اَلْحَمْدُ لِلّٰہِ عَزَّ وَجَلَّ دعوت اسلامی کا نہایت منفرد شعبہ اسپیشل پرسنز ڈیپارٹمنٹ کے تحت پاکستان بھر میں نابینا اسلامی بھائیوں کے لئے مدارس المدینہ و جامعات المدینہ قائم کئے جارہے ہیں جس میں نابیناافراد کو حفظ و ناظرہ کی تعلیم کے ساتھ ساتھ درسِ نظامی بھی کرائی جاتی ہے۔

ان اداروں میں اسٹو ڈنٹس کو مختلف سہولیات کے تعلیم بھی مفت فراہم کی جاتی ہے جس کے لئے ایک بڑی رقم درکار ہے۔

شعبہ اسپیشل پرسنز ڈیپارٹمنٹ عاشقان رسول سے ان کاموں کے لئے ڈونیشن دینے کی درخواست کرتا ہے۔

ڈونیشن جمع کروانے کے لئے بینک اکاؤنٹ دعوت اسلامی ٹرسٹ، فیصل آباد

اکاؤنٹ ٹائٹل: دعوت اسلامی ٹرسٹ

اکاؤنٹ نمبر:0859491901006204

یونیورسل نمبر: PK02MUCB0859491901006204

نوٹ: بینک میں رقم آن لائن کرواکر اپنی سلپ پر رقم کی مد (واجبہ، نافلہ کی وضاحت ک ساتھ) اس واٹس اپ نمبر پر سینڈ کریں

03418267272

تاکہ آپ کو دعوت اسلامی فنانس ڈیپارٹمنٹ کی طرف سے رسید سینڈ کی جا سکےاور رقم کو استعمال میں لایا جاسکے۔

دعوت اسلامی کے زیر اہتمام عالمی مدنی مرکز فیضان مدینہ کراچی میں 23جون 2021ء سے 11 دن پر مشتمل ”مدنی مقصد کورس“ شروع ہونے جارہا ہے۔ اس کورس میں شرکت کرنے والے اسلامی بھائیوں کو ملک و بین الاقوامی سطح پر دعوت اسلامی کا دینی کام کرنے کا طریقہ کار سکھایا جائیگا۔

داخلے کی شرائط: عمر کم از کم 25 سال ہو ٭دعوت اسلامی کے دینی ماحول سے وابستہ ہوئے 5 سال ہوچکے ہو ٭ایک ماہ کے مدنی قافلے میں کم از کم ایک مرتبہ امیر قافلہ بن چکے ہو ٭دعوت اسلامی کی تنظیمی ذمہ داری کا کم از کم علاقہ سطح کا تین سال کا تجربہ ہو ٭نگران کابینہ اور نگران زون کی طرف سے اجازت ہو۔ (نگران کابینہ اور نگران زون کے لئے متعلقہ ریجن نگران کی اجازت ضروری ہے) ٭12 ماہ دینی کاموں کے سفر (ملک و بیرون ملک) کے لئے تیار ہو۔

واضح رہے کہ داخلہ فارم جمع کروانے کی آخری تاریخ 25 فروری 2021ء ہے۔

کورس کی مزید معلومات اور داخلہ فارم کے لئے انٹر نیشنل ٹریول ڈیپارٹمنٹ کے ریجن ذمہ دار یا درج ذیل تفصیلات پر رابطہ فرمائیں:

WhatsApp:03153784755- phon:02134921394

Email: safar@dawateislami.net

5جون 2021ء کی شب عالمی مدنی مرکز فیضانِ مدینہ میں ہفتہ وار مدنی مذاکرے کا سلسلہ ہوا جس میں بانیِ دعوتِ اسلامی حضرت علامہ مولانا محمدالیاس عطار قادری دَامَتْ بَرَکَاتُہُمُ الْعَالِیَہ نے عاشقانِ رسول کو علم و حکمت سے بھرپور مدنی پھول عطا فرمائے۔ عالمی مدنی مرکز فیضانِ مدینہ کراچی میں سینکڑوں جبکہ بیشتر مقامات ہزاروں عاشقانِ رسول نے جمع ہوکر اس مدنی مذاکرے میں شرکت کی سعادت حاصل کی۔

