دعوتِ اسلامی کے شعبہ ڈونیشن بکس للبنات  کے تحت 28 ستمبر 2021 ءکو ریجن مشاورت ذمہ دار اسلامی بہن نے کراچی گوادر زون حب کابینہ کی 2 ڈویژنز کی ذیلی تا زون سطح تک کی ذمہ دارن اسلامی بہنوں کا بذریعہ کال مدنی مشورہ لیا جس میں ماہانہ کارکردگی کافالواپ کیا ۔اس کےعلاوہ بروقت کارکردگی جدول جمع کروانے کاذہن دیااور صدقہ بکس کی رجسٹریشن کرنے نیز ڈونیشن بکس کا کوڈ وائز ڈیٹا مکمل کرنےکاذہن دیا۔

دعوتِ اسلامی کے شعبہ روحانی علاج للبنات کے تحت گزشتہ دنوں کراچی  ساؤتھ زون 2 سائٹ ایریا کابینہ میں تربیتی اجتماع کا انعقاد ہواجس میں 20 اسلامی بہنوں نے تربیت حاصل کی۔

زون ذمہ دار اسلامی بہن نےاسلامی بہنوں کو بستہ مشاورت بڑھانے اور نئے بستے کھولنے کےحوالے سے نکات بتائےنیز انہیں نئےبستہ کھولنےکےاہداف بھی دیئےاورشعبے کےدینی کام کرنےکے متعلق مدنی پھول بھی دیئے۔ کورس کےآخری دن ریجن مشاورت ذمہ دار اسلامی بہن نے اسلامی بہنوں کی حوصلہ افزائی کرتے ہوئےانہیں تحائف بھی پیش کئے۔

دعوت ِاسلامی کے شعبہ کفن دفن للبنات کے تحت کراچی گوادر زون کی لسبیلہ کابینہ میں  مدنی مشورےکاانعقادہوا جس میں کابینہ اور ڈویژن ذمہ دار سمیت تقریباً 52 اسلامی بہنوں نے شرکت کی ۔

ریجن ذمہ دار اسلامی بہن نے شعبے کےدینی کام کا تعارف پیش کرتےہوئےاسلامی بہنوں کوشعبے کےدینی کام کرنےکےحوالےسے ذمہ داریاں دیں اور انہیں کفن دفن اجتماعات کرنے کا طریقہ سیکھا یا۔ اس کے ساتھ ہی کتاب تجہیزوتکفین کاطریقہ پڑھنے اور اس سے ٹیسٹ دینے کاہدف بھی دیا جس پر اسلامی بہنوں نے اچھی نیتوں کااظہارکیا۔

دعوتِ اسلامی کے شعبہ دارالسنہ للبنات کے تحت  29ستمبر 2021ءبروز بدھ کو پاکستان کے شہرراولپنڈی میں بذریعہ انٹر نیٹ مدنی مشورے کا انعقادہوا جس میں( کراچی ، ملتان ، حیدرآباد ، سرگودھا ، فیصل آباد ، اوکاڑہ اور گجرات )میں آٹھ دینی کام کورس کرنے والی اسلامی بہنوں نے شرکت کی ۔پاکستان نگران اسلامی بہن نےاسلامی بہنوں کو ہفتہ وار سنتوں بھرے اجتماع کے نکات سمجھائے ۔

اسی طرح پاکستان کے شہرراولپنڈی کینٹ کابینہ کے ذیلی حلقے بینکرز کالونی میں ہفتہ وار سنتوں بھرےاجتماع کاانعقادہواجس میں مبلغہ ٔ دعوت اسلامی نے سنتوں بھرا بیان کیا اور پاکستان نگران اسلامی بہن نے اسلامی بہنوں کو دینی کام کرنےکاذہن دیتےہوئے دعا بھی کروائی ۔

