گزشتہ دنوں دعوتِ اسلامی کے شعبہ رابطہ بالعلماء کےتحت ذمہ داراسلامی بھائیوں نے دیال سنگ کالج کے پروفیسر مولانا عطاء الرحمن رضوی صاحب سے ان کی رہائش گاہ پر ملاقات کی۔

نگران شعبہ مولانا محمد افضل عطاری مدنی اور ناظمِ ماہنامہ فیضان مدینہ مولاناراشد عطاری مدنی نےانہیں دعوتِ اسلامی کی دینی وفلاحی سرگرمیوں کےبارےمیں بتایا۔

پچھلےدنوں دعوتِ اسلامی کےزیرِاہتمام کامسیٹس یونیورسٹی ساہیوال میں عظیم ُالشان محفلِ میلادکاانعقاد ہوا جس میں ڈائریکٹر کیمپس پروفیسر ڈاکٹر نذیر احمد ظفر،ہیڈ آف ڈیپارٹمنٹس، فیکلٹی ، ساہیوال کے مختلف کالجز کے پرنسپلز اور کثیر تعداد میں اسٹوڈنٹس نے شرکت کی۔

دعوتِ اسلامی کےشعبہ جامعۃالمدینہ کےتحت 4نومبر2021ءبروزجمعرات نگرانِ شعبہ جامعۃ المدینہ  (بوائز )مولانا ظفر بشیر عطاری مدنی کا فیصل آبادریجن کا جدول رہا جس میں انہوں نے فیصل آباد ریجن کے اکثر جامعات المدینہ کادورہ کیا۔

اس موقع پرنگرانِ شعبہ نے طلبۂ کرام واساتذہ ٔکرام کے درمیان سنتوں بھرا بیان کرتےہوئےاُن کی تعلیمی ، تنظیمی ، اخلاقی اور انتظامی حوالےسےتربیت کی، ٹیلی تھون میں زیادہ سےزیادہ یونٹ جمع کرنےکاذہن دیا۔ نگرانِ شعبہ نے طلبۂ کرام کےساتھ بارگاہِ رسالتﷺمیں نعت رسولِ مقبولﷺبھی پیش کی۔

دوران شیڈول رکنِ شعبہ فیصل آباد ریجن جامعۃ المدینہ مولانا سیّد محمدناظم شاہ عطاری مدنی کے ہمراہ مختلف شخصیات سےملاقات کرتےہوئے انہیں ٹیلی تھون میں بڑھ چڑھ کراپناحصہ ملانےکا ذہن دیا جس پرانہوں نےاچھی اچھی نیتوں کااظہارکیا۔

بعدازاں نگران شعبہ نے مدنی مرکزفیضانِ مدینہ فیصل آباد میں نگرانِ شعبہ تعلیمی امور مولانا حاجی گل رضا عطاری مدنی سے ملاقات کی ، اکثر ناظمین ِکرام اور اساتذہ ٔکرام نے ٹیلی تھون کے حوالے سے اچھی اچھی نیتوں کا اظہار کیا اور ہاتھوں ہاتھ یونٹس جمع کروائے۔(رپورٹ: محمد امیر حمزہ عطاری پروجیکٹ منیجر آئی ٹی ڈیپارٹمنٹ آف جامعۃ المدینہ بوائزپاکستان،کانٹینٹ:غیاث الدین عطاری)

گزشتہ دنوں  مرکزی مجلسِ شوریٰ کے رکن حاجی محمداسد عطاری مدنی کا دینی کاموں کےسلسلےمیں کراچی ریجن کا شیڈول رہا جس میں انہوں نے کراچی ریجن کے اکثر جامعات المدینہ میں طلبۂ کرام واساتذہ ٔکرام کے درمیان سنتوں بھرےبیانات کئے۔

