دعوت اسلامی کے زیر اہتمام 3نومبر 2021ء کو گجرات میں تاجر اجتماع کا انعقاد کیا گیا جس میں بزنس مین اور مختلف شعبے سے وابستہ دیگر شخصیات نے شرکت کی۔

مرکزی مجلس شوریٰ کے رکن حاجی محمد اظہر عطاری نے سنتوں بھرا بیان کیا اور شرکا کو دعوت اسلامی کے دینی کاموں میں شرکت کرنے کے ساتھ ساتھ 7نومبر 2021ء کو ہونے والے ٹیلی تھون میں بھر پور حصہ ملانے کی ترغیب دلائی۔

30اکتوبر 2021ء کو دعوت اسلامی کے عالمی مدنی مرکز فیضان مدینہ کراچی میں ہفتہ وار مدنی مذاکرے کا انعقاد کیا گیا جس میں کثیر تعداد میں عاشقانِ رسول نے  فیضانِ مدینہ آکر جبکہ سینکڑوں مقامات پر ہزاروں عاشقان رسول نے بذریعہ مدنی چینل شرکت کی۔

مدنی مذاکرے میں امیر اہلسنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے عاشقان رسول کی جانب سے ہونے والے سوالات کے حکمت بھرے جوابات ارشاد فرمائے۔

مدنی مذاکرے کے چند مدنی پھول ملاحظہ کیجئے

سوال : مدنی مذاکرے سے زیادہ سے زیادہ فوائد کیسے حاصل کیے جاسکتے ہیں ؟

جواب : جو کام توجہ سے ہوتاہے اس سے زیادہ فوائد حاصل کئے جاسکتے ہیں ،توجہ اوراہتما م کے ساتھ مدنی مذاکرہ سناجائے ،غفلت کے ساتھ نہ سناجائے، مسلمانوں کو حکم ہے کہ وہ شریعت کی بات توجہ کے ساتھ سنیں ۔

سوال : کیا نام کے بھی اثرات ہوتے ہیں ؟

جواب: جی ہاں !نام کےبھی اثرات ہوتے ہیں ،نام اچھا ہوتوکام بھی اچھے ہوتے ہیں،اس اچھے نام کی برکتیں حاصل ہوتی ہیں ،انبیائے کرام ،صحابہ واہل بیت رضی اللہ عنہم اجمعین اوربزرگوں کے ناموں پر نام رکھنے کے فوائدملتے ہیں ، ناپسندیدہ لوگوں کے نام پرنام رکھا جائے توبچے کے کام بھی ناپسندیدہ ہوتے ہیں ۔

سوال: کیاعبادت مثلاً( ذکروغیرہ)بھی اس اندازسےہونی چاہئے کہ کسی کو تکلیف نہ پہنچے؟

جواب:جی ہاں !عبادت ہویا دنیا کا کوئی کام ،طواف ہویا بازارہماری ذات سے کسی کوتکلیف نہیں پہنچنی چاہئے ،بلکہ جان بوجھ کر ایساکام کرنے کی بھی اجازت نہیں جس سے بندے کی اپنی ذات کو تکلیف پہنچے ،مثلاً(اتنی بلندآوازسے ذکر کرناکہ جس سے گلے کو تکلیف ہو)وغیرہ

سوال : دعوتِ اسلامی سے وابستہ عاشقانِ رسول کی تعدادکتنی ہے؟

جواب: دعوتِ اسلامی سے لاکھوں کروڑوں بلکہ بے شمارعاشقانِ رسول وابستہ ہیں ۔

سوال : UK میں جامعۃ المدینہ سے فارغ التحصیل ہونے والوں کو امیراہل سنت دامت برکاتہم العالیہ نے کیا ارشادفرمایا ؟

جواب : درسِ نظامی کے بعد بھی مطالعہ جاری رکھیں ،آپ کو سرکارِاعلیٰ حضرت امام احمدرضا خان رحمۃ اللہ علیہ کی کتابیں پڑھنی ہیں ،علم کو باقی رکھنے کا اہم ذریعہ تدریس بھی ہے،درس ِنظامی پڑھانے کا سلسلہ شروع فرمائیں ، علم وہ دولت ہے جو خرچ کرنے سے بڑھتی ہے،اس میں مزید اضافہ ہوتاہے ،مدنی قافلے میں سفربھی کریں ،مدنی قافلہ عملی کام(Practical) کرنے کا بہترین ذریعہ ہے ،اس سےتجربات ہوتے ہیں ،تجربے سے بھی علم میں اضافہ ہے۔

