6 اکتوبر 2025 ء، فیضانِ صحابیات کراچی:

دعوتِ اسلامی کے تحت اسلامی بہنوں کے مدنی مرکز فیضانِ صحابیات کراچی میں 6 اکتوبر 2025ء کو عالمی مجلسِ مشاورت کی میٹنگ منعقد ہوئی جس میں اورسیز میں رہنے والی اراکین اسلامی بہنوں نے آن لائن جبکہ انٹرنیشنل افیئرز ڈیپارٹمنٹ اور فیضان آن لائن اکیڈمی گرلز سمیت فیضانِ صحابیات کی ذمہ داران نے براہِ راست شرکت کی۔

میٹنگ میں مختلف اہم نکات پر مشاورت کی گئی جن میں سے بعض درج ذیل ہیں:

٭ اوورسیز نگرانوں کے سنتوں بھرے اجتماع کے انعقاد٭اسلامی بہنوں میں اس کی دعوت عام کرنا٭اجتماع کے انتظامات و شیڈول٭اجتماع کو مؤثر، منظم اور نمایاں انداز میں کرنا۔

عاشقانِ رسول کی دینی تحریک دعوتِ اسلامی کے تحت اسلامی بہنوں  میں دینی کاموں کو مزید احسن انداز میں آگے بڑھانے کے لئے 7 اکتوبر 2025ء کو آن لائن مدنی مشورہ منعقد ہوا جس میں پنجاب و سندھ سمیت ملکی و عالمی سطح کی دارالمدینہ ذمہ داران، اورسیز سے کینیا، نیپال اور بنگلہ دیش کی دارالمدینہ ذمہ داران نیز فنانس ڈیپارٹمنٹ کی عالمی سطح ذمہ دار شریک ہوئیں۔

تفصیلات کے مطابق مدنی مشورے کے دوران نگرانِ عالمی مجلسِ مشاورت اسلامی بہن نے ٹیلی تھون کا تعارف کرواتے ہوئے روان سال 2025ء میں ہونے والے ٹیلی تھون مہم میں بڑھ چڑھ کر حصہ لینے کی ترغیب دلائی۔

نگرانِ عالمی مجلسِ مشاورت کا کہنا تھا کہ دعوتِ اسلامی کےتحت خدمتِ دین میں مصروفِ عمل بے شمار شعبوں میں آخرت کے اجر کی نیت سے صدقہ و عطیات کرنے کےلئے ٹیلی تھون مہم کا آغاز کیا گیا ہے۔

اُن کا مزید کہنا تھا کہ ٹیلی تھون کا مقصد دعوتِ اسلامی کے تمام شعبہ جات کے دینی کاموں کی اشاعت میں ہونے والے اخراجات کو پورا کرنے کے لئے اہلِ ایمان کو خیر و نیکی کی دعوت دینا ہے تاکہ اہلِ ثروت اپنے عطیات (Donation) کے ذریعے دینی کاموں میں حصہ ڈال سکیں لہٰذا مخیر اسلامی بہنوں سے رابطہ کرکے ٹیلی تھون میں شامل ہوکر امیرِ اہلِ سنت دامت بَرَکَاتُہمُ العالیہ کی دعاؤں سے حصہ پائیں۔

دعوت اسلامی کے تحت اسلامی بہنوں  میں دینی کاموں کو مزید احسن انداز میں آگے بڑھانے کے لئے ساؤدرن ایشیا ،سری لنکا، افغانستان اور ایران کی اہم سطح کی ذمہ دار اسلامی بہنوں کا 8 اکتوبر 2025ء کو آن لائن مدنی مشورہ منعقد ہوا جس میں ٹیلی تھون 2025ء کے متعلق کلام کیا گیا۔

اس مدنی مشورے میں دعوتِ اسلامی کی نگرانِ عالمی مجلسِ مشاورت اسلامی بہن نے دنیا بھر میں ہونے والے دینی و فلاحی کاموں کے لئے ٹیلی تھون مہم میں بڑھ چڑھ کر حصہ لینے کا ذہن دیا۔

اس موقع پر نگرانِ عالمی مجلسِ مشاورت کا کہنا تھا کہ دعوتِ اسلامی کےتحت خدمتِ دین میں مصروفِ عمل بے شمار شعبوں میں آخرت کے اجر کی نیت سے صدقہ و عطیات کرنے کےلئے ٹیلی تھون مہم کا آغاز کیا گیا ہے۔

