حضور ﷺ  اور حضرت عثمان غنی ( رضی اللہ عنہ) کے درمیان محبت اور احترام کے بے شمار واقعات ملتے ہے۔ ایک قابل ذکر واقعہ جنگ تبوک کے موقع پر پیش آیا۔ جب حضور ﷺ نے مسلمانوں کو اللہ تعالیٰ کی راہ میں خرچ کرنے کی ترغیب دی۔ حضرت عثمان نے کھڑے ہو کر عرض کی: یا رسول اللہ ! ساز و سامان کے ساتھ ایک سو اونٹ میں دیتا ہوں۔

حضور ﷺ نے پھر ترغیب دی تو حضرت عثمان غنی نے مزید دو سو اونٹ دینے کی پیشکش کی۔ آخر کار انہوں نے تین سو اونٹ اور ایک ہزار دینار بھی حضور ﷺ کے سامنے پیش کر دیئے۔

حضور ﷺ نے حضرت عثمان کی یہ سخاوت دیکھی تو آپ کے پیش کردہ دیناروں میں اپنا دست مبارک ڈال کر فرمایا، عثمان کے اس نیک عمل کے بعداب انہیں کوئی بات ضررنہ پہنچائے گی۔

یہ واقعہ کتاب مشکوۃ شریف کے صفحہ 553 پر بھی ذکر کیا گیا ہے مزید برآں، طبرانی کی روایت کے مطابق، حضور ﷺ نے حضرت عثمان کے بارے میں فرمایا ان کا عزت بجالاؤ، بے شک وہ میرے صحابہ میں سے خلق کے اعتبار سے سب سے زیادہ میرے مشابہ ہیں۔

بخاری شریف میں حضرت عثمان رضی اللہ عنہ کے فضائل مختلف احادیث میں بیان کیے گے ہیں یہاں کچھ احادیث کا ذکر کیا۔

جیش عسرہ کی تیاری: حضرت عثمان غنی رضی اللہ عنہ نے غزوہ تبوک کے موقع پر قربانی دی۔ آپ نے 900 اونٹ 100گھوڑے اور 10000 دینار کا سامان پیش کیا۔ رسول ﷺ نے فرمایا۔ آج کے بعد عثمان جو بھی کریں، انہیں کوئی نقصان نہیں پہنچائے گا۔ (ترمذی، 5/391، حدیث:3720)

اللہ پاک نے اپنے پیارے حبیب ﷺ کی صحبت فیض اثر کیلئے دنیا کے بہترین افراد کا انتخاب فرمایا۔ صحابہ کرام علیہم الرضوان سب کے سب اللہ پاک اور اس کے حبیب ﷺ کو پیارے ہیں۔ البتہ بعض کو بعض پر فضیلت دی گئی۔انہی صاحبان فضیلت عظمی میں سے جامع قرآن حضرت عثمان بن عفان رضی اللہ عنہ بھی ہیں۔آپ رضی اللہ عنہ مسلمانوں کے تیسرے خلیفہ ہیں۔ حیا کا وصف آپ رضی اللہ عنہ پر غالب تھا۔ آپ رضی اللہ عنہ کی سخاوت کا دریا بھی ہر وقت جوش پر رہتا تھا۔نبی کریم ﷺ کے محب بھی تھے اور محبوب بھی۔آئیے حضور اکرم ﷺ کی حضرت عثمان غنی رضی اللہ عنہ سے محبت فرمانے کی کچھ جھلکیاں ملاحظہ کرتی ہیں:

داماد مصطفےٰ: انبیائے کرام علیہم السلام کی دامادی کا شرف پانے والے خوش نصیب افراد یقینا عزت و عظمت والے ہیں۔مگر حضرت عثمان غنی رضی اللہ عنہ کے نکاح میں ایک نہیں بلکہ سید المرسلین ﷺ کی دو شہزادیاں یکے بعد دیگرے آئیں۔ (خلفائے راشدین، ص 181) بیٹی کی محبت والد کو اپنی بساط بھر بہترین داماد تلاش کرنے پر مجبور کرتی ہے۔ نبی کریم ﷺ کا حضرت رقیہ رضی اللہ عنہا کے وصال کے بعد اپنی دوسری شہزادی حضرت