سوال : دین پرعمل کرنے کی وجہ سے کوئی دل دکھائے تو کیا کریں ؟

جواب: صبرکیا جائے کیونکہ ہم لوگوں کی زبان تو پکڑنہیں سکتے ،صبرکرکے ثواب کمائیں ،بہرحال دل آزاری کرنے والے کو توبہ کرنی چاہئے ۔

سوال:کسی کی تکلیف دُورنہ کرسکیں تو کیا کریں ؟

جواب : اگر ہم کسی کی تکلیف دُورنہیں کرسکتے تو کم ازکم اس تکلیف میں اپنے قول یا فعل سے اضافہ نہ کریں ۔

سوال : کسی مسلمان کے بال سفیدہوجائیں تو اسے کیا فائدہ ہوتاہے ؟

جواب : سفید بال تو مسلمان کے لیے بزرگی ہے ، قیامت کے دن یہ اُس کے لیے نورہوگا،حدیث پاک میں ہے کہ بالوں کا سفید ہونا مسلمان کے لیے نور ہےجس کا حالتِ اسلام میں ایک بال سفید ہوتا ہے تو اس کی وجہ سے اللہ پاک اس کے لیے ایک نیکی لکھ دیتاہے اور اس کا ایک گناہ مٹا دیتا ہے اور اس کا ایک درجہ بلند کر دیتا ہے۔ '' (ابو داود :4202،ابن حبان :2985)

سوال: اِس ہفتے کارِسالہ" کس کس کو عیب بتاسکتے ہیں "پڑھنے یاسُننے والوں کو امیرِاہلِ ِسُنّت دامت برکاتہم العالیہ نے کیا دُعا دی ؟

جواب: یا ربَّ المصطفٰے! جو کوئی 17 صفحات کا رسالہ ”کس کس کو عیب بتاسکتے ہیں“ پڑھ یا سن لے، اُسے اپنی زبان درست استعمال کرنے کی توفیق عطا فرماکر جنت الفردوس میں اپنے پیارے پیارے آخری نبی صلَّی اللہ علیہ واٰلہٖ وسلَّم کا پڑوس نصیب فرما۔ اٰمِیْن بِجَاہِ خاتم النَّبیّن صلَّی اللہ علیہ واٰلہٖ وسلَّم ۔

گزشتہ دنوں اسپیشل پرسنز ڈیپارٹمنٹ (دعوت اسلامی )کے زیرِاہتمام دیوانِ خاص قذافی اسٹیڈیم لاہور میں اسپیشل پرسنز کےلئے اجتماعِ میلاد منعقد کیا گیا جس میں ڈویژن نگران، نگران ِکابینہ اور شمالی زون ذمہ دار عبدالوارث عطاری سمیت دیگرذمہ داران نےشرکت کی۔

اجتماعِ پاک کاآغاز تلاوت ِ قراٰنِ پاک سےہوا جبکہ احمد رضا عطاری نےبارگاہِ رسالت ﷺ میں نعتِ رسولِ مقبول پڑھی۔

اس موقع پر ریجن ذمہ دار ایف جی آر ایف افضل عطاری نے ’’فضائل صدقات ‘‘کے موضوع پر سنتوں بھرا بیان کرتےہوئےوہاں موجود اسلامی بھائیوں کی تربیت ورہنمائی کی،اجتماع ِ پاک کےآخر میں دعا بھی سلسلہ رہا۔

واضح رہے اس اجتماعِ پاک کی اشاروں کی زبان میں رکنِ ریجن اسپیشل پرسنز ڈیپارٹمنٹ لاہور محمد علی عطاری، رکنِ زون محمد سہیل عطاری اور مدثر عطاری مدنی نےترجمانی کی۔(رپورٹ: محمد سمیر ہاشمی عطاری اسپیشل پرسنز ڈیپارٹمنٹ ،کانٹینٹ:غیاث الدین عطاری)

