خلیفہ چہارم، شیر خدا، فاتح خیبر ، امیر المومنین حضرت سیدنا مولا علی المرتضیٰ کَرَّمَ اللہ وجہَہُ الکریم کے یوم ولادت کے سلسلے میں آج 13 رجب المرجب 1442ھ کی شب عالمی مدنی مرکز فیضان مدینہ کراچی میں ہفتہ وار اجتماع کے بعد مدنی مذاکرے کا انعقاد کیا جائیگا۔ مدنی مذاکرے کے آغاز میں جلوس مولا علی رضی اللہ عنہ کا اہتمام ہوگا۔

اس روحانی محفل میں نعت رسول صلَّی اللہ علیہ واٰلہٖ وسلَّم اور منقبت مولا علی رضی اللہ عنہ پڑھی جائیگی جبکہ امیر اہل سنّت دَامَتْ بَرَکَاتُہُمُ الْعَالِیَہ حضورسیدنا مولا علی رضی اللہ عنہ کی دینی خدمات کو بیان کرتے ہوئے عاشقانِ رسول کی جانب سے ہونے والے سوالات کے جوابات دینگے۔ مدنی مذاکرے کے اختتام پر لنگر مولا علی رضی اللہ عنہ کا انتظام بھی ہوگا۔

تمام عاشقان رسول سے اس پرنور محفل میں شرکت کرنے کی التجاء ہے۔

علم کی مجلس میں حاضر ہونا ہزار رکعت نَفْل پڑھنے، ہزار جنازوں میں شرکت کرنے اور ہزار مریضوں کی عیادت کرنے سے بہتر ہے۔ (احیاء العلوم مترجم جلد 1،ص136) ۔مدنی مذاکرہ بھی علم دین حاصل کرنے کا بہترین ذریعہ ہے ۔

دعوتِ اسلامی کے زیرِ اہتمام ہر ہفتے کی رات بعد نمازِ عشاء ہفتہ وار مدنی مذاکرے کا سلسلہ ہوتا ہے جس میں بانیِ دعوتِ اسلامی حضرت علامہ مولانا محمدالیاس عطار قادری دَامَتْ بَرَکَاتُہُمُ الْعَالِیَہ اپنے قیمتی ملفوظات عطا فرماتے ہیں۔

اسی سلسلے میں آج رات تقریباً ساڑھے9 بجے مین یونیورسٹی روڈ کراچی پر واقع عالمی مدنی مرکزفیضانِ مدینہ میں ہفتہ وار مدنی مذاکرے کا آغاز ہوجائے گا جس میں امیرِ اہلِ سنت دَامَتْ بَرَکَاتُہُمُ الْعَالِیَہ عاشقانِ رسول کے سوالات کے حکمت بھرے جوابات ارشاد فرمائیں گے۔

تمام عاشقانِ رسول سے گزارش ہے کہ مدنی مذاکرے میں شرکت کرکے علم دین کا ڈھیروں ڈھیر خزانہ حاصل کریں۔

دعوت اسلامی کے عالمی مدنی مرکز فیضان مدینہ کراچی میں 6 رجب المرجب 1442ھ کی شب خواجہ غریب نوازمعین الدین سید حسن  چشتی رحمۃ اللہ علیہ کے 809 واں عرس کے موقع پر مدنی مذاکرے کا انعقاد کیا گیا۔ مدنی مذاکرے کے آغاز میں جلوس خواجہ غریب نواز رحمۃ اللہ علیہ کا اہتمام ہوا۔

اس روحانی محفل میں نعت رسول صلَّی اللہ علیہ واٰلہٖ وسلَّم اور منقبت خواجہ غریب نواز رحمۃ اللہ علیہ پڑھی گئی جبکہ شیخ طریقت امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے خواجہ غریب نواز رحمۃ اللہ علیہ کی دینی خدمات کو بیان کرتے ہوئے عاشقانِ رسول کی جانب سے کئے سوالات کے جوابات دیئے۔اس موقع پر جانشین امیر اہل سنت مولانا عبید رضا عطاری، نگران شوریٰ مولانا محمد عمران عطاری،دارالافتاء اہل سنت کے مفتیانِ کرام اور اراکین شوریٰ سمیت عاشقان رسول کی بڑی تعداد موجود تھی۔

6فروری 2021ء کی شب عالمی مدنی مرکز فیضانِ مدینہ میں ہفتہ وار مدنی مذاکرے کا سلسلہ ہوا جس میں بانیِ دعوتِ اسلامی حضرت علامہ مولانا محمدالیاس عطار قادری دَامَتْ بَرَکَاتُہُمُ الْعَالِیَہ نے عاشقانِ رسول کو علم و حکمت سے بھرپور مدنی پھول عطا فرمائے۔ عالمی مدنی مرکز فیضانِ مدینہ کراچی میں سینکڑوں جبکہ بیشتر مقامات ہزاروں عاشقانِ رسول نے جمع ہوکر اس مدنی مذاکرے میں شرکت کی سعادت حاصل کی۔

