آج 28 اگست 2021ء  کی شب تقریباً 9:15 بجے مدنی چینل پر براہ راست ہفتہ وار مدنی مذاکرے کا سلسلہ ہوگا جس میں امیرِ اہلِ سنت حضرت علامہ محمد الیاس عطار قادری دَامَتْ بَرَکَاتُہُمُ الْعَالِیَہ عاشقان رسول کی جانب سے ہونے والے سوالات کے حکمت بھرے جوابات بھی ارشاد فرمائیں گے۔مدنی مذاکرے میں شریعت اور طریقت کی رہنمائی، طبی اور روحانی علاج کے ساتھ ساتھ بہت سی مفید باتیں بیان کی جاتی ہیں۔ 

21 اگست 2021ء کو بمطابق 13 محرم الحرام 1443ھ کی شب عالمی مدنی مرکز فیضانِ مدینہ میں ہفتہ وار مدنی مذاکرے کا سلسلہ ہوا جس میں بانیِ دعوتِ اسلامی حضرت علامہ مولانا محمدالیاس عطار قادری دَامَتْ بَرَکَاتُہُمُ الْعَالِیَہ نے عاشقانِ رسول کو علم و حکمت سے بھرپور مدنی پھول عطا فرمائے۔ عالمی مدنی مرکز فیضانِ مدینہ کراچی میں سینکڑوں جبکہ بیشتر مقامات پر ہزاروں عاشقانِ رسول نے جمع ہوکر اس مدنی مذاکرے میں شرکت کی سعادت حاصل کی۔

مدنی مذاکرے کےمزید مدنی پھول ملاحظہ کیجئے

سوال : ماضی کی تلخ یادوں کو کیسے بُھلایا جائے ؟

جواب : اس طرح کی یادیں بعض اوقات نہیں بھُولتی مثلاً کسی نے سخت دل آزاری کردی ،ظلم کیا ،مارا،سخت جملہ کہہ دیا تووہ یادرہ جاتاہے، اس کا حل یہ ہے کہ بندہ اپنے آپ کونیک کاموں میں مصروف کرلے ،اچھی یادوں کو اپنے ذہن میں جگہ دے ،مدینے کی یادوں میں کھوجائے ،جنت اورآخرت کے بارے میں سوچے ،یہ بھی ہوسکتاہے کہ جس نے ظلم وغیرہ کیا ہواسے معاف کردے ،اس طرح بھی ان یادوں کا بھُلایا جاسکتاہے ۔

سوال : نظرِبدکتنی دیررہتی ہے ؟

جواب: نظرِبد کے وقت کی کوئی مدّت(Time Period) نہیں ،کبھی تو فوراً ختم ہو جاتی ہے مثلاً دم کردیا ،روحانی علاج کرلیااورکبھی تو لگتی بھی نہیں،کبھی سخت لگتی ہے تو بسترپرڈال دیتی ہے۔بہرحال اس کے وقت کی مدت(Time Period) کا کہیں پڑھا نہیں ۔

(یہ دونوں سورتیں" قُلْ اَعُوْذُبِرَبِّ الْفَلَقْ اورقُلْ اَعُوْذُ بِرَبِّ النَّاس جنّ و شیاطین اور نظر ِبد و آسیب اور تمام امراض خصوصاً جادو ٹُونے کا مجرب علاج ہیں۔ ان کو لکھ کر تعویذ بنائیں اور گلے میں پہنائیں۔ ان کو بار بار پڑھ کر مریض پردم کریں اور کھانے پانی اور دواؤں پر پڑھ کر پھونک ماریں اور مریض کو کھلائیں پلائیں۔ ان شاء اللہ الکریم ہر مرض خصوصاً جادو ٹُونا دفع ہو جائے گا اور مریض شفایاب ہوجائے گا۔)۔ بخاری و مسلم کی حدیث میں ہے کہ حضور ِاکرم صلی اللہ علیہ وسلم رات کو جب بستر مبارک پر تشریف لاتے تو اپنے دونوں ہاتھوں پر دم فرمایا کرتے اور اپنے سر سے پاؤں تک پورے جسم مبارک پر اپنے دونوں ہاتھوں کو پھرایا کرتے تھے جہاں تک دست ِمبارک پہنچ سکتے، یہ عمل 3 مرتبہ فرماتے۔ بحوالہ:عجائب القرآن مع غرائب القرآن)