پچھلے دنوں دعوت اسلامی کے اسپیشل پرسنز ڈیپارٹمنٹ کے تحت 12دن کا اشاروں کی زبان کا کورس منعقدہوا جس میں معلم کورس  محمد بدر عطاری نے شرکائےکورس کو اشاروں کی زبان میں نعت خوانی،سنتوں بھرےبیان،ذکر ودعا اور صلوۃ وسلام پڑھنےکاطریقہ بتایا۔

اس دوران مبلغِ دعوتِ اسلامی نے اسلامی بھائیوں کو اسپیشل پرسنز میں12 دینی کام کرنے کا طریقہ سیکھایا ۔ (رپورٹ: محمد سمیر ہاشمی عطاری اسپیشل پرسنز ڈیپارٹمنٹ ،کانٹینٹ:غیاث الدین عطاری)

دعوتِ اسلامی کے تحت29 اکتوبر 2021 ءبروز جمعہ مظفر آباد زون کی کیل کابینہ  میں مدنی مشورے کاانعقاد ہوا جس میں مقامی ذمہ دار اسلامی بہنوں نے شرکت کی۔

اسلام آباد ریجن نگران اسلامی بہن نے سنتوں بھرا بیان کیا۔بیان کے بعد دینی کام کرنے والی اسلامی بہنوں کو ٹیلی تھون کے سلسلے میں مدنی چینل پر چلنےوالی نشریات سننے کی ترغیب دلائی نیز دو نئےمقامات پر ہفتہ وار سنتوں بھرےاجتماعات کے آغاز کی ترغیب دلائی۔ اس سلسلے میں ہونے والے اہم دینی کاموں سے متعلق ترغیبی نکات بھی بیان کئے۔ ہفتہ وار اجتماع کا شیڈول سمجھایا اور وقت پر کابینہ نگران اسلامی بہن کو کارکردگی دینے کا ذہن بھی دیا۔ چار اسلامی بہنوں نے 15 نومبر 2021ء سے مدرسۃالمدینہ گرلز کے تحت ہونے والے کورس میں اور دو اسلامی بہنوں نے مظفر آباد دارالسنہ للبنات میں ہونے والے کورسز کرنے کی نیتیں بھی پیش کیں۔

٭اسی طرح دعوتِ اسلامی کے تحت 28 اکتوبر 2021 ء بروز جمعرات مظفر آباد زون کی نیلم کابینہ میں مدنی مشورے کاانعقاد ہوا جس میں کابینہ و ڈویژن سطح تک کی ذمہ داراسلامی بہنوں نے شرکت کی ۔

ریجن نگران اسلامی بہن نے ٹیلی تھون کے نکات سمجھائے نیز اس سلسلے میں ہونے والے اہم دینی کاموں سے متعلق ترغیبی مدنی پھول بیان کرتے ہوئے اس کے اہداف دئیے جبکہ کابینہ نگران اسلامی بہن سے مختلف دینی کاموں کی کارکردگی سے متعلق کلام بھی کیا ۔ اس کے علاوہ دینی کاموں کو مضبوط کرنے کے لئے ہاتھوں ہاتھ 8 اسلامی بہنوں کا تقرر کر کے ان کو دینی کام سمجھائے۔

شعبہ رابطہ برائے شخصیات کے تحت یکم نومبر 2021 ء کو حیدرآباد زون میں  28 مقامات پر ٹیلی تھون کے سلسلے میں شخصیات اجتماعات منعقد کئے گئے جن میں مختلف شعبوں سے تعلق رکھنے والی شخصیات خواتین نے شرکت کی۔

ریجن ذمہ داراسلامی بہن نے’’ سیرت مصطفی ﷺ اور فضائل صدقات‘‘ کے موضوع پر سنتوں بھرا بیان کیا۔ دوران بیان راہِ خدا میں خرچ کرنے کا ذہن دیاجس پر شخصیات خواتین نے ہاتھوں ہاتھ یونٹس کے ساتھ گولڈ کی جیولری ،کنگن، ٹوپس وغیرہ جمع کروائے مزید یونٹس جمع کروانے کی نیتیں بھی پیش کیں۔

 دعوت اسلامی کے شعبہ تعلیم کے تحت 31 اکتوبر 2021ء بروز اتوار لاڑکانہ زون کی لاڑکانہ کابینہ کی واڑھ ڈویژن میں دینی حلقے کاانعقاد ہوا جس میں مقامی ذمہ دار ،ٹیچرز،نرس اور طالبات اسلامی بہنوں نے شرکت کی ۔