مدنی مذاکرے کےمزید مدنی پھول ملاحظہ فرمائیں

سوال : مقامِ جِعِرَّانہ کی کیا اہمیت ہے ؟

جواب :یہ مقام مکہ شریف سے جانبِ طائف 26کلومیٹرکے فاصلے پرہے ،مقامِ جعرانہ سے تین سو(300)انبیائے کِرام نے احرام باندھاہے ،فتح مکہ کےبعدہمارے پیارےآقاصلی اللہ علیہ والہ وسلم نے طائف سے واپسی پر یہاں قیام فرمایااور28 شوال کو عمرے کا احرام باندھا۔عوام اس مقام کو بڑاعمرہ بولتے ہیں جبکہ مسجدعائشہ سے احرام باندھنے کو چھوٹا عمرہ کہتےہیں ۔حضرت شیخ عبدالوہاب متقی رحمۃ اللہ علیہ نے یہاں رات کے مختصرحصے میں سو(100)سے زائدباررسول ِکریم صلی اللہ علیہ والہ وسلم کی خواب میں زیارت کی ۔

سوال : مجھے یہ خیال آتاہے کہ میں مرجاؤں گا یا بیمارپڑجاؤں گا۔ کیاکروں؟

جواب:رکھ مولیٰ تے آس،مرنا توپڑے گا ،جو اللہ پاک کا انکارکرتاہے وہ بھی موت کا اقرارکرتاہے ،موت متفق علیہ معاملہ ہے جس سے کوئی انکارنہیں کرتا،اسی طرح انسان بیمارتو ہوتاہے ،پھرعلاج بھی کرلیتاہے ،اس میں نفسیاتی اثرلےکراپنی صحت کوکھونایہ دانشمندی نہیں ہے ۔اللہ کی رحمت پرنظررکھے ،بُرے خاتمے سےبچارہوں یہ دعاکرتارہے۔

سوال: حضرت عمربن عبدالعزیزرحمۃ اللہ علیہ کو ’’عمرِ ثانی‘‘کیوں کہاجاتاہے ؟

جواب: حضرت عمربن عبدالعزیزرحمۃ اللہ علیہ نے انصاف کا بول بالاکیا،اصلاحات کیں ،امن قائم کیا ،یزیدی دَورکا ظلم وستم دُورکیا جس سے خلافتِ حضرتِ عمرِفاروق رضی اللہ عنہ کی یادتازہ ہوگئی،چونکہ ان کا نام بھی عمرتھا اس لیے آپ کو’’ عُمرثانی‘‘ کہاجاتاہے ۔

سوال: بیان کس طرح کرنا چاہئے؟

جواب:علماوائمہ کرام اورمبلغین کو چاہئے کہ آسان بیان کریں ،مشکل الفاظ استعمال کرنے سے لوگوں کوسمجھ میں نہیں آئے گا ،اسی طرح نماز،غسل وغیرہ کے مسائل آسان اندازمیں بتاتے رہیں۔

سوال : مکتبۃ المدینہ کی نئی کتاب ’’آخری نبی (صلی اللہ علیہ وسلم) کی پیاری سیرت ‘‘کےبارے میں امیراہل سنت دامت برکاتہم العالیہ نے کیا فرمایا؟

جواب:’’آخری نبی(صلی اللہ علیہ وسلم) کی پیاری سیرت‘‘سیرت ِمصطفی کی جامع اورمختصرکتاب ہے ،اسے ہرگھرمیں ہونا چاہئے ،اس کا مطالَعہ فرمائیں ڈھیروں ڈھیر معلومات حاصل ہوں گی،دوسروں کو تحفہ دیں ،کوئی خوشی مثلاً:شادی ہو،بچے کی ولادت ہویا منگنی کا موقع ہوتو اسے تحفے میں دیں ،اپنے محلے کے امام صاحب کو پیش کریں ۔

سوال: اِس ہفتے کارِسالہ ” بادشاہ کی سڑی ہوئی لاش“ پڑھنے یاسُننے والوں کو امیرِاہلِ ِسُنّت دَامَتْ بَرَکاتُہُمُ الْعَالِیَہنے کیا دُعا دی ؟