ام کلثوم رضی اللہ عنہا کو بھی حضرت عثمان رضی اللہ عنہ کے نکاح میں دینا نبی کریم ﷺ کی آپ رضی اللہ عنہ سے محبت اور شہزادیوں کے معاملے میں اعتماد کے معاملے میں واضح ثبوت ہے۔

نور کی سرکار سے پایا دوشالہ نور کا ہو مبارک تم کو ذو النّورین جوڑا نور کا

یہ عثمان کا ہاتھ ہے:حضرت عثمان رضی اللہ عنہ کے مکے والوں کی نظر میں بھی معزز ہونے کے سبب 6 ھ میں مسلمانوں کا قاصد بنا کر قریش کی طرف بھیجا گیا۔ آپ رضی اللہ عنہ کی غیر موجودگی میں صھابہ کرام علیہم الرضوان سے بیعت رضوان لی گئی۔ اس موقع پر نبی کریم ﷺ نے اپنا ایک دست مبارک دوسرے پر رکھا اور فرمایا یہ عثمان کا ہاتھ ہے۔ (تاریخ الخلفاء، ص 208)

میرے بغیر طواف نہ کریں گے:چونکہ حضرت عثمان رضی اللہ عنہ مکہ شریف گئے تھے تو ان پر رشک کرتے ہوئے صحابہ کرام علیہم الرضوان نے حضور ﷺ کی خدمت میں عرض کیا کہ حضرت عثمان تو خوب عمرہ کریں گے حضور نے فرمایا کہ میرا عثمان میرے بغیر نہ عمرہ کرے گا نہ طواف۔ اور واقعی ایسا ہی ہوا کفار نے طواف کی پیش کش کی مگر حضرت عثمان غنی رضی اللہ عنہ نے یہ کہہ کر انکار کر دیا میں حضور انور کے بغیر کعبہ کو دیکھوں گا بھی نہیں۔

کیا دو طرفہ محبت تھی کہ محب نے محبوب کی غیر موجودگی میں طواف سے انکار کردیا ادھر محبوب کو بھی عاشق پر کیسا مان تھا کہ وہ ہمارے بغیر طواف نہ کریں گے۔

اللہ سے کیا پیار ہے عثمان غنی کا محبوب خدا یار ہے عثمان غنی کا

بعدِ وصال ظاہری بھی کرم: اللہ پاک کے آخری نبی ﷺ حضرت عثمان غنی رضی اللہ عنہ پر بے حد و بے انتہا مہربان تھے۔نبی کریم ﷺ کے وصال ظاہری شریف کے بعد خلافت عثمانی میں باغیوں کے محاصرے کے دوران نبی کریم ﷺ نے آپ رضی اللہ عنہ کو رات میں جلوہ دکھایااور نہایت شفقت کے ساتھ فرمایا ان لوگوں نے پانی بند کر کے تمہیں پیاس سے بے قرار کر دیا ہے؟ عرض کی جی ہاں تو فورا پانی سے بھرا ہوا ڈول عطا فرمایا پھر فرمایا چاہو تو ان کے مقابلے میں میں تمہاری مدد کروں اور چاہو تو تم ہمارے پاس آ کر روزہ افطار کرو عرض کی: یا رسول اللہ! آپ کے دربار پر انوار میں حاضر ہو کر روزہ افطار کرنا مجھے زیادہ عزیز ہے۔ اسی دن حضرت عثمان رضی اللہ عنہ شہید ہوگئے۔ (کتاب المنامات، 3/76، رقم: 109)

ظاہری حیات شریف میں تو محبت کا اظہار فرماتے ہی تھے بعد وصال شریف بھی اپنے عاشق کو شفقتوں سے نوازا۔

جنت میں رفیق: نبی کریم ﷺ کے تمام صحابہ علیہم الرضوان جنتی ہیں لیکن حضرت عثمان غنی رضی اللہ عنہ کے بارے میں حضور اقدس ﷺ نے ارشاد فرمایا: عثمان جنتی ہیں ان کا رفیق میں خود ہوں۔ (ریاض النضرہ، 1/35)

مصطفی کریم ﷺ کا جنت میں آپ رضی اللہ عنہ کو بطور خاص اپنا رفیق فرمانا کمال محبت پر دلالت کرتا ہے۔