کراچی(اسٹاف رپورٹر) دعوتِ اسلامی کے زیر اہتمام  ہر جمعرات کو بعد نمازِ مغرب /بعض مقامات پر بعدِ عشاء ہفتہ وار سنتوں بھرے اجتماعات کا انعقاد کیا جاتا ہے۔ اسی سلسلے میں آج بھی دنیا بھر میں ہفتہ وار اجتماعات منعقد کئے جائیں گے۔ تفصیلات کے مطابق عالمی مدنی مرکز فیضانِ مدینہ کراچی میں بعدِ عشاء تقریباً 9 بجے ہفتہ وار اجتماع شروع ہوجائے گا جس میں دعوتِ ا سلامی کی مرکزی مجلس شوریٰ کے نگران مولانا حاجی محمد عمران عطاری مدنی مُدَّظِلُّہُ الْعَالِی خصوصی بیان فرمائیں گے اور استقبالِ ماہِ ربیع الاول کے حوالے سے گفتگو فرمائیں گے۔

تمام عاشقانِ رسول سے گزارش کی جاتی ہے کہ آپ بھی اپنے شہر میں ہونے والے سنتوں بھرے اجتماع میں ضرور شرکت فرمائیں۔ آپ کے قریب میں ہفتہ وار سنتوں بھرا اجتماع کہاں ہوتا ہے یہ جاننے کے لئے درج ذیل لنک پر کلک کیجئے۔

https://www.dawateislami.net/map/ijtema

امیراہل سنّت دَامَتْ بَرَکَاتُہُمُ الْعَالِیَہ کی جانب سے عطاکردہ

ہفتہ وار رسالہ

اٹھانوے 98 سنتیں اور آداب

اِس رسالے کی چندخصوصیات:

٭دیدہ زیب ودِلکش سرورق (Title) وڈیزائننگ (Designing) ٭عصرحاضرکے تقاضوں کے پیشِ نظرجدید کمپوزنگ وفارمیشن ٭عبارت کے معانی ومفاہیم سمجھنے کیلئے ’’علاماتِ ترقیم‘‘(Punctuation Marks) کا اہتمام ٭اُردو، عربی اور فارسی عبارتوں کو مختلف رسم الخط (Fonts)میں لکھنے کا اہتمام ٭پڑھنے والوں کی دلچسپی برقرار رکھنے کیلئے عنوانات (Headings) کا قیام ٭بعض جگہ عربی عبارات مع ترجمہ کی شمولیت ٭آیات کے ترجمہ میں کنزالایمان کی شمولیت ٭حسب ضرورت مشکل اَلفاظ پر اِعراب اور بعض پیچیدہ اَلفاظ کے تلفظ بیان کرنے کا اہتمام ٭قرآنی آیات مع ترجمہ ودیگر تمام منقولہ عبارات کے اصل کتب سے تقابل(Tally) کا اہتمام ٭آیات، اَحادیث،توضیحی عبارات، فقہی جزئیات کےحوالوں (References) کا خاص اہتمام ٭ اغلاط کوکم سے کم کرنے کےلئے پورے رسالے کی کئی بار لفظ بہ لفظ پروف ریڈنگ۔

17صفحات پر مشتمل یہ رسالہ2021ءمیں اردو زبان کے1st ایڈیشن میں63ہزار500 کی تعداد میں پرنٹ ہو چکا ہے۔

مکتبۃ المدینہ کی کسی بھی شاخ سے18روپے ہدیۃ پر حاصل کیجئے اوردوسرو ں کو بھی ترغیب دلائیے۔

اس رسالے کی PDF دعوتِ اسلامی کی ویب سائٹ سے مفت ڈاؤن لوڈ بھی کی جاسکتی ہے۔

Download Now

دعوت اسلامی کے جامعات المدینہ سے سال 2021ء میں 1040 طلبہ کرام نے درسِ نظامی (عالم کورس) مکمل کرنے کی سعادت حاصل کی۔

