دعوتِ اسلامی کے تحقیقی اور علمی شعبے المدینۃ العلمیہ کے تحت 9 مئی 2022ء بروز پیر عالمی مدنی مرکز فیضانِ مدینہ کراچی میں قائم برانچ میں ذیلی شعبے شب و روز کے اسلامی بھائیوں کی میٹنگ منعقد ہوئی۔

دورانِ میٹنگ مرکزی مجلسِ شوریٰ کے رکن مولانا حاجی ابو ماجد محمد شاہد عطاری مدنی نے اسلامی بھائیوں سے گفتگو کرتے ہوئے دعوتِ اسلامی کے شب و روز کی ویب سائٹ کےحوالے سے چند اہم نکات پر مشاورت کی نیز شعبے میں ترقی کے لئے مدنی پھولوں سے بھی نوازا۔اس کے علاوہ رکنِ شوریٰ نے اسلامی بھائیوں سے سابقہ کارکردگیوں کا فالواپ لیا اور مزید احسن انداز میں شعبے کے کام کو کرنے کا ذہن دیا۔

آخر میں رکنِ شوریٰ نے اسلامی بھائیوں کی ہر ماہ مختلف موضوعات پر مضامین لکھنے کے حوالے سے ذہن سازی کی جس پر انہوں نے اچھی اچھی نیتیں کیں۔(کانٹینٹ:غیاث الدین عطاری) 

گزشتہ دنوں ڈائریکٹر پنجاب اسمبلی سجاد احمد صدیقی، controller PTV محمد عمران صدیقی اور جنرل کونسلر شوکت صدیقی کی والدہ کے ایصالِ ثواب کے لئے پتوکی میں سنتوں بھرا اجتماع ہوا جس میں شخصیات سمیت دیگر عاشقانِ رسول کی شرکت رہی۔

اس اجتماعِ پاک میں مرکزی مجلسِ شوریٰ کے رکن حاجی یعفور رضا عطاری نے ’’وفات کے بعد والدین کے حقوق کیا ہیں؟‘‘ کے موضوع پر سنتوں بھرا بیان کرتے ہوئے اسلامی بھائیوں کی تربیت کی۔اس موقع پر مفتی رمضان سیالوی صاحب (خطیب داتا دربار لاہور) بھی موجود تھے۔(رپورٹ:علی ریاض عطاری تحصیل ذمہ دار سکیورٹی ڈیپارٹمنٹ، کانٹینٹ:غیاث الدین عطاری)

6 مئی2022ء بروز جمعہ پاکستان کے شہرپتوکی میں دعوتِ اسلامی کے زیرِ اہتمام فیضان اسلامک اسکول سسٹم کی افتتاحی تقریب منعقد کی گئی جس میں مقامی ذمہ داران(جن میں ڈسٹرکٹ نگران حاجی محمد نعیم خان عطاری،تحصیل نگران مولانا فیضان عطاری مدنی ) اور سرپرستوں سمیت مختلف شخصیات  نے شرکت کی۔

اس تقریب میں مرکزی مجلسِ شوریٰ کے رکن حاجی یعفور رضا عطاری نے سنتوں بھرا بیان کرتے ہوئےوہاں موجود عاشقانِ رسول کو بچوں کی اخلاقی تربیت کرنے کے لئے دینی ادارے بنانے کی اہمیت و ضرورت بیان کی۔

اس موقع پر مفتی محمد رمضان سیالوی صاحب(خطیب داتا دربار لاہور) کی بھی تشریف آوری ہوئی، اس دوران انہوں نے دعوتِ اسلامی کی دینی و فلاحی خدمات کو سراہتے ہوئے اپنی نیک خواہشات کا اظہار کیا۔(رپورٹ:علی ریاض عطاری تحصیل ذمہ دار سکیورٹی ڈیپارٹمنٹ ، کانٹینٹ:غیاث الدین عطاری)

دعوتِ اسلامی کے زیرِ اہتمام پچھلے دنوں پتوکی میں قائم  فیضان اسلامک اسکول سسٹم میں مدنی مشورے کا انعقاد ہوا جس میں مقامی ذمہ دار اسلامی بھائیوں سمیت نگران ڈویژن مشاورت مولانا نصیر عطاری مدنی نے شرکت کی۔

اس مدنی مشورے میں تحصیل نگران مولانا فیضان عطاری مدنی نے اسلامی بھائیوں سے گفتگو کرتے ہوئے دعوتِ اسلامی کے 12 دینی کاموں کی کارکردگی کا جائزہ لیا اور شعبہ جات کے لئے ہونے والے عطیات میں اپنا ہدف پورا کرنے کا ذہن دیا۔

اس کے علاوہ دعوتِ اسلامی کے تحت سفر کرنے والے مدنی قافلوں اور 6 مئی 2022ء کو فیضان اسلامک اسکول سسٹم کے افتتاح معاملات کے حوالے سے اہم نکات پر مشاورت کی۔

