5جون 2021ء کی شب عالمی مدنی مرکز فیضانِ مدینہ میں ہفتہ وار مدنی مذاکرے کا سلسلہ ہوا جس میں بانیِ دعوتِ اسلامی حضرت علامہ مولانا محمدالیاس عطار قادری دَامَتْ بَرَکَاتُہُمُ الْعَالِیَہ نے عاشقانِ رسول کو علم و حکمت سے بھرپور مدنی پھول عطا فرمائے۔ عالمی مدنی مرکز فیضانِ مدینہ کراچی میں سینکڑوں جبکہ بیشتر مقامات ہزاروں عاشقانِ رسول نے جمع ہوکر اس مدنی مذاکرے میں شرکت کی سعادت حاصل کی۔

مدنی مذاکرے کےمزید مدنی پھول ملاحظہ فرمائیں

سوال : مقامِ جِعِرَّانہ کی کیا اہمیت ہے ؟

جواب :یہ مقام مکہ شریف سے جانبِ طائف 26کلومیٹرکے فاصلے پرہے ،مقامِ جعرانہ سے تین سو(300)انبیائے کِرام نے احرام باندھاہے ،فتح مکہ کےبعدہمارے پیارےآقاصلی اللہ علیہ والہ وسلم نے طائف سے واپسی پر یہاں قیام فرمایااور28 شوال کو عمرے کا احرام باندھا۔عوام اس مقام کو بڑاعمرہ بولتے ہیں جبکہ مسجدعائشہ سے احرام باندھنے کو چھوٹا عمرہ کہتےہیں ۔حضرت شیخ عبدالوہاب متقی رحمۃ اللہ علیہ نے یہاں رات کے مختصرحصے میں سو(100)سے زائدباررسول ِکریم صلی اللہ علیہ والہ وسلم کی خواب میں زیارت کی ۔

سوال : مجھے یہ خیال آتاہے کہ میں مرجاؤں گا یا بیمارپڑجاؤں گا۔ کیاکروں؟

جواب:رکھ مولیٰ تے آس،مرنا توپڑے گا ،جو اللہ پاک کا انکارکرتاہے وہ بھی موت کا اقرارکرتاہے ،موت متفق علیہ معاملہ ہے جس سے کوئی انکارنہیں کرتا،اسی طرح انسان بیمارتو ہوتاہے ،پھرعلاج بھی کرلیتاہے ،اس میں نفسیاتی اثرلےکراپنی صحت کوکھونایہ دانشمندی نہیں ہے ۔اللہ کی رحمت پرنظررکھے ،بُرے خاتمے سےبچارہوں یہ دعاکرتارہے۔

سوال: حضرت عمربن عبدالعزیزرحمۃ اللہ علیہ کو ’’عمرِ ثانی‘‘کیوں کہاجاتاہے ؟

جواب: حضرت عمربن عبدالعزیزرحمۃ اللہ علیہ نے انصاف کا بول بالاکیا،اصلاحات کیں ،امن قائم کیا ،یزیدی دَورکا ظلم وستم دُورکیا جس سے خلافتِ حضرتِ عمرِفاروق رضی اللہ عنہ کی یادتازہ ہوگئی،چونکہ ان کا نام بھی عمرتھا اس لیے آپ کو’’ عُمرثانی‘‘ کہاجاتاہے ۔

سوال: بیان کس طرح کرنا چاہئے؟

جواب:علماوائمہ کرام اورمبلغین کو چاہئے کہ آسان بیان کریں ،مشکل الفاظ استعمال کرنے سے لوگوں کوسمجھ میں نہیں آئے گا ،اسی طرح نماز،غسل وغیرہ کے مسائل آسان اندازمیں بتاتے رہیں۔

سوال : مکتبۃ المدینہ کی نئی کتاب ’’آخری نبی (صلی اللہ علیہ وسلم) کی پیاری سیرت ‘‘کےبارے میں امیراہل سنت دامت برکاتہم العالیہ نے کیا فرمایا؟

جواب:’’آخری نبی(صلی اللہ علیہ وسلم) کی پیاری سیرت‘‘سیرت ِمصطفی کی جامع اورمختصرکتاب ہے ،اسے ہرگھرمیں ہونا چاہئے ،اس کا مطالَعہ فرمائیں ڈھیروں ڈھیر معلومات حاصل ہوں گی،دوسروں کو تحفہ دیں ،کوئی خوشی مثلاً:شادی ہو،بچے کی ولادت ہویا منگنی کا موقع ہوتو اسے تحفے میں دیں ،اپنے محلے کے امام صاحب کو پیش کریں ۔

سوال: اِس ہفتے کارِسالہ ” بادشاہ کی سڑی ہوئی لاش“ پڑھنے یاسُننے والوں کو امیرِاہلِ ِسُنّت دَامَتْ بَرَکاتُہُمُ الْعَالِیَہنے کیا دُعا دی ؟

جواب: یا اللہ پاک! جو کوئی 17 صفحات کا رسالہ ” بادشاہ کی سڑی ہوئی لاش“ پڑھ یا سُن لےاُس کے سارے گُناہ مُعاف فرمااور اُسے اپنا مقبول بندہ بناکر بے حساب مغفرت سے نواز دے ۔اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم

دعوت اسلامی کے زیر اہتمام29 مئی 2021ء کی شب  عالمی مدنی مرکز فیضان کراچی میں ہفتہ وار مدنی مذاکرے کا انعقاد کیا گیا جس میں امیر اہل سنت دَامَتْ بَرَکَاتُہُمُ الْعَالِیَہ نے عاشقان رسول کی جانب سے ہونے والے سوالات کے جوابات ارشاد فرمائے۔

مدنی مذاکرے کے مدنی پھول ملاحظہ کیجئے

سوال : ہمیں دِین ِ اسلام کی دُرست معلومات کس سے حاصل ہوں گی ؟

جواب :عاشقان ِرسول عُلماءسے ہوں گی ،عُلماءکے قدموں سے لگےرہیں ،جوعلماءفرمائیں ہمیں وہی مانناچاہئے ،علماہی رہنمائی کرسکتے ہیں ،دِین علماءسے ملے گا۔

سوال : کیا یہ دعاکرسکتےہیں کہ ”جہاں میں شادی کرناچاہتاہوں وہاں میری شادی ہوجائے“ ؟

جواب:عافیّت اسی میں ہے کہ یہ دُعاکرےکہ” جہاں میرے حق میں بہترہے وہا ں میری شادی ہوجائے“، اللہ پاک سے ہمیشہ عافیت مانگنی چاہئے ۔عافیت کا معنی ہے" سلامتی اوربہتری "۔یہ دعامانگی جائے : اَللّٰهُمَّ اِنِّي أَسْأَلُكَ الْمُعَافَاةَ فِي الدُّنْيَا وَالآخِرَةِ (اے اللہ! میں تجھ سے دنیا اور آخرت کی عافیت کا طلب گار ہوں)(سنن ابن ماجہ،حدیث:۳۸۵۱)

سوال: کیا حنفی ،شافعی ،مالکی اورحنبلی آپس میں بھائی بھائی ہیں ؟

جواب:جی ہاں ! چاروں امام برحق ہیں ،چاروں نے قرآن وحدیث سے ہی مسائل نکالے ہیں ،یہ اس درجے کے علما تھے جو قرآن وحدیث سے مسائل کااستنباط کرسکتے تھے،یعنی نکال سکتے تھے ،ان میں یہ صلاحیت تھی ،مجتہد کی تعریف اِن پر پوری اُترتی تھی ،یہ مجتہدِ مُطلق تھے ،اسی لیے ہم چاروں کو مانتے ہیں ،جو قرآن وحدیث سے مسائل نہ نکالے ہم اسے مانتے ہی نہیں ،اعلیٰ حضرت امام احمدرضا خان رحمۃ اللہ علیہ بڑے وسیع الظرف تھے ،آپ فرماتےہیں:’’ یہ چاروں اماموں کے ماننے والے آپس میں سگے بھائی ہیں ۔‘‘ہاں ایک بات یادرہے! پیروی ان میں سے ایک امام کی ہی کرنی ہے ۔ہم حنفی ہیں تو صرف حنفی ہیں۔

سوال: لوگ نشے کے عادی کیوں ہوجاتے ہیں ؟

جواب:عام طورپر بُری صحبت سے لوگ نشے میں مبتلاہوجاتے ہیں ،والدین کوچاہیے کہ بچوں کو بُری صحبت کی نفرت دلائیں ۔

سوال: سنت پرعمل کرنے میں کیافائدہ ہے؟

جواب: سنت میں عظمت ہے، ہر سنت جنت میں لے جانے والی ہے، ہر سنت میں حکمت اور فائدہ ہے ۔

سوال : ایک ہے جذبہ اور دوسرا ہے جذباتی ہونا ،اس میں کیا فرق ہے؟

جواب :٭جذبہ اچھا بھی ہوتا ہے بُرا بھی ، نیک کاموں کا جذبہ اچھا ہے اور اسے بڑھنا چاہیےجیسے: ’’نیک اعمال‘‘ رسالہ کا مطالعہ کرنے، اس کے خانے پُرکرنے سے نیک اعمال کرنے کا جذبہ بڑھےگا۔٭گناہوں کا جذبہ بُرا ہوتا ہے، گناہوں سے بچنے کےلیے ان کے عذابات کا مطالعہ کریں، بُری صحبت کومکمل چھوڑ دیں ۔ جذباتی ہونایہ بھی دو طرح سے ہے ،ایک یہ کہ ٭شریعت کے خلاف کوئی بات دیکھی اور جذبات مشتعل ہوگئے پر شریعت کی حد نہیں توڑی تو اچھا ہے، لیکن اگرحد توڑی تو بُرا ہے، اس میں اعتدال ہونا چاہیے،٭اور دوسرا ہے اپنی طبیعت کے خلاف چیز دیکھ کر جذباتی ہونا ، اکثر یہی ہوتا ہے لوگوں کی طبیعت کے خلاف کچھ ہوجائے تو وہ جذبات میں آجاتے ہیں بعض اپنے آپ کو مارتے، اپنی چیزیں توڑ دیتے ہیں،یہاں تک کہ خودکشی بھی کردیتے ہیں، جرم کرکے جیل میں چلے جاتے ہیں، طلاق دے کر گھر تباہ کر لیتے ہیں،اپنے آپ کو دنیا میں آزمائش ڈالتے ہیں اور آخرت میں بھی تباہ کرلیتے ہیں۔