سوال: خوش نصیب کون ہے ؟

جواب: خوش نصیب وہ ہے جو ایمان سلامت لے کر قبرمیں جائے ،قبرمیں بھی مؤمن ہو۔

سوال: کیا چڑچڑاپن اورغُصّہ ایک ہی چیز ہے یا جداجدا؟

جواب: چڑچڑاپن اورغُصّہ ایک جیسے ہی لگتےہیں ۔

سوال : نیک اعمال پر عمل کرنے والوں کے بارے میں آپ کے کیاجذبات ہیں ؟

جواب: میں جب نیک اعمال پرعمل کرنے والوں کودیکھتاہوں تو خوشی ہوتی ہے ،اللہ کرے کہ ہمارابچہ بچہ نیک اعمال کا عامل بن جائے ۔

سوال : 2ستمبریومِ دعوتِ اسلامی کیسے منایا جائے ؟

جواب : بچے کی سالگرہ پر خوشی منائی جاتی ہے ،عاشقانِ رسول کی دینی تحریک دعوتِ اسلامی کے 40 سال مکمل ہورہے ہیں تو ہمیں بھی خوشی منانی چاہئے ،ایک باریک نقطہ بھی ہے کہ بچے کی قسمت میں جوعمرلکھی گئی ہے ایک سال مکمل ہونے پراس کی زندگی کا ایک سال کم ہوجاتاہے جبکہ دعوتِ اسلامی کا تو ایک سال بڑھ جاتاہے ،میں نے نئے کپڑے پہننے کی نیت کی ہے ،آپ بھی پہن سکتے ہیں ،2ستمبرکو شکرانے کے دونوافل اداکیجئے،ائمہ کرام2ستمبر کو عشاء کی نماز کے بعد شکرانے کے 2نوافل با جماعت اداکرنے کا اہتمام فرمائیں،2ستمبر(2021ء) کے ہفتہ واراجتماع میں شرکت کیجئے ، میری خواہش ہے کہ ہفتے (4ستمبر2021) کو ہونے والے مدنی مذاکرہ اجتماعات میں اسلامی بھائی سفیدلباس اورسفیدعمامے میں شرکت کریں ،جامعۃ المدینہ کے طلبۂ کرام بھی سفیدلباس اورسفیدعمامے میں بھرپورشرکت کریں ۔اس موقع پر اپنی گاڑیوں پر مکتبۃ المدینہ سے جاری ہونے والے اسٹیکرزلگائیے۔

سوال: اِس ہفتے کےرِسالے ” امام حسین کے واقعات ‘‘پڑھنے یاسُننے والوں کو امیرِاہلِ ِسُنّت دامت برکاتہم العالیہنے کیا دُعا دی ؟

جواب: یاربَّ المصطفٰے! جو کوئی 17 صفحات کا رسالہ ”امام حسین کے واقعات“ پڑھ یا سُن لے، اُسے حضرت امام حسین رضی اللہ عنہ کی مبارک سیرت پر چلنے کی توفیق عطا کر اور جنت الفردوس میں بے حساب داخلہ نصیب فرما۔اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم ۔

14 اگست 2021ء بمطابق 9 محرم الحرام 1443ھ کی  شب عالمی مدنی مذاکرے فیضان مدینہ کراچی میں ہفتہ وار مدنی مذاکرےکا سلسلہ ہوا جس میں کثیر تعداد میں عاشقان رسول نے فیضان مدینہ آکر جبکہ دیگر شہروں اسلامی بھائیوں نے بذریعہ مدنی چینل شرکت کی۔

اس مدنی مذاکرے میں شیخ طریقت امیر اہلسنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ علم سے بھر پور مدنی پھول ارشاد فرمائے۔

مدنی مذاکرے کےمزید مدنی پھول ملاحظہ کیجئے

سوال: حضرت عباس علمبرداررحمۃ اللہ علیہ کی سیرت سے متعلق کچھ مدنی پھول عنایت فرمادیجئے۔

جواب : حضرت عباس علمبرداررحمۃا للہ علیہ،اسلام کے چوتھے خلیفہ مولائے کائنات ، شیرِخدا حضرت علی المرتضیٰ رضی اللہ عنہ کے بیٹے اورحضرت امام حسین رضی اللہ عنہ علاتی بھائی تھے،علاتی بھائی وہ ہوتے ہیں جن کے والدصاحب ایک ہوں مگروالدہ جداجداہوں ،حضرت عباس علمبرداررحمۃا للہ علیہ 26ہجری میں پیدا ہوئے، واقعۂ کربلا کے وقت ان کی عمر 35 سال عمر تھی ، اللہ پاک ان کی بہادری کے صدقے ہمیں بھی ہمت عطا فرمائے۔

سوال : آنکھ پھڑکے تو کیا کریں ؟

جواب:آنکھ کو پھڑکنے دیاجائے،بعض نادان لوگ ا س سے بدشگونی لیتے ہیں، یادرہے!!!دینِ اسلام میں بدشگونی کی اجازت نہیں ۔(بدشگونی کی تفصیلی معلومات جاننے کے لیے مکتبۃ المدینہ کی کتاب"بدشگونی"کامطالعہ کیجئے)

