پچھلے دنوں ایم این اے ملک عمر اسلم اعوان،سابقہ ایم پی اےملک حسن اسلم اعوان  سمیت دیگر شخصیات نے فیضانِ مدینہ خوشاب کا دورہ کیا۔

اس موقع پر ذمہ داران نے شخصیات کو ویلکم کیا اور فیضانِ مدینہ میں موجود شعبہ جات کا وزٹ کروایا نیز دعوتِ اسلامی کی دینی اور فلاحی خدمات کے حوالے سے معلومات فراہم کیں جس پر مہمانوں نے اچھے تاثرات دیئےاورفیضان آن لائن اکیڈمی میں پڑھنے کی نیت کا اظہار کیا۔آخر میں ذمہ داران نے شخصیات کو مکتبۃ المدینہ کی جاری کردہ کتاب فیضانِ رمضان سمیت دیگر کُتب ا ور رسائل تحفتاً دیئے۔(رپورٹ : کوآرڈینیشن ڈیپارٹمنٹ عون رضا عطاری مدنی، کانٹینٹ: رمضان رضا عطاری)

پچھلے  دنوں ایس پی گلشن ظفر ، ایس ایچ او ندیم گجر اور ہیڈ مہرر نے عالمی مدنی مرکز فیضانِ مدینہ کراچی کا دورہ کیاجہاں ذمہ داران نے شخصیات کو مدنی مرکز میں موجود ڈیپارٹس اور ان میں ہونے والے دینی کاموں کے بارے میں بریفنگ دی جس پر ایس پی ظفر نے دعوتِ اسلامی کے بارے میں اچھے تاثرات کا اظہار کیا۔( کانٹینٹ: رمضان رضا عطاری)

دعوتِ اسلامی کا نعرہ ” پودہ لگانا ہے درخت بنانا ہے“ کے تحت پچھلے دنوں فیضان گارڈن کینٹ ایریا سرگودھا میں شجرکاری مہم کا انعقاد کیا گیا جس میں نگرانِ ڈویژن مشاورت محمد عادل عطاری، ڈائریکٹر PHA سرگودھا ڈویژن محمد فاروق حیدر عزیز اور دیگر افسران نے پودے لگائے۔

علاوہ ازیں افسران کی دعوت پر دعوتِ اسلامی کے ذمہ دار اسلامی بھائیوں نے PHA کا وزٹ کیا اور افسران سے چند اہم موضوعات پر میٹنگ کی نیز مختلف اہداف کے بارے میں کلام کیا۔(رپورٹ: شعبہ رابطہ برائے شخصیات ، کانٹینٹ:غیاث الدین عطاری)

شعبہ کفن دفن دعوتِ اسلامی کے تحت 26 مارچ 2023ء  کو کاک پل اسلام آباد میں حاضری قبرستان کورس کا سلسلہ ہوا جس میں پروفیسر اور اسٹوڈنٹس نے شرکت کی ۔

شعبہ کفن دفن ذمہ دار ظہیر عباس عطاری( اسلام آباد) نے کورس میں شریک افراد کو حاضریِ قبرستان کے آداب اور اس کی اہمیت و فضیلت بیان کرتے ہوئے کفن کاٹنے اور پہنانے کا عملی طریقہ سمجھایا نیز شرکا کی تربیت کرتے ہوئے انہیں دعوتِ اسلامی کے تحت ہونے والے 12 دینی کاموں میں حصہ لینے کا ذہن دیا جس پر انہوں نے نیک خواہشات کا اظہار کیا۔ (رپورٹ : زون ذمہ دار مزمل عطاری ، کانٹینٹ: رمضان رضا عطاری)

خیر خواہی اُمّت کا جذبہ رکھنے والی عاشقانِ رسول کی دینی تحریک  دعوتِ اسلامی کے زیرِ اہتمام 25 مارچ 2023ء کو صدر راولپنڈی میں کفن دفن عملی اجتماع کا انعقاد ہوا جس میں پروفیسراور اسٹوڈنٹس شریک ہوئے۔

صوبائی ذمہ دار ظہیر عباس عطاری نے’’ نمازِ جنازہ اور حاضری قبرستان‘‘ کے موضوع پر بیان کیا جس میں شرکائے کورس کو کفن کاٹنے اور پہنانے کا عملی طریقہ سمجھایا ۔

ساتھ ہی قبر پر حاضری کا طریقہ ،کس دن قبرستان جانا افضل ہے اورسب سے افضل قبرستان کو ن سا ہے اس بارے میں معلومات فراہم کیں نیز اسلامی بھائیوں کو قبرستان میں داخل ہونے کی دعا بھی یاد کروائی ۔(رپورٹ : معین عطاری ، کانٹینٹ: رمضان رضا عطاری)

رمضان کے بابرکت مہینے میں لوگوں کو نیکی کی باتیں بتانے اور اُن کی دینی و اخلاقی تربیت کرنے کے لئے دعوتِ اسلامی کےتحت گجر ہاؤس چک 23 بھاگٹانوالہ سرگودھا میں بزنس ٹائیکون   حاجی منیر حسین گجر (صدر مسلم لیگ ن جاپان ) کی رہائش گاہ پر شخصیات کے لئے افطار اجتماع کا انعقاد کیا گیا جس میں اہم بزنس مین، سیاسی و سماجی شخصیات اور مختلف شعبہ ہائے زندگی سے تعلق رکھنے والے اسلامی بھائیوں نے شرکت کی۔