اے کاش عثمان غنی رضی اللہ عنہ کے صدقے ہم گنہگاروں پر بھی آقا کریم ﷺ کی نظر کرم ہو جائے۔

یہی آرزو جو ہو سرخرو ملے دوجہاں کی آبرو

میں کہوں غلام ہوں آپکا وہ کہیں کہ ہم کو قبول ہے

نبی کریم ﷺ کا ارشاد ہے:جس نے میرے صحابہ سے محبت کی اس نے مجھ سے محبت کی،جس نے میرے صحابہ سے بغض رکھا، اس نے مجھ سے بغض رکھا۔

مفسّر قرآن، مفتی احمد یار خان نعیمی رحمۃ اللہ علیہ فرماتے ہیں: اللہ پاک کی محبت کے لئے اس کے رسول ﷺ سے محبت ضروری ہے اور رسول اللہ ﷺ سے محبت کے لئے حضور کے تمام صحابہ سے، حضور کے اہل بیت،اولاد پاک اور ازواج مطہرات سے محبت لازم و ضروری ہے،یہ تمام محبتیں ایمان میں داخل بلکہ عین ایمان (یعنی ایمان کی بنیاد) ہیں۔ (تفسیر نعیمی، 2/137)

حضرت عثمان غنی رضی اللہ عنہ نبی پاک ﷺ کے صحابی ہیں اور مسلمانوں کے تیسرے خلیفہ ہیں۔

حضور ﷺ حضرت عثمان غنی رضی اللہ عنہ سے بے پناہ محبت فرماتے جس کا اظہار کئی احادیث مبارکہ سے بھی ثابت ہوتا ہے۔

1۔ رسول اکرم ﷺ حضرت عثمان غنی رضی اللہ عنہ سے اتنی محبت فرماتے تھے کہ آپ نے ایک ایک کر کے اپنی دو شہزادیاں حضرت عثمان رضی اللہ عنہ کے نکاح میں دیں۔

اعلیٰ حضرت امام اہلسنت رحمۃ اللہ علیہ اسی طرف اشارہ کرتے ہوئے فرماتے ہیں:

نور کی سرکار سے پایا دوشالہ نور کا ہو مبارک تم کو ذو النّورین جوڑا نور کا

2۔ایک حدیث پاک میں فرمایا: اگر میری سو بیٹیاں ہوتیں ان میں سے ایک کی وفات ہوتی تو میں دوسری عثمان کے نکاح میں دیتا اس کا انتقال ہوتا تو میں تیسری عثمان کے نکاح میں دیتا یہاں تک کہ میں اپنی سو کی سو شہزادیاں ایک ایک کر کے عثمان کے نکاح میں دے دیتا۔ (کنز العمال، جز:13، 7/21، حدیث: 36201)

3۔حضور اکرم ﷺ نے فرمایا:عثمان کتنا اچھا انسان ہے! میرا داماد ہے،میری دو بیٹیوں کا شوہر ہے، اللہ پاک نے اس میں میرا نور جمع فرما دیا۔ (روض الفائق، ص 313)

نبی کے نور دو لے کر وہ ذو النّورین کہلائے

انہیں حاصل ہوئی یوں قربتِ محبوب رحمانی

حضرت عائشہ رضی اللہ عنہا نے فرمایا کہ رسول اللہ ﷺ نے حضرت عثمان غنی رضی اللہ عنہ کے ساتھ اپنی صاحبزادی ام کلثوم کا نکاح کیا تو ان سے فرمایا کہ تمہارے شوہر عثمان غنی تمہارے دادا حضرت ابراہیم علیہ السلام اور تمہارے باپ محمد ﷺ سے شکل و صورت میں بہت مشابہ ہیں۔

حضور ﷺ اپنے صحابہ سے بہت محبت فرماتے ہر ایک کے ساتھ محبت کا ایک الگ انداز ہوا کرتا تھا۔حضور ﷺ کے ایک جلیل القدر صحابی حضرت عثمان غنی رضی اللہ عنہ بھی ہیں آپ خلفائے راشدین میں تیسرے  خلیفہ ہیں۔آپ نے آغاز اسلام ہی میں قبول اسلام کرلیا تھا۔ حضور ﷺ ان سے بہت محبت فرماتے۔ آپ نے ارشاد فرمایا: جنت میں ہر نبی کا ایک رفیق ہوگا اور میرے رفیق عثمان بن عفان ہیں۔ (تاریخ ابن عساکر، 39/104)