مدنی مذاکرے کے چند مدنی پھول ملاحظہ کریں:

سوال:کیاطوطے (Parrot) کے سامنے اللہ اللہ کرنے سے ثواب ملےگا؟

جواب: اگریہ ذہن میں ہوکہ میں اللہ پاک کوخوش کرنے کے لیے اللہ پاک کا ذکرکررہا ہوں تو ثواب ملے گا،طوطے کے سامنے اس لیے اللہ اللہ کرےکہ یہ بھی اللہ اللہ کرنے والا بن جائےگا،اس طوطے سے اللہ کا ذکرسننے والے خوش ہوں گے اورانہیں بھی اللہ کی یادآئےگی تو اس نیت کی وجہ سےبھی ثواب ملے گا،ایک اورصورت ہے کہ میں اللہ اللہ کروں گا اوریہ طوطامیرےذِکرُ اللہ کا گواہ ہوجائے گاتویہ بھی کارِ ثواب ہوگا۔

سوال: اسلام کے پہلے مجدّدکون ہیں ؟

جواب:حضرت عمربن عبدالعزیز رحمۃ اللہ علیہ ،یہ تابعی بزرگ،مسلمانوں کے عادل خلیفہ اورنہایت پرہیزگار تھے۔

سوال: نبیِ پاک صلی اللہ علیہ والہ وسلم نےحجۃ الوداع کا خطبہ جبلِ رَحمت کے اُوپر اِرشادفرمایا یااس کے پاس ؟

جواب: نبیِ پاک صلی اللہ علیہ والہ وسلم نےحجۃ الوداع کا خطبہ اُونٹنی پر بیٹھ کر دیا تھا ، جبلِ رحمت کو قُرب بخشاتھا۔

سوال: اچانک موت پر کس طرح صبرکیا جائے؟

جواب:پہلے سے ذہن بناہو کہ کسی کو کسی وقت بھی موت آسکتی ہے ،یوں صبرآجائے گا ،پہلے کے دَورمیں بُزرگ قبرکےسوالات جوابات اورسورۂ مُلک یادکرواتےتھے،اس میں موت وآخرت کا تذکرہ ہے(سورۂ ملک کی تلاوت عذابِ قبرسے نجات دِلانے والی ہے ،یوں موت کو یادرکھنے کے مواقع موجود ہیں۔)صبرکے فضائل بھی پیشِ نظررکھیے کہ صبراللہ پاک کے خزانوں میں سے ایک خزانہ ہے ،صبرکرنے والوں کو اللہ پاک جنت میں داخل فرمائے گا۔

سوال:بِلّی اورجنّات میں کیا تعلّق ہے؟

جواب:کوئی تعلّق نہیں ہے ،جن ّآگ سے بنا ہے اوربِلّی جانورہے ،البتہ بِلّی اورشیرکاتعلّق بچپن سے سنا ہے، اسے شیرکی خالہ کہا جاتاہے ۔

سوال:کیا عمدہ عمدہ کھانے کی عادت ہونی چاہئے یا عمدہ غذاکبھی کبھی کھانی چاہیے ؟

جواب:عادت نہیں ہونی چاہئے کھبی کبھی کھانا چاہئے کھانے میں حرج بھی نہیں ،ایک قول یہ بھی ہے کہ جو عمدہ عمدہ غذاؤں کا عادی ہوگا، نزع(روح نکلنے) کے وقت اسے تکلیف زیادہ ہوگی ۔

سوال: سفرِمدینہ میں کوئی مشکل تشریف لائے تو کیا کریں کہ ادب بھی رہے اورصبربھی ملے؟

جواب:اب تو سفربہت آسان ہے سفرتو کرنے والے کرگئے ،پہلےسفرِ مدینہ میں دنوں بلکہ مہینوں لگتے تھے،اب تو یہ سفرگھنٹوں میں ہوتا ہے،پھر بھی کوئی مشکل آتی ہے تو صبرکیا جائے اوراجرکے مستحق بنیے،اس کا تو اپنا لطف ہے ،میں سفرِمدینہ میں بیماربھی ہواہوں ،ہسپتال میں بھی داخل ہواہوں ،میٹھا مدینہ دُورہے جاناضرورہے ۔