جواب: یا اللہ پاک! جو کوئی 17 صفحات کا رسالہ ” بادشاہ کی سڑی ہوئی لاش“ پڑھ یا سُن لےاُس کے سارے گُناہ مُعاف فرمااور اُسے اپنا مقبول بندہ بناکر بے حساب مغفرت سے نواز دے ۔اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم

دعوت اسلامی کے زیر اہتمام29 مئی 2021ء کی شب  عالمی مدنی مرکز فیضان کراچی میں ہفتہ وار مدنی مذاکرے کا انعقاد کیا گیا جس میں امیر اہل سنت دَامَتْ بَرَکَاتُہُمُ الْعَالِیَہ نے عاشقان رسول کی جانب سے ہونے والے سوالات کے جوابات ارشاد فرمائے۔

مدنی مذاکرے کے مدنی پھول ملاحظہ کیجئے

سوال : ہمیں دِین ِ اسلام کی دُرست معلومات کس سے حاصل ہوں گی ؟

جواب :عاشقان ِرسول عُلماءسے ہوں گی ،عُلماءکے قدموں سے لگےرہیں ،جوعلماءفرمائیں ہمیں وہی مانناچاہئے ،علماہی رہنمائی کرسکتے ہیں ،دِین علماءسے ملے گا۔

سوال : کیا یہ دعاکرسکتےہیں کہ ”جہاں میں شادی کرناچاہتاہوں وہاں میری شادی ہوجائے“ ؟

جواب:عافیّت اسی میں ہے کہ یہ دُعاکرےکہ” جہاں میرے حق میں بہترہے وہا ں میری شادی ہوجائے“، اللہ پاک سے ہمیشہ عافیت مانگنی چاہئے ۔عافیت کا معنی ہے" سلامتی اوربہتری "۔یہ دعامانگی جائے : اَللّٰهُمَّ اِنِّي أَسْأَلُكَ الْمُعَافَاةَ فِي الدُّنْيَا وَالآخِرَةِ (اے اللہ! میں تجھ سے دنیا اور آخرت کی عافیت کا طلب گار ہوں)(سنن ابن ماجہ،حدیث:۳۸۵۱)

سوال: کیا حنفی ،شافعی ،مالکی اورحنبلی آپس میں بھائی بھائی ہیں ؟

جواب:جی ہاں ! چاروں امام برحق ہیں ،چاروں نے قرآن وحدیث سے ہی مسائل نکالے ہیں ،یہ اس درجے کے علما تھے جو قرآن وحدیث سے مسائل کااستنباط کرسکتے تھے،یعنی نکال سکتے تھے ،ان میں یہ صلاحیت تھی ،مجتہد کی تعریف اِن پر پوری اُترتی تھی ،یہ مجتہدِ مُطلق تھے ،اسی لیے ہم چاروں کو مانتے ہیں ،جو قرآن وحدیث سے مسائل نہ نکالے ہم اسے مانتے ہی نہیں ،اعلیٰ حضرت امام احمدرضا خان رحمۃ اللہ علیہ بڑے وسیع الظرف تھے ،آپ فرماتےہیں:’’ یہ چاروں اماموں کے ماننے والے آپس میں سگے بھائی ہیں ۔‘‘ہاں ایک بات یادرہے! پیروی ان میں سے ایک امام کی ہی کرنی ہے ۔ہم حنفی ہیں تو صرف حنفی ہیں۔

سوال: لوگ نشے کے عادی کیوں ہوجاتے ہیں ؟

جواب:عام طورپر بُری صحبت سے لوگ نشے میں مبتلاہوجاتے ہیں ،والدین کوچاہیے کہ بچوں کو بُری صحبت کی نفرت دلائیں ۔

سوال: سنت پرعمل کرنے میں کیافائدہ ہے؟

جواب: سنت میں عظمت ہے، ہر سنت جنت میں لے جانے والی ہے، ہر سنت میں حکمت اور فائدہ ہے ۔