سوال : کیانمازنہ پڑھنے سے بھی تنگدستی آتی ہے ؟

جواب :جی ہاں! ہمیشہ نمازجماعت کے ساتھ پڑھنے سے نیک بختی اورتونگری(یعنی دولت مندی)کی برکت حاصل ہوتی ہے ،بدبختی اورمفلسی(یعنی غربت)دوربھاگتی ہے اورجماعت ترک کرنے نیزبالکل نمازنہ پڑھنے سے برکت ختم ہوجاتی ہے۔( فیضانِ نماز ،ص443)

سوال : خارش ہونے کی کیاکیا وجوہات ہیں ؟

جواب:انڈا، مرغی ، گوشت وغیرہ زیادہ کھانے،نیز کھانے پینے میں بے احتیاطی کرنے، بدن کی صفائی کا خیال نہ رکھنے وغیرہ سے خارش ہوسکتی ہے ،اس سے بچنے کے لیے روزانہ غسل کریں ، صرف پانی ڈالنے کے بجائے اچھا صابن ایک دو منٹ لگا کر رکھیں اوراس کے بعد بدن کوخوب مَلیں۔

سوال: مسلمان اپنا کھویا ہوا عروج کیسے حاصل کرسکتےہیں ؟

جواب:عروج کھونے کے اسباب پر غور کریں، مسلمان 313 ہوکر میدانِ بدر میں کامیاب ہوئے جبکہ دشمن ناکام ہوا، مسلمانوں کے پاس جذبۂ ایمانی کا ہتھیار تھا، جیسے جیسےجذبہ ٔایمانی کا ہتھیار کُند(ناکارہ) ہوتا گیا دشمن غالب آتاگیا، مسلمان عروج چاہتے ہیں تو نمازی بن جائیں، دین پرعمل کریں، اللہ کا نام لیں، مایوس نہ ہوں ، اسلامی بہنیں بھی توبہ کریں، سب نیک پرہیزگار، عبادت گزار ، بااخلاق اور ایک دوسرے کے ہمدرد بن جائیں۔ دعوتِ اسلامی مسلمانوں کو عروج دلانے والے کاموں کی دعوت دیتی ہے۔

سوال : جولوگ مختلف پرندے ،جانوروغیرہ پالتے ہیں ،وہ کس بات کا خیال رکھیں ؟

جواب:جولوگ مختلف پرندے ،جانوروغیرہ پالتے ہیں ان پرلازم ہے کہ ان پرندوں اورجانوروں سے بے توجہی نہ کریں، موسمی اثرات سے بچائیں، مکمل خوراک اورپانی دیں، ورنہ آخرت میں پکڑ ہوسکتی ہے۔

سوال: اِس ہفتے کارِسالہ ” اپنی پریشانی ظاہر کرنا کیسا؟ ‘‘پڑھنے یاسُننے والوں کو امیرِاہلِ ِسُنّت دَامَتْ بَرَکاتُہُمُ الْعَالِیَہ نے کیا دُعا دی ؟

جواب: یا اللہ پاک جو کوئی 17 صفحات کا رسالہ ” اپنی پریشانی ظاہر کرنا کیسا؟ “ پڑھ یا سن لے، اُسے اپنی رِضا کے لئے مصیبتوں پر صبر اور بہت زیادہ اجر عطا کر اور اُسے جنّت الفردوس میں اپنے پیارے نبی حضرت ایوب علیہ السَّلام کا پڑوس نصیب فرما۔اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم

امیرِ اہلِ سنت حضرت علامہ مولانا الیاس عطار قادری  دَامَتْ بَرَکَاتُہُمُ الْعَالِیَہ پچھلے کئی سالوں سے مسلسل”مدنی مذاکرہ“ نامی ہفتہ وار ایسی علمی نشست قائم فرماتے ہیں جس میں شرکت کرنے والے ہر خاص و عام کو شرعی، طبی، تاریخی اور تنظیمی معلومات کا خزانہ ہاتھ آتا ہے۔

اسی سلسلے میں آج مورخہ 05 جون 2021ء رات 9:30 بجے مین یونیورسٹی روڈ پر واقع عالمی مدنی مرکز فیضان مدینہ کراچی سے براہ راست مدنی مذاکرے کا انعقاد کیا جائیگا جس میں امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ عاشقانِ رسول کی جانب ہونے والے سوالات کے جوابات ارشاد فرمائیں گے۔

تمام عاشقان رسول سے درخواست کی جاتی ہے کہ مدنی مذاکرے میں شرکت کرکے علم دین کا ڈھیروں ڈھیر خزانہ حاصل کریں۔

دعوت اسلامی کے زیر اہتمام 15 مئی 2021ء کی شب  عالمی مدنی مرکز فیضان کراچی میں ہفتہ وار مدنی مذاکرے کا انعقاد کیا گیا جس میں امیر اہل سنت دَامَتْ بَرَکَاتُہُمُ الْعَالِیَہ نے عاشقان رسول کی جانب سے ہونے والے سوالات کے جوابات ارشاد فرمائے۔

مدنی مذاکرے کے مدنی پھول ملاحظہ کیجئے

سوال : ماہِ رمضان میں مساجدبھرجاتی ہیں مگررمضان کے بعد نمازیوں کی تعداد کم ہوجاتی ہے ،تعدادکم نہ ہواس کے لیے کیاکرناچاہئے ؟

جواب : رمضان شریف میں نئے نمازیوں پر کوشش کی جائے تاکہ وہ پکے نمازی بن جائیں ،نمازیوں کی تعدادبرقراررہے اس کے لیےدعابھی کریں ، مکتبۃ المدینہ کی کتاب ”فیضانِ نماز“ کا درس بڑھا دیں ، ماہ ِرمضان میں جو آتے تھے ،دعوتِ اسلامی والے ان سے ملاقات کریں ،انفرادی کوشش کریں ،اس سے فائدہ ہوگا۔

سوال : ہمیں گھر کہاں لینا چاہئے ؟

جواب: گھروہاں لینا چاہئے( اگرچہ کچھ مہنگاملے) جہاں ایسی مسجد ہوجس میں دُرُودوسلام پڑھا جاتاہو،میں چھ ماہ کی عمرسے ایسی مسجدکے قریب رہتا تھا جس میں دُرُودوسلام پڑھا جاتاتھا ۔

سوال: کیا ادب علم سیکھنےسےآتاہے ؟

جواب: ادب کے ساتھ ساتھ علم ِدین ہونا یہ بہت مفید ہے بلکہ کچھ علم یا اس کی کچھ مقدارکا ہونا توضروری ولازمی ہی ہے ،’’ادب‘‘ علم کا نورہے بغیرادب علم کی نورانیت حاصل نہیں ہوتی ، جوجتنا ادب کرے گا اس کا فیضان پائے گا۔اعلیٰ حضرت امام احمدرضاخان رَحْمَۃُ اللہ عَلَیْہ ”فتاویٰ رضویہ‘‘ میں ارشاد فرماتے ہیں: ’’وَلَادِیْنَ لِمَن لَّااَدَبَ لَہٗ یعنی:  جوباادب نہیں اس کاکوئی دین نہیں ۔ ‘‘  (فتاویٰ رضویہ  28 /158 )

سوال : نزلہ ہوتو کیا کرناچاہئے ؟

جواب: نزلہ ہوجائےتو دوالےکراسےروکنا نہیں چاہئے،بلکہ نکلنے دیناچاہئے،اس سے کئی بیماریاں نکل جاتی ہیں، بلغم جمع ہوگیا ہوتو اس کا حل یہی ہے کہ نکل جائے، نزلے کو فوراًروکنے سے گلےاورسرپراٹیک ہوسکتاہے ،مَیں عموماً اس کو روکنے کے لیے دوانہیں لیتا،اس کی شدت کوتوڑنے کے لیے کبھی کبھار دیسی دوالے لیتاہوں ورنہ دودن میں یہ خودہی ٹھیک ہوجاتاہے۔

سوال:میری چھوٹی سے دُکان ہے گاہگ کم آتےہیں رزق میں برکت کا کوئی وظیفہ بتادیجئے ؟

جواب: ”یَااللہُ“ سات سوچھیاسی(786) باربعدِجمعہ لکھ لیجئے ،یا کسی سےلکھوالیجئے،اس تحریر کو مکان یا دُکان میں رکھنے سے رز ق میں برکت ہوگی۔ان شآءاللہ الکریم

23 اپریل 2021ء کو عالمی مدنی مرکز فیضان کراچی میں بعد نماز عصر اور نماز تراویح کے بعد مدنی مذاکرے کا انعقاد کیا گیا جس میں امیر اہل سنت دَامَتْ بَرَکَاتُہُمُ الْعَالِیَہ نے عاشقان رسول کی جانب سے ہونے والے سوالات کے جوابات ارشاد فرمائے۔

مدنی مذاکرے کے مدنی پھول ملاحظہ کیجئے

سوال : شجرکاری(Plantation) کی کیا اہمیّت ہے ؟

جواب : شجرکاری عمدہ فعل ہے ،دنیا بھرمیں کم زیادہ سبزہ نظرآتاہے ،اس کا حُسن بھی ہے جوکہ آنکھوں کو اچھا لگتاہے،سبزہ دیکھنے سے بینائی تیز ہوتی ہے ، پودےلگاناہمارےپیارے آقا صلی اللہ علیہ والہ وسلم سے ثابت ہے ،حدیثوں میں پودے لگانےکے فضائل بھی بیان ہوئے ہیں ،پودوں سےگھر،علاقے، شہراورملک کا حُسن ہے۔(پودے لگانے کے فضائل،پودے لگانے کی احتیاطیں،شجرکاری کے سائنسی فوائد جاننے کے لیے مکتبۃ المدینہ کے رسالے"درخت لگائیے،ثواب کمائیے "کا مطالعہ کیجئے)

