لوگوں کے دلوں میں اولیاء اللہ کی محبت ڈالنے اور ان کی سیرت کے مطابق زندگی گزارنے کا ذہن دینے والی عاشقانِ رسول کی دینی تحریک دعوتِ اسلامی کے تحت رندھیر شریف کے سالانہ عرس کے موقع پر سنتوں بھرا اجتماع منعقد کیا جائے گا۔

معلومات کے مطابق آج 23 مئی 2025ء کی شب بعد نمازِ عشاء دربارِ عالیہ قبلہ قادری صاحب رندھیر سمبڑیال میں ہونے والے اجتماع کا آغاز تلاوتِ قراٰن اور نعتِ رسولِ مقبول صلَّی اللہ علیہ واٰلہٖ وسلَّم سے کیا جائے گا۔

دعوتِ اسلامی لوگوں کی اصلاح کرنے کے ساتھ ساتھ انہیں پنج وقتہ نماز کا پابند بنانے اور سنتِ رسول کا عامل بنانے والی عالمی سطح کی دینی تحریک ہے جس کے تحت مختلف انداز میں خدمتِ دین کا کام کیا جارہا ہے۔

الحمد للہ عاشقانِ رسول کی دینی تحریک دعوتِ اسلامی کے تحت ڈھرکی، سندھ کے علاقے عباس ٹاؤن میں 22 مئی 2025ء کو ایک شاندار مسجد بنام ”جامع مسجد فیضانِ علی مشکل کشاء“کا افتتاح کیا گیا ۔

اس موقع پر افتتاحی تقریب منعقد ہوئی جس میں قرب و جوار کے عاشقانِ رسول، ذمہ دارانِ دعوتِ اسلامی اور طلبۂ کرام سمیت مختلف شعبہ ہائے زندگی سے تعلق رکھنے والی شخصیات نے شرکت کی۔

تلاوت و نعت سے تقریب کا آغاز کرنے کے بعد مرکزی مجلسِ شوریٰ کے رکن حاجی محمد علی عطاری کا سنتوں بھرا بیان ہوا جس میں انہوں نے حاضرین کو دینِ اسلام کی خدمت کرنے اور دعوتِ اسلامی کے دینی ماحول سے وابستہ رہنے کا ذہن دیا۔

آخر میں دعا و صلوٰۃ و سلام پر تقریب کا اختتام ہوا اور وہاں موجود عاشقانِ رسول نے رکنِ شوریٰ حاجی محمد علی عطاری سے ملاقات بھی کی۔(کانٹینٹ:غیاث الدین عطاری)

ماہِ حج ”ذوالحجۃ الحرام“کی آمد آمد ہے۔ دنیا بھر سے مسلمانوں کے قافلے ایمانی جذبے کے ساتھ جوق در جوق مکۃ المکرمہ و مدینۃ المنورہ زادھُما اللہُ شرفاً وَّ تعظیماً کی زیارت اور ادائیگیٔ حج کے لئے روانہ ہورہے ہیں جبکہ کئی عشاقانِ رسول اس مبارک سفر کا تڑپ لئے اپنے مسکن میں اپنی باری اور بلاوے کے منتظر ہیں۔

ماہِ ذو الحجۃ الحرام کی مناسبت سے عاشقِ مدینہ شیخ طریقت امیر اہلسنت حضرت علامہ مولانا محمد الیاس عطار قادری دامت بَرَکَاتُہمُ العالیہ نے اپنے مریدین و محبین کو اس ہفتے 14 صفحات کا رسالہ ”مدینے کی زیارتیں“ پڑھنے/سننے کی ترغیب دلائی ہے اور پڑھنے/سننے والوں کو اپنی دعاؤں سے نوازا ہے۔

دعائے عطار

یااللہ پاک! جو کوئی14 صفحات کا رسالہ ”مدینے کی زیارتیں“ پڑھ یا سُن لے اُسے مدینۂ پاک کی بار بار باادب حاضری نصیب فرما اور اس کی ماں باپ اور خاندان سمیت بے حساب مغفرت فرما۔ اٰمین بجاہِ خاتَم النبیّن صلی اللہ علیہ و سلم

یہ رسالہ آڈیو میں سننے اور اردو سمیت کئی زبانوں میں ڈاؤن لوڈ کرنے کے لئے نیچے دیئے گئے لنک پر کلک کیجئے:

Download

اسپیشل پرسنز ڈیپارٹمنٹ  دعوت اسلامی کے تحت13مئی2025ء بروز منگل کو گورنمنٹ ا سپیشل ایجوکیشن سکول گوجر خان تحصیل گوجر خان ڈسٹرکٹ راولپنڈی میں تربیتی سیشن ہوا جس میں اسٹوڈنٹ نے شرکت کی ۔

صوبائی ذمہ دار شعبہ اسپیشل پرسن محمد وقاص عطاری اور ڈسٹرکٹ ذمہ دار شعبہ اسپیشل پرسن محمد ندیم عطاری مدنی نے اسٹوڈنٹ کے درمیان نماز کی پابندی کرنے، درود و سلام کی پابندی کرنے اور پیارے آقا صلی اللہ تعالی علیہ والہ وسلم کی پیاری سنت سلام کو عام کرنے کے متعلق گفتگو کرتے ہوئے حاضرین کو دعوت اسلامی اور شعبہ اسپیشل پرسن کا تعارف کروایا۔ اس موقع پر ذمہ دار نے فرض علوم اور اخلاقیات کے حوالے سے گفتگو کی جس پرا سکول کےا سٹاف نے دعوت اسلامی کی دینی کاموں کو سراہا اور اپنی نیک خواہشات کا اظہار کیا۔(رپورٹ: ڈسٹرکٹ ذمہ دار شعبہ ا سپیشل پرسن راولپنڈی محمد ندیم عطاری مدنی،کانٹینٹ:شعیب احمد عطاری)

رنگ و نسل میں امتیاز کئے بغیر دین اسلام کی خدمت کرنے والی عالمی سطح کی دینی تحریک دعوتِ اسلامی کے تحت 21 مئی 2025ء کو اسپیشل پرسنز ڈیپارٹمنٹ کے ذمہ دار اسلامی بھائیوں نے مختلف دینی کاموں کے سلسلے میں ڈسٹرکٹ چکوال تحصیل چوآسیدن شاہ ، پنجاب  میں موجود ”Govt Special Education Center Choa Saidan Shah Chakwal “ کا دورہ کیا۔

اس دورے میں اسپیشل پرسنز ڈیپارٹمنٹ کے صوبائی ذمہ دار نابینا افراد کامران عطاری نے چکوال ڈسٹرکٹ ذمہ دار عبد القیوم عطاری کے ہمراہ Institute کے پرنسپل سمیت ڈیف اسٹاف سے ملاقات کرتے ہوئے انہیں ڈیپارٹمنٹ کا تعارف کروایا اور چوآ سیدن شاہ چکوال میں ہونے والے ہفتہ وار اجتماع میں شرکت کرنے کی دعوت دی ۔

اس موقع پر گونگے، بہرے اور نابینا اسٹوڈنٹس کے لئے سیکھنے سکھانے کا حلقہ لگایا گیا جس میں صوبائی ذمہ دار نے بیان کیا جبکہ ڈسٹرکٹ ذمہ دار نے اشاروں کی زبان میں بیان کی ترجمانی کی۔

دورانِ بیان اسٹوڈنٹس کو درودِ پاک کا ورد کرنے کا ذہن دیا گیا اور فضائلِ نماز پر بیان کرتے ہوئے انہیں بھی نمازوں کی پابندی کرنے، اساتذۂ کرام اور اپنے والدین کا ادب و احترام کرنے کا ذہن دیا جس پر انہوں نے اچھی اچھی نیتیں کیں۔( رپورٹ: صوبائی ذمہ دار کامران عطاری،کانٹینٹ:شعیب احمد عطاری)

اسپیشل پرسنز ڈیپارٹمنٹ  دعوت اسلامی کے تحت وفاقی دارالحکومت اسلام آباد میں واقع سرسید ڈیف ایسوسی ایشن میں 14مئی2025ء بروز بدھ حج تربیتی اجتماع کا سلسلہ ہوا جس میں اس سال حج پر جانے والے اسلام آباد کے گونگے بہرے اسلامی بھائیوں نے بھی اس اجتماع میں شرکت کی۔