سوال: ہچکی کیوں آتی ہے؟

جواب:کہا جاتا ہے کہ جب کوئی یاد کرتا ہے تو ہچکی آتی ہے، مگر یہ ضروری نہیں، البتہ مکی مدنی آقا صلی اللہ علیہ وآلہ وسلم اپنے مزارِاقدس میں اپنے غلاموں کو یاد فرماتے ہیں۔

سوال: استاد کا ادب کس طرح کریں اور اس کے کیا کیا فوائد ہیں؟

جواب:باادب بانصیب، قابلِ تعظیم استاد آئے تو کھڑے ہوجاناچاہئے، ان کی نشست(بیٹھنے کی جگہ) پر نہ بیٹھا جائے، اُن کی غیر موجودگی میں بھی ادب کرے، امام اعظم ابوحنیفہ رحمۃ اللہ علیہ کے استادِ محترم شیخ حماد رحمۃ اللہ علیہ کا گھر، امام اعظم ابوحنیفہ رحمۃ اللہ علیہ کے گھر سے 7 گلیوں کے بعد تھا، مگر آپ ان کے گھر کی طرف پاؤں نہیں کرتے تھے۔

سوال : کیا عقل خطا کرتی ہے؟

جواب: انسان خطا کر جاتا ہے اور عقل دب جاتی ہے ، سلیمُ العَقْل ، سلیمُ الفِطرت مسلمان ہی ہوتا ہے، غیرمسلم اس سے محروم ہے ۔

سوال:بیٹا، والد کا ادب کیسے کرے؟

جواب:بیٹا خوب اطاعت کرے،"والد صاحب آئیں تو آتا دیکھ کر کھڑا ہوجائے،ان کے سامنے آواز بلند نہ کرے، ان سےجھگڑ انہ کرے، ان کی خوب خدمت کرے، ان سے آنکھ میں آنکھ ڈال کر بات نہ کرے"وغیرہ ۔

سوال : کہا جاتاہے کہ مکتبہ المدینہ سے ہدیۃً طلب فرمائیں،کیا یہ مشکل نہیں ہے ؟

جواب :جی ہاں !یہ مشکل ہے، اسلامی کتابوں کی قیمت کو ادب کی وجہ سے ہدیہ کہا جاتاہے اوراس طرح کہنا اچھا ہے مگرلوگ ہدیہ سے تحفہ(Gift)مرادلیتے ہوں گے ،اس لیے کتب و رسائل وغیرہ کا اعلان کرتے ہوئے یہ کہاجائے کہ ’’ مکتبۃ المدینہ سے قیمتاً خرید فرمائیں۔‘‘

سوال : اسلامی بہنیں کس طرح علمِ دین حاصل کریں؟

جواب: اسلامی بہنیں بھی حسبِ موقع علم ِ دین حاصل کریں، دعوتِ اسلامی کے اسلامی بہنوں میں ہونے والے ہفتہ وار اجتماعات میں شرکت کریں، مکتبۃ المدینہ سے شائع ہونے والے دینی کتب و رسائل کا مطالعہ کریں ۔

سوال: کیا بداخلاقی نقصان دہ ہے ؟

جواب:جی ہاں ! بداخلاقی کرونا وائرس سے بھی زیادہ نقصان دہ ہے، اوریہ مرض ہمارے معاشرے میں عام ہے ،معمولی سی بات پر جھاڑدیاجاتاہے ،لڑائی جھگڑاشروع ہوجاتاہے ،اپنے اخلاق کو بہتربنانے کے لیے دعوتِ اسلامی کے عاشقانِ رسول کے ہمراہ مدنی قافلے میں سفرکریں،اِنْ شاۤءَاللہُ الْکریم اَخلاق بہترہوں گے ۔

سوال: اِس ہفتے کےرِسالے ”فیضانِ اہلِ بیت ‘‘پڑھنے یاسُننے والوں کو امیرِاہلِ ِسُنّت دامت برکاتہم العالیہنے کیا دُعا دی ؟

جواب: یااللہ پاک ! جو کوئی 35 صفحات کا رسالہ ”فیضانِ اہل بیت ‘‘پڑھ یا سُن لے اُسےاوراس کی آنے والی نسلوں کو اہلِ بیت کِرام علیہم الرضوان کی سچیّ غلامی نصیب فرما اوراس کی بے حساب مغفرت کر ۔اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم ۔

آج رات 9 اگست 2021ء سے 11 محرم الحرام 1443ھ کی شب تک روزانہ 9:30 بجے حضرت سیدنا امام حسین اوردیگر شہیدان کربلا رضوان اللہ علیہم اَجْمعین کے ایصالِ ثواب کے لئےمدنی چینل پر براہِ راست مدنی مذاکرے کا سلسلہ ہوگا۔