سوال : دعوتِ اسلامی کی شجرکاری مہم کےبارے میں کچھ ارشادفرمادیں؟

جواب: دعوتِ اسلامی شجرکاری کی مہم چلارہی ہے، پاکستان کو گرین(Green) بنانے کی کوشش کریں ،جہاں شریعت وقانون اجازت دے جگہ جگہ پودے لگائیے، کوئی جگہ خالی نہ رہے ،آپ خود نہیں لگاسکتے تو دعوتِ اسلامی کے ذمہ داران کو پودے دیجئے یااس کی رقم دے دیجئے کہ وہ آپ کی طرف سے لگا دیں ، پودالگائیے ،درخت بنائیے ،یعنی پودالگاکراس کی حفاظت بھی کریں تاکہ وہ درخت بن جائے، اللہ پاک ہمیں ہمت دے کہ ہم اس کارِ خیرمیں حصہ لیں ۔

سوال: گھریلوجھگڑوں کا کیا حل ہے؟

جواب: گھریلوجھگڑوں کا حل یہ ہے کہ ایک فریق غُصّے میں ہوتو دوسراخاموش ہوجائے ،منہ نہ بگاڑے،گھُورکرنہ دیکھے ،بعد میں جب غصہ ختم ہوجائے تو پیارومحبت سےسمجھائے تو گھرمیں امن قائم ہوجائے گا۔

سوال: کرونا بڑھ رہا ہے، آپ دعا فرمائیں کہ یہ دنیا سے ختم ہوجائے ؟

جواب:روزانہ مدنی چینل پر افطاری اورسحری کی دعا میں کرونا کےبارے میں بھی دعاہوتی ہے ،اللہ پاک کرونا کودنیا سے ختم کردے۔

سوال : کرونا(Corona)سے بچنے کا روحانی علاج ارشا د فرمادیجئے؟

جواب: کرونااورجب بھی کوئی وبائی مرض ہوان دنوں میں جوبھی چیزکھائیں اورپئیں تو ان چیزوں پرسُورہ ٔ قدر(پارہ،30:اِنَّاۤ اَنْزَلْنٰهُ فِیْ لَیْلَةِ الْقَدْرِۚۖ)1 مرتبہ پڑھ کردم کرکے کھائیں پئیں،ان شآء اللہ کرونا سے بچت رہے گی ،جوکرونا کامریض ہواسے بھی یہی سورت پڑھ کر کھلائیں پلائیں ،اللہ کرے گا مریض شفایاب ہوجائے گا،اللہ پاک کےنام میں بڑی برکت ہے۔

سوال : ڈاکٹر،تاجراورمیڈیکل اسٹاف کرونا کے مریضوں سے کیساسلوک کریں ؟

جواب: انہیں چاہئے کہ مریضوں پر شفقت کریں ،دوااوراس سے متعلقہ چیزیں بیچنے والے تاجربھی ان کالحاظ رکھیں اوریہ چیزیں کم ریٹ پر بیچیں۔

سوال: دعوتِ اسلامی میں شعبہ روحانی علاج پیارے آقاصلی اللہ علیہ والہ وسلم کی دُکھیاری اُمّت کی کس طرح خدمت کررہا ہے ؟

جواب:روحانی علاج فی سبیل اللہ کیا جاتاہے ،تعویذدینے پر کوئی پائی پیسہ نہیں لیا جاتا ۔

سوال : کچھ لوگ اشتہارات میں لکھتے ہیں کہ ہم شرطیہ علاج کرتےہیں ،ہم سے علاج کروائیں ضرورشفاہوگی ،اس طرح کہنا اورلکھنا کیسا؟

جواب : اس طرح نہیں لکھنا چاہئےاور نہ ہی ایسا کہنا چاہئے ،یادرکھیں !دولت سے دواملتی ہے شفانہیں ملتی ،اسی طرح ہرعلاج سے شفانہیں ملتی بلکہ دواوعلاج ایک وسیلہ ہے،اللہ چاہتاہے تو ہی شفاہوتی ہے۔

سوال: نیکی کی دعوت دینےکا اندازکیساہونا چاہئے ؟

جواب: کرداراورگفتارسے نیکی کی دعوت دی جائے ،ایک دورتھا کہ میں 5،4 افرادمیں بھی بیان کیا کرتاتھا ،ایک دفعہ مسجدکے باہر ہمیں کچھ سرنظرآئے ہم خوش ہوگئے کہ مسجدکے باہراتنے لوگ ہمیں سننے کے لیے جمع ہیں، جب قریب آئے تو وہاں دکاندارنے مٹکے اُلٹے کرکے رکھے ہوئے تھے،بہرحال لوگ زیادہ ہوں یا کم ہمیں بیان کرنا چاہئے ،مبلغ رِیا کاری اورحُبِّ جاہ سے بچے۔

سوال:بیان کی قبولیّت کا دارومدارکس پر ہے ؟

جواب:بیان کی قبولیّت کا دارومدارقِلّت وکثرت یعنی لوگوں کےکم یا زیادہ ہونے پر نہیں،قبولیت اخلاص مانگتی ہے،ہم میں سے ہرایک غورکرے کہ میرے پاس کتنا اِخلاص ہے ۔

سوال : کیا افطارپارٹیوں ،روزہ کشائی وغیرہ کی تقریب میں کتب ورسائل بانٹنے چاہئیں ؟

جواب : جی ہاں!ان مواقع پر بھی تقسیمِ رسائل کیجئے ،"پردے کے بارے میں سوال جواب" کتاب گھر گھر بانٹیں،ماہنامہ فیضانِ مدینہ بھی بانٹاجاسکتاہے ۔

سوال: کیا بچے کا نام نعل ِمصطفیٰ اوربچی کا نام نعلِ فاطمہ رکھ سکتے ہیں ؟

جواب: جی ہاں ! رکھ سکتے ہیں ،بہت اچھے نام ہیں ۔

سوال : حضرت سفیان بن عُیَیْنَہ رحمۃ اللہ علیہ کون تھے ؟

جواب : یہ تبع تابعی،بہت بڑے عالم اورمحدث تھے۔

سوال : کیا مسلمانوں کو عاشقانِ مصطفی ٰ کہہ سکتے ہیں ؟

جواب: جی ہاں !عشق محبت کے غلبے کو کہتے ہیں اورمسلمانوں کو عاشقانِ مصطفیٰ کہہ سکتے ہیں ۔

سوال: جب کوئی چیز چوری ہوجائے تو صدمہ بھی ہوتاہے اورچورپر غصہ بھی آتاہے،ایسی کیفیت میں کیا کِیاجائے ؟

جواب:صدمہ ہونےاورغصہ آنے میں بندے کااختیارنہیں ،یہ تو آہی جاتاہے ،اس پر بندے کو صبرکرنا چاہئےاوریہ بھی یادرکھیں !صبراوّل صدمے پر ہوتاہے جیسے ہی کوئی مصیبت آئی تو فوراًخاموش ہوجائے،بِلاضرورت کسی کو نہ بتائے،صدمے اورٹینشن میں آہستہ آہستہ کمی واقع ہوجاتی ہے۔

دعوت اسلامی کے زیر اہتمام 22 اپریل 2021ء کو عالمی مدنی مرکز فیضان کراچی میں بعد نماز عصر اور نماز تراویح کے بعد مدنی مذاکرے کا انعقاد کیا گیا جس میں امیر اہل سنت دَامَتْ بَرَکَاتُہُمُ الْعَالِیَہ نے عاشقان رسول کی جانب سے ہونے والے سوالات کے جوابات ارشاد فرمائے۔

مدنی مذاکرے کے مدنی پھول ملاحظہ کیجئے

سوال : ایمان کاادنیٰ اور اعلیٰ درجہ کیا ہے ؟

جواب :تمام ضروریاتِ دین پر ایمان لانا ضروری ہے، مختلف احادیث میں کئی اعمال بیان ہوئے ہیں جو مومن کو مومنِ کامل بناتے ہیں۔(توجہ فرمائیں:ایمان کی تعریف،ضروریاتِ دِین کی تعریف اوردیگر بہت ساری معلومات جاننے کے لیے مکتبۃ المدینہ کی کتاب"کفریہ کلمات کے بارے میں سوال جواب"کا مطالعہ بے حد مفید رہےگا)

سوال : لایعنی(غیر ضروری) کاموں سے بچنے کا کیا طریقہ ہے؟

جواب:لایعنی کاموں سے مراد غیر ضروری کام ہیں ، حدیث پاک ہے کہ انسان کے حُسنِ اسلام (یعنی اسلام کی خوبی) یہ ہے کہ بندہ لا یعنی کاموں کوچھوڑدے ۔ ( مسند امام احمد ،ج3،ص259،حدیث: 1737 )لایعنی کام قول اورفعل دونوں سے ہوتے ہیں قول کی مثال جیسے بلاوجہ باتیں کرنا کہ میں وہاں سےگزررہا تھا، وہاں ایکسیڈنٹ ہوگیاتھا، وہاں سبز پہاڑ تھے وغیرہ، بعض اوقات مبالغہ ہوتا ہے جیسے وہاں بہت زیادہ پھول تھے، اس کا نقصان یہ ہے کہ بعض اوقات بندہ جھوٹے مبالغے میں جا پڑتا ہے، فعل کی مثال جیسے بِلا ضرورت ٹانگ ہِلانا ،قلم سے بلاوجہ لائنیں لگانا،مختلف چیزوں سے دھاگے نکالنا۔( اگر یہ چیز کسی کی ہو یا مسجد کی دری ہواوردھاگے نکالنے سے اس کا نقصان ہو تو اب تو گناہ ہوجائے گا)، لا یعنی کاموں کا ایک نقصان یہ ہے کہ جتنی دیراس میں مصروف رہے گا اللہ پاک کے ذِکر سے غافل ہوجائےگا۔