سوال: کون سے مچھلی(Fish) کھانی چاہئے؟

جواب: مچھلی اللہ پاک کی بہت بڑی نعمت ہے ،مچھلی کی لاکھوں قسمیں ہیں ،ہرایک کی اپنی اپنی پسندہوتی ہے،مچھلی کھانے کےاپنے فوائد ہیں۔بالخصوص مچھلی کاسر(Head)کھانے سے عقل بڑھتی ہے ۔مچھلی موٹاپا نہیں لاتی ۔ہفتے میں ایک یادوبارمچھلی کھانی چاہئے ،مچھلی تلی(Fri) ہوئی نہ کھائی جائے ،گرلڈ فِش(Grilled Fish) یعنی کوئلوں میں بُھنی ہوئی کھائی جائے یا اس کا سالن پکاکر کھایاجائے۔

سوال: ٹِن پیک کھانوں کے بارے میں آپ کیا فرماتےہیں ؟

جواب: ٹِن پیک کھانے سے بچنا چاہئے،میری معلومات کے مطابق اس میں ایساکیمیکل ہوتاہے جو صحت کے لیے نقصان دہ ہوتاہے ۔

سوال: اِس ہفتے کارِسالہ” اذان کی برکتیں “پڑھنے یاسُننے والوں کو امیرِاہلِ ِسُنّت دَامَتْ بَرَکاتُہُمُ الْعَالِیَہنے کیا دُعا دی ؟

دعوتِ اسلامی کے زیرِ اہتمام ہر ہفتے کی رات بعد نمازِ عشاء ہفتہ وار مدنی مذاکرے کا سلسلہ ہوتا ہے جس میں بانیِ دعوتِ اسلامی حضرت علامہ مولانا محمدالیاس عطار قادری دَامَتْ بَرَکَاتُہُمُ الْعَالِیَہ اپنے قیمتی ملفوظات عطا فرماتے ہیں۔

اسی سلسلے میں آج رات تقریباً ساڑھے9 بجے مین یونیورسٹی روڈ کراچی پر واقع عالمی مدنی مرکزفیضانِ مدینہ میں ہفتہ وار مدنی مذاکرے کا آغاز ہوجائے گا جس میں امیرِ اہلِ سنت دَامَتْ بَرَکَاتُہُمُ الْعَالِیَہ عاشقانِ رسول کے سوالات کے حکمت بھرے جوابات ارشاد فرمائیں گے۔

تمام عاشقانِ رسول سے گزارش ہے کہ مدنی مذاکرے میں شرکت کرکے علم دین کا ڈھیروں ڈھیر خزانہ حاصل کریں۔

واضح رہے کہ یہ پروگرام مدنی چینل پر براہ راست نشر کیا جائیگا۔

علم کی مجلس میں حاضر ہونا ہزار رکعت نَفْل پڑھنے، ہزار جنازوں میں شرکت کرنے اور ہزار مریضوں کی عیادت کرنے سے بہتر ہے۔ (احیاء العلوم مترجم جلد 1،ص136) ۔مدنی مذاکرہ بھی علم دین حاصل کرنے کا بہترین ذریعہ ہے ۔

دعوتِ اسلامی کے زیرِ اہتمام ہر ہفتے کی رات بعد نمازِ عشاء ہفتہ وار مدنی مذاکرے کا سلسلہ ہوتا ہے جس میں بانیِ دعوتِ اسلامی حضرت علامہ مولانا محمدالیاس عطار قادری دَامَتْ بَرَکَاتُہُمُ الْعَالِیَہ اپنے قیمتی ملفوظات عطا فرماتے ہیں۔

اسی سلسلے میں آج رات تقریباً ساڑھے9 بجے مین یونیورسٹی روڈ کراچی پر واقع عالمی مدنی مرکزفیضانِ مدینہ میں ہفتہ وار مدنی مذاکرے کا آغاز ہوجائے گا جس میں امیرِ اہلِ سنت دَامَتْ بَرَکَاتُہُمُ الْعَالِیَہ عاشقانِ رسول کے سوالات کے حکمت بھرے جوابات ارشاد فرمائیں گے۔

تمام عاشقانِ رسول سے گزارش ہے کہ مدنی مذاکرے میں شرکت کرکے علم دین کا ڈھیروں ڈھیر خزانہ حاصل کریں۔

23 جنوری 2021ء کی شب عالمی مدنی مرکز فیضانِ مدینہ میں ہفتہ وار مدنی مذاکرے کا سلسلہ ہوا جس میں بانیِ دعوتِ اسلامی حضرت علامہ مولانا محمدالیاس عطار قادری دَامَتْ بَرَکَاتُہُمُ الْعَالِیَہ نے عاشقانِ رسول کو علم و حکمت سے بھرپور مدنی پھول عطا فرمائے۔ عالمی مدنی مرکز فیضانِ مدینہ کراچی میں سینکڑوں جبکہ بیشتر مقامات ہزاروں عاشقانِ رسول نے جمع ہوکر اس مدنی مذاکرے میں شرکت کی سعادت حاصل کی۔