اس سلسلے میں کراچی، حیدر آباد، اوکاڑہ، ملتان، فیصل آباد، لاہور، گوجرانوالہ، گجرات اور اسلام آباد میں دستار فضیلت اجتماعات کا انعقاد کیاگیا جن میں نگران شوریٰ حاجی مولانا محمد عمران عطاری، اراکین شوریٰ، مفتیان کرام، علمائے کرام، اساتذۂ کرام، طلبہ اور ان سرپرستوں کے ساتھ ساتھ دیگر عاشقان رسول نے ہزاروں کی تعداد میں شرکت کی۔

عالمی مدنی مرکز فیضان مدینہ کراچی میں بھی جامعات المدینہ سے عالم کورس مکمل کرنے والے طلبۂ کرام کی دستار بندی کے سلسلے میں تقریب کا اہتمام کیا گیا۔ تقریب کا آغاز تلاوت قرآن مجید اور نعت رسول مقبول صلَّی اللہ علیہ واٰلہٖ وسلَّم سے ہوا۔

شیخ طریقت امیر اہلسنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے طلبہ کرام اور عاشقان رسول سے گفتگو کرتے ہوئے فرمایا کہ علماء انبیائے کرام کے وارث ہیں ، امت کی کشتی علما کے ہاتھ میں ہے، طلبہ اپنے اخلاق و کردار کو ستھرا کریں۔

امیر اہلسنت دَامَتْ بَرَکَاتُہُمُ الْعَالِیَہ کا مزید کہنا تھا کہ اللہ پاک علمائے اہلسنت کا سایہ ہمارے سروں پر دراز کرے، علمائے کرام دین کی اہم اساسہ ہیں، عالم بڑی اہمیت کا حامل ہوتا ہے کیونکہ اللہ کی صفت عابد نہیں ہے بلکہ اللہ پاک کی صفت عالم ہے، ہر نبی اپنی اپنی قوم میں سب سے بڑے عالم ہوتے ہیں، پیارے آقا صلَّی اللہ علیہ واٰلہٖ وسلَّم ساری مخلوق میں سب سے بڑے عالم ہیں، عابد اور عالم کا مقام جدا جدا ہے، ہر نبی بے شک عابدبھی تھے لیکن اس کے ساتھ ساتھ زبر دست عالم بھی تھےتو اللہ پاک عابد نہیں ہےبلکہ وہ عالم ہے، اس سے بھی عالم کی فضیلت واضح ہے ، عالم بہت بڑی ہستی کو کہا جاتا ہے۔

اس تقریب میں مرکزی مجلس شوریٰ کے نگران حاجی مولانا محمد عمران عطاری مَدَّظِلُّہُ الْعَالِی نے بھی سنتوں بھرا بیان کرتے ہوئے فرمایا کہ درس نظامی ”معرفت الہٰی“ یعنی اللہ پاک کی پہچان کے لئے کرنا چاہیئے ۔ بندے کو جتنی رب کی معرفت ہوتی ہے وہ اسی قدر رب سے ڈرتا ہے۔ کائنات میں سب سے زیادہ معرفت الہٰی آقاکریم صلَّی اللہ علیہ واٰلہٖ وسلَّم کو حاصل تھی۔