حضور نبی کریم ﷺ نے اپنی دو شہزادیاں یکے بعد دیگرے حضرت عثمان غنی کے نکاح میں دی تھیں۔حضور ﷺ کی دوسری شہزادی حضرت بی بی رقیہ رضی اللہ عنہا حضرت عثمان غنی کی زوجہ محترمہ ہیں۔

اللہ پاک کے آخری نبی ﷺ کی پیاری پیاری شہزادی حضرت رقیہ جب وفات پا گئیں تو حضرت عثمان غنی بہت روئے، حضور اکرم ﷺ نے پوچھا: عثمان کیوں روتے ہو؟ عرض کیا: یارسول اللہ! میں حضور کی دامادی سے محروم ہو گیا ہوں یہ سن کر حضور ﷺ نے ارشاد فرمایا: مجھ سے جبریل امین نے عرض کیا ہے کہ اللہ پاک کا حکم ہے کہ میں اپنی دوسری صاحبزادی ام کلثوم کا نکاح تم سے کروں بشرطیکہ وہی مہر ہو جو رقیہ کا تھا اور تم اس سے وہ ہی سلوک کرو جو رقیہ سے کیا۔ چنانچہ حضرت ام کلثوم رضی اللہ عنہا کا نکاح حضرت عثمان غنی سے کر دیا گیا۔ دنیا میں ایسا کوئی نہیں جس کے نکاح میں نبی کی دو بیٹیاں آئی ہوں۔ یہ حضرت عثمان غنی کی خصوصیت تھی اور اسی وجہ سے آپ کو ذوالنورین(یعنی دو نور والے) کا لقب ملا۔ (مرقاة المفاتیح، 10/445، تحت الحدیث: 6080)

میرے آقا اعلی حضرت رحمۃ اللہ علیہ لکھتے ہیں:

نور کی سرکار سے پایا دوشالا نور کا

ہو مبارک تم کو ذوالنورین جوڑا نور کا

حضرت عثمان غنی پر کرم: پیاری اسلامی بہنو! نبی پاک ﷺ جامع القرآن حضرت عثمان غنی رضی اللہ عنہ پر کس قدر مہربان تھے، اس ضمن میں ایک واقعہ ملاحظہ فرمائیے چنانچہ

حضرت عبد اللہ بن سلام رضی اللہ عنہ فرماتے ہیں کہ جن دنوں باغیوں نے حضرت عثمان کے مکان کا محاصرہ کیا ہوا تھا، ان کے گھر میں پانی کی ایک بوند تک نہیں جانے دی جا رہی تھی اور حضرت عثمان غنی پیاس کی شدت سے تڑپتے رہتے تھے۔ میں ملاقات کےلیے حاضر ہوا تو آپ اس دن روزہ دار تھے۔ مجھ کو دیکھ کر فرمایا: اےعبداللہ بن سلام! میں نے آج رات حضور کو اس روشن دان میں دیکھا۔ آپ نے انتہائی مشفقانہ لہجے میں ارشاد فرمایا: اے عثمان! ان لوگوں نے پانی بند کرکےتمہیں پیاس سے بے قرارکردیا ہے؟ میں نے عرض کی: جی ہاں۔ تو فوراً ہی آپ ﷺ نے ایک ڈول میری طرف لٹکا دیا جو پانی سے بھرا ہوا تھا، میں اس سے سیراب ہوا اور اب اس وقت بھی اس پانی کی ٹھنڈک اپنی دونوں چھاتیوں اور دونوں کندھوں کے درمیان محسوس کر رہا ہوں۔ پھر حضور اکرم ﷺ نے مجھ سے فرمایا: اے عثمان! اگر تمہاری خواہش ہو تو ان لوگوں کے مقابلے میں تمہاری امداد کروں اور اگر چاہو تو ہمارے پاس آکر روزہ افطار کرو۔ میں نے عرض کی: یارسول اللہ! آپ کے دربار پر انوار میں حاضر ہو کر روزہ افطار کرنامجھے زیادہ عزیزہے۔ حضرت عبداللہ بن سلام فرماتے ہیں کہ میں اس کے بعد رخصت ہو کر چلا آیا اور اسی روز باغیوں نے آپ کو شہید کردیا۔ (موسوعۃ ابن ابی الدنیا، 3/74، رقم: 109)