سوال : ایک ہے جذبہ اور دوسرا ہے جذباتی ہونا ،اس میں کیا فرق ہے؟

جواب :٭جذبہ اچھا بھی ہوتا ہے بُرا بھی ، نیک کاموں کا جذبہ اچھا ہے اور اسے بڑھنا چاہیےجیسے: ’’نیک اعمال‘‘ رسالہ کا مطالعہ کرنے، اس کے خانے پُرکرنے سے نیک اعمال کرنے کا جذبہ بڑھےگا۔٭گناہوں کا جذبہ بُرا ہوتا ہے، گناہوں سے بچنے کےلیے ان کے عذابات کا مطالعہ کریں، بُری صحبت کومکمل چھوڑ دیں ۔ جذباتی ہونایہ بھی دو طرح سے ہے ،ایک یہ کہ ٭شریعت کے خلاف کوئی بات دیکھی اور جذبات مشتعل ہوگئے پر شریعت کی حد نہیں توڑی تو اچھا ہے، لیکن اگرحد توڑی تو بُرا ہے، اس میں اعتدال ہونا چاہیے،٭اور دوسرا ہے اپنی طبیعت کے خلاف چیز دیکھ کر جذباتی ہونا ، اکثر یہی ہوتا ہے لوگوں کی طبیعت کے خلاف کچھ ہوجائے تو وہ جذبات میں آجاتے ہیں بعض اپنے آپ کو مارتے، اپنی چیزیں توڑ دیتے ہیں،یہاں تک کہ خودکشی بھی کردیتے ہیں، جرم کرکے جیل میں چلے جاتے ہیں، طلاق دے کر گھر تباہ کر لیتے ہیں،اپنے آپ کو دنیا میں آزمائش ڈالتے ہیں اور آخرت میں بھی تباہ کرلیتے ہیں۔

سوال : کیانمازنہ پڑھنے سے بھی تنگدستی آتی ہے ؟

جواب :جی ہاں! ہمیشہ نمازجماعت کے ساتھ پڑھنے سے نیک بختی اورتونگری(یعنی دولت مندی)کی برکت حاصل ہوتی ہے ،بدبختی اورمفلسی(یعنی غربت)دوربھاگتی ہے اورجماعت ترک کرنے نیزبالکل نمازنہ پڑھنے سے برکت ختم ہوجاتی ہے۔( فیضانِ نماز ،ص443)

سوال : خارش ہونے کی کیاکیا وجوہات ہیں ؟

جواب:انڈا، مرغی ، گوشت وغیرہ زیادہ کھانے،نیز کھانے پینے میں بے احتیاطی کرنے، بدن کی صفائی کا خیال نہ رکھنے وغیرہ سے خارش ہوسکتی ہے ،اس سے بچنے کے لیے روزانہ غسل کریں ، صرف پانی ڈالنے کے بجائے اچھا صابن ایک دو منٹ لگا کر رکھیں اوراس کے بعد بدن کوخوب مَلیں۔

سوال: مسلمان اپنا کھویا ہوا عروج کیسے حاصل کرسکتےہیں ؟

جواب:عروج کھونے کے اسباب پر غور کریں، مسلمان 313 ہوکر میدانِ بدر میں کامیاب ہوئے جبکہ دشمن ناکام ہوا، مسلمانوں کے پاس جذبۂ ایمانی کا ہتھیار تھا، جیسے جیسےجذبہ ٔایمانی کا ہتھیار کُند(ناکارہ) ہوتا گیا دشمن غالب آتاگیا، مسلمان عروج چاہتے ہیں تو نمازی بن جائیں، دین پرعمل کریں، اللہ کا نام لیں، مایوس نہ ہوں ، اسلامی بہنیں بھی توبہ کریں، سب نیک پرہیزگار، عبادت گزار ، بااخلاق اور ایک دوسرے کے ہمدرد بن جائیں۔ دعوتِ اسلامی مسلمانوں کو عروج دلانے والے کاموں کی دعوت دیتی ہے۔

سوال : جولوگ مختلف پرندے ،جانوروغیرہ پالتے ہیں ،وہ کس بات کا خیال رکھیں ؟

جواب:جولوگ مختلف پرندے ،جانوروغیرہ پالتے ہیں ان پرلازم ہے کہ ان پرندوں اورجانوروں سے بے توجہی نہ کریں، موسمی اثرات سے بچائیں، مکمل خوراک اورپانی دیں، ورنہ آخرت میں پکڑ ہوسکتی ہے۔

سوال: اِس ہفتے کارِسالہ ” اپنی پریشانی ظاہر کرنا کیسا؟ ‘‘پڑھنے یاسُننے والوں کو امیرِاہلِ ِسُنّت دَامَتْ بَرَکاتُہُمُ الْعَالِیَہ نے کیا دُعا دی ؟

