30 مئی  2025ء کو بلاک 8 کلفٹن کراچی میں واقع فیضانِ جیلان مسجد میں عاشقانِ رسول کو قربانی کے مسائل سکھانے کے لئے ایک خصوصی ٹریننگ سیشن کا انعقاد کیا گیا جس کا مقصد قربانی کے احکام سے آگاہی اور دینی فہم میں اضافہ کرنا تھا۔

اس ٹریننگ سیشن میں مدنی چینل کے اسکالر مولانا عمران عطاری مدنی نے شرکا کو قربانی کے شرعی احکام، مناسکِ قربانی اور اس کی اہمیت سے آگاہ کیا نیز شرکا کی جانب سے کئے گئے مختلف سوالات کے تفصیلی جوابات دیئے تاکہ دین کے مطابق صحیح عمل کو فروغ دیا جا سکے۔

اس سیشن میں مختلف عاشقانِ رسول نے شرکت کی اور دینی معلومات میں اضافہ کیا۔ اس سلسلے کا مقصد امت مسلمہ میں قربانی کی اہمیت کو اجاگر کرنا اور شرعی احکامات کی صحیح فہم دینا ہے۔(رپورٹ: محمد حاشر عطاری شعبہ مدنی کورسز ڈسٹرکٹ کورنگی، کانٹینٹ:غیاث الدین عطاری)

1 جون 2025ء کو کینٹ ٹاؤن نزد DHA لاہور میں ایک شخصیت کی رہائش گاہ پر دعوتِ اسلامی کے شعبے مدنی کورسز کے تحت ”احکامِ قربانی کورس“ منعقد کیا گیا جس کا مقصد لوگوں کو قربانی کے شرعی مسائل سے آگاہ کرنا تھا۔

اس موقع پر اہلِ محلہ، پروفیسر، سب انسپکٹر، تاجران، ذمہ دارانِ دعوتِ اسلامی اور مختلف شعبہ ہائے زندگی سے تعلق رکھنے والے عاشقانِ رسول نے شرکت کی۔

کورس کی ابتدا میں شعبے کے ٹاؤن ذمہ دار مولانا بابر عطاری مدنی نے عاشقانِ رسول کو قربانی کی تعریف بیان کرتے ہوئے انہیں قربانی کی شرائط اور اس کے چند ضروری مسائل سے آگاہ کیاجن میں سے بعض درج ذیل ہیں:

لوگوں کو نمازو  روزے کے شرعی مسائل سکھانے والے دعوتِ اسلامی کے شعبہ مدنی کورسز کے تحت 28، 29 اور 30 مئی 2025ء کو مدنی مرکز فیضانِ مدینہ نزد انصاری چوک ملتان، پنجاب میں ”12 دینی کام کورس (رہائشی)“ ہوا۔

اس کورس میں شعبے کے معلمین نے 12 دینی کاموں کے اہداف بیان کرتے ہوئے کورس کروایا جن میں فجر کے لئے مسلمانوں کو جگانا، نیک اعمال کے رسائل پُر کرنا، مدنی مذاکرے میں شرکت کرنا، تفسیر سننے / سنانے کے حلقے لگانا اوردیگر دینی کاموں میں شمولیت اختیار کرنا شامل تھا۔

کورس کے اختتام پر مرکزی مجلسِ شوریٰ کے رکن حاجی قاری محمد سلیم عطاری نے شرکائے کورس کے درمیان بیان کیا اور انہیں دینی کاموں میں اخلاص کے ساتھ حصہ لینے کا ذہن دیا جس پر انہوں نے اچھی اچھی نیتیں کیں۔

صوبہ سندھ کے شہر شکارپور میں قائم فیضانِ صحابیات میں 26 مئی 2025ء کو شعبہ معاونت برائے اسلامی بہنیں کا مدنی مشورہ منعقد کیا گیا جس میں ڈویژن و ڈسٹرکٹ نگران اور ذمہ دار اسلامی بھائیوں کی شرکت رہی۔

اس موقع پر پاکستان سطح کے سوسائٹی ذمہ دار محمد خلیل عطاری نے ابتداءً گلی گلی مدرسۃالمدینہ و فیضانِ صحابیات کا آغاز کرنے اور ہفتہ وار اجتماع شروع کروانے حوالے سے اسلامی بھائیوں کی ذہن سازی کی۔

اسی طرح ذمہ دار محمد خلیل عطاری نے شعبے میں ترقی کیسے کرنی ہے اور شعبے کے دینی کام کو مزید بڑھانے کے بارے میں تبادلۂ خیال کیا جس پر تمام ذمہ دار اسلامی بھائیوں نے اچھی اچھی نیتیں کیں۔