بیان کے بعد عالمی مدنی مرکزفیضان مدینہ کراچی میں نگران شوریٰ حاجی مولانا محمد عمران عطاری، حاجی مفتی محمد حسان عطاری مدنی، مفتی جمیل عطاری، اراکین شوریٰ حاجی محمد امین عطاری، حاجی محمد علی عطاری، حاجی محمد عقیل عطاری مدنی، مدنی مرکز فیضان مدینہ ملتان میں اراکین شوریٰ حاجی محمد اسلم عطاری، حاجی محمد اسد عطاری مدنی ، مدنی مرکز فیضان مدینہ جوہر ٹاؤن لاہور میں مفتی محمد ہاشم خان عطاری، نگران پاکستان مشاورت حاجی محمد شاہد عطاری، حاجی یعفور رضا عطاری، حاجی محمد جنید عطاری مدنی، مدنی مرکز فیضان مدینہ گوجرانوالہ میں رکن شوریٰ حاجی محمد منصور عطاری ، مدنی مرکز فیضان مدینہ اسلام آباد میں رکن شوریٰ حاجی وقار المدینہ عطاری، اوکاڑہ کے نجی ہال میں رکن شوریٰ حاجی فضیل رضا عطاری، حیدر آباد رانی باغ عید گاہ میں اراکین شوریٰ حاجی اطہر عطاری، حاجی ایاز عطاری، حاجی فارق جیلانی عطاری اور فیصل آباد کے نجی ہال میں اراکین شوریٰ حاجی مولانا عبد الحبیب عطاری، حاجی امین قافلہ عطاری، گجرات میں رکن حاجی محمد اظہر عطاری اور ابوالبنتین حاجی محمد حسان عطاری مدنی، سمیت جامعۃ المدینہ کے اساتذۂ کرام نے فارغ التحصیل ہونے والے طلبہ کے سروں پر دستار سجائی۔

شعبہ دعوت اسلامی کے شب و روز کی ٹیم فارغ التحصیل ہونے والےان مدنی علمائے کرام کو مبارکباد پیش کرتی ہے اور دعاگو ہے کہ اللہ پاک انہیں اپنے علم پر عمل کرتے ہوئے دین ِمتین کی خدمت کرنے کی توفیق عطا فرمائے۔ اٰمِیْن بِجَاہِ خاتم ِالنَّبِیِّین صلَّی اللہ علیہ واٰلہٖ وسلَّم

پچھلے دنوں شعبہ تعلیم(دعوتِ اسلامی)کی زیرِ نگرانی ریجن ذمہ دار نے نگرانِ کابینہ سمیت دیگر ذمہ داران کے ہمراہ بورڈ آف انٹر میڈیٹ حیدرآبادکے چیئر مین محمد میمن سے ملاقات کی ۔

اس موقع پر ریجن ذمہ دار نے اجتماع ِمیلاد سمیت دیگراہم نکات پر گفتگو کرتے ہوئے انہیں دعوتِ اسلامی کی دینی وفلاحی خدمات کے بارے میں بریفنگ دی اور عالمی مدنی مرکز فیضانِ مدینہ کراچی وزٹ کرنے کی دعوت دی جس پر انہوں نے دعوتِ اسلامی کی خدمات کو سراہتے ہوئے اچھی اچھی نیتوں کا اظہار کیا۔

واضح رہے 12ربیع الاول کےموقع پرسنتوں بھرا اجتماع بورڈآف انٹر میڈیٹ میں منعقد کیا جائے گا۔(‫رپورٹ: شعبہ تعلیم ،کانٹینٹ:غیاث الدین عطاری)

دعوتِ اسلامی کے شعبہ تعلیم کےتحت ذمہ دارانِ دعوتِ اسلامی نے ایگری کلچر یونیورسٹی فیصل آباد اور مختلف کالجز کا دورہ کیا جہاں پرنسپلز و لیکچرار سے ملاقات کا سلسلہ رہا۔

ذمہ داراسلامی بھائیوں نےدعوتِ اسلامی کی دینی وفلاحی خدمات کے حوالےسے گفتگو کرتے ہوئے یونیورسٹی میں قراٰنِ پاک کی تعلیم شروع کرنےاور اخلاقیات کے بارے میں کلام کیا۔ اس دوران قراٰن خوانی کا اہتمام ہواجس کے اختتام پر نیاز بھی تقسیم کی گئی۔(‫رپورٹ: شعبہ تعلیم ،کانٹینٹ:غیاث الدین عطاری)