مدنی مذاکرے میں امیرِ اہلِ سنت نے پان گٹکاکھانےکےبارےمیں مدنی پھول دیتے ہوئے کہا کہ پان گٹکااچھی چیزنہیں ،اس سےبچنے میں ہی عافیّت ہے،پان میں چُونا بھی ہوتاہے، اس سے پتھری ہوجانے کا اندیشہ ہے ،لوگ منہ میں گٹکارکھ کرسوجاتے ہیں ،جس سےمنہ میں کینسرہونے کا اندیشہ ہوتا ہے۔

مدنی مذاکرے کےمزید مدنی پھول ملاحظہ فرمائیں

سوال:سناہے کہ دُعاقُبول ہونے کےلیے یہ یقین ہونا چاہئے کہ میری دُعاضرور قبول ہوگی ،یہ یقین کیسے حاصل ہو؟

جواب:بتکلُّف یقین بنانے کی کوشش کرے،اس کےساتھ علم بھی ہوناچاہئےکہ دُعاکی قُبولیّت کی کیاکیاصورتیں ہیں مثلاًدُعاکی قُبولیّت یہ بھی ہے کہ جو مانگامل جائے ،اس کے علاوہ بھی دُعاکی قُبولیّت کی صورتیں ہیں مثلاً دُعامانگی ،جومانگانہیں ملامگرکوئی نقصان ہونے والا تھادُعامانگنے کی برکت سے اُس نقصان سے بچ گیا،سب سے اعلیٰ دُعاکی قُبولیّت کی صورت یہ ہے کہ دُنیامیں جومانگانہ ملامگراُسے آخرِت میں ثواب کی صورت میں ذخیرہ کرلیاگیا۔

سوال: کیااسکوٹر(Motor Cycle)چلاتےہوئے نعت شریف پڑھ سکتےہیں ؟

جواب:جی ہاں!نعت شریف اورذکرواذکار پڑھ سکتے ہیں ۔

سوال:یَاحَیُّ یَاقَیُّوْمُ پڑھنے کی کیا برکات ہیں؟

جواب:اللہ پاک کا نام لینے میں برکت ہی برکت اورثواب ہی ثواب ہے، یَاحَیُّ یَاقَیُّوْمُ پڑھنے کی برکت سے مشکل آسان،آفت دُور،بیماری سے شِفااور فاصلے بھی سِمٹ جاتے ہیں ،یہ بہت ہی پیاراوِردہے،بُدھ اورجُمعرات کی درمیانی رات(6 جمادی الاخریٰ1442ھ)تھی ،مجھے اسلامی بھائیوں کے ہمراہ ائیرپورٹ سے گھرپہنچنا تھا،فجرکا وقت کم تھا ،دُھند(Fog)کی وجہ سے گاڑی چلانے والے نے کہاکہ میں آگے نہیں بڑھ سکتاکہ کچھ نظرنہیں آرہا ،پریشانی یہ تھی کہ نمازِ فجرکا وقت ختم ہونےوالاتھا ،کسی مقام پر وضو کرنے کاانتظام بھی مشکل تھا ،ہم نے مل کر یَاحَیُّ یَاقَیُّوْمُ کا وِردشروع کردیا ،حیرت انگیزطورپر دُھند (Fog) دُورہوگئی اورراستہ نظرآنےلگا،دوسری برکت یہ ظاہرہوئی کہ راستہ سمٹ گیا اورہم وقت پر گھرپہنچ گئے،اَلْحَمْدُلِلّٰہ نمازِفجرپڑھنے میں کامیاب ہوگیا ۔ ایک مرتبہ ہم حیدرآبادکی جانب آرہےتھے ،رات کافی گزرچکی تھی فاصلہ کافی تھا،حیدرآبادمیں ایک اسلامی بھائی نے سحری کا انتظام کیاہواتھا،وقت کم تھا ،اسی لیے پریشانی ہوئی کہ سحری نہیں کرسکیں گے ،اس پرمیں نےیہی وِرد کرناشروع کردیا یَاحَیُّ یَاقَیُّوْمُ ،اَلْحَمْدُلِلّٰہ راستہ سمٹ گیااورہم وقت پر حیدرآباد پہنچ گئے ،سُنّت ِسحری کی سعادت بھی نصیب ہوگئی ۔