واضح رہے اس افتتاح کے موقع پر مرکزی مجلسِ شوریٰ کے رکن حاجی یعفور رضا عطاری سنتوں بھرا بیان کریں گے۔(رپورٹ:علی ریاض عطاری تحصیل ذمہ دار سکیورٹی ڈیپارٹمنٹ، کانٹینٹ:غیاث الدین عطاری)

دعوتِ اسلامی کے زیرِ اہتمام 9 مئی 2022ء بروز پیر ضلع مظفر گڑھ کی تحصیل علی پور میں قائم  وکلاء بار ایسوسی ایشن میں عاشقانِ رسول کی تربیت کے لئے ایک تربیتی سیشن کا انعقاد ہوا جس میں صدر اور جنرل سیکرٹری سمیت دیگر سینئر و جونیئر وکلا کی شرکت رہی۔

دورانِ سیشن رکنِ مرکزی مجلسِ شوریٰ حاجی یعفور رضا عطاری نے ’’اسلام میں حقوق العباد کی اہمیت‘‘ کے موضوع پر سنتوں بھرا بیان کیا اور وہاں موجود عاشقانِ رسول کی دینی و اخلاقی اعتبار سے تربیت کی نیز انہیں دعوتِ اسلامی کے دینی ماحول سے وابستہ ہونے کا ذہن دیا۔(رپورٹ:غلام یاسین عطاری دفتر ذمہ دار، کانٹینٹ:غیاث الدین عطاری)

گزشتہ دنوں دعوتِ اسلامی کے مدنی مرکز فیضانِ مدینہ آفندی ٹاؤن حیدر آباد میں بذریعہ انٹر نیٹ میٹنگ ہوئی جس میں بھنبھور ڈویژن کے نگران، ڈسٹرکٹ نگران اور مختلف شعبہ جات کے اسلامی بھائیوں نے شرکت کی۔

اس میٹنگ میں دعوتِ اسلامی کی مرکزی مجلسِ شوریٰ کے رکن حاجی قاری محمد ایاز عطاری نے اب تک ہونے والی عطیات کی کارکردگیوں کا جائزہ لیا اور 13 مئی 2022ء کوسفر کرنے والے ایک ماہ کے مدنی قافلے کی تیاریوں کے حوالے سےگفتگو کی۔

اس کے علاوہ رکنِ شوریٰ نے ذمہ داران کو 20 مئی 2022ء کو انٹیر ئیر سندھ سے بیرونِ ملک مدنی قافلے سفر کروانے کے متعلق اہداف دیئے جس پر انہوں نے اچھی اچھی نیتوں کا اظہا رکیا۔(کانٹینٹ:غیاث الدین عطاری)

  دعوتِ اسلامی کی جانب سے 7 مئی2022ء بروز ہفتہ پاکستان کے شہر خیبر پختونخواہ میں مدنی مشورہ ہوا جس میں بنوں شہر کی جملہ ذمہ دار اسلامی بہنوں نے شرکت کی۔

پاکستان مجلس مشاورت نگران اسلامی بہن نے ’’اسلاف کی دین کی خاطر قربانی دینا ‘‘ اس موضوع پر مبنی سنتوں بھرا بیان کیا، دوران بیان دینی کاموں میں آنے والے مسائل پر صبر کر کے دینی کاموں کو بڑھانے کا ذہن دیا۔

مدنی مشورے میں ہفتہ وار رسالہ کارکردگی کی اہمیت بیان کر کے اس کی کارکردگی بڑھانےاور مبلغات و معلمات بڑھانے کے لئے درس و بیان کے حلقے لگانے کی ترغیب دلائی گئی۔ مزید اسلامی بہنوں کے مسائل سن کر ان کا حل بتایا گیا۔آخر میں مختلف دینی کاموں کے اہداف بھی دیئے گئےجس پر ذمہ داراسلامی بہنوں نے اچھی اچھی نیتوں کا اظہار کیا۔

٭اسی طرح 8مئی 2022ء بروز اتوار پاکستان مجلس مشاورت نگران اسلامی بہن نے کوہاٹ شہر کی جملہ ذمہ داراسلامی بہنوں کا مدنی مشورہ لیا جس میں مبلغہ دعوت ِ اسلامی نے اسلامی بہنوں کی دینی کام کرنے کے حوالے سے تربیت کی ۔

دعوتِ اسلامی کے تحت   6 مئی 2022ء بروز جمعہ ڈیرہ اسماعیل خان شہر کے علاقے ڈیرہ سٹی میں شخصیات اجتماع ہوا جس میں شخصیات خواتین نے شرکت کی۔

پاکستان مجلس مشاورت نگران اسلامی بہن نے آخرت کی تیاری کا ذہن دیتے ہوئے اسلامی بہنوں کو دینی ماحول سے وابستہ رہنے کی ترغیب دلائی نیز دعوتِ اسلامی کا تعارف بیان کر کے سنتوں بھرے اجتماع و دیگر دینی کاموں میں حصہ لینے کا ذہن دیا جس پر شخصیات خواتین نے اچھی اچھی نیتوں کا اظہار کیا۔

