26،25،24جون 2023ء بروز جمعہ ہفتہ ، اتوار دعوتِ  اسلامی کے شعبہ روحانی علاج کی جانب سے مدنی مرکز فیضانِ مدینہ ایبٹ آباد میں تین دن کا روحانی علاج کورس ہوا جس میں ہزارہ ڈویژن کے عاشقانِ رسول نے کورس کرنے کی سعادت حاصل کی۔

معلم محمد طارق محمود عطاری نے کورس میں شریک اسلامی بھائیوں کی تربیت کرتے ہوئے انھیں تعویذات عطاریہ لکھنے کے حوالے سے مختلف امور پر رہنمائی دی۔

دم کرنے اور کاٹ والے عمل کرنے کا طریقہ نیز اس کی احتیاطیں بتائیں ۔اس کے علاوہ شعبے کے حوالے سے اپڈیٹس بیان کیں، ساتھ ہی ساتھ 12 دینی کام کرنے کا ذہن دیا اور اُمّت کی غمخواری کا جذبہ دلایا۔ (رپورٹ: سمیر علی آفس ذمہ دار،کانٹینٹ:رمضان رضا عطاری)

رنمل شریف تحصیل پھالیہ میں حضرت حاجی محمد نوشہ گنج بخش قادری رحمہ اللہ علیہ کے 380واں، سالانہ عرس کے موقع پر دعوتِ اسلامی کے شعبہ مزارات اولیا کے تحت وہاں دینی کاموں کا سلسلہ ہوا جس میں مختلف کورسز ، سیکھنے سکھانے کے حلقے، قرآن خوانی، اجتماع ذکر ونعت اور مدنی قافلوں کا جدول رہا۔

اس کے علاوہ عرس شریف کے موقع پر مزار شریف کے احاطے میں ہفتہ وار اجتماع بھی منعقد کیا گیا جس میں تحصیل منڈی بہاؤالدین کے نگران اسلامی بھائی نے بیان کیا جس میں شرکا کو دعوت اسلامی کے دینی ماحول سے وابستہ ہونے اور مدنی قافلوں میں سفر کرنے کی دعوت دی گئی۔اس موقع پر شعبہ مزاراتِ اولیا پنجاب کے صوبائی ذمہ دار،تحصیل نگران اور مبلغین بھی موجود تھے ۔ (کانٹینٹ:رمضان رضا عطاری)

دعوتِ اسلامی کے شعبہ رابطہ بالعلماء کے ذمہ دار قاری وسیم عطاری اور مولانا خالد عطاری مدنی نے مولانا رئیس قادری صاحب ( امام و خطیب غوثیہ مسجد) ،مولانا ریاست چشتی صاحب اور مولانا رئیس عباسی صاحب سے ملاقات کی ۔

دورانِ ملاقات ذمہ داران نےائمہ کرام کو دنیا بھر میں ہونے والے دعوت اسلامی کے علمی و دینی کاوشوں کے بارے میں آگاہی دی جس پر انہوں نے خوشی کا اظہار کرتے ہوئے خدماتِ دعوت اسلامی کو سراہا۔(کانٹینٹ:رمضان رضا عطاری)

پچھلے دنوں شعبہ رابطہ  بالعلماء دعوتِ اسلامی کی جانب سے شعبے کے ذمہ دار قاری وسیم عطاری اور مولانا خالدعطاری مدنی نے گھوئی مری میں فیاض احمدنقشبندی صاحب (مہتمم جامعہ غوثیہ تجویدالقرآن) جبکہ مری میں محمدعمران قادری صاحب (امام و خطیب جامع مسجدمدینہ ) اور مری شہر بہارہ کہو میں مولانا نویدسیالوی صاحب سے ملاقاتیں کیں۔

ملاقات میں ذمہ داران نے علمائے کرام کو دعوتِ اسلامی کے دینی وفلاحی کاموں کے بارے میں معلومات فراہم کیں نیز انہیں جامعۃ المدینہ بوائز ا ورمدنی مرکز فیضان ِ مدینہ کا وزٹ کرنے کی دعوتیں پیش کیں جس پر انہوں نے دعوتِ اسلامی کے کاموں کو سراہا اور ہر طرح کے تعاون کرنے کی اچھی نیت کا اظہار کیا۔( کانٹینٹ:رمضان رضا عطاری)