اس موقع پرسنتوں بھرےاجتماع کااہتمام کیاگیاجس میں رکنِ شوریٰ نے اساتذۂ کرام و طلبۂ کرام میں علم ِ دین کی محبت کو اجاگر کرنے اور ٹیلی تھون کے حوالے سے بیان کرتےہوئےاُن کی تعلیمی ، تنظیمی ، اخلاقی اور انتظامی حوالےسے تربیت کی نیزٹیلی تھون میں بڑھ چڑھ کر حصہ لینے اور اس میں بھرپور تعاون کرنے کا ذہن دیا جس پر شرکائےاجتماع نے اچھی اچھی نیتوں کااظہارکیا۔

اسی طرح رکنِ شوریٰ نے مولانا سیّد محمدساجد عطاری مدنی( رکنِ شعبہ کراچی ریجن جامعۃ المدینہ بوائز )کے ہمراہ مختلف شخصیات سے ملاقات کی۔ دوران ملاقات رکنِ شوریٰ نے شخصیات کو جامعۃ المدینہ کا تعارف پیش کرتےہوئے ٹیلی تھون کے حوالے سے ذہن سازی کی اور شخصیات کو دعاؤں سے نوازا۔

دعوتِ اسلامی کےتحت گزشتہ دنوں اوتھل ڈویژن کے ذمہ داران کامدنی مشورہ منعقدہواجس میں ائمہ ٔکرام کے ذمہ دارو رکن ِزون نور محمد عطاری،اصلاح اعمال کے ذمہ دارورکنِ زون عبدالصمد عطاری، ڈویژن نگران ومشاورت اورعلاقہ نگران سمیت مدرسۃالمدینہ کے ناظم نے شرکت کی۔

اس موقع پرنگرانِ کابینہ گلفام عطاری نےدعوتِ اسلامی کے12دینی کاموں کاجائزہ لیتےہوئےدینی کاموں میں مزید بہتری لانےکاذہن دیا۔ ذمہ داراسلامی بھائی نےہفتہ وارسنتوں بھرےاجتماع اورمدنی مذاکرےمیں زیادہ سے زیادہ تعداد میں اسلامی بھائیوں کو شرکت کروانے کی ترغیب دلائی۔

اس کےعلاوہ دعوتِ اسلامی کےشعبےجامعۃالمدینہ،مدرسۃالمدینہ اورکنزالمدارس بورڈکےجملہ اخرجات کےلئےہونےوالےٹیلی تھون میں عطیات جمع کروانے کی ترغیب دلائی جس پروہاں موجوداسلامی بھائیوں نےاچھی اچھی نیتوں کااظہارکیا۔(رپورٹ: جہاں زیب عطاری میڈیا ڈیپارٹمنٹ لسبیلہ کابینہ،کانٹینٹ:غیاث الدین عطاری)

پچھلے دنوں دعوتِ اسلامی کےشعبہ رابطہ برائے تاجران کےذمہ دار ندیم عطاری (نگران شعبہ پاکستان)نےدیگر ذمہ داران کےہمراہ کرغستان سے آئے ہوئے علمائےکرام کےوفد کا لاہور ایئرپورٹ پر استقبال کیا اور ان سے ملاقاتیں کیں۔

اس دوران مرکزی مجلسِ شوریٰ کےرکن حاجی یعفور رضا عطاری بھی موجود تھے ، مختلف شخصیات کے ہاں دینی حلقوں کاسلسلہ ہوا جس میں کرغستان کے علمائےاکرام نے شرکت کی۔

رکنِ شوریٰ نے علمائے اکرام کودعوتِ اسلامی کی دینی وفلاحی سرگرمیوں اور شعبہ رابطہ برائے تاجران کے حوالے سے بریفنگ دی جس پر انہوں نےدعوتِ اسلامی کی کاوشوں کوسراہا۔(رپورٹ: عبدالرسول عطاری آفس ذمہ دار شعبہ رابطہ برائے تاجران ،کانٹینٹ:غیاث الدین عطاری)

