7 اکتوبر 2025ء کو دعوتِ اسلامی کی مرکزی مجلس شوری کے  رکن مولانا حاجی محمد عقیل عطاری مدنی نے شعبہ امام مساجد (پاکستان) کے تمام ذمہ داران سمیت امام مساجد کا مدنی مشورہ لیا۔

اس مدنی مشورے میں رکنِ شوریٰ نے مسجد کی آباد کاری، نمازیوں کی تربیت اور ہر ماہ قافلے میں سفر کرنے کے حوالے سے ذمہ دار اسلامی بھائیوں کی ذہن سازی کی نیز ٹیلی تھون (عطیات مہم ) 2025ء میں بڑھ چڑھ کر اپنا اور اپنے متعلقین(رشتہ داروں، مقتدی اور اہل محلہ) کا حصہ ملانے کی ترغیب دلائی۔

رکنِ شوریٰ نے خصوصی طور پر مخیر حضرات سے ملاقات و رابطہ کرکے دین متین کی ترقی و آخرت میں باقی رہنے والے خزانے کی آباد کاری کے لئے ٹیلی تھون جمع کرنے/ کروانے کا ذہن دیا۔