اپنے عشقِ رسول صلَّی اللہ علیہ واٰلہٖ وسلَّم کا عملی مظاہرہ کیا۔

حفظِ حدیث کے سندھ لیول کے نتائج:

٭پہلی پوزیشن(حفظ ِ حدیث): بنتِ عبد الواحد – آرام باغ کیمپس، کراچی ریجن۔

٭دوسری پوزیشن(حفظ ِ حدیث): بنتِ محمد فیصل – ایف بی ایریا گرلز ہائی اسکول، کراچی ریجن۔

٭تیسری پوزیشن(حفظ ِ حدیث): بنتِ محمد عدنان – لطیف آباد گرلز کیمپس، حیدرآباد ریجن

9 اکتوبر 2025ء:

ناظم آباد ڈسٹرکٹ کراچی کے علاقے لیاقت آباد ٹاؤن میں شعبہ کفن دفن دعوتِ اسلامی کے تحت ایک سیشن کا انعقاد کیا گیا جس میں غسل میت، کفن دفن اور کفن کاٹنے / پہنانے کے طریقۂ کار پر تربیت کی گئی۔

اس سیشن کے دوران شعبہ کفن دفن کے ذمہ دار عزیر عطاری نے حاضرین کو کفن کاٹنے، میت کو غسل دینے اور اس کی فضیلت و اہمیت کے بارے میں بتاتے ہوئے ان سب کا پریکٹیکل کرکے بتایا۔

اس موقع پرجامع مسجد فیضانِ رمضان کے امام صاحب، ٹاؤن ذمہ دار شعبہ کفن دفن فرید عطاری اور دیگر نمازی حضرات نے شرکت کی۔ (رپورٹ: شعبہ کفن دفن ، کانٹینٹ:غیاث الدین عطاری)

08 اکتوبر 2025ء:

فیصل آباد کے جڑانوالہ روڈ پر واقع اسپیشل ایجوکیشن میں دعوتِ اسلامی کے تحت 8 اکتوبر 2025ء کو اسپیشل بچوں کے لئے ایک ٹریننگ سیشن کا انعقاد کیا گیا جس میں ڈویژن ذمہ دار محمد سہیل عطاری صاحب نے بچوں کی دینی و اخلاقی تربیت پر زور دیا۔

اس موقع پر انہوں نے اسپیشل بچوں کو والدین اور اساتذہ کا ادب و احترام کرنے کی اہمیت سے آگاہ کیا اور ایک مفید لیکچر دیا جس پر وہاں موجود اسپیشل بچوں نے دعوتِ اسلامی کے ذمہ دار اسلامی بھائیوں کا شکریہ ادا کیا اور دوبارہ ایسے ٹریننگ سیشن منعقد کروانے کی درخواست کی۔(رپورٹ:محمد عثمان عطاری فیصل آباد سٹی ڈیف ذمہ دار ، کانٹینٹ:غیاث الدین عطاری)

دعوتِ اسلامی کے تحت اسلامی بہنوں  میں دینی کاموں کو مزید احسن انداز میں آگے بڑھانے کے لئے29 ستمبر 2025ء کو ساؤدرن ایشیا بنگلہ دیش کی سب کانٹیننٹ ذمہ داران کا ٹیلی تھون 2025ء کے سلسلے میں بذریعہ انٹرنیٹ مدنی مشورہ منعقد ہوا جس میں اہم سطح کی ذمہ دار اسلامی بہنوں نے آن لائن شرکت کی۔

معلومات کے مطابق اس مدنی مشورے میں نگرانِ عالمی مجلسِ مشاورت اسلامی بہن نے ڈونر کا ڈیٹا بڑھانے، بھرپور طریقے سے ڈونیشن(عطیات) پر کوشش کرنے اور روزانہ کی بنیاد پر اپنے شعبہ معاونت کو کارکردگی سے آگاہ کرنے پر گفتگو کی۔

اسی طرح نگرانِ عالمی مجلسِ مشاورت نے جو پہلے اجتماع میں آتی تھیں، اب نہیں آتیں اور جو پہلے مدرسۃالمدینہ بالغات پڑھاتی تھیں، اب نہیں پڑھاتیں اُن پر مزید انفرادی کوشش کرنے کا ذہن دیا۔

آخر میں نگرانِ عالمی مجلسِ مشاورت نے ذمہ دار اسلامی بہنوں کی ذہن سازی کرتے ہوئے انہیں زیادہ سے زیادہ ٹیلی تھون کرنے کی ترغیب دلائی جس پر انہوں نے اچھی اچھی نیتوں کا اظہار کیا۔

دعوتِ اسلامی کے تحت اسلامی بہنوں کے عالمی سطح پر ہونے والے دینی کاموں کے سلسلے میں 29 ستمبر 2025ء کو عالمی مجلسِ مشاورت کی ذمہ دار اسلامی بہنوں کی میٹنگ ہوئی۔

معلومات کے مطابق کراچی میں موجود عالمی مجلسِ مشاورت کی اراکین نے براہِ راست جبکہ اورسیز میں مقیم اراکینِ عالمی مجلسِ مشاورت نے بذریعہ انٹرنیٹ شرکت کی۔

میٹنگ کے دوران بیان کئے جانے والے مدنی پھولوں کے بعد اراکینِ عالمی مجلسِ مشاورت کے تحت آنے والے سب کانٹیننٹ، شعبہ جات کے دینی کاموں کی کارکردگی اور سفرِ کارکردگی کا جائزہ بذریعہ پریزنٹیشن بتایا گیا۔

اس کے علاوہ اسپیشل پرسنز ڈیپارٹمنٹ گرلز اور کفن دفن ڈیپارٹمنٹ گرلز کے تحت ہونے والے دینی کاموں کا تعارف، کارکردگی نیز آئندہ کی پلاننگ پریزنٹیشن کے ذریعے پیش کی گئی۔