14 جماد الاولیٰ  1443ھ بمطابق 18 دسمبر 2021ء کو عالمی مدنی مرکز فیضان مدینہ کراچی میں مدنی مذاکرے کا سلسلہ ہوا جس میں شہر کراچی اور بیرون شہر سے کثیر عاشقان رسول نے شرکت کی۔مدنی مذاکرے میں امیر اہلسنت علامہ محمد الیاس عطار قادری دامت بَرَکَاتُہمُ العالیہ نے عاشقان رسول کی جانب سے ہونے والے سوالات کے جوابات ارشاد فرمائے۔

مدنی مذاکرے چند مدنی پھول ملاحظہ کیجئے:

سوال : بعض اوقات لوگ ایساسوال کردیتے ہیں کہ سامنے والا جھوٹ بولنے پر مجبور ہو جاتاہے، ایسا سوال کرنا کیسا ؟

جواب : ایساسوال نہیں کرنا چاہئے ،جواب دینے میں احتیاط کرتے ہوئے جھوٹ سے بچنا چاہئے ۔

سوال: سردی سے بچنے سے متعلق کچھ مدنی پھول عنایت فرمادیں۔

جواب: بعض لوگ سردیوں میں سویٹروغیرہ نہیں پہنتے اوراسے بہادری سمجھتے ہیں ،ایساہرگز نہیں کرنا چاہئے ،ورنہ سردی سے بیمارہونے کا اندیشہ ہے، سردہوا لگنے سے دردہوسکتاہے ،سردی میں بھی سویٹروغیرہ نہ پہنناکوئی بہادری نہیں ،بہادری تو یہ ہے کہ غُصّہ آنے پر بندہ غُصّہ پی جائے ۔

سوال: 26،25،24دسمبر2021ء، مدنی قافلے میں سفرکرنے والوں کو امیراہل سنت دامت برکاتہم العالیہ نے کیا دُعادی ؟

جواب :یااللہ پاک ! جوکوئی عاشق رسول،24،25،26دسمبرکو مدنی قافلے کامسافربنے یا جو میری مدنی بیٹی کسی اپنے محرم کو مدنی قافلے کا مسافربنانے میں کامیاب ہوجائے تُو انہیں دونوں جہاں کی بھلائیاں عطافرما،اےاللہ پاک !بُرے خاتمے سے بچا، انہیں حج کی سعادت دے، مدینے کا مسافربنا دے۔

سوال: بچوں کوکیاسکھانا چاہئے ؟

جواب: بچوں کو سکھانا چاہئے کہ کوئی پوچھے کہ کیا چاہیئے؟ تو وہ جواب دیں :مدینہ۔

سوال : بزرگوں کے ایصالِ ثواب کے لئے جو نیازتیارہوتی ہے وہ کس نیت سے کھانی چاہیئے ؟

جواب: میں حصولِ برکت کے لیے12 ربیع الاول کی نیاز منگواکر کھاتاہوں ،حُسنِ عقیدت سے نیازکھانی چاہیئے، ان شاء اللہُ الکریم بہت برکتیں حاصل ہوں گی ۔

سوال : سُنّت کی نیت سے پائنچے ٹخنوں سے اوپررکھنے والے عاشقانِ رسول کے لیے امیراہل سنت دامت برکاتہم العالیہ نے کیا دُعافرمائی ؟

جواب : یا اللہ ! جو میرامدنی بیٹا،جو مسلمان اپنے پاجامے ،شلواراورجبےّ وغیرہ کو ٹخنے سے اوپررکھے،پروردگارِعالم! اسے اِس سے پہلے موت نہ دینا جب تک وہ تیرے پیارے محبوب صلی اللہ علیہ والہ وسلم کا جلوہ نہ دیکھ لے اورتیرے محبوب صلی اللہ علیہ والہ وسلم وقتِ نزع اسے کلمہ پڑھائیں ۔

سوال: قوتِ برداشت کیسے پیداہو ؟

جواب: قوت ِبرداشت بعض لوگوں میں توہوتی ہے اوریہ اللہ کی عطا ہے ،کچھ لوگوں میں قوتِ برداشت نہیں ہوتی پھروہ جیل کی سلاخوں کے پیچھے پہنچ جاتے ہیں ،جس میں قوتِ برداشت نہ ہوتو وہ بتکلف اپنے اندرقوت ِ برداشت پیداکرنے کی کوشش کرے ،جو کوئی ظلم کرے اسے معاف کردے ،معاف کرنے کے بہت فضائل ہیں ۔

سوال: اِس ہفتے کارِسالہ ” فیضان حضرت عبداللہ بن زبیر رضی اللہ عنہ “ پڑھنے یاسُننے والوں کو امیرِاہلِ ِسُنّت نے کیا دُعا دی ؟

