پچھلے دنوں دعوتِ اسلامی کے شعبہ مدنی کورسز کے تحت پنجاب کے علاقے واپڈا کالونی ملتان میں فیضانِ نماز کورس کی اختتامی نشست کا انعقاد کیا گیا جس میں ایکسیئن آفیسر ، میپکو کمپنی سیکریٹری اور کمپنی سیکریٹری اسٹاف کی شرکت ہوئی۔

شعبے کے ڈویژن ذمہ دار عادل شہزاد عطاری نے ”حسنِ اخلاق“ کے موضوع پر سنتوں بھرا بیان کیا اور وہاں موجود اسلامی بھائیوں کی دینی و اخلاقی اعتبار سے تربیت کی۔

ڈویژن ذمہ دار نے اسلامی بھائیوں کو دعوتِ اسلامی کے دینی کاموں میں بڑھ چڑھ کر حصہ لینے کی ترغیب دلائی جس پر انہوں نے اچھی اچھی نیتیں کیں۔(رپورٹ: محمداحمدسیالوی عطاری رکن شعبہ مدنی کورسز ، کانٹینٹ:غیاث الدین عطاری)

شعبہ تحفظ اوراق مقدسہ دعوت اسلامی  کے تحت 30جون 2024ء کو راولپنڈی ڈویژن آفس فیضان مدینہ جی 11اسلام آباد میں مدنی مشورہ ہوا جس میں راولپنڈی ڈویژن کےشعبہ ذمہ داران ،خادمین ، محافظین اور تحصیل ذمہ داران سمیت ٹاؤن ذمہ داران نے شرکت کی ۔

ڈیژن ذمہ دارمحمدبلال عطاری نے اجتماعی قربانی اور قربانی کی کھالوں کی کارکردگی و شعبے کی ماہانہ کارکردگی کا جائزہ لیتے ہوئے عملی و پیشگی جدول اور باکسز میں اضافے کے حوالے سےحاضرین کی تربیت فرمائی اور اہداف دیئے جبکہ محرم کے مدنی قافلے کے حوالے سے تربیت کی ۔( کانٹینٹ شعیب احمد)

شعبہ فیضان آن لائن اکیڈمی دعوت اسلامی کے زیر اہتمام22جون2024ء کو لاہور میں تربیتی اجتماع ہوا جس میں فیضان آن لائن اکیڈمی پنجاب کے ناظمین و برانچ ناظمین نے شرکت کی ۔

رکن مجلس حافظ سلمان عطاری نے LMS سافٹ وئیر کے متعلق گفتگو کرتے ہوئے طلبہ کے سافٹ وئیر Learn Management Software کے متعلق ذمہ داران کی تربیت فرمائی اور اس میں آنے والے نئے features کو بھی متعارف کرایا جس کو ذمہ داران کی طرف سے کافی سراہا گیا۔( رپورٹ:نواز حسین فیاض شفٹ انچارج،کانٹینٹ شعیب احمد)

نیکی کی دعوت عام کرنے والی عاشقانِ رسول کی دینی تحریک دعوتِ اسلامی کے تحت پچھلے دنوں ایلم راک روڈ برمنگھم یوکے (Alum Rock road Birmingham UK ) میں علاقائی دورہ برائے نیکی کی دعوت ہوئی۔

اس دوران ڈویژن نگران محمد عتیق عطاری نے مقامی ذمہ داران اور اسلامی بھائیوں کے ساتھ ملکر لوگوں کو نیکی کی دعوت دی اور انہیں دعوتِ اسلامی کے ہفتہ وار اجتماع میں شرکت کرنے کی دعوت دی جو مدنی مرکز فیضانِ مدینہ اسٹچفورڈ برمنگھم یوکے میں منعقد کیا جاتا ہے۔(رپورٹ: محمد علی رفیق شعبہ معاونت صوبہ پنجاب آفس ، کانٹینٹ:غیاث الدین عطاری)

پاکستان کے صوبائی دارالحکومت لاہور، پنجاب میں شعبہ معاونت برائے اسلامی بہنیں دعوتِ اسلامی کے تحت  29 جون 2024ء کو سیکھنے سکھانے کا حلقہ لگایا گیا جس میں شعبہ تعلیم سے تعلق رکھنے والے اسلامی بھائی شریک ہوئے۔