دعوتِ اسلامی کے زیر اہتمام   6 مئی 2022ء بروز جمعہ پاکستان مجلس مشاورت نگران اسلامی بہن نے ڈیرہ اسماعیل خان شہر کی جملہ ذمہ داراسلامی بہنوں کا مدنی مشورہ لیا جس میں مبلغہ دعوت ِ اسلامی نے’’اسلاف کی دین کی خاطر قربانیاں ‘‘ پر مبنی سنتوں بھرا بیان کیا۔

مدنی مشورے میں کارکردگی شیڈول، ماہانہ کارکردگی وقت پر جمع کروانے، ماتحتوں سے وصول کرنے اور مدنی مشوروں میں پابندی سے شرکت کرنےنیز 8 دینی کاموں کو مضبوط کرنے اور درس و بیان کے حلقے لگانے کی ترغیب دلائی ۔اس کے علاوہ دینی کاموں کے لئے آئندہ کے اہداف بھی دیئے۔

5 مئی 2022 بروز جمعرات اسلامی بہنوں کے شعبہ اصلاح اعمال کے تحت یوکے میں ماہانہ مدنی مشورہ بذریعہ انٹرنیٹ ہوا جس میں7 ریجن سطح کی ذمہ داراسلامی بہنوں نے شرکت کی ۔

شعبہ اصلاح اعمال پر مقرر رکن عالمی مجلس مشاورت ذمہ دار اسلامی بہن نے شعبہ اصلاح اعمال کے 2022ءTarget کو achieve کرنے کے حوالے سے رہنمائی کی نیز اس شعبے کے کام کو مزید بڑھانے اور کارکردگی کا follow up رکھنے کے حوالے سے ترغیب دلائی ۔ اس کے بعد اجتماع پاک میں شرکت کرنے والی اسلامی بہنوں کو عاملات نیک اعمال بنانے پر نکات بتائے۔اس کے ساتھ ساتھ متعلقہ ذمہ داران کی طرف سے کئے گئے سوالات کے جوابات دیئے ۔

مزید اسلامی بہنوں کے مدرسۃ المدینہ بالغات میں جاکر طالبات اسلامی بہنوں کو نیک اعمال کے رسالے کے مطابق زندگی گزارنے کا ذہن دیاجائے اس کا ہدف دیا۔

جشن ولادت اعلیٰ حضرت امام احمد رضا خان علیہ الرحمہ کے موقع پر افتتاح بخاری کا سلسلہ ہوگا

”دورۃ الحدیث“ درسِ نظامی (عالم کورس)کی وہ عظیم کلاس ہے جس میں طلبائے کرام کو احادیث رسول ﷺ پڑھنے کا موقع ملتا ہے۔اس کلاس کے آغاز میں صحاح ستہ کی سب سے بڑی کتاب ”بخاری شریف“ کے افتتاح اور سال کے آخر میں ختمِ بخاری کے لئے تقریب کا انعقاد کیا جاتا ہے۔

ہر سال کی طرح اس سال بھی جشن ولادت اعلیٰ حضرت امام احمد رضا خان علیہ الرحمہ کے موقع پر 10 شوال المکرم 1443ھ بمطابق 12مئی 2022ءبروز جمعرات صبح 8:30 بجے عالمی مدنی مرکز فیضان مدینہ کراچی میں ”افتتاح بخاری“کے لئے پُر وقار تقریب کا انعقاد کیا جائیگا۔ اس تقریب میں دورۃ الحدیث شریف کراچی کے طلبائے کرام براہ راست جبکہ دیگر مقامات پر قائم دورۃ الحدیث کے طلبہ بذریعہ مدنی چینل شریک ہونگے۔

افتتاح بخاری میں شیخ طریقت امیر اہلسنت علامہ محمد الیاس عطار قادری دامت بَرَکَاتُہمُ العالیہ بخاری شریف کی پہلی حدیث پڑھ کر اس کی تشریح بیان فرمائیں گے۔

واضح رہے کہ اس پروگرام کو مدنی چینل پر بھی براہ راست نشر کیا جائیگا۔

نگران عالمی مجلس مشاورت اسلامی بہن  نے 2 مئی 2022ء کو مدینہ پاک میں ہونے والے اصلاحِ اعمال اجتماع میں بذریعہ انٹر نیٹ سنتوں بھرا بیان کیا جس میں ذمہ داراسلامی بہنوں نے شرکت کی۔

مدنی مشورے میں اسلامی بہنوں کو دینی کام کرنے کی ترغیب دلائی گئی نیز اپنے شیڈول کو مینج کرنے کا ذہن دیا گیا اور دینِ متین کی خدمت ایک اہم سعادت ہے اس لئے خوش اسلوبی کے ساتھ دینی کاموں میں بہتری لانے کی ترغیب دلائی گئی۔