جواب: یا اللہ پاک جو کوئی 17 صفحات کا رسالہ ” اپنی پریشانی ظاہر کرنا کیسا؟ “ پڑھ یا سن لے، اُسے اپنی رِضا کے لئے مصیبتوں پر صبر اور بہت زیادہ اجر عطا کر اور اُسے جنّت الفردوس میں اپنے پیارے نبی حضرت ایوب علیہ السَّلام کا پڑوس نصیب فرما۔اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم

عاشقان رسول کی دینی تحریک دعوت اسلامی کے شعبہ اسپیشل پرسنز ڈیپارٹمنٹ کے تحت مدنی مرکز فیضان مدینہ کالا باغ ضلع میانوالی مدرسۃ المدینہ (رہائشی برائے نابینا افراد )قائم کردیا گیا ہےجس میں داخلے کا سلسلہ جاری ہے۔

اس مدرسۃ المدینہ میں نابینا افراد کو قرآن پاک حفظ کروایا جائیگا۔

داخلے کے خواہشمند اسلامی بھائی اور مزید تفصیلات کے لئے ان نمبرز پر رابطہ کریں:

03070443772-03062625312-03122942526

دعوت اسلامی کے شعبہ دار الافتاء اہلِ سنت کے علماء و مفتیان کرام عاشقان رسول کی شرعی رہنمائی کے لئے وقتاً فوقتاً Facebook پیجز پر لائیو آتے رہتے ہیں۔

اسی سلسلے میں آج مورخہ 9 جون 2021ء رات 8:00 بجے دار الافتاء اہلِ سنت کے مولانا محمد سعید عطاری مدنی صاحب مدنی چینل کے آفیشل FacebookپرLive ہونگے جس میں عاشقان رسول اپنے سوالات کے ذریعے شرعی مسائل کا حل جان سکیں گے ۔

اس سلسلے میں شرکت کرنےکے لئے اس لنک پر کلک کیجئے:

https://www.facebook.com/MadaniChannelOfficial

آج دنیا بھر میں دعوت اسلامی کے زیرِ اہتمام ہفتہ وار سنتوں بھرے اجتماع کا انعقادکیا جائیگا۔ان اجتماعات میں اراکینِ شوریٰ اور دیگر مبلغین دعوت اسلامی سنتوں بھرے بیانات فرمائیں گےجبکہ تلاوت، نعت، اجتماعی ذکر اور رقت انگیز دعاکا بھی سلسلہ ہوگا۔

تفصیلات کے مطابق مدنی چینل پر 9:30 بجے ہفتہ وار سنتوں بھرے اجتماع کا آغاز ہوگاجس میں مرکزی مجلس شوریٰ کے رکن حاجی محمد اظہر عطاری ”میرے آقا کا خُلقِ عظیم“ کے موضوع پر سنتوں بھرا بیان فرمائیں گے۔

اس کے علاوہ رضائے مصطفٰے مسجد کورنگی نمبر 4 میں نگران کراچی ریجن و رکن شوریٰ حاجی محمد امین عطاری سنتوں بھرا بیان فرمائیں گے۔

واضح رہے کہ دعوتِ اسلامی کے اجتماعات ڈویژن سطح پر منعقد کئےجارہے ہیں، تمام عاشقانِ رسول اپنے ڈویژن میں ہونے والے ہفتہ وار اجتماع میں شرکت فرمائیں اور علم دین سے اپنے سینوں کو منور فرمائیں۔

دعوتِ اسلامی کے زیر اہتما م  گزشتہ دنوں عالمی  مجلس مشاورت اور  بین الاقوامی امور کی اسلامی بہنوں کا کراچی ریجن میں مدنی مشورہ ہوا
جس میں بیرون ملک کی اراکین اسلامی بہنوں نے بذریعہ زوم ایپ شرکت کی ۔

اس مدنی مشورےمیں اسلامی بہنوں کو دینی کام کرنے کےحوالے سےاہم نکات بتائےگئےاور اسلامی بہنوں کو تنظیمی ذمہ داری دینے کےحوالے سے مدنی پھول دیئے نیزہر سطح پر تقرریاں مکمل کرنے کاذہن دیا اور کورسز کروانے کےاہداف دیئے جس پر اسلامی بہنوں نےاچھی نیتوں کااظہار کیا۔

دعوت اسلامی کے   شعبہ مدرسۃالمدینہ بالغات کے زیر اہتمام گزشتہ دنوں کراچی ریجن کی کابینہ میمن گوٹھ میں تربیتی سیشن کاانعقادہوا جس میں مدرسۃالمدینہ بالغات کی ذمہ دار اسلامی بہنوں نے شرکت کی ۔

کورسز مشاورت کی ذمہ دار اسلامی بہن نے 5 درجات کاجائزہ لیتے ہوئے مدرسہ کی کارکردگیوں کاجائزہ لیا اور طالبات کو نماز اور وضو کا عملی طریقہ سکھایا نیز انہیں مدرسہ بالغات میں بہتری کے حوالے سے نکات بتائےجس سے طالبات میں مزید جذبہ پیدا ہوا اور انھوں نے نئی طالبات کو لانے کی نیتیں پیش کیں۔

دعوتِ اسلامی کے   شعبہ مدرسۃالمدینہ بالغات کے تحت گزشتہ دنوں پاکستان کورسز مشاورت ذمہ دار اسلامی بہنوں کا بذریعہ اسکائپ مدنی مشورے کاانعقادہوا جس میں پورے پاکستان کی ریجن کورسز ذمہ دارا اور کورسز ناظمات نے شرکت کی ۔

پاکستان سطح کی کورسز مشاورت ذمہ دار اسلامی بہن نے 21 جولائی 2021ءسے شروع ہونے والے ناظرہ قراٰن کورس کی مدرسات کی تربیت ومقام اور مدنی قاعدہ کورس کی تفتیش سند اجتماعات کے حوالے سے نکات بتائے ۔ ساتھ ہی مکمل ہونے والے ناظرہ و فیضان تجوید قراٰن کورس کے درجات کی تفتیش 26 جون 2021ءتک مکمل کرنے کا ہدف بھی دیا۔

دعوتِ اسلامی کے شعبہ علاقائی دورہ للبنات کے تحت گزشتہ دنوں جھنگ زون میں ماہانہ مدنی مشورے کاانعقادہوا جس میں علاقائی دورہ کابینہ ذمہ داراسلامی بہنوں نے شرکت کی۔

علاقائی دورہ ذمہ دار اسلامی بہن نےاسلامی بہنوں کی گزشتہ کارکردگیوں کاجائزہ لیتے ہوئے ماہانہ کارکردگی اور جدول کارکردگی وقت پر جمع کروانے کی ترغیب دلائی نیز ہر ماہ 2 ڈویژن کا جدول بناکر ذمہ داراسلامی بہنوں کے ساتھ نیکی کاسلسلہ کرنے اور ان کی تربیت کرنے کی ترغیب دلائی جبکہ تقرریوں کو مکمل کروانے کے حوالے سے نکات بتائےجس پر اسلامی بہنوں نےاچھے جذبات کااظہار کیا۔

دعوت ِاسلامی کےزیر اہتمام  کراچی گلشن کابینہ میں ماہانہ مدنی مشورے کا انعقاد ہواجس میں کابینہ نگران و مشاورت اور ڈویژن نگران و مشاورت کی ذمہ داران اسلامی بہنوں نے شرکت کی ۔

کابینہ نگران اسلامی بہن نے’’ کامیابی ‘‘کے موضوع پر بیان کیا اور اسلامی بہنوں کو دعوتِ اسلامی کو اپنائے رکھنے، گھر درس دینے نیز نیکی کی دعوت دینے کے کا ذہن دیا مزید روزانہ اپنے اعمال کا جائزہ لیتے ہوئے ہر ماہ اصلاح ِاعمال کا رسالہ پُر کر کےذمہ دار اسلامی بہن کو جمع کروانے کی ترغیب دلائی نیز ڈونیشن جمع کرنے میں گلشن کابینہ کی بہترین پوزیشن پر ان کی حوصلہ افزائی کی اس کے بعد کابینہ مشاورت اسلامی بہنوں اسی دوران رسالہ کارکردگی کی انٹری کرنے،مدنی مذاکرہ دیکھنے اور کارکردگی وقت پر دینے کےحوالے سے مدنی پھول دیئے ۔