کابینہ ذمہ داراسلامی بہن نے دعوت اسلامی کے شعبہ جات کا تعارف پیش کروایا جس میں دعوت اسلامی کے دو اہم شعبے جامعۃ المدینہ و مدرسۃ المدینہ کے بارے میں بتاتےہوئے اسلامی بہنوں کو ٹیلی تھون مہم میں حصہ ملانے کا ذہن دیا ۔

٭علاوہ ازیں دعوت اسلامی کے تحت یکم نومبر2021ء کو نواب شاہ زون کی نواب شاہ کابینہ کے ڈویژن میں اجتماع میلاد کا انعقاد کیا گیا جس میں ریجن نگران نے ’’ امت محمد صلی اللہ علیہ وسلم کی خصوصیات‘‘کے موضوع پر بیان کیا ۔

٭ دوسری طرف دعوت اسلامی کے شعبہ تعلیم کے تحت 01 نومبر 2021ء کو میرپور خاص زون کی میر پور خاص کابینہ میں اہل ثروت اسلامی بہن کے گھر محفلِ میلاد منعقد ہوئی جس میں ذمہ دار اسلامی بہنوں سمیت تعلیمی ادارے سے تعلق رکھنے والی 2 ٹیچرز، 1 ہیلتھ ورکر اور تقریباً 3 طالبات نے شرکت کی ۔

اس موقع پرمبلغہ دعوت اسلامی نے سنتوں بھرا بیان کیا اور محفل نعت میں شریک اسلامی بہنوں کو مدنی مذاکرہ دیکھنے ،ٹیلی تھون میں حصہ ملانےکا ذہن دیا جس پر اسلامی بہنوں نے اچھی اچھی نیتوں کا اظہار کیا۔

٭اسی طرح شعبہ تعلیم کے تحت 30 اکتوبر2021ء کو نواب شاہ زون کی شھداد پور کابینہ عظیم کالونی گاؤں میں محفل میلاد کاانعقاد کیا گیاجس میں ٹیچرز،لیڈی ڈاکٹر سمیت کم و بیش 100 اسلامی بہنوں نے شرکت کی۔

ریجن ذمہ دار اسلامی بہن نے’’ سیرت النبی صلی اللہ علیہ وسلم‘‘ کے موضوع پر سنتوں بھرا بیان کیا اور اسلامی بہنوں کو دینی کاموں میں حصہ لینے کاذہن دیا نیز مدنی مذاکرہ دیکھنے اور ہفتہ وار سنتوں بھرےاجتماع میں شرکت کرنےکی ترغیب بھی دلائی۔ آخر میں مکتبۃ المدینہ کے مطبوعہ رسائل بھی تحفے میں پیش کئے گئے۔

دعوتِ اسلامی کے زیر  اہتمام یکم نومبر 2021ء کو میر پور کشمیر زون کی ہجیرہ کابینہ میں مدنی مشورے کا انعقاد ہوا جس میں کم و بیش 25 اسلامی بہنوں نے شرکت کی۔

اسلام آباد ریجن نگران اسلامی بہن نے ’’سستی کے نقصانات‘‘کے موضوع پر ترغیبی بیان کیانیز مختلف کارکردگیوں کا جائزہ لیا اور ٹیلی تھون سے متعلق اہم نکات بیان کئے۔ بعدازاں ٹیلی تھون میں پچھلے سال سے زیادہ ڈونیشن کرنے کی ترغیب دلائی جس پر اسلامی بہنوں نے اچھی اچھی نیتوں کا اظہار کیااوراہداف بھی دئیے۔

دعوتِ اسلامی کے زیر اہتمام یکم  نومبر 2021ء کو (جھنگ زون علاقہ سول لائن، بھوانہ کابینہ کی ڈویژن ونوکہ، منکیرہ کابینہ کی ڈویژن 214 پلی، لاڑکانہ کابینہ کی واڑھ ڈویژن، کلفٹن کابینہ ڈویژن کلفٹن) میں محافل ِمیلاد کا انعقاد ہوا جن میں مقامی ذمہ دار سمیت عوام اسلامی بہنوں نے شرکت کی۔