سوال: دعوتِ اسلامی نوجوانوں کے لیے کیا مصروفیت مہیاکررہی ہے؟

جواب: دعوتِ اسلامی یوں تو بچوں ،بوڑھوں اورتمام عمرکے لوگوں میں دِینی کام کرتی ہے لیکن غالب اکثریت نوجوانوں پر مشتمل ہے ،ان کے لیے ہفتہ واراجتماع میں شرکت،مدنی قافلوں میں سفر،نیک اعمال پرعمل ،جامعۃ المدینہ ،مدرسۃ المدینہ ،مدرسۃ المدینہ بالغان اورکئی طرح کے کورسز ہیں جن میں نوجوان داخلہ لے سکتے ہیں ،بعض نوجوانوں میں قِیادت(Leadership) کی صلاحیت ہوتی ہے ،گفتگومیں ٹھہراؤ ہوتاہے، ان پر زیادہ کوشش کرنی چاہئے کہ یہ راہِ سنت پر آجائیں کیونکہ اگریہ دعوتِ اسلامی میں مکمل آجائیں تو دِین کا کام کافی بڑھ سکتاہے۔یادرکھئے! دِین کے لیے جوکام کرتاہے ،دنیا میں بھی وہ بہترزندگی گزارتاہے ،ان شاء اللہ !آخرت بھی سنور جائے گی ،دین کاکام کرنے سے دنیانہیں چُھوٹتی، گناہ چُھوٹتے ہیں ۔

سوال: ہمیں کون سی کِتابوں کا مُطالَعہ کرنا چاہئے ؟

جواب:ہمارے مُعاشرے میں فقہی وشرعی مسائل کے مُطالَعے کا شوق کم ہے ،ضروری شرعی احکام سب کوسیکھنےچاہئیں،میرامشورہ ہے کہ بہارِشریعت اورجس سے ہوسکےفتاویٰ رضویہ کا مُطالَعہ کریں ،عقائدکا علم حاصل کرنا سب سے ضروری ہے،اس کے لیے بہارِشریعت کا پہلاحصہ اورمکتبۃ المدینہ کی کتاب ’’کفریہ کلمات کے بارے میں سوال جواب‘‘ کا مُطالَعہ کریں بلکہ گھول کرپی لیں ،جتنا علم ِدین حاصل کرسکتے ہیں حاصل کریں ۔

سوال:لوگوں کو انگریزی مہینوں کی معلومات تو ہوتی ہیں مگراسلامی مہینوں کی نہیں ،اس کے بارے میں آپ کیا فرماتے ہیں ؟

جواب:افسوس !آج عام طورپر لوگوں کو سب معلوم ہےمگراسلام کےبارے میں معلومات نہیں ،بہت بُری حالت ہے،اسلامی معلومات کی بہت کمی ہے، اسلامی مہینوں اوراسلامی سال کی معلومات ہونی چاہئیں ،تمام اسلامی تہوار(مثلاً حج،زکوٰۃ کی ادائیگی،قربانی وغیرہ)اسلامی سال کے مطابق ہوتے ہیں مگرہمیں یہ معلوم نہیں ہوتے،انگلش مہینے،سال اورتاریخ معلوم ہوتی ہے بلکہ اسلامی مہینوں کے نام بولنے بھی نہیں آتے ،مکتبۃ المدینہ نے اسلامی کلینڈرشائع کیا ہے اس میں اسلامی اورانگلش دونوں تاریخیں لکھی ہوئی ہیں اسے لیں ،اسے دیکھتے رہنے سے اسلامی تاریخوں اورمہینوں کی معلومات ہوتی رہیں گی ،مکتبۃ المدینہ کی کتاب ’’اسلامی مہینوں کےفضائل ‘‘لےلیں ،اس میں 12 مہینوں کے فضائل ہیں ،بہت پیاری کتاب ہے ،پڑھنے والی ہے ،ہرگھرمیں ہونی چاہئے۔

سوال: دعوتِ اسلامی کا دِینی کام کب شروع ہوا؟

جواب:دعوتِ اسلامی کا دِینی کام 1401ھ مطابق 1981ءمیں شروع ہوا ،جب سے دعوتِ اسلامی بنی ہے کبھی ایک سیکنڈکے لیے بھی پیچھے نہیں ہٹی بلکہ آگے ہی بڑھتی جارہی ہے۔

سوال: اگر کسی دن یہ نیّت کی کہ میرافُلاں کام ہوگیا تو میں فُلاں بُزرگ کےمزارپر جاؤں گا پھروہ نہیں گیا تو کیسا؟

جواب: جانا چاہئے ورنہ بے برکتی ہوسکتی ہے ۔

سوال: اِس ہفتے کارِسالہ’’ شانِ صدیق اکبر‘‘پڑھنے یاسُننے والوں کو امیرِاہلِ ِسُنّت دَامَتْ بَرَکاتُہُمُ الْعَالِیَہنے کیا دُعا دی ؟

جواب:یااللہپاک! جو کوئی 17 صفحات کا رسالہ ’’ شانِ صدیق اکبر“ پڑھ یا سُن لے،اُس کو بے حساب بخش کر جنت الفردوس میں حضرت صدیق اکبر رضی اللہ عنہ کا پڑوس عطا فرما ۔اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم

16جنوری 2021ء کی شب عالمی مدنی مرکز فیضان مدینہ کراچی سے براہ راست مدنی چینل پر مدنی مذاکرے کا انعقاد کیا گیا جس میں کثیر تعداد میں عاشقان رسول نے شرکت کی۔

مدنی مذاکرے میں شیخِ طریقت حضرت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے علم و حکمت سے بھرپور مدنی پھول ارشاد فرمائے۔

مدنی مذاکرے کے چند مدنی پھول ملاحظہ کریں:

سوال:کیا لفظ"اللہ" پڑھ کر کسی کودم کریں تو اس سے فائدہ ہوتاہے؟

جواب: جی ہاں ! الفاظ میں بھی اثرہوتاہے ،اللہ پاک کانام لے کریا قرآنِ کریم پڑھ کرکسی کودم کریں تو اس کی برکت بھی حاصل ہوگی ۔

سوال: گھرمیں پھل یا کھلونے(Toys) لائیں توکیا کریں ؟

جواب: چھپا کر لائیں تاکہ غریب ہمسائےکے بچے ضد کرکے اپنے ماں باپ کو تنگ نہ کریں ،یوں ہمسائے کوتکلیف نہ ہو،مگرآجکل تو لوگ اپنی چیزوں کی نمائش کرتے اوراپنے گھروں کو سجاتے ہیں۔ہوٹل میں جائیں تو جیب سے نیانوٹ نکالیں گے ،اللہ کرےہمیں قناعت کی دولت ملے اورسادگی نصیب ہو۔

سوال: کسی مسلمان کی بُرائی کرنے میں کیانقصان ہے؟

جواب:کسی مسلمان کی بُرائی کرنے میں کوئی فائدہ نہیں ،یہ بہت بُری عادت ہے،یہ غیبت بھی ہے جوکہ بہت بڑاگُناہ ہے ، اس کی بہت تباہ کاریاں ہیں ،جس کی بُرائی کی جائے ،اس کے اوراس کی اولاد کے دل میں بُرائی کرنے کی نفرت پیداہوجاتی ہے ،اس بُری عادت کی وجہ سے دلوں میں کینہ، نفرت،بغض اورکئی بُرائیاں پیداہورہی ہیں ۔

سوال: نمازمیں چھینک کس کی طرف سے ہے؟

جواب: نمازمیں چھینک آنا شیطان کی طرف سے ہے۔

سوال:لوگوں کےسامنے کانوں میں اُنگلیاں ڈالناوغیرہ ایسی عادات کے بارے میں آپ کیا فرماتے ہیں ؟

جواب:لوگوں کےسامنے کانوں میں اُنگلیاں ڈالنا،باربارناک صاف کرناوغیرہ ایسی عادتوں سےعزّت و وقارمیں کمی واقع ہوتی ہے ،اس سے دوسروں کو گِھن بھی آتی ہے ،اگرکسی کی عادت بن گئی ہوتو سنجیدہ ہوکراسے نکالنے کی کوشش کرے۔

سوال:دعوتِ اسلامی کی ابتدامیں جب آپ کاوفد(Delegation) دیگرشہروں میں جاتاتھا تو آپ کہاں ٹھہرتے تھے؟

جواب:جب دعوتِ اسلامی شروع ہوئی تو ہم عاشقانِ رسول کےدارالعلوم اورمدارس میں ٹھہرتے تھے،پشاور(یکہ توت)میں پیرمحمدچشتی صاحب کے مدرسے میں، سکھرمیں مولانا محمدحسین رضوی صاحب کے مدرسے میں اورسیالکوٹ میں بھی کسی مدرسے میں ۔یہ اسلام کے قلعے ہیں ،ان کی آن بان شان ہے، معاشرے سےانہیں نکالا نہیں جاسکتا،ان دارالعلوم،مدارس و جامعات میں علمااورائمہ بنائے جاتے ہیں اگریہ ختم ہوجائیں توقوم کو مساجدکے ائمۂ کرام کیسے مل سکیں گے؟ لوگوں کوان کے ساتھ مالی تعاون کرنا چاہئے۔اللہ پاک انہیں مزیدآبادفرمائے۔

سوال:فتاویٰ رَضویہ پڑھنے کے لیے کیاکرناچاہئے ؟

جواب:جس نے فتاویٰ رَضویہ کی تیس جلدیں(30 Volumes) پڑھیں تواُس نےکمال کیا ،ابتدامیں وہ جِلدیں پڑھیں جو روزمرہ کے مسائل پر مشتمل ہیں( جسے عربی میں الْحَضْرُوَالْاِبَاحَۃکیا جاتاہے ۔فتاوٰی رضویہ کی جلد21تا24انہی مسائل پرمشتمل ہے)مطالَعہ کے ساتھ ساتھ علماسےپوچھنے کی حاجت ہوگی ،بلکہ کوئی بھی مسائل کی کتاب ہواس کوپڑھنے کے ساتھ ساتھ علماسے رابطہ ضروری ہے ،علماسے پوچھ پوچھ کر آگے بڑھیں۔