بعدازاں پاکستان سطح کے ذمہ دار محمد خلیل عطاری نے دیگر ذمہ دار اسلامی بھائیوں کے ہمراہ فیضانِ صحابیات کا وزٹ کیا۔(رپورٹ: محمد شفیق عطاری ، شعبہ معاونت برائے اسلامی بہنیں، کانٹینٹ:غیاث الدین عطاری)

26 مئی 2025ء کو لاڑکانہ، سندھ میں واقع دعوتِ اسلامی کے مدنی مرکز فیضانِ مدینہ میں شعبہ معاونت برائے اسلامی بہنیں کا مدنی مشورہ ہوا جس میں ڈویژن نگران، ڈسٹرکٹ نگران اور شعبے کے دیگر ذمہ داران نے شرکت کی۔

اس مدنی مشورے میں پاکستان سطح کے سوسائٹی ذمہ دار محمد خلیل عطاری نے مختلف موضوعات پر کلام کرتے ہوئے ذمہ دار اسلامی بھائیوں کی رہنمائی کی جن میں سے بعض درج ذیل ہیں:

موضوعات:٭گلی گلی مدرسۃالمدینہ کا آغاز٭فیضانِ صحابیات کا آغاز٭ہفتہ وار اجتماع شروع کروانا۔

علاوہ ازیں ذمہ دار محمد خلیل عطاری نے شعبے میں ترقی کیسے کرنی ہے؟ اور شعبے کے دینی کام کو کیسے بڑھانا ہے؟ اس حوالے سے مشاورت کی جس پر تمام ذمہ دار اسلامی بھائیوں نے اپنی اپنی رائے پیش کی۔

شعبہ معاونت برائے اسلامی بہنیں کے دینی کاموں کا جائزہ لینے کے لئے 26 مئی 2025ء کو مدنی مرکز فیضانِ مدینہ سکھر میں ذمہ داران کی میٹنگ ہوئی جس میں ذمہ داران و محارم اسلامی بھائیوں نے شرکت کی۔

شعبےکے صوبائی ذمہ دار محمد شفیق عطاری نے ذمہ داران سے گفتگو کرتے ہوئے شعبے میں ترقی کیسے کرنی ہے؟ اور شعبے کے دینی کاموں کو کیسے بڑھانا ہے؟ اس پر شرکا کی رہنمائی کی۔

اس کے علاوہ صوبائی ذمہ دار نے مختلف نکات پر اسلامی بھائیوں کی ذہن سازی کی جن میں سے بعض یہ ہیں:٭گلی گلی مدرسۃالمدینہ کا آغاز٭فیضانِ صحابیات کا آغاز٭ہفتہ وار اجتماع شروع کروانا۔(رپورٹ: محمد شفیق عطاری ، شعبہ معاونت برائے اسلامی بہنیں، کانٹینٹ:غیاث الدین عطاری)

مورخہ 26 مئی 2025ء کو سکھر میں موجود دعوتِ اسلامی کے مدنی مرکز فیضانِ مدینہ میں شعبہ معاونت برائے اسلامی بہنیں کے تحت مدنی مشورہ ہوا جس میں ٹاؤن و ڈسٹرکٹ ذمہ داران اور محارم اسلامی بھائی شریک ہوئے۔

شعبے کے متعلق کلام کرتے ہوئے ذمہ دار اسلامی بھائیوں نے شعبہ گلی گلی مدرسۃالمدینہ اور فیضانِ صحابیات کا آغاز کرنے پر تبادلۂ خیال کیا جبکہ ہفتہ وار اجتماع شروع کرنے کے حوالے سے اسلامی بھائیوں کی ذہن سازی کی گئی۔

کراچی رپورٹ: پاکستان کے سب سے بڑے شہر کراچی میں رات گئے زلزلے کے مسلسل تین جھٹکوں نے شہریوں میں خوف و ہراس کی لہر دوڑا دی۔ زلزلے کے جھٹکے اس قدر زوردار تھے کہ شہر کے مختلف علاقوں میں لوگ نیند سے جاگ کر گھروں سے باہر نکل آئے، اذانیں دی گئیں اور شہری توبہ و استغفار میں مشغول ہو گئے۔

زلزلے کا پہلا جھٹکا رات 1:12 بجے محسوس کیا گیا، جس کے بعد تقریباً 1:30 بجے دو مزید جھٹکوں نے کراچی کے متعدد علاقوں کو لرزا دیا۔ زلزلے کی شدت ریکٹر اسکیل پر 3.2 ریکارڈ کی گئی جبکہ اس کی گہرائی 12 کلومیٹر بتائی گئی ہے۔ زلزلے کا مرکز کراچی کے نواحی علاقے گڈاپ ٹاؤن کے قریب تھا۔