دعوتِ اسلامی کے شعبہ رابطہ  بالعلماء کے تحت کھوکھا دینہ ضلع جہلم میں ڈسٹرکٹ ذمہ دارمولانا قاری طارق محمودعطاری نے مولانا غلام مرتضیٰ چشتی صاحب (مہتمم جامعہ مہریہ چشتیہ) سے ملاقات کی ۔

دورانِ ملاقات ذمہ دار اسلامی بھائی نے غلام مرتضیٰ چشتی صاحب کو دعوتِ اسلامی کی مختلف دینی ایکٹویٹیز کے بارے میں بتایا اور انہیں مدنی مرکز فیضانِ مدینہ آنے کی د عوت پیش کی جس پر انہوں نے خوشی کا اظہا ر کرتے ہوئے نیک خواہشات اظہار کیا۔ (رپورٹ: خالد عطاری مدنی شعبہ رابطہ بالعلماء پنڈی ڈویژن،کانٹینٹ:رمضان رضا عطاری)

مختلف شعبہ جات کے ذریعے دنیا بھر میں دینی و فلاحی  کام کرنے والی عاشقانِ رسول کی دینی تحریک دعوتِ اسلامی کے تحت پچھلے دنوں مرکزی مجلسِ شوریٰ کے اراکین حاجی محمد امین عطاری، حاجی محمد علی عطاری،حاجی امین قافلہ عطاری اور حاجی سیّد لقمان عطاری کی کورنگی کھال گودام میں آمد ہوئی۔

اس موقع پر اراکینِ شوریٰ نے کھال گودام کے انتظامات کا جائزہ لتے ہوئے وہاں موجود تمام مجالس کے اسلامی بھائیوں کا مدنی مشورہ لیا اور انہیں مدنی پھولوں سے نوازا۔

اسپیشل پرسنز ڈیپارٹمنٹ دعوتِ اسلامی کے تحت گزشتہ روز دینی کاموں کے سلسلے میں  رکن شعبہ نابینا افراد حاجی محمد حنیف عطاری (پاکستان) نے ڈویژن ذمہ دار عبد القیوم عطاری(راولپنڈی) کے ہمراہ جہلم پنجاب میں مختلف مقامات پر اسپیشل پرسنز(گونگے بہرے ،نابینا،معذور افراد) میں نیکی کی دعوت پیش کی۔

اس دوران ذمہ دار اسلامی بھائیوں نے اسپیشل پرسنز کو دعوتِ اسلامی کے دینی ماحول سے وابستہ رہنے کا ذہن دیا اور دینی کام کرنے کے حوالے سے اُن کی ذہن سازی کی۔

آخر میں ذمہ دار اسلامی بھائیوں نے اسپیشل پرسنزکو ماہِ جولائی 2023ء میں دعوتِ اسلامی کے تحت سفر کرنےوالے 12 دن اور ایک ماہ کے مدنی قافلے میں سفر کرنے کی دعوت پیش کی جس پر اسلامی بھائیوں نے اچھی اچھی نیتیں کیں ۔(رپورٹ: محمد رضوان عطاری مدنی اسپیشل پرسنز ڈیپارٹمنٹ پاکستان آفس کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی کے تحت شعبہ فیضان آن لائن اکیڈمی بوائز کی  برانچ فیضانِ مدینہ حیدرآباد میں ایک مشورہ ہوا جس میں شفٹ بغدادی کے مدنی عملے نے شرکت کی۔

تفصیلات کے مطابق اس مدنی مشورے میں ڈویژن ذمہ دار مولانا عابد حسین عطاری مدنی اور برانچ ناظم مولانا سیّدعامر شاہ عطاری مدنی نے عملے کی تربیت و رہنمائی کرتے ہوئے انہیں نظم و ضبط کی اہمیت و ضرورت سمجھائی نیز شفٹ میں بھر پور انداز سے نظم و ضبط قائم کرنے کا ذہن دیا اور مدنی عملے کے تعلیمی و انتظامی معاملات پر کئے گئے سوالات کے جوابات دیئے۔