سوال: اِس ہفتے کارِسالہ’’صابر بوڑھا‘‘پڑھنے یاسُننے والوں کو امیرِاہلِ ِسُنّت دَامَتْ بَرَکاتُہُمُ الْعَالِیَہنے کیا دُعا دی ؟

علم کی مجلس میں حاضر ہونا ہزار رکعت نَفْل پڑھنے، ہزار جنازوں میں شرکت کرنے اور ہزار مریضوں کی عیادت کرنے سے بہتر ہے۔ (احیاء العلوم مترجم جلد 1،ص136) ۔مدنی مذاکرہ بھی علم دین حاصل کرنے کا بہترین ذریعہ ہے ۔

اسی سلسلے میں آج رات 8:30 بجےمدنی چینل پر براہ راست ہفتہ وار مدنی مذاکرے کا سلسلہ ہوگا جس میں بانیِ دعوتِ اسلامی حضرت علامہ محمد الیاس عطار قادری دَامَتْ بَرَکَاتُہُمُ الْعَالِیَہ عاشقانِ رسول کی جانب سے پوچھے گئے سوالات کے جوابات ارشاد فرمائیں گے

واضح رہے کہ مدنی مذاکرے میں امیرِ اہلِ سنت دَامَتْ بَرَکَاتُہُمُ الْعَالِیَہ فقہی سوالات کے جوابات، علم و حکمت سے لبریز مدنی پھول اور اپنے ذاتی تجربات کی روشنی میں روز مرہ کے مسائل پر تفصیلی گفتگو فرماتے ہیں۔

عاشقانِ رسول سے گزارش ہے کہ مدنی مذاکرے میں اول تا آخر شرکت فرمائیں اور علمِ دین کی روشنی سے اپنے سینوں کو منور کریں۔

دعوتِ اسلامی کے زیرِ اہتمام ہر ہفتے کی رات کو برد نمازِ عشاء ہفتہ وار مدنی مذاکرے کا سلسلہ ہوتا ہے جس میں بانیِ دعوتِ اسلامی حضرت علامہ مولانا محمدالیاس عطار قادری دَامَتْ بَرَکَاتُہُمُ الْعَالِیَہاپنے قیمتی ملفوظات عطا فرماتے ہیں۔

اسی سلسلے میں آج رات تقریباً ساڑھے نو بجے مین یونیورسٹی روڈ کراچی پر واقع عالمی مدنی مرکزفیضانِ مدینہ میں ہفتہ وار مدنی مذاکرے کا آغاز ہوجائے گا جس میں امیرِ اہلِ سنت دَامَتْ بَرَکَاتُہُمُ الْعَالِیَہ عاشقانِ رسول کے سوالات کے حکمت بھرے جوابات ارشاد فرمائیں گے۔

تمام عاشقانِ رسول سے گزارش ہے کہ مدنی مذاکرے میں شرکت کرکے علم دین کا ڈھیروں ڈھیر خزانہ حاصل کریں۔ 

2 جنوری 2021ء کی شب عالمی مدنی مرکز فیضانِ مدینہ میں ہفتہ وار مدنی مذاکرے کا سلسلہ ہوا جس میں بانیِ دعوتِ اسلامی حضرت علامہ مولانا محمدالیاس عطار قادری دَامَتْ بَرَکَاتُہُمُ الْعَالِیَہ نے عاشقانِ رسول کو علم و حکمت سے بھرپور مدنی پھول عطا فرمائے۔ عالمی مدنی مرکز فیضانِ مدینہ کراچی میں سینکڑوں جبکہ بیشتر مقامات ہزاروں عاشقانِ رسول نے جمع ہوکر اس مدنی مذاکرے میں شرکت کی سعادت حاصل کی۔

مدنی مذاکرے میں امیرِ اہلِ سنت نے مدنی پھول دیتے ہوئے کہا کہ ہرمسلمان کا دل اورعزتِ نفس ہوتی ہے، اس لیے مسلمان کا ادب کرنا چاہئےوہ چاہےغریب ہویا امیر،کسی کا بھی دل نہیں توڑنا چاہئے اورعزتِ نفس کو ٹھیس نہیں پہنچانی چاہئے۔

انہوں نے مزید کہا کہ لوگوں سےمختلف چیزیں باربار مانگنے سےعزّت کم ہوتی ہے، یہ عادت ہوتو نکال دینی چاہئے ۔