بچوں کی تربیت کب کی جائے؟ کیسے کی جائے؟کس طرح بچوں کو بااخلاق  بنایا جائے؟یہ سب سوالات والدین کے ذہنوں میں گردش کرتے رہتے ہیں، اکثر والدین ذہن میں موجود سوالات کی اُلجھن سلجھانے کےلئے بڑے جتن کرتے ہیں لیکن پھر بھی خاطر خواہ کامیابی نہیں ہوتی ہےجس کی وجہ صرف یہ کہ تربیت ِاطفال (بچوں کی تربیت)کےلئے والدین کو خود تربیت کی ضرورت ہوتی ہے ۔

اسلام کے نظام ِتربیت میں والدین کو اولاد کی تربیت کی حوالے سے بہترین رہنمائی ملتی ہے لیکن اس تربیت کے اسلوب کووالدین خود کیسے سیکھیں؟ اس قسم کی پریشانیوں سے چھٹکارا دلانے کےلئے دعوت اسلامی کے انفارمیشن ٹیکنالوجی ڈیپارٹمنٹ نے ایک ایسی Mobile Applicationبنام ’’ کلمہ اینڈ دعا ‘‘ ایپ متعارف کروائی ہے جس میں ہر عمر کے بچے کی تربیت سے متعلق اسلام کی روشن تعلیمات کو پیش کیاگیا ہے ۔

کلمہ اینڈ دعا موبائل Applicationبنانے کا مقصد بچوں کی دینی و اخلاقی لحاظ سے تربیت کرنا اور والدین کے لئے بچوں کی عمر کے لحاظ سے گائیڈ لائن فراہم کرنا ہے ۔اس Applicationمیں بچوں کی نفسیات کو مد نظر رکھتے ہوئے سنتیں ، آداب ، کلمہ اور دعا اردو، انگلش ترجمے کے ساتھ دیا گیا ہے تاکہ اس Applicationسے ناصرف بچے مستفید ہوں بلکہ والدین بھی تربیت کے بہترین مدنی پھول حاصل کرسکیں۔

آئی ٹی ڈیپارٹمنٹ دعوت اسلامی نے کلمہ اینڈ دعا موبائل Applicationمیں مکمل چھے کلمے بامحاور ہ ترجمے اورلفظ بلفظ ادائیگی کے ساتھ پیش کئے ہیں،اٹھنے بیٹھنے، سونے جاگنے ،کھانے پینے وغیرہ کی سنتیں اور آداب بھی اس ایپ میں موجود ہیں، بچوں کے لئے بچوں کا مشہور پروگرام غلام رسول کی اینیمیٹڈ ویڈیو ز (Animated videos)کے ذریعے اس Mobile app میں دلچسپی پیدا کی گئی ہےنیز والدین کے لئے بہترین گائیڈ بھی موجود ہے جس کی مدد سے وہ اپنے بچوں کی تربیت کےلئے رہنمائی بھی لے سکتے ہیں۔آج ہی اس ایپ کو ڈاؤن لوڈ کیجئے اور بچوں کی تربیت کے حوالے سے پریشا ن ہونے سے بچیئے۔ (رپورٹ: نعمان عطاری شعبہ آئی ٹی،ویب ڈیسک رائٹر:غیاث الدین عطاری)

link

https://play.google.com/store/apps/details?id=com.dawateislami.kidsapplication

دعوتِ اسلامی کے شعبہ  اصلاح اعمال (اسلامی بہنیں ) کے زیر اہتمام 30 اکتوبر 2021ء کو ناظم آباد کابینہ ڈویژن بفرزون کراچی میں مدنی مشورہ منعقد ہواجس میں علاقہ تا ذیلی سطح تک کی اسلامی بہنوں نے شرکت کی۔

کابینہ ذمہ دار اسلامی بہن نے مدنی مذاکرہ کارکردگی پر توجہ دلائی اور کارکردگی شیڈول کے حوالے سے کلام کرتے ہوئے اسے بہتر بنانے کے طریقہ بتانے کے ساتھ ساتھ اصلاح اعمال اجتماعات میں مزید بہتری لانے کا ذہن دیا نیز تقرریاں مکمل کرنے کا ہدف بھی دیا جس پر اسلامی بہنوں نے اچھی نیت کا اظہار کیا۔