حج تربیتی اجتماع میں صوبائی ذمہ دار بدر شفیق عطاری نے گونگے بہرے اسلامی بھائیوں کو حج کے متعلق شرعی احکام کی تربیت کرتے ہوئے انہیں احرام باندھ کر حج کا پریکٹیکل کرکے بتایا اور اس کی چند احتیاطیں بھی بیان کیں جبکہ حج کا طریقہ اشاروں کی زبان میں سیکھا تے ہوئے آخر میں گونگے بہرے اسلامی بھائیوں نے اسپیشل پرسنز ڈیپارٹمنٹ کا شکریہ ادا کیا اور اچھی اچھی نیتوں کا اظہار کیا ۔( رپورٹ: صوبائی ذمہ دار کامران عطاری،کانٹینٹ:شعیب احمد عطاری)

دعوتِ اسلامی کے زیرِ اہتمام ہفتہ وار سنتوں بھرا اجتماع 22 مئی 2025ء بروز جمعرات رات 8:00 بجے اسلام آباد کے علاقے G-11 میں قائم مدنی مرکز فیضانِ مدینہ میں منعقد ہوگا۔

اس اجتماع میں دعوتِ اسلامی کی مرکزی مجلسِ شوریٰ کے رکن حاجی وقار المدینہ عطاری سنتوں بھرا بیان فرمائیں گے جسے مدنی چینل پر براہ راست نشر کیا جائے گا۔ اس بابرکت اجتماع میں تلاوتِ قرآن، نعتِ رسول مقبول صلَّی اللہ علیہ واٰلہٖ وسلَّم، ذکرواذکار، رقت انگیز دعا اور صلوٰۃ و سلام جیسے سلسلے شامل ہوں گے۔

تفصیلات کے مطابق مدنی مرکز فیضان مدینہ لعل بخش کالونی ڈہرکی میں رکن شوریٰ حاجی محمد علی عطاری، مدنی مرکز فیضان مدینہ آفندی ٹاؤن حیدر آباد میں رکن شوریٰ حاجی فاروق جیلانی عطاری، مدنی مرکز فیضان مدینہ شاہ جہانگیر روڈ گجرات میں رکن شوریٰ حاجی محمد اظہر عطاری، بلال مسجد چوک اعظم میں رکن شوریٰ حاجی عقیل عطاری مدنی، جامع مسجد حنفیہ محمدیہ سوڈیوال لاہور میں رکن شوریٰ حاجی منصور عطاری، جامع مسجد ابو حنیفہ مرے کالج روڈ سیالکوٹ میں رکن شوریٰ حاجی محمد امین عطاری، فیضانِ غوث اعظم 1342-1344 London road Norbury Croydon SW16 4DG میں رکن شوریٰ عبدالوہاب عطاری، مدنی مرکز فیضان مدینہ Maudsley Street Bradford Bd3 9LE میں رکن شوریٰ حاجی محمد خالد عطاری سنتوں بھرا بیان فرمائیں گے۔

اسلام آباد اور گرد و نواح کے عاشقانِ رسول سے اس اجتماع میں شرکت کی درخواست ہے۔

شعبہ رابطہ برائے شخصیات للبنات دعوتِ اسلامی کے تحت 17 مئی 2025ء کو ذمہ دار اسلامی بہنوں کے لئے آن لائن سیشن منعقد کیا گیا جس میں پاکستان مجلسِ مشاورت کی چند اراکین اور شعبے کی ملک و صوبائی سطح کی ذمہ داران شریک ہوئیں۔

اس سیشن میں نگرانِ پاکستان مجلسِ مشاورت نے شعبے کی اہمیت کو بیان کرتے ہوئے پاکستان کے چند اہم شہروں پر شعبہ رابطہ برائے شخصیات للبنات ذمہ داران کی تقرری کے حوالے سے مدنی پھول دیئے۔اس موقع پر اسلام آباد سٹی، صوبہ KPK اور صوبہ بلوچستان کی پاکستان مشاورت اسلامی بہنیں بھی موجود تھیں۔

17 مئی 2025ء کی دوپہر 1:00 تا 2:00 مختلف شعبہ جات کی ذمہ داران کا آن لائن سیشن ہوا جس میں شعبہ جامعۃالمدینہ گرلز، شعبہ مدرسۃالمدینہ گرلز ، شعبہ دارالمدینہ انٹرنیشنل اسلامک اسکول سسٹم گرلز اور شعبہ فیضان آن لائن اکیڈمی گرلز کی ملک سطح ذمہ دار اسلامی بہنوں نے شرکت کی۔