سوال: زندگی سے مایوسی اور ناامیدی کو کیسے ختم کیا جائے؟

جواب:اللہ پاک کی رحمت پر نظر رکھیں ، رحمتِ الٰہی کے فضائل پڑھیں، تلاوت کریں،نمازیں پڑھیں، عبادت میں دل لگائیں، متعلقہ ڈاکٹر سے مشورہ کرکے دوا (Medicine)بھی استعمال کرسکتے ہیں ۔

سوال: عُرس منانے یاایصالِ ثواب کرنے کا کیا فائدہ ہے ؟

جواب: عُرس وایصالِ ثواب کےبہت فائدے ہیں ،ایک فائدہ یہ ہے کہ صاحبِ عُرس یاجس کو ایصالِ ثواب کیا اُسے خوشی حاصل ہوتی ہے، نیک ہستیاں ہم سے خوش ہوں گی تو اپنا بیڑا پار ہے۔

سوال : عورتوں میں افضل کون ہیں؟

جواب: حضرت خدیجہ ، حضرت عائشہ اور حضرت فاطمہ رضی اللہ عنہم اپنے اپنے مقام کے اعتبار سے عورتوں سے افضل ہیں ۔

سوال: درگزراورمعاف کرنے کی عادت کس طرح بنائی جائے ؟

جواب: اس کے لیے بہت ریاضت اور محنت کی ضرورت ہے، بندہ معاف کرنا سیکھے ورنہ انتقام لیتے ہوئے زیادتی کرے گا تو مظلوم سےظالم بن جائے گا، معاف کرنا بہت بڑی بات ہے، جتنا ہی زور دار دل دکھا ہوگا اس پر معاف کرنا اتناہی زیادہ کارِ ثواب ہوگا، فیضانِ سنت کے باب ’’ غیبت کی تباہ کاریاں‘‘ میں رسالے ’’عفو و در گزر کی فضیلت ‘‘(صفحہ 477تا494) کا مطالعہ کریں ، چودہ طبق روشن ہوجائیں گے۔(یعنی اتنی معلومات ملیں گی کہ آپ حیران ہو جائیں گے)

سوال : دُنیاوی اداروں کے طلبہ اپنے اَخلاق کس طرح بہتربنائیں ؟

جواب : طلبہ(Students) کسی ملک کا سرمایہ ہوتے ہیں ،آگے جاکریہ ملک کے سارے شعبوں کو سنبھالیں گے،ان کی اخلاقی تربیت ضروری ہے، اس کے لیے دنیاوی اداروں کےنصاب (Syllabus) کی شرعی تفتیش ہو،یہ اسلامی تعلیمات میں رنگاہواہواوراساتذہ کی تربیت ہو،اِن شاۤءَ اللہُ الکریم تعلیم کے ساتھ ساتھ طلبہ کے اخلاق بھی بہترہوں گے اور ان کی اخلاقی تربیت بھی ہوگی ۔

سوال : دعاکےشروع اورآخرمیں دُرودشریف پڑھنے کا کیا فائدہ ہے ؟

جواب: دُعاکی قبولیت کی بشارت(خوشخبری) ہے لیکن اگرکوئی نہ پڑھے تو کوئی حرج نہیں جیسے ہم آپس میں ملاقات میں سلام کرتےہیں تو یہ بھی دُعاہے، اس کے اول وآخردُوردشریف نہیں پڑھا جاتا ۔

سوال: گفتگومیں مبالغہ آرائی سےکیسے بچا جائے ؟

جواب: اپنی گفتگوپرغورکریں ،کوشش کریں کہ اس میں مبالغہ نہ ہو ،جیسے یہ کہنا کہ سرمیں بہت دردہورہا ہے ،جب غورکیا تو معلوم ہواکہ دردتوہورہا ہے مگربہت نہیں ہورہا کیونکہ بہت سردردہوتو کچھ سمجھ نہیں آتا،اسی طرح یہ کہنا کہ بے حدبخارہورہاہے ،یہ بھی ٹھیک نہیں کیونکہ بخارکی کوئی حدتوہوتی ہے ، اگریہ حدتوڑدے توبندے کوقبرمیں اُتاردے گا۔

سوال: اصل مفتی کون ہوتاہے ؟

جواب: اصل مفتی مجتہد(مُج۔تَ۔ہِد)ہوتاہے اورمجتہد بہت بڑاعالم ہوتاہے ،موجودہ مفتیان ِکرام مجتہد نہیں بلکہ مفتیِ ناقل ہیں ۔

سوال : دعوتِ اسلامی تھیلیسیمیا(Thalassemia) کے مریضوں کے لیے خون(Blood) لینے کی مہم شروع کررہی ہے ،آپ بھرپورترغیب اِرشاد فرمادیں

جواب : پیارے آقاصلی اللہ علیہ والہ وسلم کی دُکھیاری امت کے لیے نکلیےاوراپناخون دعوتِ اسلامی کودیجئے ، کسی خاندان کی رخصت ہونے والی مسکراہٹ ان شاء اللہ واپس آجائے گی ،میرے مدنی بیٹومزیدہمت کیجئے ۔

دُعائے عطار

یااللہ !جوخون دے یا جو ایک دفعہ دے چکا ہے وہ دوبارہ دے ،پیارے حبیب صلی اللہ علیہ والہ وسلم کے صدقے،اسے اُس وقت تک موت نہ دے ،جب تک پیارے محبوب صلی اللہ علیہ والہ وسلم کا جلوہ نہ دیکھ لے، اس کے ایمان پر مہرلگ جائے ،ایمان پر خاتمہ نصیب ہو۔امین۔اس کام میں جو ڈاکٹراوردیگرمعاونین شامل ہیں ، ان کے حق میں بھی یہ دعا قبول ہو،جو اسلامی بہنیں اپنے بیٹے اوردیگرمحرموں کواس کےلیے تیارکریں، ان کے حق میں بھی یہ دعاقبول ہواوروہ ثواب کا حقداربنیں ۔ خون دینے کے بعد خون دینے والوں کو اللہ پاک مزید قوت دے کہ یہ عبادت ونیکیاں کریں ۔

سوال: حضرت خدیجہ رضی اللہ عنہااِسلام کیسے لائیں ؟

جواب: دراصل یہ سرکارِ مدینہ صلی اللہ علیہ والہ وسلم سے متاثرتھیں، اسی وجہ سے آپ سے نکاح ہوا،پھر جب وحی نازل ہوئی توانھوں نے تسلیاں دیں اورآپ پرایمان بھی لے آئیں ، یوں عورتوں میں سب سے پہلے ایمان لانے والی حضرت خدیجہ رضی اللہ عنہاہیں ۔

(توجہ فرمائیں:حضرت خدیجۃ الکبریٰ رضی اللہ عنہا کا تعارف،قبولِ اسلام کا واقعہ،آپ کی علمی شان و شوکت اور آپ کی سیرت سے متعلق دیگرمعلومات جاننے کے لیے مکتبۃ المدینہ کے رِسالے"فیضانِ خدیجۃ الکبریٰ رضی اللہ عنہا"کا مطالعہ کیجئے)

یکم رمضان المبارک 1442ھ سے بعد نماز عصر اور نماز تراویح کے بعد عالمی مدنی مرکز فیضان مدینہ کراچی سے براہ راست مدنی چینل پر مدنی مذاکرے کا سلسلہ جاری ہےجس میں امیر اہلِ سنت دَامَتْ بَرَکَاتُہُمُ الْعَالِیَہ عاشقان رسول کی جانب سے ہونے والے سوالات کے جوابات ارشاد فرمارہے ہیں۔

اسی طرح 21 اپریل 2021ء کو ہونے والے مدنی مذاکرے میں امیر اہلِ سنت دَامَتْ بَرَکَاتُہُمُ الْعَالِیَہ نےماں باپ کو اولاد کے ساتھ کس طرح سلوک کیا جائےکے حوالے سے مدنی پھول ارشاد فرماتے ہوئے فرمایاکہ ماں باپ کو چاہئے کہ بچوں میں انصاف کریں ،ہرمعاملے میں برابری کا سلوک ہونا چاہئے ورنہ مسائل ہوں گے ۔

مدنی مذاکرے کے مدنی پھول ملاحظہ کیجئے

سوال : بیمار کی عیادت کس طرح کرنی چاہئے ؟

جواب : عیادت کرنا سُنّت ہے، عمل کا ثواب تبھی ملتاہے جب نیّت ہو،عیادت وتیمارداری سنّت کی نیّت سے کی جائے ،مریض کا حوصلہ بڑھایا جائے، اللہ پاک کی رحمت کی بات کی جائے ،عیادت کرنے والامریض کو ذکرودُرُو دکرنے کی درخواست کرے ،جھوٹی تسلی نہ دے ،دُعا کرے اورکروائے ۔ہمارے معاشرے میں عیادت کا رجحان کم ہے ،اپنے رشتہ داروں کے ساتھ ساتھ ہرجاننےوالے سے بھی عیادت کی جائے ۔

سوال : کیا عادتیں بدل سکتی ہیں ؟

جواب: جی ہاں !عادتیں بدلی جاسکتی ہیں ،دعوتِ اسلامی نے کتنے لوگوں کی عادتیں بدلی ہیں۔

سوال: کیا گنا ہ کا خیال آیا توگناہ لکھا جائے گا؟

جواب:نہیں !صرف گناہ کا خیال آنے سے گناہ نہیں لکھا جائےگا ،اگرگناہ کا عزم مصمم یعنی پکا ارادہ کیا تو اس پر پکڑہے ۔

سوال:ایمان پر خاتمہ مل جائے،کیا اس کی کوئی گارنٹی ہے ؟

جواب: نہیں !بلکہ ہرایک بُرےخاتمےاور اللہ پاک کی خفیہ تدبیرسے ڈرتارہے ۔ہرشخص کو چاہئے کہ وہ ہروقت حُسنِ خاتمہ کی دُعاکرتارہے۔