ان مدنی مذاکروں میں امیر اہلسنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ امامِ عالی مقام نواسۂ رسول حضرت سیدنا امام حسین رضی اللہ عنہ کے فضائل بیان کرنے کے ساتھ ساتھ علم و حکمت سے لبریز مدنی پھول ارشاد فرمائیں گے۔

امیر اہلِ سنت ان مدنی مذاکروں میں عاشقان رسول کی جانب سے ہونے والے سوالات کے جوابات ارشاد فرمائیں گے۔ 

آج 7اگست2021ءبروزہفتہ رات(پاکستانی وقت کے مطابق) تقریباً9:30بجے عالمی مدنی مرکز فیضانِ مدینہ میں مدنی مذاکرے کا سلسلہ ہوگا جس میں شیخ ِطریقت، امیرِ اہلِ سنت حضرت علامہ مولانا محمد الیاس عطار قادری رضوی ضیائی دامت برکاتہم العالیہ عاشقانِ رسول کے مختلف سوالا ت کے علم و حکمت سے بھرپورجوابات ارشاد فرمائیں گے۔

واضح رہے کہ ملکی صورتحال کے پیش نظر مدنی مذاکرہ اجتماعی طور پر منعقد نہیں ہوگا۔ تمام عاشقان رسول اپنےاپنے گھروں میں بذریعہ مدنی چینل اس مدنی مذاکرے میں شرکت فرمائیں۔

آج 31جولائی2021ء کی شب تقریباً 9:45 بجے مدنی چینل پر براہ راست ہفتہ وار مدنی مذاکرے کا سلسلہ ہوگا جس میں عالمی مذہبی اسکالر علامہ محمد الیاس عطار قادری دَامَتْ بَرَکَاتُہُمُ الْعَالِیَہ شریعت اور طریقت کی رہنمائی، طبی اور روحانی علاج کے ساتھ ساتھ بہت سی مفید باتیں بتاتے ہیں۔ اس مدنی مذاکرے میں امیر اہل سنت دَامَتْ بَرَکَاتُہُمُ الْعَالِیَہ عاشقان رسول کی جانب سے ہونے والے سوالات کے حکمت بھرے جوابات بھی ارشاد فرماتے ہیں۔

واضح رہے کہ ملکی صورتحال کے پیش نظر مدنی مذاکرہ اجتماعی طور پر منعقد نہیں ہوگا۔ تمام عاشقان رسول اپنےاپنے گھروں میں بذریعہ مدنی چینل اس مدنی مذاکرے میں شرکت فرمائیں۔

24جولائی 2021ء مطابق 14ذوالحجۃ الحرام 1442ھ کی شب عالمی مدنی مرکز فیضانِ مدینہ میں ہفتہ وار مدنی مذاکرے کا سلسلہ ہوا جس میں بانیِ دعوتِ اسلامی حضرت علامہ مولانا محمدالیاس عطار قادری دَامَتْ بَرَکَاتُہُمُ الْعَالِیَہ نے عاشقانِ رسول کو علم و حکمت سے بھرپور مدنی پھول عطا فرمائے۔ عالمی مدنی مرکز فیضانِ مدینہ کراچی میں سینکڑوں جبکہ بیشتر مقامات ہزاروں عاشقانِ رسول نے جمع ہوکر اس مدنی مذاکرے میں شرکت کی سعادت حاصل کی۔

مدنی مذاکرے کےمزید مدنی پھول ملاحظہ کیجئے

سوال : امیراہل سنت حضرت علامہ مولانا محمد الیاس عطارقادری رضویدامت برکاتہم العالیہ نے اپنے والدصاحب(حاجی عبدالرحمٰن قادِری رحمۃ اللہ علیہ) کا تذکرہ کن الفاظ میں فرمایا ؟

جواب :جب میں ڈیڑھ/ دوسال کا تھا تو والدصاحب انتقال کرگئے تھے ،کولمبو(Sri Lanka)کے لوگوں سے سنا ہے کہ جب حنفی میمن مسجد کولمبو کے امام صاحب نہیں ہوتے تھے توان کی غیر موجودگی میں میرے والدصاحب فی سبیلِ اللہ نمازپڑھا دیا کرتے تھےکیونکہ وہ وہاں پر ایک فرم میں ملازمت کرتے تھے ،میرے خالواحمدصاحب نے بتایا کہ تمہارے والدصاحب جب قصیدیۂ غوثیہ پڑھاکرتے تھے تو ان کی چارپائی زمین سے بلندہوجاتی تھی ،ہمارے پڑوسی عبدالستاربتاتے ہیں کہ آپ کے والدصاحب نگاہیں نیچی کرکے چلاکرتے تھے،مذہبی ذہن کے مالک تھے ،بات بات پرحدیث بیان کرتے تھے ،پوری داڑھی والے تھے ۔(امیراہلسنت کے والدصاحب حاجی عبدالرحمن قادری رحمۃ اللہ علیہ کا یومِ وفات 14ذوالحجہ ہے ۔)