دعوتِ اسلامی کے شعبہ رابطہ برائے شخصیات کے ذمہ داراسلامی بھائیوں نے پچھلے دنوں اوتھل میں ڈپٹی ڈائریکٹر ایم ایم ڈی محمد زمان قلندرانی، لسبیلہ یونیورسٹی اوتھل کے اسسٹنٹ فار منیجر سعید احمد اور ڈی سی آفس کے غلام رسول رونجھو سے ملاقات کی۔

اس موقع پر ذمہ داران نے انہیں دعوتِ اسلامی کی دینی وفلاحی خدمات کے بارے میں بریفنگ دی اور 8 ،9 ،10 اکتوبر2021ءکو عالمی مدنی مرکز فیضانِ مدینہ کراچی میں بلوچستان سطح پر منعقد ہونےوالے سنتوں بھرے اجتماع میں شرکت کرنے کی دعوت دی جس پر انہوں اچھی اچھی نیتوں کا اظہار کیا۔(‫رپورٹ: شعبہ رابطہ برائے شخصیات بلوچستان،کانٹینٹ:غیاث الدین عطاری)

پچھلے دنوں صحبت پور ڈی ایس پی جان محمد کھوسہ کےبھتیجےکامران کھوسہ کا روڈ ایکسیڈنٹ میں انتقال ہوگیا ،اسی سلسلے میں دعوت اسلامی کے شعبہ رابطہ برائے شخصیات کےذمہ داران نے ڈی ایس پی سے تعزیت کرتے ہوئے انہیں صبر کی تلقین کی اور فاتحہ خوانی کا سلسلہ کیا۔

اس دوران بلوچستان ریجن ذمہ دار وقار عطاری اور رکن زون میڈیکل ڈیپارٹمنٹ حاجی غلام حیدر عطاری نے انہیں نیکی کی دعوت دیتے ہوئے عالمی مدنی مرکز فیضان مدینہ کراچی کے وزٹ کی دعوت پیش کی اور آئندہ ماہ کراچی میں ہونے والے ڈیرہ الہ یار زون کے 3 دن کے سنتوں بھرے اجتماع میں شرکت کرنےکی دعوت دی۔

بعدازاں ذمہ داراسلامی بھائیوں نےحادثے میں زخمی ہونے والی بچی سےعیادت کی ، نگران سبی کابینہ حاجی غلام حیدر عطاری نے بچی کو دم کیا اورصحت یابی کے لئے دعا بھی کروائی۔(‫رپورٹ: شعبہ رابطہ برائے شخصیات بلوچستان،کانٹینٹ:غیاث الدین عطاری)

دعوتِ اسلامی کے شعبہ رابطہ برائے شخصیات کے ذمہ داران نے 5اکتوبر2021ءبروزمنگل سندھ سیکریٹریٹ کا وزٹ کیاجہاں مختلف افسران سے ملاقات کا سلسلہ رہا جن میں  ایاز میمن(P&D Department Senior Chief Sports)، سلیم جلبانی (P&D Department Senior Chief Environment)، عاصم صدیقی(P&D Department Additional SecretaryAdmn)، وزیراحمد بروہی (Section Officer, Culture & Tourism Department)، ناصر نظامی(Section Officer, Culture & Tourism Department)، پرویز مغل(Section Officer Education Department)اور ندیم میمن(Superintendent, Culture &Tourism Department) شامل تھے۔

اس موقع پرذمہ دارانِ دعوتِ اسلامی نے پلاننگ ڈیپارٹمنٹ کے افسران سے ربیع الاول میں ان کے ڈیپارٹمنٹ میں سنتوں بھرے اجتماعِ میلاد کروانے کے حوالے سے مشاورت کی نیز عاصم صدیقی کو مدنی مرکزفیضانِ مدینہ وزٹ کی دعوت بھی پیش کی۔

بعدازاں ان افسران کوماہنامہ فیضانِ مدینہ تحفے میں دیا گیا۔(‫رپورٹ: شعبہ رابطہ برائے شخصیات ،کانٹینٹ:غیاث الدین عطاری)