26 مارچ 2023ء کو دعوتِ  اسلامی کے جوہر ٹاؤن لاہور میں قائم مدنی مرکز فیضانِ مدینہ میں گونگے بہرے اسلامی بھائیوں میں افطار اجتماع کا انعقاد ہوا جس میں 12 اسپیشل پرسنز اور آٹھ یونیورسٹی کے طلبہ نے شرکت کی۔

مبلغِ دعوت ِاسلامی احمد اویس عطاری( پاکستان ) نے اشاروں کی زبان میں’’ خوفِ خدا “کے موضوع پر سنتوں بھرا بیان کیا اور نیکی کی دعوت پیش کرتے ہوئے اسلامی بھائیوں کو ماہِ رمضان المبارک میں ہونے والے مدنی مذاکرے سننے کا ذہن دیا۔(رپورٹ: محمد رضوان عطاری مدنی (اسپیشل پرسنز ڈیپارٹمنٹ پاکستان آفس ،کانٹینٹ:رمضان رضا عطاری)

فیضانِ مدینہ  ملتان میں 24 مارچ2023ء کو اسپیشل پرسنزڈیپارٹمنٹ کےتحت افطار اجتماع کا اہتمام کیا گیا ۔اس اجتماع میں 40 اسپیشل پرسنز نے شرکت کی۔

افطار اجتماع میں ڈسٹرکٹ ذمہ دار محمد جمال عطاری مدنی( ملتان) نے گونگے بہرے اسلامی بھائیوں کی آسانی کے لئے ’’روزوں کی اہمیت‘‘کے موضوع پر اشاروں کی زبان میں سنتوں بھرا بیان کیا جس میں شرکا کو روزوں کی نورانیت پانے کے لئے باجماعت نماز پڑھنے اور رمضان المبارک میں ہونے والے مدنی مذاکرے سننے کا ذہن دیا جس پر انہوں نے اچھے جذبات ظاہر کئے۔(رپورٹ: محمد رضوان عطاری مدنی (اسپیشل پرسنز ڈیپارٹمنٹ پاکستان آفس ،کانٹینٹ:رمضان رضا عطاری)

دعوتِ اسلامی کے تحت گزشتہ روز سبی میں ایس ڈی پی او انجینئر عبد الحفیظ جکھرانی کے ہمراہ شعبہ رابطہ برائے شخصیات کے ذمہ داران کی میٹنگ ہوئی جس میں دیگر اداروں کے افراد بھی موجود تھے۔

اس میٹنگ میں ذمہ دار اسلامی بھائیوں نے ماہِ رمضانُ المبارک میں دعوتِ اسلامی کے تحت ہونے والے سنتوں بھرے اجتماعات کی سیکیورٹی کے حوالےسے کلام کیا جس پر انجینئر عبد الحفیظ جکھرانی نے اپنی جانب سے مکمل تعاون کی یقین دہانی کروائی۔

عاشقانِ رسول کی دینی تحریک  دعوتِ اسلامی کے شعبہ اسپیشل پرسنز کی جانب سے صوبائی ذمہ دار محمد سلیم عطاری (سندھ) نے ڈویژن ذمہ دار محمد وقار حسین عطاری(حیدر آباد ) کے ہمراہ کوٹری ،حیدرآباد کے علاقے خدا کی بستی میں واقع اسپیشل ایجوکیشن اسکول کا دورہ کیا۔

جہاں انہوں نے طلبہ میں سیکھنے سکھانے کا مدنی حلقہ لگایا جس میں ڈیف اسٹوڈنٹس کواشاروں کی زبان میں نمازوں کے نام اور نمازوں کی رکعتوں کی تعداد سکھائیں۔(رپورٹ: محمد رضوان عطاری مدنی (اسپیشل پرسنز ڈیپارٹمنٹ پاکستان آفس ،کانٹینٹ:رمضان رضا عطاری)

دعوتِ اسلامی  کے اسپیشل پرسنزڈیپارٹمنٹ کےتحت 19 مارچ 2023ء کو پھول نگر ،قصور پنجاب میں مدنی مشورے کا انعقاد کیا گیا جس میں صوبائی ذمہ دار محمد وقاص عطاری(پنجاب) نے نابینا افراد ذمہ دار محمد حنیف عطاری (پاکستان) کے ہمراہ قصور ڈسٹرکٹ اور تحصیل ذمہ داران کا مدنی مشورہ لیا۔

معلومات کے مطابق مدنی مشورے میں اخلاقی تربیت ، دینی کاموں میں ترقی اور رمضان اعتکاف کے حوالے سے مدنی پھول پیش کئے گئے۔(رپورٹ: محمد رضوان عطاری مدنی (اسپیشل پرسنز ڈیپارٹمنٹ پاکستان آفس ،کانٹینٹ:رمضان رضا عطاری)

دعوتِ اسلامی دنیا بھر میں دینی و فلاحی کام کرنے اور لوگوں کو نیکی کی دعوت دینے والی عاشقانِ رسول کی دینی تحریک ہے جس کے کم و بیش 80 شعبہ جات قائم ہیں۔

پچھلے دنوں انہیں شعبہ جات میں سے شعبہ رابطہ برائے تاجران کے ذمہ دار اسلامی بھائیوں نے دینی کاموں کے سلسلے میں ڈسٹرکٹ سینٹرل کراچی کا دورہ کیا جہاں انہوں نے مختلف فیکٹریوں کے اونرز سے ملاقات کی۔