سوال:گھرمیں الیکٹرک پنکھوں کے بارے میں کیا احتیاط کرنی چاہئے؟

جواب: کسی ماہر الیکٹریشن سے چیک کروالینا چاہئے کہ گھرکے تمام پنکھے درست لگے ہوئے ہیں یا نہیں ،جب الیکٹریشن چیک کررہا ہوتو خودبھی وہاں موجودہوں ۔

سوال : کیا قربانی کا گوشت غریبوں کو دینا چاہئے ؟

جواب: جی ہاں! مستحب یہ ہے کہ غریبوں کو بھی گوشت دیا جائے ،البتہ اگرکوئی ساراگوشت اپنے پاس رکھ لے تو اس سے بدگمانی نہ کی جائے اورنہ ہی اس کی بُرائی کی جائے اورنہ اسے کنجوس کہاجائے ،شادیوں میں بھی غریبوں کو یادرکھنا چاہئے ،ایک دیگ غریبوں اورایک دیگ سیدوں کے لیے پکائی جائے ،شادی میں آس پاس کے غریبوں کو دعوت دی جائے۔

سوال: کیا ظلم کرنا بُرے خاتمےکا سبب ہے ؟

جواب: جی ہاں ! امام اعظم ابوحنیفہ رحمۃ اللہ علیہ فرماتے ہیں :بُرے خاتمے کا سب سے بڑاسبب ظلم کرنا ہے ،ظلم کرنا بہت خطرناک ہے ،یہ قیامت کے اندھیرے ہیں ،آجکل ظلم کرنے کاگناہ عام ہے بعض اوقات مظلوم ایک طرح سے مظلوم ہوتاہے اورایک طرح سےظالم ،اللہ پاک ہمیں ظلم کرنے اوردیگرگنا ہوں سے بچائے۔

سوال : کیا کسی صحابی کا نام صراحۃ ً(واضح طورپر)قرآنِ کریم میں آیا ہے ؟

جواب: جی ہاں !محبوبِ رسول حضرت زیدبن حارثہ رضی اللہ عنہ کا نام قرآنِ کریم میں آیا ہے ۔

سوال : اُونٹ(Camel) کی قربانی کس طرح کی جائے ؟

جواب : اُونٹ کوکھڑاکرکے بایاں(Left) پاؤں اورمنہ باندھ دیا جائے اوراسے نحرکیا جائے ۔

سوال: اِس ہفتے کےرِسالے” امیراہلِ سنت کا پہلاسفرِ مدینہ ‘‘ پڑھنے یاسُننے والوں کوجانشین امیرِاہلِ ِسُنّت مدظلہ العالینے کیا دُعا دی ؟

جواب: یااللہ پاک! جو کوئی 21 صفحات کا رسالہ  ” امیراہل سنت کا پہلاسفرِ مدینہ ‘‘ پڑھ یا سُن لے اُسے باربارحج اورزیارتِ مدینہ نصیب فرما اور اسے بے حساب بخش دے ۔اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم

آج مورخہ 24 جولائی 2021ء رات 9:45 بجے مین یونیورسٹی روڈ پر واقع عالمی مدنی مرکز فیضان مدینہ کراچی سے براہ راست مدنی مذاکرے کا انعقاد کیا جائیگا جس میں امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ عاشقانِ رسول کی جانب ہونے والے سوالات کے جوابات ارشاد فرمائیں گے۔

واضح رہے کہ امیرِ اہلِ سنت حضرت علامہ مولانا الیاس عطار قادری دَامَتْ بَرَکَاتُہُمُ الْعَالِیَہ پچھلے کئی سالوں سے مسلسل”مدنی مذاکرہ“ نامی ہفتہ وار علمی نشست قائم فرمارہے ہیں جس میں شرکت کرنے والے ہر خاص و عام کو شرعی، طبی، تاریخی اور تنظیمی معلومات کا خزانہ ہاتھ آتا ہے۔

تمام عاشقان رسول سے درخواست کی جاتی ہے کہ مدنی مذاکرے میں شرکت کرکے علم دین کا ڈھیروں ڈھیر خزانہ حاصل کریں۔