شعبہ فیضان آن لائن اکیڈمی بوائز دعوتِ اسلامی کے تحت پچھلے دنوں  کلاتھ مارکیٹ حیدر آباد برانچ میں میٹنگ ہوئی جس میں شفٹ عطاری کے اسٹاف نے شرکت کی۔

دورانِ میٹنگ ڈویژن ذمہ دار مولانا عابد حسین عطاری مدنی نے شرکا سے اجتماعی قربانی اور ڈونیٹ قربانی کا فالو اپ لیانیز دعوتِ اسلامی کے 12 دینی کاموں سمیت مدرسین کے مسائل پر تبادلۂ خیال کیا۔

ڈویژن ذمہ دار نے مختلف موضوعات پر گفتگو کرتے ہوئے مدرسین کو آئندہ کے اہداف دیئے جس پر انہوں نے اچھی اچھی نیتیں کیں۔(رپورٹ: محمد وقار یعقوب عطاری مدنی برانچ ناظم فیضان آن لائن اکیڈمی بوائز، کانٹینٹ:غیاث الدین عطاری)

دعوتِ اسلامی کے شعبہ مدرسۃ المدینہ گرلزکے تحت کراچی سٹی ایسٹ ڈسٹرکٹ کی تمام مُدرسات، ناظمات اور ذمہ دار اسلامی بہنوں کا سٹی آفس میں لرننگ سیشن منعقد کیا گیا جوکہ صبح 8:00 بجے سے دو پہر4:00 بجے تک جاری رہا۔

تلاوت و نعت شریف سےاس سیشن کا آغاز ہوا جبکہ ڈسٹرکٹ ذمہ دار، سٹی ذمہ دار اور ملک و شعبے کی رکن عالمی مجلس مشاورت اسلامی بہنوں نے مختلف موضوعات پرشعبے کے طے شدہ نکات بتائے۔

دعوتِ اسلامی کے شعبہ مدرسۃ المدینہ گرلزکے تحت کراچی سٹی ایسٹ ڈسٹرکٹ کی تمام مُدرسات، ناظمات اور ذمہ دار اسلامی بہنوں کا سٹی آفس میں لرننگ سیشن منعقد کیا گیا جوکہ صبح 8:00 بجے سے دو پہر4:00 بجے تک جاری رہا۔

تلاوت و نعت شریف سےاس سیشن کا آغاز ہوا جبکہ ڈسٹرکٹ ذمہ دار، سٹی ذمہ دار اور ملک و شعبے کی رکن عالمی مجلس مشاورت اسلامی بہنوں نے مختلف موضوعات پرشعبے کے طے شدہ نکات بتائے۔

اسلامی بہنوں کو علمِ دین سیکھانے اور اسلامی تعلیمات سے آگاہ کرنے کے لئے گزشتہ روز بحریہ ٹاؤن کراچی میں ہفتہ وار سنتوں بھرے اجتماع کا انعقاد کیا گیا جس میں قرب و جوار کی کثیر اسلامی بہنوں نے شرکت کی۔

تلاوتِ قراٰن و نعتِ رسولِ مقبول صلی اللہ علیہ و سلم کے بعد صاحبزادیِ عطار سلمہا الغفار نے سنتوں بھرا بیان کرتے ہوئے وہاں موجود اسلامی بہنوں کی دینی و اخلاقی اعتبار سے تربیت کی۔

علاوہ ازیں نگرانِ عالمی مجلسِ مشاورت اسلامی بہن نے دعوتِ اسلامی کے دینی کاموں کی ترغیب دلاتے ہوئے اسلامی بہنوں کو مختلف کورسز میں داخلہ لینے، مدرسۃالمدینہ بالغات میں پڑھنے اور فیضان آن لائن اکیڈمی گرلز میں داخلہ لینے کا ذہن دیا۔

آخر میں شرکا اسلامی بہنوں نے صاحبزادیِ عطار سلمہا الغفار اور نگرانِ عالمی مجلسِ مشاورت اسلامی بہن سے ملاقات کی ۔اجتماع کے بعد صاحبزادیِ عطار سلمہا الغفار نے نگرانِ عالمی مجلسِ مشاورت کے ہمراہ 3 شخصیات اسلامی بہنوں کے گھروں پر جاکر اُن سے ملاقات کی۔