زلزلے کے جھٹکے قائدآباد، ملیر، لانڈھی، شاہ فیصل ٹاؤن، کورنگی، مجید کالونی، شیرپاؤ کالونی اور دیگر ملحقہ علاقوں میں واضح طور پر محسوس کئے گئے۔ زلزلے کے جھٹکوں کے فوراً بعد کئی علاقوں کی مساجد میں اذانیں شروع ہوگئیں جبکہ شہری ذکرو اذکار، توبہ و استغفار میں مشغول ہوکر بارگاہِ خداوندی میں رحم و کرم کی دعائیں مانگنے لگے۔

خوف و ہراس کے اس ماحول میں عالم اسلام کی مذہبی و روحانی شخصیت شیخ امیر اہلسنت حضرت علامہ مولانا محمد الیاس عطار قادری دامت بَرَکَاتُہمُ العالیہ کا ویڈیو پیغام جاری ہوا جس میں انہوں نے شہریوں کو صبر کرنے، گناہوں سے توبہ کرنے، ذکر و اذکار کرنے اور دعائیں کرنے کا ذہن دیا۔ اس ویڈیو پیغام میں امیر اہلسنت دامت بَرَکَاتُہمُ العالیہ نے اللہ پاک کی بارگاہ میں دعائیں کیں اور عاشقان رسول کو مصیبت سے حفاظت کے لئے مختلف اوراد و وظائف کا ورد کرنے کی ترغیب دلائی۔

امیر اہلسنت کا پیغام:

پہلی جون 2025ء کو کراچی کے بعض علاقوں میں زلزلے کے جھٹکے محسوس کئے گئے، لوگ گھروں سے باہر آگئے، مساجد میں اذانیں شروع ہوگئیں، اذانیں دینی چاہیئے، اذان سے بلائیں دور ہوتی ہیں۔اللہ پاک رحمت کی نظر فرمائے۔

امیر اہلسنت دامت بَرَکَاتُہمُ العالیہ نے زلزلے کا سبب بیان کرتے ہوئے فرمایا کہ اعلیٰ حضرت امام احمد رضا خان رحمۃُ اللہِ علیہ ”فتاویٰ رضویہ“ میں ارشاد فرماتے ہیں کہ ”زلزلہ آنے کا سبب لوگوں کے گناہ ہیں“

امیر اہلسنت نے عاشقان رسول کو نیکیوں کی ترغیب دلاتے ہوئے فرمایا کہ ہم سب کو چاہیئے کہ ہم سچی توبہ کریں، نمازی بن جائیں، مسجدوں کو آباد کریں، جھوٹ بولنا، غیبت کرنا چھوڑ دیں اورفلموں ڈراموں سے تائب ہوجائیں، اگر ایسا کیا تو ان شاء اللہ عَزَّوَجَلَّ اللہ ہمیں اس طرح کی آفتوں سے محفوظ رکھے گا۔ اللہ پاک رحمت کی نظر فرمائے، عافیت فرمائے۔

امیر اہلسنت نے عاشقانِ رسول کو اپنی حفاظت و سلامتی کے لئے ہر نماز کے بعد ، گھر سے نکلتے وقت اور اللہ توفیق دے تو چلتے پھرتے بھی 11 مرتبہ ”یاحَفِیظُ، یا سَلامُ“کا ورد کرتے رہیں۔

دعائے عطار

اللہ پاک ہماری حفاظت کرے اور سلامتی نصیب فرمائے، اللہ پاک رحمت کی نظر فرمائے، خوف و ہراس میں مبتلا لوگوں کو اللہ پاک امن بخشے اور جن کو تکلیف ہوئی اللہ ان کو راحت بخشے،اللہ پاک ہماری مغفرت فرمائے اور اللہ پاک اس طرح کی آفتوں سے ہماری حفاظت فرمائے۔ اٰمین

دعوت اسلامی کے فلاحی ڈیپارٹمنٹ  FGRF (فیضان گلوبل ریلیف فاؤنڈیشن) کے وفد نے حال ہی میں مصر کے شہر قاہرہ میں تعینات فلسطین کے سفیر دیاب اللوح سے ملاقات کی۔ ملاقات کا مقصد غزہ، فلسطین میں جاری انسانی ہمدردی کے پیشِ نظر FGRF کی جانب سے کی جانے والی امدادی سرگرمیوں پر تبادلہ خیال اور باہمی تعاون کو فروغ دینا تھا۔ وفد میں رکن شوریٰ مولانا حاجی عبد الحبیب عطاری اور نگران FGRF یوکے سید فضیل رضا عطاری موجود تھے۔