مزید اُن کا کہنا تھا کہ ٹیلی تھون کا مقصد دعوتِ اسلامی کے تمام شعبہ جات کے دینی کاموں کی اشاعت میں ہونے والے اخراجات کو پورا کرنے کے لئے اہلِ ایمان کو خیر و نیکی کی دعوت دینا ہے تاکہ اہلِ ثروت اپنے عطیات (Donation) کے ذریعے دینی کاموں میں حصہ ڈال سکیں لہٰذا مخیر اسلامی بہنوں سے رابطہ کرکے ٹیلی تھون میں شامل ہوکر امیرِ اہلِ سنت دامت بَرَکَاتُہمُ العالیہ کی دعاؤں سے حصہ پائیں۔

دعوتِ اسلامی کے اسپیشل پرسنز ڈیپارٹمنٹ کے تحت 11 اکتوبر 2025ء کو  ملتان، پنجاب میں قائم مدرسۃالمدینہ برائے نابینا افراد میں اجتماعی طور پر مدنی مذاکرہ دیکھنے کا اہتمام کیا گیا۔

اس موقع نگرانِ ڈیپارٹمنٹ محمد عمیر ہاشمی عطاری نے اسپیشل بچوں کے ہمراہ اجتماعی طور پر مدنی مذاکرے میں شرکت کی اور امیرِ اہلِ سنت دامت بَرَکَاتُہمُ العالیہ کے مدنی پھول سننے کی سعادت حاصل کی۔(رپورٹ: محمد جمال عطاری ڈویژن ذمہ دار اسپیشل پرسنز ڈیپارمنٹ ملتان، کانٹینٹ:غیاث الدین عطاری)

11 اکتوبر 2025ء کو اسپیشل پرسنز ڈیپارٹمنٹ دعوتِ اسلامی کے تحت ذمہ دار اسلامی بھائیوں نے ملتان میں واقع گورنمنٹ ڈگری کالج برائے اسپیشل پرسنز  کا دورہ کیا جہاں انہوں نے کالج اسٹاف سے ملاقات کی۔

نگرانِ ڈیپارٹمنٹ محمد عمیر ہاشمی عطاری نے اسٹاف سے گفتگو کرتے ہوئے انہیں دعوتِ اسلامی کے مختلف ڈیپارٹمنٹس بالخصوص اسپیشل پرسنز ڈیپارٹمنٹ کا تعارف کروایا اور اسپیشل پرسنز کے درمیان سیکھنے سکھانے کا حلقہ لگایا۔

حلقے کے دوران نگرانِ ڈیپارٹمنٹ نے ”غیبت“ کے موضوع پر اشاروں کی زبان میں بیان کرتے ہوئے اسپیشل پرسنز کو دعوتِ اسلامی کے ہفتہ وار اجتماع میں شرکت کرنے کی دعوت دی۔آخر میں نگرانِ ڈیپارٹمنٹ نے اسپیشل بچوں کو ڈیجیٹل کاؤنٹر تسبیح تحفے میں دیا اور اُن کی حوصلہ افزائی بھی کی۔(رپورٹ: محمد جمال عطاری ڈویژن ذمہ دار اسپیشل پرسنز ڈیپارمنٹ ملتان، کانٹینٹ:غیاث الدین عطاری)

بچوں کو دینی و دنیاوی تعلیم دینے اور اُن کی  اخلاقی تربیت کرنے والے ادارے فیضان اسلامک اسکول سسٹم دعوتِ اسلامی کے زیر اہتمام مدنی مرکز فیضانِ صحابیات نزد مریم بینکوئٹ جمشید روڈ، کراچی میں ”1500 واں جشنِ ولادت اجتماع“ کا انعقاد کیا گیا جس میں کراچی ریجن کے تقریبا 10 کیمپسز کی پرنسپل واسٹاف کو مدعو کیا گیا جس میں دارالمدینہ ہیڈ آفس کی اسلامی بہنوں نے بھی شرکت کی ۔

اس دوران عالمی مجلس مشاورت کی نگران اسلامی بہن نے پیارے آقا صلَّی اللہ علیہ واٰلہٖ وسلَّم کی سیرت مبارکہ بیان کرتے ہوئے شرکا کو دعوتِ اسلامی کے دینی کاموں میں حصہ لینے کی ترغیب دلائی ۔

اس موقع پر صاحبزادیِ عطار سلمہا الغفار کی بھی خصوصی شرکت ہوئی جبکہ آپ کی نواسیوں نے کئی احادیث مبارکہ عربی میں سنائیں اور اردو وانگریزی میں ان کا ترجمہ بیان کیا۔صاحبزادیِ عطار سلمہا الغفار نے پرنسپلز و اساتذہ کی تربیت و رہنمائی کرتےہوئے انہیں مدنی پھولوں سے نوازا ۔