سیشن کے دوران نگرانِ پاکستان مجلسِ مشاورت اسلامی بہن نے دعوتِ اسلامی سے منسلک اسلامی بہنوں کا ڈیٹا سافٹ ویئر میں انٹر کرنے / کروانے کی اہمیت و مقاصد بیان کئے نیز کل منسلک اسلامی بہنوں کے ڈیٹا انٹری میں جو مسائل پیش آرہے ہیں اُن کا حل بتایا گیا۔

اس کے علاوہ زیادہ سے زیادہ منسلک اسلامی بہنوں کا ڈیٹا کس طرح سافٹ ویئر میں انٹر کروایا جاسکتا ہے اس حوالے سے نگرانِ پاکستان مجلسِ مشاورت نے ذمہ دار اسلامی بہنوں کی ذہن سازی کی جس پر انہوں نے اچھی اچھی نیتوں کا اظہار کیا۔

دعوتِ اسلامی کے دینی کاموں کا جائزہ لینے کے لئے 17 مئی 2025ء کو شعبہ فیضانِ مرشد للبنات کی ذمہ داران کا آن لائن سیشن منعقد ہوا جس میں ملکی و صوبائی سطح کی ذمہ دار اسلامی بہنیں شریک ہوئیں۔

اس دوران پاکستان مجلسِ مشاورت کی نگران اسلامی بہن نے شعبے کی جاب ڈسکرپشن، فیضانِ صحابیات میں ہونے والے مخصوص کورسز کی تربیت، ذمہ در اسلامی بہنوں کی تربیت اور تنظیمی ذمہ دار اسلامی بہنوں کے مدنی مشوروں میں شرکت کرنے کے حوالے سے گفتگو کی۔

نگرانِ پاکستان مجلسِ مشاورت نے شعبے کے دینی کاموں میں مزید بہتری لانے کے لئے ذمہ دار اسلامی بہنوں کو مدنی پھولوں سے نوازا جس پر انہوں نے دینی کاموں میں بہتری لانے اور طے شدہ مدنی پھولوں پر عمل کرنے کی اچھی اچھی نیتیں کیں۔

دعوتِ اسلامی کے تحت 17 مئی 2025ء کو رہائشی  کورسز للبنات کی ذمہ داران کا آن لائن سیشن ہوا جس میں عالمی ، ملکی، صوبائی، راولپنڈی ڈویژن سطح کی رہائشی کورسز ذمہ داران، نگرانِ صوبہ پنجاب، نگرانِ راولپنڈی ڈویژن اور راولپنڈی کی رہائشی کورسز کے اسٹاف نے شرکت کی۔

ابتداءً دعوتِ اسلامی کی نگرانِ پاکستان مجلسِ مشاورت اسلامی بہن نے رہائشی کورسز کے انتظامی مسائل کا جائزہ لیااور کورس میں شرکا اسلامی بہنوں کی تعداد بڑھانے کے حوالے سے ذہن سازی کی۔

اس کے علاوہ نگرانِ پاکستان مجلسِ مشاورت نے دیگر اہم امور پرمشاورت کی جس پر تمام ذمہ دار اسلامی بہنوں نے اپنی اپنی رائے پیش کی اور نیتوں کا اظہار کیا۔

16 مئی 2025ء کو دعوتِ اسلامی کے دینی کاموں کے سلسلے میں ذمہ دار اسلامی بہنوں کی میٹنگ ہوئی جس میں پاکستان مجلسِ مشاورت اور پاکستان سطح کی شعبہ ذمہ دار  اسلامی بہنوں نے شرکت کی۔

اس میٹنگ میں ذمہ دار اسلامی بہنوں کی تربیت کرتے ہوئے نگرانِ پاکستان مجلسِ مشاورت اسلامی بہن نے فریکل اور آن لائن لرننگ سیشن کروانے کے حوالے سے مدنی پھول بیان کئے۔

دورانِ میٹنگ نگرانِ پاکستان مجلسِ مشاورت نے کس طرح لرننگ سیشن کو مضبوط بنایا جاسکتا ہے؟ اس پر شرکا کی رہنمائی کی نیز اسلامی بہنوں کے مسائل کا حل بھی بتایا۔