سوال : اولادکی شادی کس عمرمیں کرنی چاہئے۔

جواب :اصل جوانی 30 سال تک رہتی ہے ،ماں باپ کو چاہئے کہ جب جوڑملے تو اپنی اولاد کی جلدشادی کردیں۔

سوال: ماہِ رمضان کے پہلے 10 دن،دوسرے 10 دن اورتیسرے10 دن کو کیا کہاجاتاہے ؟

جواب: ماہِ رمضان کے پہلے 10 دن کوعشرہ ٔرحمت ،دوسرے 10 دن کو عشرہ ٔمغفرت اورآخری 10 دن کوعشرہ ٔجہنم سے آزادی کہاجاتاہے ۔

سوال: بیٹی کو جہیز میں کیا کیا چیزیں دینی چاہئیں ؟

جواب: باپ کو چاہئے کہ گھرکے استعمال کی درمیانی چیزیں دے،یوں والدین پر بوجھ نہیں پڑے گا ،تمام قائدین اوربرادریوں کے بڑے سب کوشش کریں کہ شادیوں میں کم خرچ ہوتاکہ غریب لوگ جو اپنے بچوں کی شادی نہیں کرپاتے وہ شادیاں کرنے میں کامیاب ہوسکیں ۔

سوال : بغض وکینہ میں کوئی فرق ہے یا یہ ایک ہی چیز ہے ؟

جواب : بغض وکینہ ایک ہی چیز ہے یعنی دل میں چُھپی ہوئی دشمنی ،مثلاً کسی نے سب کے سامنے جھاڑدیا تو دل میں دشمنی بیٹھ گئی ،پھراس تلاش میں رہے کہ کب انتقام لُوں ،بیمارہوجائے تو اسے سکون ملے ،نقصان ہوا تو یہ خوش ہو ،یادرہے کینہ بہت خراب چیز ہے، شبِ برأت میں کینہ والے نہیں بخشےجاتے ۔ دل کوکینے سے پاک کرنے کے لیے شیطان کی طرف سےدوسرے کے بارے میں آنے والے بُرے خیالات کو دورکرنے کی کوشش کی جائے،اپنی خامیوں کو یادکیا جائے،دوسرے کی خوبیاں پیشِ نظررکھی جائیں ،اسے تحفہ بھیجاجائے ، کینے سے دل پاک ہونے کی دعاکی جائے، کسی طرح اپنے دل کو صاف کرنے کی کوشش میں لگارہے ۔

سوال: مہمان نوازی میں جس کا دل چھوٹاہوتو وہ اپنے دل کو کیسے بڑاکرے ؟

جواب: کنجوسی کی عادت نکالنے اورسخاوت کی عادت بنانے کےلیے خرچہ کرنے پر اپنے دل کومائل کیا جائے،بکوشش مال خرچ کرے ،مہمان نوازی کے فضائل پڑھے جائیں ، جب مہمان آتاہے تو اپنی قسمت کا لکھا کھاتاہے اورجاتاہے تو گھرمیں رحمت چھوڑجاتاہے ،مزیداپنے اندرثواب کی حرص پیداکرنے کی کوشش کی جائے۔

سوال : علم حاصل کرنا ہی کافی ہے یا اس کے ساتھ اوربھی کچھ ہو،جس سے اس کی شخصیت مکمل ہوجائے ۔

جواب : علم حاصل کرنے کے ذرائع بڑھ گئے ہیں مگرحافظے کمزورہیں ،علم دین حاصل کرنے کا ذو ق بھی کم ہوگیا ہے،ہمارے بزرگ علمِ دین حاصل کرتے ،اس کی تکرارکرتے ،یادرکھنے کی کوشش کرتے ۔علم دین رکھنے والے کو چاہئے کہ وہ اہل کو علم سکھائے ، تکبرنہ کرے ،اللہ پاک ہمیں علمِ دین سے مالامال کرے ،یہ جتنا بھی ہے خیرہی خیرہے ،روشنی اورنورہے ۔

سوال : مضبوط علم کیسے حاصل ہو ؟

جواب: مضبوط علم حاصل کرناچاہتے ہیں تو کسی اچھے استاذسےسیکھئے،انٹرنیٹ سے ملنے والی معلومات پر اعتمادنہ کیا جائے ،اگرکوئی بات نیٹ سے مل جائے تو اپنے استاذکو چیک کروالی جائے ۔کسی عاشقِ رسول مفتی صاحب سے برابررابطے میں رہیں۔

سوال: کیاآپ ماہِ رمضان میں مدینے شریف گئے ہیں ؟

جواب: جی ہاں !ایک بارحاضری ہوئی ہے،رمضانِ مدینہ نصیب ہواہے ،اللہ کرے باربارنصیب ہو ۔

سوال: جب کوئی مصیبت آئے تو کیا نہیں کہنا چاہئے ؟

جواب: فرمانِ مصطفی(صلی اللہ علیہ والہ وسلم): تجھ پر کوئی مصیبت آئے تو یوں مت کہہ: اگر میں ایسا کرتا تو یہ مصیبت کیوں آتی لیکن یوں کہے: قَدَّرَ اللَّهُ وَمَا شَاءَ فَعَلْ اللہ تعالیٰ کی تقدیر میں ایسا ہی تھا جو اس نے چاہا کیا۔(صحیح مسلم ،حدیث : 6774)

8رمضان المبارک 1442ھ کو دعوت اسلامی کے زیر اہتمام عالمی مدنی مرکز فیضان مدینہ کراچی میں نماز عصر اور نماز تراویح کے مدنی مذاکرے کا سلسلہ ہواجس میں امیر اہل سنت دَامَتْ بَرَکَاتُہُمُ الْعَالِیَہ نے مدنی پھول ارشاد فرمائے۔

مدنی مذاکرے کے مدنی پھول ملاحظہ کیجئے

سوال : نماز میں خشوع اور دل جمعی کیسے حاصل ہو؟ کوئی نسخہ عطا فرمادیں۔

جواب : نمازکو زندگی کی آخری نمازسمجھتے ہوئے پڑھیں ،اسی طرح دیگر اعمال کو بھی اپنی زندگی کے آخری اعمال سمجھ کر کریں تو ان شاء اللہ الکریم اس سے خشوع اور دل جمعی حاصل ہوگی۔

سوال : رشتہ داروں میں ناراضیاں ہو جاتی ہیں، تعلق توڑدیتے ہیں، اس بُرائی کے خلاف دعوتِ اسلامی کوئی تحریک شروع کرے،اس سے متعلق کچھ مدنی پھول عنایت فرما دیں۔

جواب: ہربُرائی کے خلاف تحریک چلنی چاہیے، رشتہ دارو ں میں جو بات چیت بند ہوجاتی ہے، عموماً اس کا سبب دل میں چھپی ہوئی ناراضی یعنی کینہ ہوتا ہے، بعض اوقات دیگراسباب بھی ہوتے ہیں مثلاً دعوت نہیں دی، فوتگی میں تعزیت نہیں کی ، گھر گیا تو درست انداز میں ملاقات نہیں کی وغیرہ۔ اِن وجوہات سے تعلقات توڑ دیتے ہیں ،یہ دنیا وآخرت کے لیے نقصان دہ ہے ،اسلام میں صِلہ رِحمی(رشتہ داروں سے اچھے سلوک ) کی بہت اہمیّت ہے، صِلہ رِحمی واجب اور رشتہ کاٹنا حرام ہے۔

سوال: خاندان کے بڑے بوڑھےاپنے خاندان میں ناراضیاں ختم کرنے اوررشتہ داری قائم رکھنے میں کیا کرداراداکریں ؟

جواب: خاندان کے بڑے بوڑھے خود ایسی معلومات رکھیں ،کسی کے درمیان ناراضی کی بات سامنے آنے پر اپنا کرداراداکریں اور صلح کروانے کی کوشش کریں اورصلح کروانے ،معذرت کروانے میں انصاف کو پیش ِ نظر رکھیں۔

سوال: پرندوں اور جانوروں کی روح کون قبض کرتا ہے؟

جواب: حضرت عزرائیل علیہ السلام ہی روح قبض کرتے ہیں،ایک روایت یہ ہے کہ ان کے معاون فرشتے قبض کرتے ہیں۔

سوال : کینسر کا روحانی علاج اِرشاد فرمادیں؟

جواب : 7دن تک روزانہ باوضو 100باریَارَقِیبُ ،اوّل وآخر 3،3 باردُرودشریف پڑھ کرمریض کو دم کریں یا مریض خود یہ پڑھ کر اپنے اوپردم کرلے ۔

سوال:اچھی زندگی گزارنے کےلیے بچپن سے ایسی کون سی عادات اختیارکی جائیں،نیزپرسکون زندگی گزارنے کا طریقہ بھی بتادیں ؟

جواب: جس کو بچپن سے دینی ماحول مل جائے،اس میں سیکھنے اورپھر اس پر عمل کرنے کا جذبہ ہوتو وہ اچھی زندگی گزارے گا، اور دوسری بات کا جواب یہ ہے کہ جو باعمل مسلمان ہے ، خوفِ خدا رکھتا ہے،اللہ پاک کی خفیہ تدبیر سے ڈرتا ہے،تو کیسے بے خوف ،بے غم اورپُرسکون رہ سکتاہے ۔

سوال : نماز میں خشوع اور دل جمعی کیسے حاصل ہو؟ کوئی نسخہ عطا فرمادیں۔

جواب : نمازکو زندگی کی آخری نمازسمجھتے ہوئے پڑھیں ،اسی طرح دیگر اعمال کو بھی اپنی زندگی کے آخری اعمال سمجھ کر کریں تو ان شاء اللہ الکریم اس سے خشوع اور دل جمعی حاصل ہوگی۔

سوال : رشتہ داروں میں ناراضیاں ہو جاتی ہیں، تعلق توڑدیتے ہیں، اس بُرائی کے خلاف دعوتِ اسلامی کوئی تحریک شروع کرے،اس سے متعلق کچھ مدنی پھول عنایت فرما دیں۔