جواب: یارب المصطفٰے! جو کوئی 17 صفحات کا رسالہ” فیضانِ حضرت عبداللہ بن زبیر“ پڑھ یا سُن لے،اُسے سجدوں کی لذتیں نصیب فرمااور بے حساب بخشش سے مشرف فرما ۔ اٰمِیْن بِجَاہِ خاتمِ النَّبیّن صلَّی اللہ علیہ واٰلہٖ وسلَّم ۔ 

شیخ الاسلام، امام برہان الاسلام، ابراہیم زرنوجی رحمۃُ اللہِ علیہ فرماتے ہیں:”علم کو اس وجہ سے شرافت و عظمت حاصل ہے کہ علم ، تقویٰ تک پہنچنے کا وسیلہ ہے جس کے سبب بندہ اللہ عَزَّ وَجَلَّ کے حضور بزرگی اور ابدی سعادت کا مستحق ہوجاتا ہے“۔( تعلیم المتعلم طریق التعلم،ص6)

کروڑوں حنفیوں کے پیشوا حضرتِ سیّدنا امامِ اعظم ابو حنیفہ رحمۃُ اللہِ علیہ سے کسی نے سوال کیا کہ آپ اس بلند مقام پر کیسے پہنچے آپ رحمۃُ اللہِ علیہ نے ارشاد فرمایا: ”میں نے (اپنے علم سے)دوسروں کو فائدہ پہنچانے میں بخل نہیں کیااور دوسروں سےاستفادہ کرنے (سیکھنے )میں شرم نہیں کی“۔ (در مختار،المقدمۃ،1/127)

اولیائے کرام رَحِمَہُمُ اللہُ السَّلَام کا ارشاد ہے:”صوفی بے علم مسخرۂ شیطان است“یعنی بے علم صوفی شیطان کا مسخرہ ہے۔(فتاویٰ رضویہ، 24/132)اعلیٰ حضرت مولانا شاہ امام احمد رضا خان عَلَیْہِ رَحمَۃُ الرَّحْمٰن فرماتے ہیں: ”بے علم مجاہدہ والوں کو شیطان انگلیوں پر نچاتا ہے ،منہ میں لگام ، ناک میں نکیل ڈال کر جدھر چاہے کھینچے پھرتا ہے“۔ (فتاویٰ رضویہ،21/528)

علم دین کی پھیلانے کے لئے ہر ہفتے کی طرح آج رات 18دسمبر 2021ء کو دعوت اسلامی کے زیر اہتمام بعد نماز عشاء عالمی مدنی مرکز فیضان مدینہ کراچی میں ہفتہ وار مدنی مذاکرے کا انعقاد کیا جائیگا۔ اس مدنی مذاکرے میں شیخ طریقت امیر اہلسنت علامہ محمد الیاس عطار قادری دامت بَرَکَاتُہمُ العالیہ عاشقان رسول کی جانب سے ہونے والے سوالات کے جوابات ارشاد فرمائیں گے۔ اس پروگرام کو مدنی چینل پر بھی براہ راست نشر کیا جائیگا۔

تمام عاشقان رسول سے اس مدنی مذاکرے میں شرکت کرنے کی درخواست ہے۔

صحبت کے اثرات سے کوئی بھی شخص انکار نہیں کرسکتا، حدیثِ مبارَکہ کے ساتھ ساتھ بزرگانِ دین نے بھی اس پر بہت کچھ ارشاد فرمایا ہے، یہ حقیقت ہے کہ آدمی جس طرح کے لوگوں کی صحبت میں بیٹھتا ہے ویسا ہی بن جاتا ہے، لہٰذا علَما کی صحبت میں بیٹھنے والا علم سے مَحبّت کرنے والا بن جاتا ہے۔ صحیح العقیدہ عالم کی صحبت میں بیٹھنا دین پر استقامت اور عقائد کی درستی و ایمان کے لئے سلامتی ہے جو کہ ایک مسلمان کا قیمتی سرمایہ اور دارَین کی فلاح کا باعث ہے۔علمائے کرام کی صحبت علم اور تقویٰ تک پہنچنے کا وسیلہ ہے، جس کے سبب بندہ اللہ پاک کے حضور بزرگی اور ابدی سعادت کا مستحق ہوجاتا ہے کہ حضرت سیّدناامامِ اعظم ابو حنیفہ رحمۃ اللہ علیہ سے کسی نے سوال کیا کہ آپ اس بلند مقام پر کیسے پہنچے، تو آپ نے فرمایا کہ میں نے دوسروں کو فائدہ پہنچانے میں بخل نہیں کیا اور نہ ہی ان سے استفادہ کرنے میں شرم محسوس کی۔(درمختار، 1/127 )

فقیہ ابواللّیث سمر قندی رحمۃ اللہ علیہ فرماتے ہیں کہ جو شخص عالم کی مجلس (صحبت) میں جائے اس کو سات فائدے حاصل ہوتےہیں اگرچہ اس سے استفادہ نہ کرے:٭طلبہ میں شمار کیا جاتا ہے ٭جب تک اُس مجلس میں رہنا ہے گناہوں اور فسق و فجور سے بچتا ہے ٭جب گھر سے نکلتا ہے تو اس پر رحمت نازل ہوتی ہے ٭اس رحمت میں کہ جلسۂ علم پر نازل ہوتی ہے شریک ہوتا ہے ٭جب تک علمی باتیں سنتا ہےتو اس کے لئے نیکیاں لکھی جاتی ہیں ٭فرشتے ان کے عمل سے خوش ہوکرانہیں اپنے پروں سے ڈھانپ لیتے ہیں تو وہ بھی ان میں ہوتا ہے اور٭اس کا ہر قدم گناہوں کا کفارہ، درجات کی بلندی اور نیکیوں میں زیادتی کا سبب بن جاتاہے۔ (تنبیہ الغافلین ،ص237 )

ہر ہفتے کی طرح آج رات 11 دسمبر 2021ء کو دعوت اسلامی کے زیر اہتمام بعد نماز عشاء عالمی مدنی مرکز فیضان مدینہ کراچی میں ہفتہ وار مدنی مذاکرے کا انعقاد کیا جائیگا۔ اس مدنی مذاکرے میں شیخ طریقت امیر اہلسنت علامہ محمد الیاس عطار قادری دامت بَرَکَاتُہمُ العالیہ عاشقان رسول کی جانب سے ہونے والے سوالات کے جوابات ارشاد فرمائیں گے۔ اس پروگرام کو مدنی چینل پر بھی براہ راست نشر کیا جائیگا۔

تمام عاشقان رسول سے اس مدنی مذاکرے میں شرکت کرنے کی درخواست ہے۔

22 ربیع الاٰخر 1443ھ بمطابق 27 نومبر 2021ء کو عالمی مدنی مرکز فیضان مدینہ کراچی میں مدنی مذاکرے کا سلسلہ ہوا جس میں شہر کراچی اور بیرون شہر سے کثیر عاشقان رسول نے شرکت کی۔مدنی مذاکرے میں امیر اہلسنت علامہ محمد الیاس عطار قادری دامت بَرَکَاتُہمُ العالیہ نے عاشقان رسول کی جانب سے ہونے والے سوالات کے جوابات ارشاد فرمائے۔

مدنی مذاکرے کے چند مدنی پھول ملاحظہ کیجئے

سوال: کپڑے پہننے سے پہلے جھاڑنے کے بارے میں آپ کیا فرماتے ہیں ؟

جواب : جب بھی کپڑے پہنیں تو پہلے اچھی طرح جھاڑلیں تاکہ کسی کیڑے وغیرہ سے نقصان نہ پہنچے، بالخصوص سردیوں میں کیڑے مکوڑے کپڑوں میں چھپ سکتے ہیں ، اسی طرح جب پانی پئیں تو دیکھ کرپئیں۔

سوال: بعض شہرمیں رہنے والے گاؤں والوں کو اچھا نہیں سمجھتے ،ان کا اس طرح کرنا کیسا ؟

جواب :ایساکرنا درست نہیں ،ایساہرگزنہیں سمجھنا چاہئے ، افضلیت کااصل معیارتقویٰ ہے،شہر یا دیہات میں رہنے میں نہیں ۔

سوال:اسلام کے چوتھے خلیفہ،امیرالمؤمنین حضرت علی رضی اللہ عنہ کو مولیٰ اورشیرخداکیوں کہتے ہیں ؟

جواب: ہمارے پیارے آقا،مکی مدنی مصطفیٰ صلی اللہ علیہ والہ وسلم نے فرمایا : مَنْ کُنْتُ مَوْلَاهُ فَعَلِيٌّ مَوْلاَهُ۔( ترمذی ، حدیث نمبر 3713 )یعنی جس کا میں مولیٰ ہوں اس کا مولیٰ علی ہے،اسی طرح پیارے نبی صلی اللہ علیہ والہ وسلم نے آپ کواسداللہ (اللہ پاک کا شیر)کا لقب عطافرمایا ۔

سوال: وہ رشتہ دارجو بارباردل دکھاتے ہیں، کیا اُن کے ساتھ بھی صلہ ٔرحمی کرنا ہوگی ؟

جواب: جی ہاں !ان کے ساتھ بھی صلۂ رحمی(رشتہ داروں کے ساتھ حسنِ سلوک ) کرنا ہوگی ،یہی دلوں کو قریب کرے گا،اسلام میں قطعِ رحمی یعنی رشتہ کاٹنے کی اجازت نہیں ۔

سوال: جب کوئی غصے میں ہوتو کیا کرنا چاہئے ؟

جواب: جب کوئی غُصّے میں ہوتو اسے دعائیں دیں(مثلاً اللہ تجھے حج نصیب کرے،اللہ تجھے مدینہ دِکھائے) ،اس سے اُس کا غصہ ختم ہوجائے گا۔اِن شآءَ اللہ

سوال : بغض وکینہ کا کیا معنی ہے؟

جواب: بغض و کینہ دل میں چھپی ہوئی دشمنی کو کہتے ہیں ،یہ ایسی باطنی بیماری ہے کہ اس کے نقصانات بہت زیادہ ہیں ،شب ِبرأت میں اس کی بخشش نہیں ہوتی جس کے دل میں کسی مسلمان کا کینہ ہو ۔

سوال:گھرمیں لڑائی جھگڑا ہونے کی کیا وجہ ہوسکتی ہے؟نیزاخلاقی تربیت کیسے کی جائے ؟

جواب :تالی دوہاتھ سے بجتی ہے ،اگرایک غصے میں ہوتو دوسراٹھنڈاہوجائے ،ناپاکی پانی سے پاک ہوتی ہے،اخلاقی تربیت ماں کی گودمیں ہوجائے، گھر کا ماحول اچھا ہوتو بہت اچھا ہے ،مزیددعوتِ اسلامی کا دِینی ماحول مل جائے تو بھی اخلاقی تربیت ہوجائے گی ان شاء اللہ الکریم ،بداخلاقی تو جانوروں کے ساتھ بھی نہیں کرنی چاہئے ،جن جانوروں کو مارنے کی شرعی طورپر اجازت ہےان کے ساتھ بھی اچھا سلوک کرنے کا حکم ہے ،مثلاً جو بلّی(Cat) تکلیف دیتی ہواُسے تیزچھری سے ذبح کرنے کا حکم دیا گیاہےتا کہ اسے کم سے کم تکلیف ہو۔

سوال: اِس ہفتے کارِسالہ ” عیب چھپاؤ جنت پاؤ “ پڑھنے یاسُننے والوں کوجانشین ِ امیرِاہلِ ِسُنّت مدظلہ العالینے کیا دُعا دی ؟

جواب: یارب المصطفٰے! جو کوئی21 صفحات کا رسالہ ” عیب چھپاؤ جنت پاؤ “ پڑھ یا سُن لے اُسے لوگ کے عیب چھپانےوالا بنا، دنیا وآخرت میں اُس کی عیب پوشی فرما اور بے حساب بخش دے۔ اٰمِیْن بِجَاہِ خاتم النَّبیّن صلَّی اللہ علیہ واٰلہٖ وسلَّم ۔

ہر ہفتے کی طرح آج 27نومبر 2021ء کو  بھی عشاء کے بعد دعوتِ اسلامی کے عالمی مدنی مرکز فیضانِ مدینہ کراچی میں ہفتہ وار مدنی مذاکرہ ہوگا، جو مدنی چینل پر بھی براہِ راست دکھایا جائے گا،اس مدنی مذاکرے میں بانیِ دعوتِ اسلامی حضرت علامہ مولانا محمد الیاس عطّاؔر قادری دَامَتْ بَرَکَاتُہُمُ الْعَالِیَہ عاشقانِ رسول کی جانب سے پوچھے جانے والے سوالات کے حکمت بھرے جوابات ارشاد فرمائیں گے۔

تمام عاشقانِ رسول سے التجا کی جاتی ہے کہ مدنی مذاکرے میں اول تا آخر شرکت فرمائیں۔

مدنی مذاکرہ ہے شریعت کا خزینہ

اخلاق کا، تہذیب کا، طریقت کا خزینہ

ہر ہفتے کی طرح آج 20 نومبر ک2021ء کی شب کو  بھی عشاء کے بعد دعوتِ اسلامی کے عالمی مدنی مرکز فیضانِ مدینہ کراچی میں ہفتہ وار مدنی مذاکرہ ہوگا، جو مدنی چینل پر بھی براہِ راست دکھایا جائے گا،اس مدنی مذاکرے میں بانیِ دعوتِ اسلامی حضرت علامہ مولانا محمد الیاس عطّاؔر قادری دَامَتْ بَرَکَاتُہُمُ الْعَالِیَہ عاشقانِ رسول کی جانب سے پوچھے جانے والے سوالات کے حکمت بھرے جوابات ارشاد فرمائیں گے۔

تمام عاشقانِ رسول سے التجا کی جاتی ہے کہ مدنی مذاکرے میں اول تا آخر شرکت فرمائیں۔

مدنی مذاکرہ ہے شریعت کا خزینہ

اخلاق کا، تہذیب کا، طریقت کا خزینہ

دعوتِ اسلامی کی جانب سے پیرِ پیراں، میرِ میراں حضرت سیدنا شیخ عبدالقادر جیلانی  حضور غوثِ پاک رحمۃ اللہ علیہ کا عرسِ پاک ہر سال نہایت عقیدت و احترام کے ساتھ منایا جاتا ہے۔ ربیع الآخر کا مہینا شروع ہوتے ہی مدنی مذاکروں کا سلسلہ شروع ہوجاتا ہے، جن کا آغاز تلاوت و نعت سے ہوتا ہے جبکہ امیرِ اہل سنت حضرت علامہ مولانا محمد الیاس عطار قادری دَامَتْ بَرَکَاتُہُمُ الْعَالِیَہ عاشقانِ رسول کے ہمراہ جلوسِ غوثیہ نکالتے ہیں ، اس کے بعد آپ دَامَتْ بَرَکَاتُہُمُ الْعَالِیَہعاشقانِ رسول کی جانب سے پوچھے گئے سوالات کے علم و حکمت سے بھرپور جوابات عطا فرماتے ہیں۔ اِن مدنی مذاکروں کا اختتام اجتماعی دعا اور صلاۃ و سلام پر ہوتا ہے۔

رؤیتِ ہلال کمیٹی پاکستان کے رکن مفتی علی اصغر عطاری مدنی مُدَّظِلُّہُ الْعَالِی نے اپنے سوشل اکاؤنٹ کے ذریعے صارفین کو بتایا ہے کہ یکم ربیع الآخر آج 6 نومبر کی شب کو ہوگی۔ اسی مناسبت سے آج را ت سے 11 ربیع الآخر تک مدنی مذاکروں کا آغاز ہوجائے گا جن میں تلاوت و نعت خوانی اور جلوسِ غوثیہ، سوالات و جوابات اور دعا و صلاۃ و سلام کا سلسلہ ہوگا۔

مدنی مذاکرے کا مرکزی اجتماع عالمی مدنی مرکزفیضانِ مدینہ کراچی میں ہوا کرے گا جس میں امیرِ اہل سنت علامہ مولانا محمد الیاس عطار قادری دَامَتْ بَرَکَاتُہُمُ الْعَالِیَہ خود تشریف فرماہوں گے جبکہ تمام مدنی مذاکرے مدنی چینل پر براہِ راست ٹیلی کاسٹ بھی کئے جائیں گے جسے لاکھوں کروڑوں ناظرین اپنے گھر بیٹھے ملاحظہ کرسکیں گے۔

تمام عاشقانِ رسول کو دعوت دی جاتی ہے کہ جن اسلامی بھائیوں کے لئے فیضانِ مدینہ کراچی آنا ممکن ہو وہ یہاں تشریف لاکر اور دیگر عاشقانِ رسول مدنی چینل کے ذریعے مدنی مذاکرے میں شرکت فرمائیں اور علمِ دین کے نور سے اپنے سینوں کو منور فرمائیں۔

30اکتوبر 2021ء کو دعوت اسلامی کے عالمی مدنی مرکز فیضان مدینہ کراچی میں ہفتہ وار مدنی مذاکرے کا انعقاد کیا گیا جس میں کثیر تعداد میں عاشقانِ رسول نے  فیضانِ مدینہ آکر جبکہ سینکڑوں مقامات پر ہزاروں عاشقان رسول نے بذریعہ مدنی چینل شرکت کی۔

مدنی مذاکرے میں امیر اہلسنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے عاشقان رسول کی جانب سے ہونے والے سوالات کے حکمت بھرے جوابات ارشاد فرمائے۔

مدنی مذاکرے کے چند مدنی پھول ملاحظہ کیجئے

سوال : مدنی مذاکرے سے زیادہ سے زیادہ فوائد کیسے حاصل کیے جاسکتے ہیں ؟

جواب : جو کام توجہ سے ہوتاہے اس سے زیادہ فوائد حاصل کئے جاسکتے ہیں ،توجہ اوراہتما م کے ساتھ مدنی مذاکرہ سناجائے ،غفلت کے ساتھ نہ سناجائے، مسلمانوں کو حکم ہے کہ وہ شریعت کی بات توجہ کے ساتھ سنیں ۔

سوال : کیا نام کے بھی اثرات ہوتے ہیں ؟

جواب: جی ہاں !نام کےبھی اثرات ہوتے ہیں ،نام اچھا ہوتوکام بھی اچھے ہوتے ہیں،اس اچھے نام کی برکتیں حاصل ہوتی ہیں ،انبیائے کرام ،صحابہ واہل بیت رضی اللہ عنہم اجمعین اوربزرگوں کے ناموں پر نام رکھنے کے فوائدملتے ہیں ، ناپسندیدہ لوگوں کے نام پرنام رکھا جائے توبچے کے کام بھی ناپسندیدہ ہوتے ہیں ۔

سوال: کیاعبادت مثلاً( ذکروغیرہ)بھی اس اندازسےہونی چاہئے کہ کسی کو تکلیف نہ پہنچے؟

جواب:جی ہاں !عبادت ہویا دنیا کا کوئی کام ،طواف ہویا بازارہماری ذات سے کسی کوتکلیف نہیں پہنچنی چاہئے ،بلکہ جان بوجھ کر ایساکام کرنے کی بھی اجازت نہیں جس سے بندے کی اپنی ذات کو تکلیف پہنچے ،مثلاً(اتنی بلندآوازسے ذکر کرناکہ جس سے گلے کو تکلیف ہو)وغیرہ

سوال : دعوتِ اسلامی سے وابستہ عاشقانِ رسول کی تعدادکتنی ہے؟

جواب: دعوتِ اسلامی سے لاکھوں کروڑوں بلکہ بے شمارعاشقانِ رسول وابستہ ہیں ۔

سوال : UK میں جامعۃ المدینہ سے فارغ التحصیل ہونے والوں کو امیراہل سنت دامت برکاتہم العالیہ نے کیا ارشادفرمایا ؟

جواب : درسِ نظامی کے بعد بھی مطالعہ جاری رکھیں ،آپ کو سرکارِاعلیٰ حضرت امام احمدرضا خان رحمۃ اللہ علیہ کی کتابیں پڑھنی ہیں ،علم کو باقی رکھنے کا اہم ذریعہ تدریس بھی ہے،درس ِنظامی پڑھانے کا سلسلہ شروع فرمائیں ، علم وہ دولت ہے جو خرچ کرنے سے بڑھتی ہے،اس میں مزید اضافہ ہوتاہے ،مدنی قافلے میں سفربھی کریں ،مدنی قافلہ عملی کام(Practical) کرنے کا بہترین ذریعہ ہے ،اس سےتجربات ہوتے ہیں ،تجربے سے بھی علم میں اضافہ ہے۔

سوال : دین پرعمل کرنے کی وجہ سے کوئی دل دکھائے تو کیا کریں ؟

جواب: صبرکیا جائے کیونکہ ہم لوگوں کی زبان تو پکڑنہیں سکتے ،صبرکرکے ثواب کمائیں ،بہرحال دل آزاری کرنے والے کو توبہ کرنی چاہئے ۔

سوال:کسی کی تکلیف دُورنہ کرسکیں تو کیا کریں ؟

جواب : اگر ہم کسی کی تکلیف دُورنہیں کرسکتے تو کم ازکم اس تکلیف میں اپنے قول یا فعل سے اضافہ نہ کریں ۔

سوال : کسی مسلمان کے بال سفیدہوجائیں تو اسے کیا فائدہ ہوتاہے ؟

جواب : سفید بال تو مسلمان کے لیے بزرگی ہے ، قیامت کے دن یہ اُس کے لیے نورہوگا،حدیث پاک میں ہے کہ بالوں کا سفید ہونا مسلمان کے لیے نور ہےجس کا حالتِ اسلام میں ایک بال سفید ہوتا ہے تو اس کی وجہ سے اللہ پاک اس کے لیے ایک نیکی لکھ دیتاہے اور اس کا ایک گناہ مٹا دیتا ہے اور اس کا ایک درجہ بلند کر دیتا ہے۔ '' (ابو داود :4202،ابن حبان :2985)

سوال: اِس ہفتے کارِسالہ" کس کس کو عیب بتاسکتے ہیں "پڑھنے یاسُننے والوں کو امیرِاہلِ ِسُنّت دامت برکاتہم العالیہ نے کیا دُعا دی ؟

جواب: یا ربَّ المصطفٰے! جو کوئی 17 صفحات کا رسالہ ”کس کس کو عیب بتاسکتے ہیں“ پڑھ یا سن لے، اُسے اپنی زبان درست استعمال کرنے کی توفیق عطا فرماکر جنت الفردوس میں اپنے پیارے پیارے آخری نبی صلَّی اللہ علیہ واٰلہٖ وسلَّم کا پڑوس نصیب فرما۔ اٰمِیْن بِجَاہِ خاتم النَّبیّن صلَّی اللہ علیہ واٰلہٖ وسلَّم ۔

”اَلْعِلْمُ حَیَاةُالْاِسْلَامِ وَعِمَادُ الْا یْمَانِ“علم اسلام کی زندگی اور دین کا ستون ہے۔ (جمع الجوامع، ۵/۲۰۰،حدیث:۱۴۵۱۸)

شیخ الاسلام، امام برہان الاسلام، ابراہیم زَرنُوجی عَلَیْہِ رَحمَۃُ اللّٰہ ِالْقَوِی تحریر فرماتے ہیں:”علم کو اس وجہ سے شرافت و عظمت حاصل ہے کہ علم تقویٰ تک پہنچنے کا وسیلہ ہے جس کے سبب بندہ اللہ عَزَّ وَجَلَّ کے حضور بزرگی اور ابدی سعادت کا مستحق ہوجاتا ہے“۔ (تعلیم المتعلم طریق التعلم،ص۶)

اعلیٰ حضرت مولانا شاہ امام احمد رضا خان عَلَیْہِ رَحمَۃُ الرَّحْمٰن فرماتے ہیں: ”بے علم مجاہدہ والوں کو شیطان انگلیوں پر نچاتا ہے ،منہ میں لگام ،ناک میں نکیل ڈال کر جدھر چاہے کھینچے پھرتا ہے“۔ (فتاویٰ رضویہ،۲۱/۵۲۸)

عاشقان رسول کو علم کے سمندر میں ڈبونے اور علمی خزانے سے مالا مال کرنے کے لئے ہر ہفتے عالمی مدنی مرکز فیضان مدینہ کراچی میں ہفتہ وار مدنی مذاکرے کا انعقاد کیا جاتاہے جس میں امیر اہل سنت دَامَتْ بَرَکَاتُہُمُ الْعَالِیَہ علم و حکمت سے بھر پور مدنی پھول ارشاد فرماتے ہیں۔

اسی سلسلے میں 30 اکتوبر 2021ء کو بعد نماز عشاء دعوت اسلامی کے زیر اہتمام عالمی مدنی مرکز فیضان مدینہ کراچی سے براہ راست مدنی چینل پر ہفتہ وار مدنی مذاکرے کا انعقاد کیا جائیگا جس میں بانی دعوت اسلامی علامہ محمد الیاس عطار قادری دَامَتْ بَرَکَاتُہُمُ الْعَالِیَہاسلامی بھائیوں کی جانب سے ہونے والے سوالات کے علم و حکمت سے بھر پور جوابات ارشاد فرمائیں گے۔ اس کے علاوہ امیر اہل سنت دَامَتْ بَرَکَاتُہُمُ الْعَالِیَہ مدنی مذاکرے میں طبی اور روحانی علاج بھی بیان کرتے ہیں۔

23اکتوبر 2021ء کو عالمی مدنی مرکز فیضان مدینہ کراچی میں ہفتہ وار مدنی مذاکرے کا انعقاد کیا گیا جس میں کثیر تعداد میں عاشقانِ رسول نے  فیضانِ مدینہ آکر جبکہ سینکڑوں مقامات پر ہزاروں عاشقان رسول نے بذریعہ مدنی چینل شرکت کی۔

مدنی مذاکرے میں امیر اہلسنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے عاشقان رسول کی جانب سے ہونے والے سوالات کے حکمت بھرے جوابات ارشاد فرمائے۔

مدنی مذاکرے کے چند مدنی پھول ملاحظہ کیجئے

سوال : جنت کی چابی کیا ہے اوراس کے دندانے کیا ہیں ؟

جواب : لَاۤاِلٰہَ اِلَّااللہ جنت کی چابی ہے ،اس کے دندانے فرائض و واجبات کااداکرنا اورگناہوں سے بچناہے ۔

سوال : کسی کو یہ کہنا کیسا ہے کہ "تم ڈِھیٹ مٹی کے بنائے گئے ہو" ؟

جواب: ایسی باتیں نہیں کرنی چاہئیں،البتہ جس مٹی سے انسان کو بنایا گیا ہے وہ کئی طرح کی تھی اوراس میں کئی صفات ہیں مثلاًنرمی ،سختی وغیرہ۔

سوال: اگر ماں اور باپ دونوں فوت ہوچکے ہوں تو پہلے کس کی قبرپرجائے؟

جواب:قبرستان جاتے ہوئے جس کی قبرپہلےآجائے ،پہلے وہاں حاضرہوکر فاتحہ خوانی کرلے۔

سوال : حضرت بہاؤالدین انصاری رحمۃ اللہ علیہ کے بارے میں کچھ مدنی پھول عنایت فر ما دیں؟

جواب: حضرت بہاؤالدین انصاری رحمۃ اللہ علیہ قادریہ رضویہ سلسلے کے بزرگ تھے ،صاحبِ تصنیف تھے،حضرت شیخ احمد جیلانی رحمۃاللہ علیہ

نے بیت اللہ شریف میں انہیں سلسلہ قادریہ کی خلافت عطافرمائی تھی۔

سوال : کیاہم کسی کو رِیا کارکہہ سکتے ہیں ؟بزرگانِ دین چھپ کر کیوں عبادت کرتے تھے ؟

جواب : رِیایعنی دِکھاواباطنی امراض میں سے ہے، اس کا تعلق نیت یعنی دل سے ہے اس لیے کسی کو رِیاکارنہیں کہنا چاہئے ۔البتہ نیکی کو ظاہرکرنے سے رِیا کاری سےبچنا مشکل ہوجاتاہے، اس لیے بزرگانِ دین چھپ کرعبادت کرتے تھے ۔

سوال : رِیا کاری سے کیا مرادہے؟

جواب: اپنی نیکی کے بارے میں کسی کو بتانا تاکہ میرامقام اوراحترام سامنے والےکےدل میں پیداہوجائے مثلاً سامنے والا اسے نیک سمجھےیا دوسرے سے مال بٹورنا چاہتاہے،اس لیے اپنی نیکی کا اظہارکررہا ہے تویہ ریا کاری ہے ۔

سوال: علم کے فضائل کے بارے میں جو احادیث ہیں، ان سے مرادکون ساعلم ہے؟

جواب : علم کے فضائل کے بارے میں جتنی احادیث ہیں ان سے مراد دِینی علم ہے،دنیاوی علم مرادنہیں ۔

سوال : حُبِّ جاہ کا کیامعنی ہے؟

جواب :واہ واہ کی خواہش ،حب ِّجاہ یعنی مقام ومرتبے کی محبت کہلاتاہے یہ بڑی خطرناک باطنی بیماری ہے،بچوں میں بھی یہ خواہش ہوتی ہے اوربڑوں میں بھی۔اس سے بچنے کی کوشش کرنی چاہئے ۔

سوال : کیا جنّ کو اصلی شکل میں دیکھنا ممکن ہے ؟

جواب:نہیں

سوال: اِس ہفتے کارِسالہ"فیضانِ امام احمد بن حنبل"پڑھنے یاسُننے والوں کو امیرِاہلِ ِسُنّت دامت برکاتہم العالیہنے کیا دُعا دی ؟

جواب: یا ربَّ المصطفٰے! جو کوئی17 صفحات کا رسالہ "فیضانِ امام احمد بن حنبل" کے17 صفحات پڑھ یا سُن لے اُسے بُرے خاتمے سے بچانا ،مدینےمیں محبوب ِکریم صلَّی اللہ علیہ واٰلہٖ وسلَّم کے جلووں میں شہادت کی موت نصیب فرمانا ۔ اٰمِیْن بِجَاہِ خاتم النَّبیّن صلَّی اللہ علیہ واٰلہٖ وسلَّم ۔

یکم ربیع الاول 1443ھ سے عالمی مدنی مرکز فیضان مدینہ کراچی میں جشن عید میلاد النبی صلَّی اللہ تعالٰی علیہ واٰلہٖ وسلَّمکے سلسلے میں 12 دن مسلسل مدنی مذاکرے کا سلسلہ جاری تھاجس میں بانی دعوت اسلامی امیر اہلِ سنّت علامہ محمد الیاس عطار قادری دَامَتْ بَرَکَاتُہُمُ الْعَالِیَہ عاشقان رسول کو شرعی و مذہبی طریقے سے میلاد منانے اور سیرت رسول کو اپنانے کی ترغیب دلارہے تھے۔

12 ربیع الاول کےبعد آج 23 اکتوبر 2021ء کی شب عالمی مدنی مرکز فیضان مدینہ کراچی میں براہ راست مدنی چینل پر مدنی مذاکرے کا انعقاد کیا جائیگا جس میں امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ عاشقان رسول کی جانب سے ہونے والے سوالات کے حکمت بھرے جوابات ارشاد فرمائیں گے۔

تمام اسلامی بھائیوں سے اس مدنی مذاکرے میں شرکت کرنے کی درخواست ہے۔

ولادتِ مصطفٰے صلَّی اللہ علیہ واٰلہٖ وسلَّم کا مہینہ، ماہِ ربیع الاول کا آغاز ہونے والا ہے جس میں عاشقانِ رسول کے جذبات اُبھر جاتے ہیں اور دنیا بھر میں اس مہینے کو نہایت عقیدت واحترام سے منایا جاتا ہے۔

دعوت اسلامی بھی ان پُر نور لمحات کو شرعی دائرے میں رہتے ہوئے نہایت جوش و جذبے سے گزارتی ہےجس کے لئے عالمی مدنی مرکز فیضان کراچی میں مدنی مذاکروں کا انعقاد کیا جاتا ہے۔ ان مدنی مذاکروں میں امیر اہلسنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ سیرت رسول صلَّی اللہ علیہ واٰلہٖ وسلَّم اورمحبت رسول صلَّی اللہ علیہ واٰلہٖ وسلَّم پر مدنی پھول ارشاد فرماتے ہیں اور مسلمانوں کے دلوں میں عشقِ رسول کو اُجاگر کرنے کے ساتھ ساتھ انہیں حضور صلَّی علیہ واٰلہٖ وسلَّم کی تعلیمات پر عمل کرنے کی ترغیب دلاتے ہیں۔

اسی سلسلےمیں 7 اکتوبر 2021ء بروز جمعرات بعد نمازعشاء رات 9:00 بجے سے روزانہ مدنی مذاکروں کا سلسلہ شروع ہوجائیگاجو 13 ویں ربیع الاول تک جاری رہے گا۔ عاشقان رسول ان مدنی مذاکرے میں شرکت کرتے ہوئے ”صبح بہاراں“ کا استقبال کریں گے جبکہ امیر اہلسنت دَامَتْ بَرَکَاتُہُمُ الْعَالِیَہ روزانہ عاشقان رسول کی جانب سے ہونے والے سوالات کے جوابات ارشاد فرمائیں گے۔

تمام عاشقان رسول ان مدنی مذاکروں میں شرکت فرماکر اپنے دلوں کو عشق رسول سے منور فرمائیں۔

واضح رہے کہ ان مدنی مذاکروں کو مدنی چینل پر بھی براہ راست نشر کیا جائیگا۔