عاشقانِ رسول کی دینی تحریک دعوتِ اسلامی کے شعبہ معاونت برائے اسلامی بہنیں کے تحت گجرات میں میٹنگ منعقد ہوئی جس میں ڈویژن و ڈسٹرکٹ ذمہ داران اور شعبے کے   ناظم اسلامی بھائیوں نے شرکت کی۔

ابتداً شعبے کے دینی کاموں کے حوالے سے کلام کرتے ہوئے نگرانِ شعبہ غلام الیاس عطاری اور صوبائی ذمہ دار قاری عبد الماجد عطاری نےگجرات کے ہر یوسی میں 1 جولائی 2024ء سے معلمہ مدنی قاعدہ کورس کروانے کا ذہن دیا۔

عاشقانِ رسول کی دینی تحریک دعوتِ اسلامی کے شعبہ معاونت برائے اسلامی بہنیں کے تحت سرگودھا ڈویژن میں پچھلے دنوں ایک مدنی مشورے کا انعقاد ہوا جس میں ڈویژن، ڈسٹرکٹ اور سٹی نگران و ذمہ داران نے شرکت کی۔

شعبے کے دینی کاموں کے متعلق گفتگو کرتے ہوئے نگرانِ شعبہ غلام الیاس عطاری اور صوبائی ذمہ دار قاری عبد الماجد عطاری نےسرگودھا ڈویژن کے ہر یوسی میں 1 جولائی 2024ء سے معلمہ مدنی قاعدہ کورس کروانے کا ذہن دیا۔

اس کے علاوہ ذمہ داران نے فیضانِ صحابیات سمیت کراچی میں شعبے کے تحت ہونے والے دینی کاموں کے سلسلے میں ہونے والے مدنی مشوروں کے بارے میں کلام کیا۔(رپورٹ: محمد علی رفیق شعبہ معاونت صوبہ پنجاب آفس ، کانٹینٹ:غیاث الدین عطاری)

سرگودھا ڈویژن، پنجاب پاکستان میں گزشتہ روز شعبہ معاونت برائے اسلامی بہنیں دعوتِ اسلامی کے تحت مدنی مشورے کا انعقاد کیا گیا جس میں ڈویژن، سوسائٹی اور ڈسٹرکٹ سطح کے ذمہ دار اسلامی بھائی شریک ہوئے۔

کوٹلی میرپور کشمیر میں قائم دعوتِ اسلامی کے مدنی مرکز فیضانِ مدینہ میں شعبہ معاونت برائے اسلامی بہنیں کے تحت مدنی مشورہ ہوا جس میں تحصیل، ڈسٹرکٹ، ڈویژن ذمہ داران اور نگران اسلامی بھائیوں کی شرکت ہوئی۔

مدنی مشورے کے دوران نگرانِ شعبہ معاونت برائے اسلامی بہنیں غلام الیاس عطاری نےشعبے کے حوالے سے اسلامی بھائیوں کی ذہن سازی کرتے ہوئے انہیں مدنی قاعدہ کورس کروانے کا ہدف دیا نیز فیضانِ صحابیات کے قیام کے لئے مشاورت ہوئی۔

نگرانِ شعبہ نے ہفتہ وار اجتماعات کی تعداد بڑھانے سمیت دیگر اہم نکات پر گفتگو کی جس پر تمام ذمہ دار اسلامی بھائیوں نے اپنی اپنی رائےپیش کی۔بعدازاں شرکائے مدنی مشورہ نے علاقے میں موجود ایک فیضانِ صحابیات کا وزٹ کیا۔

دوسری صدی کی عظیم شخصیت اور  کراچی کے مشہور و معروف ولی اللہ حضرت سیّد عبد اللہ شاہ غازی رحمۃ اللہ علیہ اللہ عزوجل کے برگزیدہ بندے اور نواسۂ رسول امام حسن مجتبیٰ رضی اللہ عنہ کی اولاد (پَر پوتے) میں سے ہیں جن کے فیضان سے آج بھی بالخصوص کراچی جبکہ بالعموم پاکستان بھر کے عاشقانِ رسول فیضیاب ہو رہے ہیں۔