مدنی مذاکرے کےمزید مدنی پھول ملاحظہ فرمائیں

سوال: کہا جاتاہے کہ کسی کو گھرکا نمک نہیں دینا چاہئے، اس سےرزق میں کمی واقع ہوتی ہے ،کیا یہ بات دُرست ہے ؟

جواب: یہ بات دُرست نہیں ،بلکہ حدیثِ پاک میں تونمک دینے کی ترغیب آئی ہے۔اُمُّ المؤمنین حضرت ِعائشہرضی اللہ عنہانے سوال کیا: یا رسول اﷲ (صلی اللہ علیہ وسلم)! وہ کون سی چیز ہے جس سے اِنکار کرنا جائز نہیں۔فرمایا: پانی ،نمک اور آگ۔ کہا: یا رسول اﷲ(صلی اللہ علیہ وسلم)! پانی کی بات تو سمجھ میں آتی ہے۔ نمک اور آگ کا کیا مُعامَلہ ہے؟آپ نے جواب فرمایا: حمیرا(حضرت عائشہ کا لقب)!جس نے آگ دے دی، گویا اس نے آگ سے پکانے والی ہرچیز دے دی۔جس نے نمک دیا ، گویا اس نے نمک کا ذائقہ رکھنے والی تمام اشیا دے دِیں۔جس نے کسی مسلمان کو پانی پلایا،ایسی جگہ پر جہاں پانی موجود تھا ،گویا اس نے ایک غلام آزاد کیا اورجس نے مسلمان کو پانی پلایا،ایسی جگہ جہاں پانی موجودہی نہ تھا ،گویا اس نے اسے زندگی بخشی۔ (ابن ماجہ، رقم 2474)

سوال: سردیوں میں ویزلین (vaseline) لگائی جاتی ہے ،اس کو لگاتے ہوئے کیا نیت کرنی چاہئے ۔

جواب: سردیوں میں پاؤں کی ایڑیاں وغیرہ پھٹ جاتی ہیں ،اس کے علاج کی نیت کرنی چاہئے کہ علاج کرنا سنت ہے ،اسی طرح عبادت پر قوت حاصل کرنے کی نیت بھی ہوسکتی ہے۔

سوال: پُراَمن رہنے کے کیا فوائدہیں ؟

جواب: ہم پُراَمن ہوجائیں ،اپنے ملک کی چیزوں کی حفاظت کریں تو سکون ہوگا،عبادت کا ذوق شوق بھی بڑھ جائےگا ،کاش !ہم سب اَمن سے جینا سیکھ جائیں ۔

سوال: کن چیزوں کو دیکھنا عبادت ہے ؟

جواب: حدیثِ پاک میں ہے : پانچ(5) چیزیں عبادت میں شامل ہیں:(1) کم کھانا(2) مسجد میں بیٹھنا(3) کعبہ کو دیکھنا(4) قرآنِ کریم دیکھنا(5) اور عالم کے چہرے کو دیکھنا۔(دیلمی شریف،195/2)

سوال: اِس ہفتے کارِسالہ’’ سردی کے بارے میں دلچسپ معلومات ‘‘پڑھنے یاسُننے والوں کو امیرِاہلِ ِسُنّت دَامَتْ بَرَکاتُہُمُ الْعَالِیَہنے کیا دُعا دی ؟

علم کی مجلس میں حاضر ہونا ہزار رکعت نَفْل پڑھنے، ہزار جنازوں میں شرکت کرنے اور ہزار مریضوں کی عیادت کرنے سے بہتر ہے۔ (احیاء العلوم مترجم جلد 1،ص136) ۔مدنی مذاکرہ بھی علم دین حاصل کرنے کا بہترین ذریعہ ہے ۔

اسی سلسلے میں آج رات 8:30 بجےمدنی چینل پر براہ راست ہفتہ وار مدنی مذاکرے کا سلسلہ ہوگا جس میں بانیِ دعوتِ اسلامی حضرت علامہ محمد الیاس عطار قادری دَامَتْ بَرَکَاتُہُمُ الْعَالِیَہ عاشقانِ رسول کی جانب سے پوچھے گئے سوالات کے جوابات ارشاد فرمائیں گے

واضح رہے کہ مدنی مذاکرے میں امیرِ اہلِ سنت دَامَتْ بَرَکَاتُہُمُ الْعَالِیَہ فقہی سوالات کے جوابات، علم و حکمت سے لبریز مدنی پھول اور اپنے ذاتی تجربات کی روشنی میں روز مرہ کے مسائل پر تفصیلی گفتگو فرماتے ہیں۔

عاشقانِ رسول سے گزارش ہے کہ مدنی مذاکرے میں اول تا آخر شرکت فرمائیں اور علمِ دین کی روشنی سے اپنے سینوں کو منور کریں۔