دعوتِ اسلامی کے تحت 30اکتوبر 2021ء کوکراچی ایسٹ زون 2 ناظم آباد کابینہ ڈویژن بفرزون میں مدنی مشورےکاانعقاد ہوا جس میں  مقامی ذمہ دار اسلامی بہنوں نے شرکت کی ۔

زون نگران اسلامی بہن نے’’ صدقہ کی فضیلت ‘‘ کے موضوع پر بیان کیا اور جامعۃ المدینہ اور کنز المدارس بورڈ کے بارے میں معلومات فراہم کرتےہوئے اسلامی بہنوں کوٹیلی تھون کے لئے زیادہ سے زیادہ انفرادی کوشش کرنے کی ترغیب دلائی نیز اس سے متعلق نکات بھی بتاتے اور بلڈنگ ذمہ دار مقرر کرنے،صبح کے اوقات میں بھی ہفتہ وار سنتوں بھرے اجتماعات کا آغاز کرنے کی ترغیب دلائی۔

دعوتِ اسلامی کے تحت 30 اکتوبر 2021ء  بروز ہفتہ لیبر اسکوائر اورسائٹ ایریا میں شخصیات اجتماعات کا انعقاد کیا گیا ایک مقام پر 18 اور دوسرے مقام پر 14اسلامی بہنوں نے شرکت کی۔

ایک مقام لیبر اسکوائر میں زون مشاورت علاقائی دورہ ذمہ دار اسلامی بہن نے ’’صدقے کے فضائل‘‘ کے موضوع پر بیان کیا اور دوسرے مقام پر کابینہ نگران اسلامی بہن نے سنتوں بھرا بیان کیا۔ دونوں مقامات پر اسلامی بہنوں کو 7نو مبر 2021ء بروز اتوار ہونے والی ٹیلی تھون مہم میں حصہ لینےکا ذہن دیا اور انہیں ہفتہ وار سنتوں بھرے اجتماع میں شرکت کرنے کی ترغیب دلائی جس پر اسلامی بہنوں نے اچھی اچھی نیتوں کا اظہار کیا۔

دعوتِ اسلامی کے شعبہ رابطہ برائے شخصیات (اسلامی بہنیں) کے تحت ٹیلی تھون کے حوالے سے علاقہ سولجر بازار خزائن العرفان کراچی میں شخصیات اجتماع کاانعقادہواجس میں تقریباً 110اسلامی بہنوں نے شرکت کی ۔

عا لمی مجلس مشاورت ذمہ دار اسلامی بہن نے سنتوں بھرا بیان کیا اور ٹیلی تھون جمع کرنے کے حوالے سے اسلامی بہنوں کی ذہن سازی کی نیز ہفتہ وارسنتوں بھرے اجتماع کی پابندی کرنے نیز مدنی مذاکرہ دیکھنے کی ترغیب بھی دلائی جس پر اسلامی بہنوں نے اچھی اچھی نیتوں کااظہارکیا۔

دعوتِ اسلامی کے شعبہ رابطہ برائے شخصیات  کے زیرِ اہتمام 30 اکتوبر 2021ء بروز ہفتہ اسلامی بہنوں کا ٹیلی تھون کے سلسلے میں ابن مصطفی بینکوئیٹ ہال (Banquet Hall) میں شخصیات اجتماع منعقد کیا گیا جس میں تقریباً 22 شخصیات اسلامی بہنوں نے شرکت کی۔

اس موقع پر کابینہ ذمہ دار اسلامی بہن نے ’’صدقہ و خیرات کے فضائل‘‘ کےموضوع پر بیان کیا اور دعوت اسلامی کی کاوشوں کے بارے میں بتاتے ہوئے اسلامی بہنوں کو ٹیلی تھون مہم میں حصہ ملانے کی ترغیب دلائی۔آخر میں شخصیات اسلامی بہنوں میں رسائل بھی تقسیم کئے۔