لوگوں میں اسلامی تعلیمات عام کرنے والی عاشقانِ رسول کی دینی تحریک دعوتِ اسلامی کے تحت 16 اکتوبر 2025ء کو ضلع سرگودھا، پنجاب کے شہر بھلوال میں ایک میٹنگ ہوئی جس میں شعبہ مدنی کورسز کے ذمہ داران اور معلمین نے شرکت کی۔

اس موقع پر مرکزی مجلسِ شوریٰ کے رکن مولانا حاجی محمد عقیل عطاری مدنی نے دعوتِ اسلامی کے تحت ہونے والے کورسز کی اہمیت و افادیت بیان کرتے ہوئےفیضان مدینہ بھلوال میں مقامی اسلامی بھائیوں کی دینی تربیت کے لئے مختلف کورسز کا شیڈول رکھنے کا ذہن دیا۔

اس کے علاوہ رکنِ شوریٰ نے کورسز کے لئے بھر پور تیاری کرنے اور اس کی دعوت دینے کے ساتھ ساتھ اس کی تشہیر کرنے کی ترغیب بھی دلائی جس پر اسلامی بھائیوں نے اچھی اچھی نیتیں کیں۔(رپورٹ: مولانا محمد عابد عطاری مدنی معاون رکن شوری مولانا حاجی محمد عقیل عطاری مدنی، کانٹینٹ:غیاث الدین عطاری)

اولیائے کرام کی فہرست میں ایک بہت بڑا نام ”حضرت بایزید بسطامی رحمۃُ اللہِ علیہ “ کا بھی ہے جنہوں نے اپنی پوری زندگی اللہ پاک کی عبادت، اطاعتِ رسول صلَّی اللہ علیہ واٰلہٖ وسلَّم اور دینِ اسلام کی تبلیغ و خدمت میں بسر کی۔ آپ کا شمار ان عظیم صوفیائے کرام میں ہوتا ہے جنہوں نے لوگوں کے دلوں میں معرفتِ الٰہی، محبتِ رسول صلَّی اللہ علیہ واٰلہٖ وسلَّم اور اخلاص و زہد کا چراغ روشن کیا۔ آپ کی تعلیمات میں اخلاص، عاجزی اور نفس کی نفی کا پیغام نمایاں ہے۔ حضرت بایزید بسطامی رحمۃُ اللہِ علیہ کی روحانی تربیت نے بے شمار دلوں کو راہِ حق پر گامزن کیا اور آج بھی آپ کا فیض دنیا بھر کے عاشقانِ الٰہی کو حاصل ہو رہا ہے۔

آپ رحمۃُ اللہِ علیہ کی سیرت سے عاشقانِ رسول کو بہرہ مند کرنے کے لئے شیخ طریقت امیر اہلسنت حضرت علامہ محمد الیاس عطار قادری دامت بَرَکَاتُہمُ العالیہ اس ہفتے 17 صفحات کا رسالہ”حضرت بایزید بسطامی رحمۃُ اللہِ علیہ “ پڑھنے/ سننے کی ترغیب دلائی ہے اور پڑھنے/ سننے والوں کو اپنی دعاؤں بھی سے نوازا ہے۔

دعائے عطار

یا اللہ پاک! جو کوئی 17 صفحات کا رسالہ”حضرت بایزید بسطامی رحمۃُ اللہِ علیہ “ پڑھ یا سن لے اُسے ہمیشہ اپنے نیک بندوں سے محبت کرنے والا بنا اور اس کو ماں باپ سمیت بے حساب بخش دے۔ اٰمین

یہ رسالہ آڈیو میں سننے اور اردو سمیت کئی زبانوں میں ڈاؤن لوڈ کرنے کے لئے نیچے دیئے گئے لنک پر کلک کیجئے:

Download

اوکاڑہ، پنجاب میں قائم گورنمنٹ اسپیشل ایجوکیشن ہائر سیکنڈری اسکول میں اسپیشل پرسنز ڈیپارٹمنٹ دعوتِ اسلامی کے تحت 14 اکتوبر 2025ء کو ایک ٹریننگ سیشن منعقد ہوا جس میں اسٹوڈنٹس سمیت اسکول اسٹاف نے شرکت کی۔

ٹریننگ سیشن کے دوران نگرانِ اسپیشل پرسنز ڈیپارٹمنٹ سید محمد عمیر ہاشمی عطاری نے اسٹوڈنٹس کو نمازوں کی پابندی کرنے، درود و سلام کی کثرت کرنے اور ساتھ ہی قراٰنِ کریم کی زیارت کرنے کی ترغیب دلاتے ہوئے انہیں اسپیشل پرسنز ڈیپارٹمنٹ کا تعارف بھی کروایا۔