جواب: ہربُرائی کے خلاف تحریک چلنی چاہیے، رشتہ دارو ں میں جو بات چیت بند ہوجاتی ہے، عموماً اس کا سبب دل میں چھپی ہوئی ناراضی یعنی کینہ ہوتا ہے، بعض اوقات دیگراسباب بھی ہوتے ہیں مثلاً دعوت نہیں دی، فوتگی میں تعزیت نہیں کی ، گھر گیا تو درست انداز میں ملاقات نہیں کی وغیرہ۔ اِن وجوہات سے تعلقات توڑ دیتے ہیں ،یہ دنیا وآخرت کے لیے نقصان دہ ہے ،اسلام میں صِلہ رِحمی(رشتہ داروں سے اچھے سلوک ) کی بہت اہمیّت ہے، صِلہ رِحمی واجب اور رشتہ کاٹنا حرام ہے۔

سوال: خاندان کے بڑے بوڑھےاپنے خاندان میں ناراضیاں ختم کرنے اوررشتہ داری قائم رکھنے میں کیا کرداراداکریں ؟

جواب: خاندان کے بڑے بوڑھے خود ایسی معلومات رکھیں ،کسی کے درمیان ناراضی کی بات سامنے آنے پر اپنا کرداراداکریں اور صلح کروانے کی کوشش کریں اورصلح کروانے ،معذرت کروانے میں انصاف کو پیش ِ نظر رکھیں۔

سوال: پرندوں اور جانوروں کی روح کون قبض کرتا ہے؟

جواب: حضرت عزرائیل علیہ السلام ہی روح قبض کرتے ہیں،ایک روایت یہ ہے کہ ان کے معاون فرشتے قبض کرتے ہیں۔

سوال : کینسر کا روحانی علاج اِرشاد فرمادیں؟

جواب : 7دن تک روزانہ باوضو 100باریَارَقِیبُ ،اوّل وآخر 3،3 باردُرودشریف پڑھ کرمریض کو دم کریں یا مریض خود یہ پڑھ کر اپنے اوپردم کرلے ۔

سوال:اچھی زندگی گزارنے کےلیے بچپن سے ایسی کون سی عادات اختیارکی جائیں،نیزپرسکون زندگی گزارنے کا طریقہ بھی بتادیں ؟

جواب: جس کو بچپن سے دینی ماحول مل جائے،اس میں  سیکھنے اورپھر اس پر عمل کرنے کا جذبہ ہوتو وہ  اچھی زندگی گزارے گا،   اور دوسری بات کا جواب یہ ہے کہ  جو باعمل مسلمان  ہے ، خوفِ خدا رکھتا ہے،اللہ پاک کی خفیہ تدبیر سے ڈرتا ہے،تو کیسے بے خوف ،بے غم اورپُرسکون رہ سکتاہے ۔

یکم رمضان المبارک 1442ھ سے بعد نماز عصر اور نماز تراویح کے بعد عالمی مدنی مرکز فیضان مدینہ کراچی سے براہ راست مدنی چینل پر مدنی مذاکرے کا سلسلہ جاری ہےجس میں امیر اہلِ سنت دَامَتْ بَرَکَاتُہُمُ الْعَالِیَہ عاشقان رسول کی جانب سے ہونے والے سوالات کے جوابات ارشاد فرمارہے ہیں۔

7رمضان المبارک 1442ھ کو ہونے والے مدنی مذاکرے میں امیر اہلِ سنت دَامَتْ بَرَکَاتُہُمُ الْعَالِیَہ نےبچوں کے معاملات کے حوالےسے مدنی پھول ارشاد فرماتے ہوئے کہا کہ بچہ بہت نازک ہوتا ہے ،کچھ پتانہیں ہوتاکہ یہ آگے جاکر کیا کرے گا،ان کے ساتھ حُسنِ سلوک کرنا چاہئے۔ان کی توہین وتوقیرنہ کی جائے،کسی کے سامنے اس کی بے عزتی نہ کی جائے اورنہ ہی ان کی بُرائی بیان کی جائے ۔کسی سے سمجھوانا ہوتو سمجھانے والے کو اس کی بُری بات کان میں بتائی جائے ۔

مدنی مذاکرے کے مدنی پھول ملاحظہ کیجئے

سوال : بندے کا ہمزاد بندےکے مرنے کے بعد کہاں جاتاہے ؟

جواب :ہمزادکو قیدکردیا جاتاہے ۔

سوال : مجذوب کسے کہتے ہیں؟کیا ان کی پہچان ہوسکتی ہے؟

جواب:وہ بندہ جس سے عقل تکلیفی جاتی رہی ،جیسے ہم مکلف ہیں اورشریعت کے پابندہیں ان میں یہ چیز نہیں ہوتی ،بعض اوقات یہ درست بھی ہوجاتے ہیں، ایسی صورت میں ان کا شریعت پر عمل کرنا ضروری ہوتاہے ۔مجذوب کی پہچان بہت مشکل ہے ۔

سوال: سالک کون ہوتاہے اوریہ افضل ہے یا مجذوب؟

جواب: راہِ طریقت پر چلنے والے کو "سالک" کہتے ہیں۔ یہ مجذوب سے افضل ہوتاہے، یہ نیکی کی دعوت دیتے ہیں ،مجذوب یہ کام نہیں کرتا۔

سوال: مسجدانتظامیہ میں کیسے لوگ ہونےچاہئیں؟

جواب:مسجدانتظامیہ میں ایسے سمجھدارلوگ ہوں جو حُسنِ اَخلا ق کے پیکرہوں۔

سوال:بچے بڑوں کے حقوق کیسے اداکریں ؟

جواب:بچے بڑوں کا ادب کریں ،نافرمانی نہ کریں ، گالی گلوچ نہ کریں ، بچوں کو یہ سب سکھانا ہوگاکہ بڑوں کے ساتھ لڑائی نہیں کرنی ،بڑوں کو چاہئے کہ وہ چھوٹوں پر شفقت کریں ،ان کو نہ ماریں،بے عزتی نہ کریں۔بے جا ڈانٹ ڈپٹ نہ کریں۔

سوال: حدیث ِپاک اورمسئلہ بیان کرنے میں آپ کیا احتیاط کرتے ہیں ؟

جواب: میں حدیث پاک کتاب سے دیکھ کر یعنی پڑھ کر بیان کرتاہوں تاکہ کسی قسم کی غلطی نہ ہوجائے ۔احتیاط کی وجہ سے ہمارے بزرگ حدیث پاک اورمسئلہ بیان کرنے میں ڈرتے تھے،اللہ پاک ہم سب کو احتیاطیں کرنے کی توفیق عطافرمائے۔

سوال: مدنی چینل پر آپ کی کئی باتیں سن کرہمیں لگتاہے کہ ہمیں کئی نئی باتیں معلوم ہوئی ہیں ،پھرآپ فرماتے ہیں، یہ بات امام غزالی نے لکھی ہے توکیا آپ نے امام غزالی کی کتابوں کو بہت پڑ ھاہے ؟

جواب: غالباً دعوتِ اسلامی سے پہلےاحیاء العلوم کا مطالعہ کرتاتھا ،امام غزالی رحمۃ اللہ علیہ سے مجھے عقائداوردل کی صفائی کے معاملات میں بہت معلومات ملی ہیں،جہاں میرے آقا اعلیٰ حضرت امام احمدرضا خان رحمۃ اللہ علیہ کا عقائدواعمال کے معاملے میں مجھ پرفیضان ہے وہاں باطن کی اصلاح میں حُجَّۃُ الْاِسلام امام محمدبن محمد غزالی رحمۃ اللہ علیہ کا مجھ پر بڑااحسان ہے۔

سوال:بیان کرنے اورلکھنے کے کام میں کیا آپ کسی وجہ سے ڈِسٹرب ہوتے ہیں ؟

جواب:ایک دفعہ میں بیان کررہا تھا ایک چھپکلی مجھ پر گِرپڑی مگرمیں نے اپنا بیان جاری رکھا ،لکھنے کا کام کرتے ہوئے بچے آئیں تو پھرDisturbing ہوتی ہے ۔

سوال: بچوں کو پیاراورسختی کرنے کے حوالے سے آپ کیا فرماتے ہیں ؟

جواب: بچوں کو پیارکیا جائے ، شریعت کےدائرے میں رہتے ہوئےادب سکھانےکی نیت سے کبھی کبھار سختی بھی کی جاسکتی ہے،لیکن99 فیصدپیاراورایک فیصدسختی کی جائے ۔

سوال: توبہ کی اس شرط "آئندہ یہ گنا ہ نہیں کروں گا "پر پُختہ ذہن کیسے بنے؟

جواب:جب اللہ پاک کی محبت بڑھ جائے گی اورگناہوں کے عذاب کا خوف غالب ہوگاکہ عذاب سہہ نہ سکوں گا،توذہن بنے گا،جس گناہ کا عادی ہے، اس کے عذابات پڑھیں گے تو بھی ذہن بنے گا ۔

سوال: کیا کھجورسے سحری کرنا سنت ہے ؟

جواب: جی ہاں!روزہ دارکے لیے ایک توسحری کرنا بذاتِ خودسنّت ہے اورکھجوراورپانی سے سحری کرنادوسری سنّت ہے بلکہ کھجورسے سحری کرنے کی تو اللہ کے پیارے حبیب صلی اللہ علیہ والہ وسلم نےترغیب ارشاد فرمائی ہے،چنانچہ دوفرامینِ مصطفیٰ ہیں: (1)کھجورمومِن کی بہترین سحری ہے۔ (الترغیب والترہیب،2/90)(2)کھجوربہترین سحری ہے۔ (سنن ابوداؤد،2/443)

6رمضان المبارک 1442ھ کو نماز تراویح اور نماز عصر کے بعد مدنی چینل پر براہ راست مدنی مذاکرے کا انعقاد کیا گیا۔