مبلغات دعوت اسلامی نے ’’ سیرت النبی صلی اللّٰہ علیہ وسلم ‘‘کے موضوع پر سنتوں بھرا بیان کیا۔ اس کے علاوہ اسلامی بہنوں کو علم دین سیکھنے اور اسلامی بہنوں کےمدرسۃ المدینہ میں پڑھنے کاذہن دیا۔مزید ہفتہ وار سنتوں بھرے اجتماع میں شرکت کرنے اور ٹیلی تھون میں حصہ ملانے کی ترغیب دلائی جس پر اسلامی بہنوں نے اچھی اچھی نیتوں کا اظہار کیا۔

دعوتِ اسلامی کے  شعبہ مکتبۃ المدینہ (اسلامی بہنیں) کےزیر اہتمام یکم نومبر 2021ء کوجھنگ زون میں بذریعہ کال مدنی مشورہ ہوا جس میں چنیوٹ اور لالیاں کابینہ کی ذمہ داراسلامی بہنوں نے شرکت کی ۔

رکن زون ذمہ دار اسلامی بہن نے ہفتہ وار دینی کاموں کی انٹری کے حوالے سے کلام کیا اور ذمہ داراسلامی بہنوں کو ٹیلی تھون عطیات مہم کی لنک پر انٹری کرنے سے متعلق تربیت کی۔ مزیدمکتبۃ المدینہ وتقسیم رسائل کی ماہانہ کارکردگی وقت پر جمع کروانے کی ترغیب دی اور بستوں کی تعداد کو بڑھانے کے حوالے سے ہدف بھی دیا جس پر اسلامی بہنوں کی طرف سے اچھی نیتوں کا اظہار کیا گیا۔

دعوتِ اسلامی کے زیر اہتمام 30 اکتوبر 2021ء کو  بذریعہ مدنی چینل نگران شوریٰ مولانا محمد عمران عطاری کاسنتوں بھرا بیان ہو اجس میں مدنی چینل پر (فرید کوٹ کے ذیلی حلقہ جامعہ سلطانیہ، لیہ زون جامعہ فاطمۃالزہراء، جھنگ کابینہ میں 3 مقامات پر، جھنگ زون اور بھوانہ کابینہ) کی تقریباً 262 اسلامی بہنوں نے سننے کی سعادت حاصل کی ۔

اس موقع پر نگران شوریٰ نے ’’ ٹیلی تھون ‘‘ کےموضوع پر بیان کیاجس میں مدارس المدینہ و جامعۃ المدینہ کےنظام کو چلانے کےحوالے سےاور علم دین کو معاشرے میں مزید عام کرنےکے ٹیلی تھون میں اپنا حصہ ملانےکاذہن دیا اور دعوت اسلامی کے ساتھ دیگر دینی کاموں میں تعاون کرنے کی ترغیب دلائی ۔

دعوتِ اسلامی کے شعبہ رابطہ برائے شخصیات کے تحت یکم نومبر 2021ء  کو فیصل آباد ریجن میں بذریعہ کال مدنی مشورے کا انعقاد ہوا جس میں فیصل آباد ریجن و زون سطح کی ذمہ داراسلامی بہنوں نے شرکت کی۔

پاکستان سطح ذمہ دار اسلامی بہن نے اسلامی بہنوں کو کارکردگی شیڈول مضبوط کرنے کا ذہن دیا اور انہیں تقرری مکمل کرنے نیز ماہانہ کارکردگی کو بہتر کرنے کے حوالے سے مدنی پھول دیئے جس پر اسلامی بہنوں نے اچھی اچھی نیتوں کا اظہار کیا۔

٭دوسری جانب دعوت اسلامی کے شعبہ رابطہ برائے شخصیات کے تحت 31 اکتوبر 2021ء کو ملتان ریجن گلگشت کابینہ کی نادرن بائی پاس ڈویژن بی جے مارکی میں محفل نعت کا انعقاد ہواجس میں وکلاکے گھر کی خواتین سمیت 150 سے زائد شخصیات خواتین نے شرکت کی۔

پاکستان ذمہ دار اسلامی بہن نے دعوت اسلامی کا تعارف کروایا اور اسلامی بہنوں کو مدنی چینل دیکھنے کی ترغیب دلائی جبکہ آخر میں تقسیم رسائل کا سلسلہ بھی ہوا۔