تفصیلات کے مطابق آج مورخہ 29 جون 2024ء کو دعوتِ اسلامی کے زیرِ اہتمام ”عرسِ حضرت سیّد عبد اللہ شاہ غازی رحمۃ اللہ علیہ“کے موقع پر کلفٹن کراچی میں موجود مزار شریف کے احاطے میں عظیم الشان سنتوں بھرا اجتماع منعقد کیا جائے گا۔

نمازِ مغرب کے بعد تلاوتِ کلامِ پاک سے اجتماع کا آغاز کرتے ہوئے نعت خواں اسلامی بھائی امام الانبیاءحضرت محمد صلی اللہ علیہ و سلم کی بارگاہ میں نذرانۂ عقیدت پیش کریں گے اور حضرت سیّد عبد اللہ شاہ غازی رحمۃ اللہ علیہ کی شان میں کلام بھی پڑھیں گے۔

تلاوت و نعت کے بعد دعوتِ اسلامی کی مرکزی مجلسِ شوریٰ کے رکن مولانا حاجی عبد الحبیب عطاری سنتوں بھرا بیان فرمائیں گے نیز صلوٰۃ و سلام اور دعا پر اس اجتماعِ پاک کا اختتام ہوگا۔

حدیثِ پاک میں ہے:اللہ کےآخری نبی صلی اللہ علیہ واٰلہٖ وسلم نےفرمایا: اِنَّ اللَّهَ يُحِبُّ إِذَا عَمِلَ أَحَدُكُمْ عَمَلًا أَنْ ‌يُتْقِنَهُ یعنی جب تم میں سے کوئی کام کرےتواللہ پاک کو پسند ہےکہ وہ اُسےمہارت وپختگی کے ساتھ کرے۔(مسند ابی یعلی، 4/20، حدیث:4369)

الحمدللہ!دعوتِ اسلامی کےشعبوں میں اِس فرمانِ نبوی پر عمل کرنے کے لیےTraining Sessions اوراہم کورسزکےذریعےSkill Development کا خصوصی اہتمام کیاجاتا ہے۔ اسلامک ریسرچ سینٹر المدینۃ العلمیہ میں ہونے والے Wriitting Skills,office Management ،اصول تحقیق و تخریج وغیر ہ سے متعلق کورسز بھی اسی سلسلے کی ایک کڑی ہے۔

اللہ کی رحمت سے اسلامک ریسرچ سینٹر المدینۃ العلمیہ کی فیصل آباد برانچ میں”Automate Your Work“کےعنوان سے سیشنز کاسلسلہ ہوا،یاد رہے کہ جنوری2024 سے جون2024 تک چار سیشنز ہوچکے ہیں جن میں المدینۃ العلمیہ کے محقق و مصنّف، آئی ٹی ایکسپرٹ اورسافٹ ویئرڈیویلوپر مولاناصفدر علی عطاری مدنی سلمّہ الغنی لیکچرز دینے کےفرائض انجام دے رہے ہیں ۔ تصویروں کی زبانی آپ لیکچر دینے کا پروفیشنل انداز اورشرکا کی دل چسپی ملاحظہ کرسکتے ہیں ، مہارت وپختگی میں اضافے کے لیے کی جانے والی اِن کوششوں کو دیکھ کر آپ بے ساختہ پکار اُٹھیں گے:

دعوتِ اسلامی زندہ باد

23جون2024ء کو دعوت اسلامی کے مبلغین کی کانو اسٹیٹ کے درع القادریہ میں حاضری ہوئی  جہاں مبلغین دعوت اسلامی نے شیخ Jimoh قادری سے ملاقات کی اور دعوت اسلامی کا تعارف پیش کرتے ہوئے امیر اہلسنت دامت برکاتہم العالیہ کی دنیا بھر میں ہونے والی دینی خدمات سے آگاہ کیا جس پر شیخ نےدینی خدمات کو سراہا۔(کانٹینٹ:شعیب احمد)