امیر اہلِ سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے عاشقان رسول کی جانب سے ہونے والے جوابات دیتے ہوئے ارشاد فرمایا کہ اگرکوئی سموسے پکوڑے اورکباب سے بچنا چاہتاہے تو اسے سنجیدہ لینا ہوگا،کمزورکوشش نہیں، مضبوط کوشش کرنی ہوگی،ان کے نقصانات پر غورکرے مثلا ًتلی ہوئی چیزوں ((Fried Items میں جو تیل ہوتاہے وہ پیٹ میں موجود کھانے کوکورکرلیتاہے اورہضم ہونے میں رکاوٹ ڈالتاہے ،مزیدان چیزوں کوکھانے سے کولیسٹرول بڑھتاہے ،تلی ہوئی چیزیں بازارسے لیں یا گھرمیں بنائیں، اس میں جو میٹریل ڈالاجاتاہے وہ ناقص ہوتاہے ،یہ ناقص چیزیں بیماریاں پیداکرتی ہیں ۔

مدنی مذاکرے کے مدنی پھول ملاحظہ کیجئے

سوال: گوشت کھانے میں کیااحتیاط کرنی چاہئے ؟

جواب: گوشت پکانے سے پہلے اچھی طرح دھویا جائے ،گوشت میں جو چیزیں کھاناحرام یا ممنوع ومکروہ ہیں، ان کی معلومات کریں تاکہ ان کوکھانے سے بچ سکیں۔( فیضانِ سنت جلد1ص 583اوررسالہ ابلق گھوڑے سوارکے ص 37تا41 کا مطالعہ کریں ۔)

سوال: ماہ ِرمضان کےپہلے 10دن کا کیا نام ہے ؟

جواب: رمضان کے پہلے 10دن کانام ہے"عشرۂ رحمت" ۔اس میں خصوصیت کے ساتھ اللہ پاک کی رحمت نازل ہوتی ہے ،سارے کام اللہ کی رحمت سے ہی ہوتےہیں ،اللہ پاک اس عشرے میں نازل ہونے والی رحمت سے ہمیں بھی حصہ عطافرمائے ۔

سوال: کچھ لوگوں کو ناخن کھانےاورہونٹوں کو دانتوں سے چبانے کی عادت ہوتی ہے، اس بارے میں آپ کیا فرماتےہیں ؟

جواب: ناخن کھانے اورہونٹوں کو دانتوں سے چبانے کی عادت ہوتو اسے دُورکرنے کی کوشش کی جائے، ایک دم سنجیدگی سے لیں ،بچوں کو بھی باربارٹوکتے رہیں گےتو بچوں کی عادت نکل جائے گی ۔

سوال: کیا گوشت کھانا چاہئے ؟

جواب:جی ہاں!حدیث پاک میں ہے:اہلِ دنیا اوراہلِ جنت کے کھانوں کا سردار گوشت ہے ۔(ابن ماجہ : 3305) ،ہفتے میں ایک مرتبہ اورتھوڑاکھایا جائے۔امام شافعی رحمۃ اللہ علیہ فرماتے ہیں : گوشت کھانے سے حافظہ مضبوط ہوتاہے۔کسی کا قول ہے کہ جوان مرغ کا گوشت کھانے سے حافظہ مضبوط اوررنگ صاف ہوتاہے۔

سوال:کیاکدواورکریلےکی تمام چیزیں کھا سکتے ہیں ؟

جواب:جی ہاں!کدوشریف کا ہر جزکھانا حلال ہے ،اس کاچھلکا،بیج سب کھا سکتے ہیں ،اسی طرح کریلے کا ہرجز کھایاجائے۔

سوال: شراب کو برائیوں کی ماں کہاگیا ہے تو کیااچھائیوں کی بھی کوئی ماں ہے ؟

جواب :جی ہاں ! نمازاچھائیوں کی ماں ہے ۔

سوال : بیان کرنے والے کو جوگجرے پہنائےجاتےہیں یا گلدستےپیش کیے جاتےہیں ،اس بار ے میں آپ کیا فرماتے ہیں ؟

جواب: جب میں نے دعوتِ اسلامی کا دِینی کام شروع کیا اوربیانات کرنےلگاتو لوگ مجھے پھولوں کے گجرےپہناتے تھے ،جس سے کپڑوں پردھبّے بن جاتے تھے ،جو جلددُورنہیں ہوتےتھے ۔پھرمیں نےمنع کرنا شروع کردیااورذہن دیا کہ جو رَقم اس میں خرچ ہوتی ہے، اس کے دِینی رسائل تقسیم کریں ،اب بھی دعوتِ اسلامی کے ذمہ داران کو گجرے پہنائے جاتے ہیں ،ذمہ داران کو چاہئے کہ جب کہیں جانے کا جدول(Schedule) ہوتو پہلے سے منع کیا جائے اورانہیں اس رقم کے دِینی رسائل تقسیم کرنے کا کہیں ۔

سوال: کیا پڑوسی(Neighbour) کے بھی ہم پر کچھ حقوق ہیں ؟

جواب: جی ہاں !پڑوسی کے بھی حقوق ہوتے ہیں٭مسلمان اوررشتہ دارپڑوسی کے3 حقوق ہیں: (1)حقِ اسلام(2)حق ِرشتہ داری (3)حقِ جوار٭جو پڑوسی مسلمان ہومگر رشتہ دارنہ ہوتو اس کےدوحقوق ہیں: (1)حق ِاسلام(2)حقِ جوار٭اگرپڑوسی غیرمسلم ہوتو ایک حق ہے (1)حق ِجوار۔

5رمضان المبارک 1442ھ کو نماز تراویح اور نماز عصر کے بعد مدنی چینل پر براہ راست مدنی مذاکرے کا انعقاد کیا گیا ۔

امیر اہلِ سنت دَامَتْ بَرَکَاتُہُمُ الْعَالِیَہ نے نماز، سحری اور افطاری کے اوقات کا خیال رکھنے کے حوالے سے مدنی پھول بیان کرتے ہوئے فرمایا کہ الحمدللہ دعوتِ اسلامی کے پاس توقیت دان ہیں،شعبہ "اوقاتُ الصلوٰۃ" نےI.Tڈیپارٹمنٹ کے تعاون سے Prayer Timesکےنام سے اپیلی کیشن بنائی ہے ،اسے ڈاؤن لوڈ کرلیں ،اس کے مطابق روزہ نمازکی ادائیگی کیجئے ،مسجدمیں جوکلینڈرلگے ہوتے ہیں ،بعض اوقات وہ کافی پرانے ہوتے ہیں جبکہ وقت کے گزرنےکے ساتھ ساتھ وقت میں کچھ نہ کچھ فرق آتاہے ۔

مدنی مذاکرے کے مدنی پھول ملاحظہ کیجئے

سوال: داتاگنج بخش سیّدعلی ہجویری رحمۃ اللہ علیہ اورلاہورکے بارے میں امیراہل سُنّت دامت برکاتہم العالیہ نے کیا فرمایا ؟

جواب: لاہوربین الاقوامی شہرہے،داتاحضوررحمۃ اللہ علیہ نے اس شہرکو رونق بخشی ہوئی ہے ،جتنی رونق داتاحضورکے مزارپر دن رات ہوتی ہے کسی اورولی کے مزارپر مَیں نے نہیں دیکھی ،ساراسال سحری کے وقت دُعاہوتی ہے ۔

سوال: سیدی قطبِ مدینہ رحمۃ اللہ علیہ کے بارے میں امیرِ اہل ِ سُنّت نے کیا فرمایا؟

جواب: سیدی قطبِ مدینہ حضرت مولانا ضیاء الدین احمدمدنی رحمۃ اللہ علیہ بہت بڑے بزرگ تھے ،اعلیٰ حضرت کے خلیفہ تھے ،دنیا بھرکے علماء ومشائخ ان کی خدمت میں حاضرہوتے تھے ۔

سوال: مدنی مذاکرے میں امیرِ اہلِ سُنّت دامت برکاتہم العالیہ نے حضرت علامہ غلام علی اوکاڑوی صاحب کا کن الفاظ کے ساتھ ذِکرفرمایا ؟

جواب:حضرت شیخ القرآن علامہ غلام علی اوکاڑوی صاحب رحمۃ اللہ علیہ بہت بڑے عالم تھے ،اکابرین میں سے تھے،استاذُالعُلماتھے،اب ان کےشاگرداستاذُالعُلماہوگئے ہوں گے ،یہ دعوتِ اسلامی سے محبت کرتےتھے،شفقتیں فرماتے تھے ،مَیں جب اوکاڑہ میں جاکربیان کرتاتھا اوریہ اوکاڑہ ہوتے تھے تو میرے بیان میں آتے تھےاورمجھ سے فرماتےکہ مجھےتمہاری دُعاپسندہے،اس میں شرکت کےلیے آتاہوں۔امارات میں مجھے ایک بنگلہ دیش کے عالم ملے تھے،انھوں نے مجھے بتایاکہ میں پیرکی تلاش میں تھا مجھے سرکارصلی اللہ علیہ وسلم کی خواب میں زیارت ہوئی ،اس وقت مجھے علامہ غلام علی اوکاڑوی صاحب دکھائے گئے تو مجھے فرمایاکہ ان سے بیعت کرلو۔

سوال: اپنے ملک پاکستان کا ذکرکس طرح کرناچاہئے؟

جواب: ہمیں اپنے ملک کی اچھائی بیان کرنی چاہئے ،اپنے وطن کی کمزوربات نہیں کرنی چاہئے ،یہاں اسلام پر عمل کرنے کی آزادی ہے۔