حضرت علاّمہ جلال الدّین سیوطی رحمۃ اللہ علیہ نقل کرتے ہیں کہ حضرت علّامہ ابن باطیش رحمۃ اللہ علیہ اس سے یہی سمجھتے ہیں کہ (سرکار ﷺ کے دیدار والا) یہ واقعہ خواب میں نہیں بلکہ بیداری کی حالت میں پیش آیا۔ (جامع کرامات الاولیاء، 1/151)

کئی دن تک رہے محصور ان پر بند تھا پانی

عاشقانِ رسول کی دینی تحریک دعوتِ اسلامی اس وقت دنیا کے کم وبیش 190 ممالک میں اسلامی بھائیوں کو قرآنِ کریم کی تعلیم اور دینی، اخلاقی و شرعی تربیت دینے کے عظیم مشن کو جاری رکھے ہوئے ہے۔

اسی سلسلے میں دعوتِ اسلامی نے مختلف شعبہ جات قائم کیے ہیں جن میں سے ایک اہم شعبہ مدرسۃالمدینہ بالغان ہے۔ اس شعبے کے ذریعے مساجد، دکانوں، دفاتر، تعلیمی اداروں، گھروں اور دیگر مقامات پر 15 سال یا اس سے زائد عمر کے اسلامی بھائیوں کو صحیح تلفظ و قواعدِ تجوید کے مطابق قرآنِ مجید، نماز، روزہ اور دیگر دینی مسائل کی تعلیم دی جاتی ہے۔

13 مئی 2026ء کو دعوتِ اسلامی کے تحت آن لائن ٹریننگ سیشن ہوا جس میں نیوزی لینڈ و نیپال کے ملکی نگران مولانا محمد ادریس عطاری مدنی،مولانا شمس عطاری مدنی ،امام مبلغین اور شعبہ مدرسۃالمدینہ بالغان کے ذمہ داران شریک ہوئے۔

اس سیشن میں مرکزی مجلس شوری کے رکن مولانا حاجی محمد عقیل عطاری مدنی نے مدرسۃالمدینہ بالغان کو بڑھانے، معلمین کو ریفریش ٹیچر ٹریننگ کروانے،پڑھانے والوں کو شعبے کے نظام و طریقۂ کار کے مطابق تربیت دینے پر زور دیا گیا۔

اسی طرح ذمہ داران کو ناظرہ قرآن، نماز، دینی مسائل اور اخلاقی تربیت کے ذریعے نوجوانوں اور بزرگوں کو معاشرے میں کامیاب فرد بننے کے لیے دعوتِ اسلامی کے دینی ماحول سے وابستہ رہنےکی ترغیب دلائی گئی۔

رکنِ شوری نے ان ممالک میں مدرسۃُ المدینہ بالغان کے ذریعے ناظرہ قرآن مکمل کرنے والوں کو سرٹیفکیٹ جاری کرنے، ان کی مزید تربیت کرکے انہیں قرآن ٹیچر ٹریننگ کورس کروانے اور اس میں کامیاب ہونےوالوں کو مدرسۃالمدینہ بالغان میں پڑھانے کی ذمہ داری دینے پر توجہ دلائی ۔

بعدازاں ملکی نگران مولانا فراز عطاری مدنی اور مولانا شمس عطاری مدنی سمیت مقامی ذمہ داران نے ’’قرآن ٹیچر ٹریننگ کورس‘‘ کا جلد آغاز کرنے کی اچھی اچھی نیتیں کیں۔(رپورٹ:مولانا محمد عابد عطاری مدنی معاون رکن شوری حاجی محمد عقیل عطاری مدنی ، کانٹینٹ:غیاث الدین عطاری)

09 مئی 2026ء ، فیصل آباد ڈویژن پنجاب:

دعوتِ اسلامی کے اسپیشل پرسنز ڈیپارٹمنٹ کے تحت فیصل آباد ڈویژن، ضلع جھنگ میں 9 مئی 2026ء کو اجتماعی طور پر مدنی مذاکرہ دیکھنے کا اہتمام کیا گیا جس میں بالخصوص اسپیشل پرسنز نے شرکت کی اور امیرِ اہلِ سنت دامت بَرَکَاتُہمُ العالیہکے مدنی پھولوں سے فیض حاصل کیا۔

تفصیلی معلومات کے مطابق مدنی مذاکرے میں صوبائی ذمہ دار بھی شریک تھے جبکہ فیصل آباد ڈویژن ذمہ دار مولانا محمد نعمان عطاری مدنی اور محمد ارسلان عطاری نے اسپیشل پرسنز کے لیے اشاروں کی زبان میں مدنی مذاکرے کی ترجمانی کی تاکہ مدنی مذاکرے میں ہونے والی گفتگو کو آسانی سے سمجھا جاسکے اور وہ دینی رہنمائی حاصل کر سکیں۔

اجتماعی مدنی مذاکرے میں شریک اسپیشل پرسنز کو نیک اعمال اپنانے، دعوتِ اسلامی کے دینی ماحول سے وابستہ رہنے اور باقاعدگی کے ساتھ ہر ہفتے امیرِ اہلِ سنت دامت بَرَکَاتُہمُ العالیہ کا مدنی مذاکرہ دیکھنے کی ترغیب دلائی گئی جس پر اسپیشل پرسنز اسلامی نے ہر ہفتے مدنی مذاکرہ دیکھنے کی نیت بھی کی۔(رپورٹ: اسپیشل پرسنز ڈیپارٹمنٹ ، کانٹینٹ:غیاث الدین عطاری)

23 اپریل 2026ء کو دعوتِ اسلامی کے اسپیشل پرسنز ڈیپارٹمنٹ کے تحت گوجرانوالہ سٹی کے گورنمنٹ اسپیشل ایجوکیشن اسکول میں ایک ٹریننگ سیشن کا انعقاد ہوا جس کا مقصد اسپیشل اسٹوڈنٹس کو دینی مسائل سے آگاہ کرنا تھا۔

اس ٹریننگ سیشن میں صوبائی ذمہ دار محمد وقاص عطاری نے اشاروں کی زبان میں اسپیشل اسٹوڈنٹس کی تربیت کی اور اسی دوران اسٹوڈنٹس کی ذہن سازی بھی کی کہ ہر نیک عمل سے پہلے بسم اللہ الرحمٰن الرحیم پڑھیں، والدین و اساتذہ کا ادب کریں، لڑائی جھگڑوں سے بچیں اور جھوٹ جیسی بری عادت سے دور رہیں۔

9 مئی 2026ء کو فیصل آباد کے مدنی مرکز فیضانِ مدینہ میں ایجوکیشن ڈیپارٹمنٹ دعوتِ اسلامی کے تحت پنجاب کے ڈویژن، میٹروپولیٹن سٹی، ڈسٹرکٹ اور فیصل آباد سٹی کے ٹاؤن ذمہ داران کا مدنی مشورہ ہوا۔ 

ذرائع سے ملنے والی معلومات کے مطابق مدنی مشورے میں نگرانِ ایجوکیشن ڈیپارٹمنٹ شہزاد احمد عطاری، کورسز فورم کے ملکی ذمہ دار فیاض عطاری اور پنجاب کے صوبائی ذمہ دار احمد رضا عطاری نے شرکت کی۔

اس موقع پر دعوتِ اسلامی کی مرکزی مجلسِ شوریٰ کے رکن عبدالوہاب عطاری نے ذمہ داران کی تربیت کرتے ہوئے سابقہ 3 ماہ کی کارکردگی کا جائزہ لیا اور آئندہ 3 ماہ کے اہداف طے کیے۔

علاوہ ازیں رکن شوریٰ نے شعبے کے کام کو مزید بہتر بنانے اور کارکردگی میں نکھار لانے کے لیے ذمہ داران کو مدنی پھولوں سے نوازا جس پر انہوں نے اچھی اچھی نیتیں کیں۔(رپورٹ: محمد عثمان رضا عطاری شعبہ تعلیم فیصل آباد ، کانٹینٹ:غیاث الدین عطاری)

اسپیشل پرسنز ڈیپارٹمنٹ دعوتِ اسلامی کے تحت 15،  16 اور 17 مئی 2026ء کو جامع مسجد فیضانِ صدیق اکبر ، محلہ الٰہی بخش بارہ کہو اسلام آبادمیں اسپیشل پرسنز میں مشتمل راہِ خدا عزوجل کا قافلہ سفر پر روانہ ہوا۔

جس میں صوبائی ذمہ دار کامران عطاری نے اسپیشل پرسنز کے ہمراہ شرکت کی۔

اس قافلے میں اسپیشل پرسنز کے علاوہ ڈیپارٹمنٹ کے دیگر ذمہ داران نے شرکت کی جن میں پاکستان سطح کے ذیلی شعبہ نابینا افراد ذمہ دار حاجی محمد حنیف عطاری، صوبائی ذمہ دار کامران عطاری، نگرانِ زون اسد عطاری، سیّد شاکر شاہ عطاری اور دیگر مقامی ذمہ داران شامل تھے۔

11 مئی 2026ء کو دعوتِ اسلامی کے شعبہ روحانی علاج کے تحت خصوصی آن لائن میٹنگز کا انعقاد کیا گیا جن میں دنیا کے مختلف ممالک سے ذمہ دار اسلامی بھائیوں نے شرکت کی۔ 

شرکا اور مقام:

اس آن لائن میٹنگ میں آسٹریلیا، بنگلہ دیش، ساؤدرن افریقہ اور نیپال کے شعبہ ذمہ داران نے شرکت کی جبکہ یہ میٹنگ فیصل آباد، پنجاب سے آن لائن منعقد ہوئی۔

تفصیلات:

نگرانِ شعبہ مولانا انور رضا عطاری مدنی نے مذکورہ ممالک کے تمام ذمہ داران سے الگ الگ میٹنگ کی جس میں انہوں نے اہم نکات پر تبادلۂ خیال کیا اور ذمہ داران کی رہنمائی کی۔

نگرانِ شعبہ نے بستوں کی کارکردگی، تشہیر اور مزید بہتری کے لیے آئندہ کے اہداف بتائے نیز مزید بستے کھولنے کے حوالے سے کیا اقدامات کئے جائیں اس پر گفتگو کی۔

10 مئی  2026ء کو شعبہ روحانی علاج کے تحت دعوتِ اسلامی کے مدنی مرکز فیضانِ مدینہ فیصل آباد میں ایک اہم مدنی مشورہ منعقد ہوا جس میں ڈویژن فیصل آباد کے ڈسٹرکٹ ذمہ دار اسلامی بھائیوں کی شرکت ہوئی ۔

اس موقع پر نگرانِ شعبہ مولانا حاجی انور رضا عطاری مدنی نے ذمہ داران سے کلام کے دوران 12 دینی کاموں کو مزید بہتر بنانے، شیڈول کو بہتر انداز میں ترتیب دینے، بستوں کو مضبوط کرنے اور نئے بستے کھلوانے کے طریقے بتائے۔

اس کے علاوہ نگرانِ شعبہ نے ”دعائے شفاءاجتماعات“ کے متعلق ذمہ داران کی رہنمائی کی اور کراچی ذمہ داران کی حاضری سے متعلق چند اہم امور پر مشاورت کی۔ (رپورٹ: عبدالکریم عطاری، شعبہ روحانی علاج ڈویژن فیصل آباد ، کانٹینٹ:غیاث الدین عطاری)

7 مئی 2026ء ، حیدرآباد سندھ:

دعوتِ اسلامی کے شعبہ فیضان آن لائن اکیڈمی بوائز کے تحت ایک اہم میٹنگ منعقد ہوئی جس میں حیدرآباد ڈویژن کے تمام شفٹ ناظمین، برانچ ناظمین، ڈویژن تعلیمی ذمہ داران اور ٹرینرز نے شرکت کی۔

تفصیلات کے مطابق اس مدنی مشورے میں حیدرآباد ڈویژن ذمہ دار مولانا عابد حسین عطاری مدنی نے سال 2026ء کے اجتماعی قربانی کی پلاننگ کے حوالے سے تفصیلی گفتگو کی۔