نگرانِ ڈیپارٹمنٹ نے اسٹوڈنٹس کو اپنے والدین اور اساتذہ کا ادب و احترام کرنے کا ذہن دیا نیز اخلاقی اعتبار سے اُن کی تربیت و رہنمائی بھی کی۔آخر میں اسکول اسٹاف نے دعوتِ اسلامی کے دینی کاموں کو سراہا اور اپنی نیک خواہشات کا اظہار کیا۔

ساہیوال، پنجاب کے علاقے فرید ٹاؤن  میں موجود گورنمنٹ اسپیشل ایجوکیشن ہائر سیکنڈری اسکول میں اسپیشل پرسنز ڈیپارٹمنٹ دعوتِ اسلامی کے تحت گزشتہ روز ایک ٹریننگ سیشن کا انعقاد کیا گیا جس میں اسٹوڈنٹس سمیت اسکول اسٹاف نے شرکت کی۔

اس دوران ڈسٹرکٹ ذمہ دار اسپیشل پرسنز ڈیپارٹمنٹ راؤ محمد زبیر عطاری نے اسٹوڈنٹس کو نمازوں کی پابندی کرنے، درود و سلام کی کثرت کرنے اور ساتھ ہی قراٰنِ کریم کی زیارت کرنے کی ترغیب دلاتے ہوئے انہیں اسپیشل پرسنز ڈیپارٹمنٹ کا تعارف بھی کروایا۔

گزشتہ روز دعوتِ اسلامی کے دینی و فلاحی کاموں کے سلسلے میں ذمہ دار اسلامی بھائیوں کی فیصل آباد، پنجاب میں واقع ایشیاء کی سب سے بڑی یونیورسٹی”یونیورسٹی آف ایگریکلچر“ کے وائس چانسلر پروفیسر ڈاکٹر راؤ ذوالفقار علی سے اُن کے آفس میں ملاقات ہوئی۔

ملاقات میں ایجوکیشن ڈیپارٹمنٹ ٹیچرز فورم کے پاکستان ذمہ دار راؤ جنید عطاری، ایجوکیشن ڈیپارٹمنٹ کے ڈویژن ذمہ دار فاروق حیدر عطاری اور ایجوکیشن ڈیپارٹمنٹ کے سٹی ذمہ دار محمد عثمان رضا عطاری موجود تھے۔

دورانِ ملاقات ذمہ دار اسلامی بھائیوں نے وائس چانسلر کو دعوتِ اسلامی کی خدمات کے بارے میں بریفنگ دی بالخصوص دعوتِ اسلامی کے تحت ہونے والی دینی و فلاحی ایکٹیویٹیز سے آگاہ کیا ۔

بعدازاں وائس چانسلر نے دعوتِ اسلامی کی خدمات کو سراہتے ہوئے مدنی مرکز فیضانِ مدینہ اور دعوتِ اسلامی کے تعلیمی بورڈ کنزالمدارس کا وزٹ کرنے کی نیت کی۔ (رپورٹ: محمد عثمان رضا عطاری ایجوکیشن ڈیپارٹمنٹ فیصل آباد سٹی ذمہ دار ، کانٹینٹ:غیاث الدین عطاری)

8 اکتوبر 2025ء کو دعوتِ اسلامی کے شعبہ امامت کورس کے تحت پاکستان کے تمام ذمہ داران  اور معلمین سمیت طلبہ کرام کی تربیت و رہنمائی کے لئے آن لائن سیشن منعقد ہوا ۔

اس سیشن میں مرکزی مجلس شوری کے رکن مولانا حاجی محمد عقیل عطاری مدنی نے صدقات کے فضائل و اہمیت اور صدقات کی اقسام بیان کرتے ہوئے ٹیلی تھون عطیات مہم میں بڑھ چڑھ کر اپنا اور اپنے متعلقین(رشتہ دار، کورس کئے ہوئے اور دوستوں) کا حصہ ملانے کا ذہن دیا۔

اس کے علاوہ رکنِ شوریٰ نے بالخصوص مخیر حضرات سے ملاقات کرکے دین متین کی ترقی و آخرت میں باقی رہنے والے خزانے کی آباد کاری کے لئے ٹیلی تھون عطیات جمع کروانے کے متعلق ذمہ داران کی ذہن سازی کی۔ (رپورٹ: مولانا محمد عابد عطاری مدنی، کانٹینٹ:غیاث الدین عطاری)