سوال:کیامکڑی(Spider) کے جالے صاف کرسکتے ہیں ؟

جواب: جی ہاں صاف کرسکتے ہیں ،جالے رہنے سے تنگدستی آتی ہے ۔

سوال: علم اَبجدکے اعتبارسے اسم ِجلالت یعنی لفظ اللہ کے کتنے حروف ہیں ؟

جواب:66 حروف ہیں ۔

سوال : فاسق اورفاجرکا کیا معنیٰ ہے ؟

جواب: جوایک مرتبہ کبیرہ گناہ کرے تو وہ فاسق ہے، اسی طرح صغیرہ گنا ہ کو ہلکاسمجھ کرکیا جائے تو سخت کبیرہ بن جائےگا ۔یا صغیرہ گنا ہ پراصرارکرے یعنی باربارکرےتویہ کبیرہ گنا ہ بن جائے گا کرنے والا فاسق ہوگا،فاجربھی فاسق کے معنی ٰ میں ہے ،اعلیٰ حضرت نے فاسق کو فاجرفرمایا ہے ۔

سوال: کیا روزانہ 20 رکعت نمازِتراویح پڑھناہوگی؟

جواب: جی ہاں! 20رکعت تراویخ پڑھناسُنّتِ مؤکدہ ہے ،اس لیے 20رکعت ہی تراویح پڑھئے،ایک بھی کم نہ کریں ۔

یکم رمضان المبارک 1442ھ سے عالمی مدنی مرکز فیضان مدینہ کراچی سے مدنی مدنی چینل پر براہ راست مدنی مذاکرے کا انعقاد کیا جارہا ہے۔

4 رمضان المبارک 1442ھ کو بعد نماز تراویح اور نماز عصر کے بعد مدنی مذاکرے کا سلسلہ ہوا جس میں امیر اہل سنت دَامَتْ بَرَکَاتُہُمُ الْعَالِیَہ نے مدنی چینل کے ناظرین کو مدنی پھول ارشاد فرمائے۔

مدنی مذاکرے کے مدنی پھول ملاحظہ کیجئے

سوال: بے صبری کیاہے ؟

جواب :ہرایک کو اپنی مصیبت یا صدمےکے بارے میں بتاتے رہنا، گِلہ شکوہ کرنا ،بے صبری ہے ،صبریہ ہے کہ صدمہ پہنچتے ہی خاموش ہوجائے،بعدمیں تو صبرآہی جاتاہے ۔حدیث پاک میں پہلے صدمے پرصبرکرنے کی فضیلت آئی ہے ۔

سوال : کسی کو صدمہ پہنچے تو کیا اسے سمجھانا چاہئے ؟

جواب: کسی کو تازہ غم پہنچے تو اسے سمجھایا نہ جائے ،رونے دیاجائے ،رونے نہ دینا طباًنقصان دہ ہے ،البتہ ہرچیزمیں اعتدال ہونا چاہئے۔

سوال: آپ کی تصنیف ’’غیبت کی تباہ کاریاں ‘‘کے بارےمیں کچھ ارشاد فرمادیں ؟

جواب:" غیبت کی تباہ کاریاں" اردوکی سب سے ضخیم یعنی بڑی کتاب ہے ۔سب اس کامکمل مطالعہ کریں ،اللہ کرے اس کو مکمل پڑھنے والے کوتغمہ ٔ مغفرت مل جائے ۔

سوال: مسکرانے کے کیافوائدہیں ؟

جواب:مسکرانا سُنّت ہے ،مگراس کا کوئی موقع اوراچھی نیّت بھی ہو،مسکرانے سے سامنے والے کے دل میں خوشی داخل ہوگی یہ بھی کارِ ثواب ہے ،سرکار صلی اللہ علیہ والہ وسلم کا ایک مبارَک نام مُتبَسِمْ(مُتَبَس ۔ سِم)بھی ہے یعنی مسکرانے والے ،نبی پاک صلی اللہ علیہ والہ وسلم کثرت سے مسکرایا کرتے تھے ،مسکرانے کے کئی فوائدہیں ،اس سےذہنی دباؤ(ڈِپریشن)کم ہوتاہے ،قوتِ مدافعت میں اضافہ ہوتاہے ۔مسکرانا متعدی فعل ہےیعنی جب کوئی مسکراتاہے توسامنے والابھی مسکراتاہے ۔جوہنستاہے اس کا گھربستاہے۔مسکرانے سے خود بھی بندہ راحت میں رہتاہے ۔

سوال: محدثِ اعظم پاکستان حضرت مولانا سرداراحمد چشتی قادری رحمۃ اللہ علیہ کے بارے میں آپ کیا فرماتے ہیں ؟

جواب: مَیں جوانی میں قاری مصلح الدین صاحب رحمۃ اللہ علیہ کے پاس حاضرتھا تو قاری صاحب نے محدثِ اعظم پاکستان حضرت مولانا سرداراحمد صاحب رحمۃ اللہ علیہ کے بارے میں بتایا کہ یہ سُنتوں کے بہت پابندہیں، انہوں نے کبھی قہقہہ نہیں لگایا ،کیونکہ قہقہہ لگانا سنت نہیں ،یہ بھی بتایا کہ یہ جب حدیث پاک پڑھاتے ہیں اورنبی ِکریم صلی اللہ علیہ وسلم پرہونے والےمظالم کا ذکرآتاتو رونے لگتے ہیں اور روروکر پڑھاتے ہیں،بڑے بڑے علما ء محدثِ اعظم پاکستان کے شاگردہیں ۔یہ دونوں باتیں سن کر میرے دل میں محدث ِاعظم پاکستان کی محبت وعقیدت میں اضافہ ہوا،لیکن یہ یادرہے کہ قہقہہ لگانا گناہ نہیں ہے ۔

سوال : بات بات پر لوگوں سے ناراض ہونا کیسا؟

جواب: بات بات پر ناراض ہونا دُرست نہیں ،کسی سے بگاڑنی نہیں چاہئے، جو بات بات پر ناراض ہوتا،منہ بگاڑتاہے لوگ اسے چھوڑدیتے ہیں، وہ اکیلارہ جاتاہے ۔

سوال: غزالیِ دوراں حضرت علامہ سیداحمدشاہ کاظمی رحمۃ اللہ علیہکے بارے میں آپ کیا فرماتے ہیں؟

جواب:غزالیِ دوراں حضرت علامہ سیداحمدشاہ کاظمی صاحب سے زیادہ بااَخلاق میں نے نہیں دیکھا ،یہ ہجوم میں بھی لوگوں سے بڑے اَخلاق سے ملتے تھے ،کوئی دعا کے لیے کہتاتو فوراًدعادے دیتے تھے ،بہت ملنسارتھے ،مدینہ شریف میں میری ان سے ملاقات ہوئی تو بہت خوش ہوکرملے ۔کسی نے میری ان سے شکایت کی، انھوں نے میری حمایت میں تحریری طورپر اس کا جواب دیا ،رحیم یارخان کے ان کے مرید حافظ صاحب نے مجھےبتایاکہ میری موجودگی میں کسی نے آپ کی شکایت کی تو علامہ کاظمی صاحب نے آپ کی حمایت کی اوراُسے سمجھایا۔

سوال: باربارقسم کھانا کیسا ؟

جواب: سچی قسم بھی باربارنہیں کھانی چاہئے ،امام شافعی رحمۃ اللہ علیہ نے فرمایاکہ میں نے زندگی میں کبھی سچی قسم بھی نہیں کھائی ۔اس سےایک نقصان یہ ہوسکتاہے کہ کبھی جھوٹی قسم بھی ہوجائے گی۔

سوال: جوباربارگھرچھوڑنے کی دھمکی دے، اس کے ساتھ کیا سلوک کرنا چاہئے ؟

جواب: منع کرنا چاہئے ،اسے مان دینا چاہئے ،امتحان میں نہیں ڈالنا چاہئے،دھمکی دینے والے کو چاہئے کہ وہ اس طرح نہ کرے،اس سے بندے کی عزت کم ہوتی ہے ۔

سوال: منہاج العابدین کا معنی کیا ہے ،اس کتاب کا مُطالَعہ کرنے کے بارے میں آپ کیا فرماتے ہیں ؟

جواب : منہاج ُالعابِدین کا معنیٰ ہے" عبادت گزاروں کا راستہ"،یہ امام محمدبن محمدغزالی رحمۃ اللہ علیہ کی آخری کتاب ہے ،یہ بہت عمدہ کتاب ہے ،اسے پڑھ کر آپ فکرمندہوجائیں کہ اب تک میری زندگی اس طرح کیوں گزری ،اسے پڑھیں اِنْ شَاۤءَ اللہُ الکریم بہت نفع اٹھائیں گے ،مکتبۃ المدینہ نے اسے ترجمہ مع تخریج شائع کیا ہے ،امام غزالی رحمۃ اللہ علیہ نے اورکتابیں بھی لکھی ہیں ،عربی میں 5 جِلدوں پر مشتمل اِحیا ءُ العُلوم اورفارسی میں کیمیائے سعادت آپ کی کتابیں ہیں، سب کا موضوع ایک ہی ہے ۔

سوال: درزی کے پاس اگرکسی کا کچھ کپڑا،کم یا زیادہ بچ جائے تو اُسے کیا کرناچاہئے ؟

جواب: بچ جانے والا کپڑاکم ہویا زیادہ سِلے ہوئے کپڑوں کے ساتھ واپس دیا جائے،یہی سلامتی کی راہ ہے۔

سوال: کیا وضومیں اعضائے وضو دھوتے ہوئےدُرُودشریف پڑھنا افضل ہے ؟

جواب: جی ہاں ۔

سوال: قرضہ اُتارنے کا وظیفہ ارشادفرمادیں ؟

جواب: تاحصولِ مُرادہرنمازکے بعدیہ دُعا11،11 باراورصبح وشام 100،100بارروزانہ (اول وآخرایک باردُرود شریف )پڑھئے: اَللّٰھُمَّ اکْفِنِیْ بِحَلَالِکَ عَنْ حَرَامِکَ، وَاَغْنِنِیْ بِفَضْلِکَ عَمَّنْ سِوَاکَ۔ ترجمہ :اے اللّٰہ! مجھے حلال رزق عطافرما کرحرام سے بچا اور اپنے فضل وکرم سے اپنے سِواغیروں سے بے نیازکردے۔