دعوتِ اسلامی کی جانب سے عاشقانِ رسول کے لئے مختلف دینی اور اسلامی ایونٹس  کے موقع پر مدنی مذاکروں کا انعقاد کیا جاتا ہے۔ اسی سلسلے میں یکم سے 10 ذی الحجۃ الحرام تک عالمی مدنی مرکز کراچی میں روزانہ رات کو عشاء کی نماز کے بعد تقریباً پونے10 بجے مدنی مذاکروں کا سلسلہ ہوگا۔ مدنی مذاکروں میں شیخ طریقت، امیرِ اہلِ سنت حضرت علامہ مولانا الیاس عطار قادری دَامَتْ بَرَکَاتُہُمُ الْعَالِیَہ علمی ، اصلاحی اور حکمت بھری گفتگو فرمائیں گے۔

تمام عاشقانِ رسول سے گزارش کی جاتی ہے کہ ان مدنی مذاکروں میں شرکت کرکے علمِ دین کے نور سے اپنے سینوں کو منور فرمائیں۔

03جولائی 2021ء مطابق 23ذیقعدۃِالحرام 1442ھ کی شب عالمی مدنی مرکز فیضانِ مدینہ میں ہفتہ وار مدنی مذاکرے کا سلسلہ ہوا جس میں بانیِ دعوتِ اسلامی حضرت علامہ مولانا محمدالیاس عطار قادری دَامَتْ بَرَکَاتُہُمُ الْعَالِیَہ نے عاشقانِ رسول کو علم و حکمت سے بھرپور مدنی پھول عطا فرمائے۔ عالمی مدنی مرکز فیضانِ مدینہ کراچی میں سینکڑوں جبکہ بیشتر مقامات ہزاروں عاشقانِ رسول نے جمع ہوکر اس مدنی مذاکرے میں شرکت کی سعادت حاصل کی۔

مدنی مذاکرے کےمزید مدنی پھول ملاحظہ فرمائیں

سوال : قبرمیں امن کس طرح قائم رہے گا ؟

جواب : اگرقبرمیں امن چاہتے ہیں تو آپ کو امن والے اسلام ،اللہ ورسول کے احکام پرعمل کرنا ہوگا ،ان پر عمل کریں گے تو ان شاءاللہ الکریم قبرکے اندرامن قائم رہے گا ۔

سوال: کون سے 2انبیائے کرام ہرسال حج کرتے ہیں ؟

جواب: حضرت الیاس علیہ السلام اورحضرت خضر علیہ السلام ۔

سوال : کون سے اسلامی مہینے کی راتیں افضل ہیں اورکس اسلامی مہینے کے دن افضل ہیں ؟

جواب: رمضان کی راتیں افضل ہیں اورذُوالحجہ کےپہلے 10دن افضل ہیں ،حدیث پاک میں ہے : اللہ پاک کے نزدیک عشرۂ ذُوالحجہ کے دنوں سے افضل کوئی دن نہیں ۔(ابن حبان ،6/62،حدیث:3842)

سوال: نیکی اورگناہ کے بارے میں امیرِاہل سنت نے کیا فرمایا ؟

جواب: فرمانِ مصطفیٰ صلی اللہ علیہ واٰلہ وسلم:"نیکی پرانی نہیں ہوتی اورگناہ بُھلائے نہیں جاتے"۔ (الجامع الصغیرللسیوطی، ص192،حدیث : 3199 )

سوال : نمازکے بغیرانسان کیسا ؟

جواب:نمازکے بغیرانسان کسی کام کا نہیں ،بے کارہے،تمام اسلامی بھائی مسجدبھروتحریک شروع کریں ، اللہ کرےنمازکے وقت ماحول ہی بدل جائے ، کوئی وضوکررہا ہو،کوئی نمازکے کے لیے دوسروں کوکہہ رہا ہو،میں نے راسُ الْخَیْمہ (عرب امارات(UAE) کی ریاستوں میں سے ایک ریاست کا نام ہے)میں دیکھاتھا کہ نمازکے وقت دکانیں بندکردی جاتی ہیں ،کاش !ہرجگہ ایساہوجائے ۔

سوال: دعوت ِاسلامی کے شعبے ایف جی آرایف (FGRF)کے تحت یتیم خانہ بنام ”مدنی ہوم “بنانے کا طے ہوا،اس میں تعاون کرنے والوں کو امیراہل سنت نےکیا دعادی ؟