ملاقات کے دوران FGRF کے وفد نے فلسطینی سفیر کو تنظیم کی جانب سے غزہ میں فراہم کی جانے والی امداد، بشمول غذائی اجناس، طبی سہولیات، پناہ گاہوں، فری میڈیکل کی سہولت اور دیگر بنیادی ضروریات سے متعلق تفصیلات سے آگاہ کیا۔ وفد نے اس عزم کا اظہار کیا کہ FGRF مشکل کی اس گھڑی میں فلسطینی عوام کے ساتھ کھڑی ہے اور اپنی تمام تر صلاحیتوں کے ساتھ انسانی خدمات جاری رکھے گی۔

فلسطینی سفیر نے FGRF کی کوششوں کو سراہتے ہوئے کہا کہ اس طرح کی بین الاقوامی تنظیمیں نہ صرف امداد فراہم کرتی ہیں بلکہ عالمی برادری میں فلسطین کے مسئلے کو اُجاگر کرنے میں بھی اہم کردار ادا کرتی ہیں۔ انہوں نے FGRF کی کاوش کو قابلِ تعریف قرار دیا اور آئندہ کے لئے بھرپور تعاون کی یقین دہانی کروائی۔ 

ڈسٹرکٹ ایبٹ آباد کے ڈویژن ہزارہ    میں قوتِ سماعت اور قوتِ گویائی سے محروم بچوں کے لئے قائم ادارے ”HEARING & SPEECH CENTRE“ میں 30 مئی 2025ء کو اسپیشل پرسنز ڈیپارٹمنٹ دعوتِ اسلامی کے ذمہ داران کی آمد ہوئی۔

اس دوران نگرانِ ڈیپارٹمنٹ عمیر ہاشمی عطاری نے نماز کے حوالے سے اسپیشل اسٹوڈنٹس کی تربیت کرتے ہوئے انہیں اپنے والدین کا ادب و احترام کرنےکا ذہن دیا جبکہ صوبائی ذمہ دار جمعہ کے دن کے فضائل بتائےاور درود شریف پڑھنے کی ترغیب دلائی جس پر انہوں نے اچھی اچھی نیتیں کیں۔

آخر میں نگرانِ ڈیپارٹمنٹ اور صوبائی ذمہ دار نے سینٹر کے پرنسپل سمیت اسٹاف کےدیگر اسلامی بھائیوں سے ملاقات کی اور انہیں مکتبۃالمدینہ کے کُتُب و رسائل تحفے میں پیش کئے۔(رپورٹ: ڈویژن ذمہ دار محمد کامران جنیدی عطاری، ہزارہ ڈویژن، کانٹینٹ:غیاث الدین عطاری) 

اسپیشل پرسنز ڈیپارٹمنٹ دعوتِ اسلامی کے تحت 29 مئی 2025ء کو ذمہ دار اسلامی بھائیوں نے ہزارہ ڈویژن ڈسٹرکٹ ایبٹ آباد میں دوکان دوکان جاکر اسپیشل پرسنز سے ملاقاتیں کی۔

نگرانِ شعبہ عمیر ہاشمی عطاری اور صوبائی ذمہ دار ہدایت اللہ جنیدی عطاری نے اسپیشل پرسنز کو دعوتِ اسلامی کے ہفتہ وار اجتماع میں شرکت کرنے اور 3 دن کے قافلوں میں سفر کرنے کی ترغیب دلائی جس پر انہوں نے اچھی اچھی نیتیں کیں۔

علمِ دین سیکھنے کا جذبہ لئے ہوئے اسپیشل پرسنز پر مشتمل دعوتِ اسلامی کا قافلہ 3 دن (23، 24 اور 25 مئی 2025ء ) کے لئے کلفٹن، کراچی کی جامع مسجد فیضانِ جیلان پہنچا جس کے امیرِ قافلہ مبلغِ دعوتِ اسلامی وسیم احمد ہاشمی عطاری تھے۔

قافلے کے دوران نمازِ اشراق و چاشت ، نماز تہجد اور دیگر عبادات کرنا نیز سیکھنے سکھانے کے حلقے میں شرکت کرنا شیڈول میں شامل تھا جبکہ اسپیشل پرسنز کو نماز کا عملی طریقہ بھی سکھایا گیا اور انہوں نے علاقائی دورہ برائے نیکی کی دعوت میں شرکت کی۔(رپورٹ: اسپیشل پرسنز ڈیپارٹمنٹ ، کانٹینٹ:غیاث الدین عطاری)