جواب: ”یا اللہ پاک!تجھے تیرے پیارے حبیبصَلَّی اللہُ عَلَیْہِ وَاٰلِہٖ وَسَلَّم کا واسطہ( جن کو یتیموں کی سرپرستی بہت پسند ہے)جو ہمارے ساتھ اِس کام میں تعاون کریں،مدنی ہوم کے تعلق سے تعاون کریں،ہمیں عمارت دیں،عمارت دِلوائیں،اس کے اندر مالی طورپرمدد کریں، مدد کرتا رہے، مدد کرنے کے لیے دُوسروں کو اُبھارے،وہ میرا مدنی بیٹا ہو،خواہ مدنی بیٹی ہو،کوئی بھی ہو،اے اللہ پاک! اُس کو ایمان کی سلامتی نصیب فرما،بُرے خاتمے سے بچا،اے اللہ پاک!اس کو باربارحج نصیب فرما،باربار میٹھا میٹھا،شہد سے بھی میٹھا مدینہ دِکھااور جنت الفردوس میں اپنے پیارے حبیب صَلَّی اللہُ عَلَیْہِ وَاٰلِہٖ وَسَلَّم کے پڑوس میں عالیشان محل عطافرما۔ اٰمین بجاہ النبی الامین صلی اللہ علیہ واٰلہ وسلم

سوال: اِس ہفتے کارِسالہ ” قربانی کیوں کرتے ہیں؟ ‘‘ پڑھنے یاسُننے والوں کو امیرِاہلِ ِسُنّت دَامَتْ بَرَکاتُہُمُ الْعَالِیَہ  نے کیا دُعا دی ؟

جواب: ”یا اللہ پاک! جو کوئی17 صفحات کا رسالہ ”قربانی کیوں کرتے ہیں؟“پڑھ یا سُن لے اُسے ہر سال خوش دلی سے قربانی کرنے کی سعادت عطا فرما اور اس کی قربانی کو اس کے لئے پُل صراط کی سواری بنا“۔اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم

امیرِ اہلِ سنت حضرت علامہ مولانا الیاس عطار قادری  دَامَتْ بَرَکَاتُہُمُ الْعَالِیَہ پچھلے کئی سالوں سے مسلسل”مدنی مذاکرہ“ نامی ہفتہ وار ایسی علمی نشست قائم فرمارہے ہیں جس میں شرکت کرنے والے ہر خاص و عام کو شرعی، طبی، تاریخی اور تنظیمی معلومات کا خزانہ ہاتھ آتا ہے۔

آج مورخہ 03 جولائی 2021ء رات 9:45 بجے مین یونیورسٹی روڈ پر واقع عالمی مدنی مرکز فیضان مدینہ کراچی سے براہ راست مدنی مذاکرے کا انعقاد کیا جائیگا جس میں امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ عاشقانِ رسول کی جانب ہونے والے سوالات کے جوابات ارشاد فرمائیں گے۔

تمام عاشقان رسول سے درخواست کی جاتی ہے کہ مدنی مذاکرے میں شرکت کرکے علم دین کا ڈھیروں ڈھیر خزانہ حاصل کریں۔

26جون  2021ء مطابق 16ذیقعدۃِالحرام 1442ھ کی شب عالمی مدنی مرکز فیضانِ مدینہ میں ہفتہ وار مدنی مذاکرے کا سلسلہ ہوا جس میں بانیِ دعوتِ اسلامی حضرت علامہ مولانا محمدالیاس عطار قادری دَامَتْ بَرَکَاتُہُمُ الْعَالِیَہ نے عاشقانِ رسول کو علم و حکمت سے بھرپور مدنی پھول عطا فرمائے۔ عالمی مدنی مرکز فیضانِ مدینہ کراچی میں سینکڑوں جبکہ بیشتر مقامات ہزاروں عاشقانِ رسول نے جمع ہوکر اس مدنی مذاکرے میں شرکت کی سعادت حاصل کی۔

مدنی مذاکرے کےمزید مدنی پھول ملاحظہ فرمائیں

سوال : لوگوں سے کس طرح بات کرنی چاہئے،کیونکہ لوگ مختلف مزاج کےہوتے ہیں ؟

جواب : حدیث پاک میں ہے اَنْزِلُوا النَّاسَ مَنَازِلَهُمْ (مشکوٰۃ شریف، حدیث 920)یعنی لوگوں سے ان کی منزلوں ،مقام اورحیثیت کے مطابق سلوک کیا جائے ،بات چیت میں بچوں ،عام لوگوں اورخاص لوگوں کے ساتھ بولنے کا اندازمختلف ہے،بولنا ہمیشہ سچ ہے ،صاف صاف بولنا ہے ،مختصرالفاظ استعمال کئے جائیں ،فضول الفاظ سے بچاجائے ،فضول الفاظ کا قیامت کے دن حساب ہے ،آوازنہ بہت بلندہواورنہ ہی اتنی کم کہ سامنے والا باربارکہے کہ بلندآوازسے بولئے ،بڑوں کے ساتھ احترام اوربچوں کے ساتھ شفقت والی بات کی جائے ،کسی کا مذاق وتحقیر(ذِلّت)والااندازنہ ہو،اللہ کرے ہم سُنّت کے مطابق بولنا سیکھ جائیں، ، صرف اسی کے پاس جاناچاہیےجو ہماری عزت کریں ،جوعزت نہ کرے ان سے بات بھی نہیں کرنی چاہئے ،عاشقان رسول کے ساتھ رہیں جہاں عزت اورہماری اصلاح ہو ۔یادرکھیں !صحبت اس کی اختیارکی جائے جو نہ بدعقیدہ ہونہ بے عمل ہو۔

سوال: سنجیدہ ماحول میں کس طرح بات کی جائے ؟

جواب: سنجیدہ ماحول میں سنجیدہ اندازہونا چاہئے ،ہمارے معاشرے میں اخلاقی کمزوری بہت ہے ،کسی بزرگ کو خواب میں دیکھا گیا تو پوچھا کہ اللہ پاک نے آپ کے ساتھ کیا معاملہ کیا ؟جواب دیا:اللہ پاک نے رحم فرمایا ،مغفرت کی ،عرض کیاکس سبب سے ؟فرمایامیں نے کبھی سنجیدہ بات میں مذاق کی ملاوٹ نہیں کی ۔ تھوڑے سے مذاق کی اجازت ہے جس میں کسی کی دل آزاری نہ ہو،اس سے زیادہ کی اجازت نہیں ، سیٹھ کے سمجھانے کااندازبھی رَف ہوتاہے ،کاریگربھی اپنے ماتحت سے رَف گفتگوکرتاہے ،گھر میں بھی عموماًرف انداز ہوتاہے ۔ہرفیلڈ میں اخلاقی کمزوری ہے ، بعض اوقات بظاہراچھا نظرآنے والابھی غصے میں بداخلاقی کردیتاہے ۔حُسنِ اخلاق سیکھنے کے لیے بہت مجاہدہ اورکوشش کرنا ہوگی ۔تقویٰ وپرہیزگاری ہونی چاہئے مگربعض اوقات بداخلاقی سب پر پانی پھیردیتی ہے ۔ کسی کا دل توڑدیناتو جیسے کوئی مسئلہ ہی نہیں ،بہت دل آزاری کی جاتی ہے ،(حالانکہ کسی مسلمان کی دل آزاری کرنا حرام اورجہنم میں لے جانے والاکام ہے) زبان تلوارسے زیادہ تیز ہے ،جب چلتی ہے تو دل توڑدیتی ہے ،حُسنِ اخلاق بازارِمصطفی سے ملتاہے۔اللہ کرے ہمیں حُسنِ اخلاق نصیب ہوجائے ۔

سوال : تلے ہوئے(Fried) پاپڑکھانا کیسا؟

جواب: تلےہوئے پاپڑصحت کےلئے سخت نقصان دہ ہوتے ہیں، ان سے بچاجائے ۔

سوال: روٹی پر اللہ پاک یا نبیِ کریم صلی اللہ علیہ والہ وسلم کا نام ظاہرہوتوکیا کِیا جائے ؟

جواب: اُس روٹی کا احترام کِیا جائے،کھا بھی سکتے ہیں ،تعویذبھی تو بطورِعلاج کھائے جاتے ہیں ۔

سوال: ہم ماہِ رمضان میں زیادہ نیکیاں کرتے تھے ،اب ہم اُسی طرح نیکیاں کس طرح کرسکتے ہیں ؟

جواب: نیکیاں تو ہمیں کرنی ہی ہیں ،ساراسال ہی نمازیں پڑھنی ہیں ،البتہ ماہِ رمضان میں نیکیوں کا جذبہ بڑھ جاتاہے ،وہ والاماحول بنانا ہمارے اختیارمیں نہیں ہے ۔ماہِ رمضان میں اگرمسجدِبیت بنائی ہوتورمضان کے بعد بھی اسے برقراررکھا جائے ،اس میں بھی یادِرمضان ہے ،یوں اس کے فوائدہیں۔مسجدِ بیت میں مزہ آتاہے ،مجھے تو آتاہے آپ کو بھی آنا چاہئے۔

سوال: اِس ہفتے کارِسالہ ” گھریلو جھگڑوں کا علاج ‘‘ پڑھنے یاسُننے والوں کو امیرِاہلِ ِسُنّت دَامَتْ بَرَکاتُہُمُ الْعَالِیَہنے کیا دُعا دی ؟

جواب: یا ربَّ المصطَفٰے! جو کوئی 17 صفحات کا رسالہ ” گھریلو جھگڑوں کا علاج “ پڑھ یا سُن لے اس کے گھر بار اور روزگار میں برکتیں عطا فرماکراسے اپنی راہ میں خرچ کرنے کی توفیق عطا فرما ۔اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم